20 ფილმი, რომლებიც აუცილებლად უნდა ნახოთ - ქართული, ამერიკული და ევროპული კინოშედევრები
3 069 ნახვა
ეს ფილმები აუცილებლად უნდა ნახოთ; ზოგიერთი დაგაფიქრებთ, ზოგი გაგაცინებთ, გაგართობთ, ზოგიც დაგანაღვლიანებთ... მაგრამ ყველა გაზიარებთ იმ მშვენიერ სამყაროს, რომელსაც კინო ჰქვია.
ქართული კინო
რასაკვირველია, ვიწყებთ ჩვენი ფილმებით, რომლებიც მსოფლიოს კინოშედევრებს არ ჩამოუვარდება.
1. ნატვრის ხე
„ნატვრის ხე“ უდავოდ მსოფლიოს კინოშედევრია და არა მხოლოდ ქართული კინოს კლასიკა, როგორც ბევრმა აღიარა. ეს სურათი თენგიზ აბულაძემ 1976 წელს გადაიღო გიორგი ლეონიძის მოთხრობების მიხედვით. სცენარის ავტორები რევაზ ინანიშვილი და თავად თენგიზ აბულაძე იყვნენ. ფილმი კინოსტუდია „ქართულ ფილმში“ გადაიღეს.
„ნატვრის ხე“ ტრილოგიის ნაწილია. ტრილოგიის ფილმებია თენგიზ აბულაძის კიდევ ორი შედევრი „ვედრება“ და „მონანიება“.
2. ჯარისკაცის მამა
„ჯარისკაცის მამა“ რეზო ჩხეიძის კინოშედევრია. ის რეჟისორმა 1964 წელს გადაიღო სულიკო ჟღენტის სცენარის მიხედვით. ფილმში მთავარ როლს თამაშობს ყველა დროის ერთერთი უდიდესი ქართველი მსახიობი სერგო ზაქარიაძე.
ფილმის ზოგიერთი სცენა განსაკუთრებულად დასამახსოვრებელი და ემოციურია. ყველაზე შთამბეჭდავი კი კახელი გლეხისა და ვაზის ურთიერთობის ეპიზოდია.
3. არ დაიდარდო!
„არ დაიდარდო!“ 1969 წელს რეჟისორმა გიორგი დანელიამ გადაიღო რეზო გაბრიაძის სცენარის მიხედვით. მუსიკა კი, ისევე, როგორც ბევრი ქართული გენიალური კინოსურათისა, გია ყანჩელმა დაწერა.
4. ცისფერი მთები, ანუ დაუჯერებელი ამბავი
„საიდან შეგაქანათ, მარცხნიდან თუ მარჯვნიდან?“ „გაიტანეთ გრენლანდია!“ „გივი, ჩვენ ვართ, გივი!“ „მე ტანკისტი ვიყავი ომამდე...“ ეს და კიდევ ბევრი ფრაზა ელდარ შენგელაიას მიერ 1983 წელს გადაღებული ფილმიდან დღესაც პოპულარულია, ისევე, როგორც ფილმი და მასში წამოჭრილი თემები სამსახურებრივი გულგრილობა, უსასრულო ერთფეროვნება, კონფორმიზმი, შემოქმედებითი კრიზისი, ერთი გამომცემლობის ყოველდღიური ამბები კი დღემდე იზიდავს მაყურებელს.
სცენარის ავტორია რეზო ჭეიშვილი, დამდგმელი ოპერატორი ლევან პაატაშვილი. ფილმში ჟღერს გია ყანჩელის შესანიშნავი მუსიკა.
5. გიორგობისთვე
გიორგობისთვე ქართული და მსოფლიო კინოს კიდევ ერთი გამორჩეული რეჟისორის, ოთარ იოსელიანის ფილმია. მაყურებელს იგი განსაკუთრებით უყვარს. 1966 წელს გადაღებულმა ფილმმა ჟორჟ სადულის სახელობის პრემია მიიღო.
6. „მამლუქი“
რეჟისორმა დავით რონდელმა 1958 წელს უიარაღოს (კონდრატი თათარაშვილის) ნაწარმოების მიხედვით გადაიღო ფილმი „მამლუქი“. ეს ერთ-ერთი საუკეთესო ქართული ისტორიული დრამაა, პატრიოტული სულისკვეთებით აღსავსე.
7. უძინართა მზე
1992 წელს რეჟისორ თემურ ბაბლუანის გადაღებულმა დრამამ კვლავ შეახსენა ქართული კინოს სახელი მსოფლიოს. ფილმმა მიიღო რუსეთის „კინოტავრის“ მთავარი ჯილდო, ელგუჯა ბურდულმა რუსეთის კინოაკადემიის მთავარი პრიზი „ნიკა“ მამაკაცის როლის საუკეთესო შესრულებისთვის, თეიმურაზ ბაბლუანმა კი ჯილდო საუკეთესო რეჟისურისა და საუკეთესო სცენარისთვის. 1993 წელს ბერლინის 43ე საერთაშორისო კინოფესტივალზე ფილმმა „ვერცხლის დათვი“ დაიმსახურა, სანრაფაელში 1994 წელს გამართულ კინოფესტივალზე ჟიურის სპეციალური პრიზი, თბილისში ქართული ფილმების I რესპუბლიკურ კინოფესტივალზე ("ოქროს არწივი") კი მთავარი პრიზი და დიპლომი. 1995 წელს ფილმს რუსთაველის სახელობის სახელმწიფო პრემია მიენიჭა.
ამერიკული კინო
8. „ქარწაღებულნი“
ვიქტორ ფლემინგის მიერ 1939 წელს გადაღებული ამერიკული ფილმი მსოფლიოს კინოშედევრად არის აღიარებული. იგი შექმნილია მარგარეტ მიჩელის ამავე სახელწოდების რომანის მიხედვით. ვივიენ ლისა და კლარკ გეიბლის გმირებმა, მათმა მშვენიერმა სახეებმა, მათმა ტრაგიკულმა ამბებმა სურათს გამოსვლისთანავე დიდი პოპულარობა და აღიარება მოუტანა.
9. „დიდი ქალაქის ჩირაღდნები“
ჩარლი ჩაპლინის კინოშედევრებს შორის ის ერთერთი ყველაზე პოპულარულია. 1931 წელს გადაღებული „დიდი ქალაქის ჩირაღდნები“ საუკეთესო რომანტიკული კომედიების რეიტინგში პირველ ადგილზეა. მუნჯი ფილმია, თუმცაღა მუნჯი კინოს ეპოქის მიწურულს არის გადაღებული. გასდევს მუსიკა და ხმოვანი ეფექტები.
10. „ვიღაცამ გუგულის ბუდეს გადაუფრინა“
მილოშ ფორმანის დრამა 1975 წელს არის გადაღებული კენ კიზის რომანის მიხედვით. ეს სურათი მსოფლიო კინემატოგრაფის ისტორიაში მეორე ფილმი იყო, რომელმაც ხუთ პრესტიჟულ ნომინაციაში მიიღო „ოსკარი“, ასეთივე „დიდი ხუთეული“ ერგო „ოქროს გლობუსის“ დაჯილდოებაზე, რაც ერთადერთხელ მოხდა კინოს ისტორიაში.
11. „ერთხელ ამერიკაში“
1984 წელს სერჯიო ლეონეს გადაღებული ფილმი ჰარი გრეის ავტობიოგრაფიულ ნაწარმოებს ეყრდნობა. ეს ერთერთი საუკეთესო განგსტერული სურათია, რომელშიც ნიუიორკის ებრაულ კვარტალში მეოცე საუკუნის ოციან წლებში, „მშრალი კანონის“ დროს განვითარებული მოვლენებია ასახული.
12. „შინდლერის სია“
რეჟისორ სტივენ სპილბერგის მიერ 1993 წელს გადაღებულმა ისტორიულმა დრამამ დამსახურებულად დაიმკვიდრა ადგილი მსოფლიოს საუკეთესო ფილმებს შორის. გერმანელი ბიზნესმენის ოსკარ შინდლერის ამბავმა, რომელმაც ათასზე მეტი პოლონელი ებრაელი იხსნა სიკვდლისგან ჰოლოკოსტის დროს, უამრავი ადამიანი აატირა და ააღელვა. თომას კენილის რომანის „შინდლერის კიდობნის“ მიხედვით გადაღებული სურათი მართლაც წარმატებული აღმოჩნდა.
13. „ნათლია“
რეჟისორ ფრენსის ფორდ კოპოლას ეპიკური განგსტერული დრამა „ნათლია“ ყველა დროის საუკეთესო ამერიკული ფილმების პირველ ათეულშია. მარიო პიუზოს ამავე სახელწოდების რომანის ეკრანიზაციამ კოპოლას დიდი აღიარება მოუტანა. 1973 წელს გადაღებული ფილმი დღესაც აქტუალური და პოპულარულია. კარგ სცენარს და რეჟისორულ ნამუშევარს დაერთო შესანიშნავი სამსახიობო ანსამბლი: მარლონ ბრანდო, ალ პაჩინო, ჯეიმს კაანი, დაიან კიტონი და სხვები.
ევროპული კინო
14. „ბედის ირონია, ანუ გაამოთ“
ცნობილი რუსი რეჟისორის ელდარ რიაზანოვის მიერ 1975 წელს გადაღებული ფილმი ლამის 40 წლის შემდეგაც ისევე საყვარელია და ტრადიციულიც კი გახდა ყოველ ახალ წელს მას მთელი ყოფილი საბჭოთა კავშირი უყურებს. ორსერიიანი ტრაგიკომედია კინოს ისტორიაში ერთერთი ყველაზე პოპულარული საბჭოთა
15. „რომეო და ჯულიეტა“
უილიამ შექსპირის „რომეო და ჯულიეტა“ არაერთმა კინორეჟისორმა გადაიღო, თუმცა ფრანკო ძეფირელის ეკრანიზაცია საუკეთესოა. ინგლისურიტალიურმა სურათმა, რომელიც 1968 წელს გამოვიდა ეკრანებზე, ორი „ოსკარი“ და სამი „ოქროს გლობუსი“ მიიღო. დაჯილდოებულთა შორის, რასაკვირველია, იყვნენ მთავარი როლების შემსრულებლები ულამაზესი ოლივია ჰასი და ლეონარდ უაიტინგი. და რა თქმა უნდა, ნინო როტა გენიალური კომპოზიტორი, რომელმაც ამ სურათისთვის დაუვიწყარი მუსიკა შექმნა.
16. „სათამაშო“
ფრანგი რეჟისორის ფრენსის ვებერის მიერ 1976 წელს გადაღებული კომედიური ფილმი, რომელშიც კომიკური სცენების მიღმა საკმაოდ აქტუალური და სერიოზული თემებია წამოჭრილი, ყველასთვის საყვარელ სურათად იქცა. ფრენსის ვებერმა მთავარ როლზე თავისი საყვარელი მსახიობი, საფრანგეთის ერთერთი ყველაზე ცნობილი კომიკოსი პიერ რიშარი დაამტკიცა და არც უნანია რიშარი განსაკუთრებულ ხიბლს სძენს ამ სურათს. ასევე გამორჩეულია მისი ძირითადი პარტნიორის პატარა მილიონერი ბიჭუნას როლი. ეს როლი ფაბრის გრეკომ ითამაშა, რომელიც ამ ერთადერთი ფილმით დარჩა კინოს ისტორიაში. შემდგომში ის პროგრამისტი გახდა.
17. „კაკუნი სამოთხის კარზე“
გერმანელი რეჟისორისა და სცენარისტის ტომას იანის 1997 წელს გადაღებულმა ფილმმა, რომელსაც ბობ დილანის ცნობილი სიმღერის სახელწოდება შეურჩიეს, მოსკოვის კინოფესტივალზე გამარჯვება მოიპოვა. ამ გერმანულ სურათში თანამედროვე გერმანული კინოს ვარსკვლავი ტილ შვაიგერი და იან იოზეფ ლიფერსი თამაშობენ.
18. „მეხუთე ელემენტი“
„მეხუთე ელემენტი“ ფანტასტიკური ბოევიკია, რომელიც ფრანგმა რეჟისორმა ლიუკ ბესონმა 1997 წელს გადაიღო. სურათი მსოფლიოს საუკეთესო ფილმების ასეულში შევიდა. ფილმში მოთხრობილ ამბავს ფილოსოფიური ქვეტექსტი აქვს სწორედ უმწიკვლო არსება, სიყვარულისთვის შექმნილი ქალია ის ერთადერთი „მეხუთე ელემენტი“, რომელიც სამყაროს შემადგენელ ოთხ პირვანდელ მატერიას აერთიანებს.
19. „ჭექა–ქუხილის უღელტეხილი“
ემილი ბრონტეს ცნობილი რომანის „ჭექა–ქუხილის უღელტეხილის“ ფილმად ქცევა რამდენიმე ქვეყანამ და რეჟისორმა სცადეს და გამოუვიდათ კიდეც, თუმცა დიდ ბრიტანეთში 1992 წელს გადაღებულმა სურათმა ყველაზე დიდი აღიარება მოიპოვა და პიტერ კოზმინსკის ვერსია მსოფლიო კინოკლასიკად იქცა.
20. „ეესაუბრე მას“
ესპანური და თანამედროვე მსოფლიო კინოს აღიარებული გენიოსის პედრო ალმოდოვარის ფილმმა „ესაუბრე მას“, როგორც მისმა სხვა სურათებმა, სწრაფად მოიპოვა წარმატება. მაყურებელმა განსაკუთრებით თბილად მიიღო ფილმი, რადგან კლასიკური მელოდრამის ელემენტები მასზე განსაკუთრებულ გავლენას ახდენს.
კესო ლაღიძე
ქართული კინო
რასაკვირველია, ვიწყებთ ჩვენი ფილმებით, რომლებიც მსოფლიოს კინოშედევრებს არ ჩამოუვარდება.
1. ნატვრის ხე
„ნატვრის ხე“ უდავოდ მსოფლიოს კინოშედევრია და არა მხოლოდ ქართული კინოს კლასიკა, როგორც ბევრმა აღიარა. ეს სურათი თენგიზ აბულაძემ 1976 წელს გადაიღო გიორგი ლეონიძის მოთხრობების მიხედვით. სცენარის ავტორები რევაზ ინანიშვილი და თავად თენგიზ აბულაძე იყვნენ. ფილმი კინოსტუდია „ქართულ ფილმში“ გადაიღეს.
„ნატვრის ხე“ ტრილოგიის ნაწილია. ტრილოგიის ფილმებია თენგიზ აბულაძის კიდევ ორი შედევრი „ვედრება“ და „მონანიება“.
2. ჯარისკაცის მამა
„ჯარისკაცის მამა“ რეზო ჩხეიძის კინოშედევრია. ის რეჟისორმა 1964 წელს გადაიღო სულიკო ჟღენტის სცენარის მიხედვით. ფილმში მთავარ როლს თამაშობს ყველა დროის ერთერთი უდიდესი ქართველი მსახიობი სერგო ზაქარიაძე.
ფილმის ზოგიერთი სცენა განსაკუთრებულად დასამახსოვრებელი და ემოციურია. ყველაზე შთამბეჭდავი კი კახელი გლეხისა და ვაზის ურთიერთობის ეპიზოდია.
3. არ დაიდარდო!
„არ დაიდარდო!“ 1969 წელს რეჟისორმა გიორგი დანელიამ გადაიღო რეზო გაბრიაძის სცენარის მიხედვით. მუსიკა კი, ისევე, როგორც ბევრი ქართული გენიალური კინოსურათისა, გია ყანჩელმა დაწერა.
4. ცისფერი მთები, ანუ დაუჯერებელი ამბავი
„საიდან შეგაქანათ, მარცხნიდან თუ მარჯვნიდან?“ „გაიტანეთ გრენლანდია!“ „გივი, ჩვენ ვართ, გივი!“ „მე ტანკისტი ვიყავი ომამდე...“ ეს და კიდევ ბევრი ფრაზა ელდარ შენგელაიას მიერ 1983 წელს გადაღებული ფილმიდან დღესაც პოპულარულია, ისევე, როგორც ფილმი და მასში წამოჭრილი თემები სამსახურებრივი გულგრილობა, უსასრულო ერთფეროვნება, კონფორმიზმი, შემოქმედებითი კრიზისი, ერთი გამომცემლობის ყოველდღიური ამბები კი დღემდე იზიდავს მაყურებელს.
სცენარის ავტორია რეზო ჭეიშვილი, დამდგმელი ოპერატორი ლევან პაატაშვილი. ფილმში ჟღერს გია ყანჩელის შესანიშნავი მუსიკა.
5. გიორგობისთვე
გიორგობისთვე ქართული და მსოფლიო კინოს კიდევ ერთი გამორჩეული რეჟისორის, ოთარ იოსელიანის ფილმია. მაყურებელს იგი განსაკუთრებით უყვარს. 1966 წელს გადაღებულმა ფილმმა ჟორჟ სადულის სახელობის პრემია მიიღო.
6. „მამლუქი“
რეჟისორმა დავით რონდელმა 1958 წელს უიარაღოს (კონდრატი თათარაშვილის) ნაწარმოების მიხედვით გადაიღო ფილმი „მამლუქი“. ეს ერთ-ერთი საუკეთესო ქართული ისტორიული დრამაა, პატრიოტული სულისკვეთებით აღსავსე.
7. უძინართა მზე
1992 წელს რეჟისორ თემურ ბაბლუანის გადაღებულმა დრამამ კვლავ შეახსენა ქართული კინოს სახელი მსოფლიოს. ფილმმა მიიღო რუსეთის „კინოტავრის“ მთავარი ჯილდო, ელგუჯა ბურდულმა რუსეთის კინოაკადემიის მთავარი პრიზი „ნიკა“ მამაკაცის როლის საუკეთესო შესრულებისთვის, თეიმურაზ ბაბლუანმა კი ჯილდო საუკეთესო რეჟისურისა და საუკეთესო სცენარისთვის. 1993 წელს ბერლინის 43ე საერთაშორისო კინოფესტივალზე ფილმმა „ვერცხლის დათვი“ დაიმსახურა, სანრაფაელში 1994 წელს გამართულ კინოფესტივალზე ჟიურის სპეციალური პრიზი, თბილისში ქართული ფილმების I რესპუბლიკურ კინოფესტივალზე ("ოქროს არწივი") კი მთავარი პრიზი და დიპლომი. 1995 წელს ფილმს რუსთაველის სახელობის სახელმწიფო პრემია მიენიჭა.
ამერიკული კინო
8. „ქარწაღებულნი“
ვიქტორ ფლემინგის მიერ 1939 წელს გადაღებული ამერიკული ფილმი მსოფლიოს კინოშედევრად არის აღიარებული. იგი შექმნილია მარგარეტ მიჩელის ამავე სახელწოდების რომანის მიხედვით. ვივიენ ლისა და კლარკ გეიბლის გმირებმა, მათმა მშვენიერმა სახეებმა, მათმა ტრაგიკულმა ამბებმა სურათს გამოსვლისთანავე დიდი პოპულარობა და აღიარება მოუტანა.
9. „დიდი ქალაქის ჩირაღდნები“
ჩარლი ჩაპლინის კინოშედევრებს შორის ის ერთერთი ყველაზე პოპულარულია. 1931 წელს გადაღებული „დიდი ქალაქის ჩირაღდნები“ საუკეთესო რომანტიკული კომედიების რეიტინგში პირველ ადგილზეა. მუნჯი ფილმია, თუმცაღა მუნჯი კინოს ეპოქის მიწურულს არის გადაღებული. გასდევს მუსიკა და ხმოვანი ეფექტები.
10. „ვიღაცამ გუგულის ბუდეს გადაუფრინა“
მილოშ ფორმანის დრამა 1975 წელს არის გადაღებული კენ კიზის რომანის მიხედვით. ეს სურათი მსოფლიო კინემატოგრაფის ისტორიაში მეორე ფილმი იყო, რომელმაც ხუთ პრესტიჟულ ნომინაციაში მიიღო „ოსკარი“, ასეთივე „დიდი ხუთეული“ ერგო „ოქროს გლობუსის“ დაჯილდოებაზე, რაც ერთადერთხელ მოხდა კინოს ისტორიაში.
11. „ერთხელ ამერიკაში“
1984 წელს სერჯიო ლეონეს გადაღებული ფილმი ჰარი გრეის ავტობიოგრაფიულ ნაწარმოებს ეყრდნობა. ეს ერთერთი საუკეთესო განგსტერული სურათია, რომელშიც ნიუიორკის ებრაულ კვარტალში მეოცე საუკუნის ოციან წლებში, „მშრალი კანონის“ დროს განვითარებული მოვლენებია ასახული.
12. „შინდლერის სია“
რეჟისორ სტივენ სპილბერგის მიერ 1993 წელს გადაღებულმა ისტორიულმა დრამამ დამსახურებულად დაიმკვიდრა ადგილი მსოფლიოს საუკეთესო ფილმებს შორის. გერმანელი ბიზნესმენის ოსკარ შინდლერის ამბავმა, რომელმაც ათასზე მეტი პოლონელი ებრაელი იხსნა სიკვდლისგან ჰოლოკოსტის დროს, უამრავი ადამიანი აატირა და ააღელვა. თომას კენილის რომანის „შინდლერის კიდობნის“ მიხედვით გადაღებული სურათი მართლაც წარმატებული აღმოჩნდა.
13. „ნათლია“
რეჟისორ ფრენსის ფორდ კოპოლას ეპიკური განგსტერული დრამა „ნათლია“ ყველა დროის საუკეთესო ამერიკული ფილმების პირველ ათეულშია. მარიო პიუზოს ამავე სახელწოდების რომანის ეკრანიზაციამ კოპოლას დიდი აღიარება მოუტანა. 1973 წელს გადაღებული ფილმი დღესაც აქტუალური და პოპულარულია. კარგ სცენარს და რეჟისორულ ნამუშევარს დაერთო შესანიშნავი სამსახიობო ანსამბლი: მარლონ ბრანდო, ალ პაჩინო, ჯეიმს კაანი, დაიან კიტონი და სხვები.
ევროპული კინო
14. „ბედის ირონია, ანუ გაამოთ“
ცნობილი რუსი რეჟისორის ელდარ რიაზანოვის მიერ 1975 წელს გადაღებული ფილმი ლამის 40 წლის შემდეგაც ისევე საყვარელია და ტრადიციულიც კი გახდა ყოველ ახალ წელს მას მთელი ყოფილი საბჭოთა კავშირი უყურებს. ორსერიიანი ტრაგიკომედია კინოს ისტორიაში ერთერთი ყველაზე პოპულარული საბჭოთა
15. „რომეო და ჯულიეტა“
უილიამ შექსპირის „რომეო და ჯულიეტა“ არაერთმა კინორეჟისორმა გადაიღო, თუმცა ფრანკო ძეფირელის ეკრანიზაცია საუკეთესოა. ინგლისურიტალიურმა სურათმა, რომელიც 1968 წელს გამოვიდა ეკრანებზე, ორი „ოსკარი“ და სამი „ოქროს გლობუსი“ მიიღო. დაჯილდოებულთა შორის, რასაკვირველია, იყვნენ მთავარი როლების შემსრულებლები ულამაზესი ოლივია ჰასი და ლეონარდ უაიტინგი. და რა თქმა უნდა, ნინო როტა გენიალური კომპოზიტორი, რომელმაც ამ სურათისთვის დაუვიწყარი მუსიკა შექმნა.
16. „სათამაშო“
ფრანგი რეჟისორის ფრენსის ვებერის მიერ 1976 წელს გადაღებული კომედიური ფილმი, რომელშიც კომიკური სცენების მიღმა საკმაოდ აქტუალური და სერიოზული თემებია წამოჭრილი, ყველასთვის საყვარელ სურათად იქცა. ფრენსის ვებერმა მთავარ როლზე თავისი საყვარელი მსახიობი, საფრანგეთის ერთერთი ყველაზე ცნობილი კომიკოსი პიერ რიშარი დაამტკიცა და არც უნანია რიშარი განსაკუთრებულ ხიბლს სძენს ამ სურათს. ასევე გამორჩეულია მისი ძირითადი პარტნიორის პატარა მილიონერი ბიჭუნას როლი. ეს როლი ფაბრის გრეკომ ითამაშა, რომელიც ამ ერთადერთი ფილმით დარჩა კინოს ისტორიაში. შემდგომში ის პროგრამისტი გახდა.
17. „კაკუნი სამოთხის კარზე“
გერმანელი რეჟისორისა და სცენარისტის ტომას იანის 1997 წელს გადაღებულმა ფილმმა, რომელსაც ბობ დილანის ცნობილი სიმღერის სახელწოდება შეურჩიეს, მოსკოვის კინოფესტივალზე გამარჯვება მოიპოვა. ამ გერმანულ სურათში თანამედროვე გერმანული კინოს ვარსკვლავი ტილ შვაიგერი და იან იოზეფ ლიფერსი თამაშობენ.
18. „მეხუთე ელემენტი“
„მეხუთე ელემენტი“ ფანტასტიკური ბოევიკია, რომელიც ფრანგმა რეჟისორმა ლიუკ ბესონმა 1997 წელს გადაიღო. სურათი მსოფლიოს საუკეთესო ფილმების ასეულში შევიდა. ფილმში მოთხრობილ ამბავს ფილოსოფიური ქვეტექსტი აქვს სწორედ უმწიკვლო არსება, სიყვარულისთვის შექმნილი ქალია ის ერთადერთი „მეხუთე ელემენტი“, რომელიც სამყაროს შემადგენელ ოთხ პირვანდელ მატერიას აერთიანებს.
19. „ჭექა–ქუხილის უღელტეხილი“
ემილი ბრონტეს ცნობილი რომანის „ჭექა–ქუხილის უღელტეხილის“ ფილმად ქცევა რამდენიმე ქვეყანამ და რეჟისორმა სცადეს და გამოუვიდათ კიდეც, თუმცა დიდ ბრიტანეთში 1992 წელს გადაღებულმა სურათმა ყველაზე დიდი აღიარება მოიპოვა და პიტერ კოზმინსკის ვერსია მსოფლიო კინოკლასიკად იქცა.
20. „ეესაუბრე მას“
ესპანური და თანამედროვე მსოფლიო კინოს აღიარებული გენიოსის პედრო ალმოდოვარის ფილმმა „ესაუბრე მას“, როგორც მისმა სხვა სურათებმა, სწრაფად მოიპოვა წარმატება. მაყურებელმა განსაკუთრებით თბილად მიიღო ფილმი, რადგან კლასიკური მელოდრამის ელემენტები მასზე განსაკუთრებულ გავლენას ახდენს.
კესო ლაღიძე
