მამამ ცოლი და სამი შვილი მოკლა და დაწვა

რუსეთის ქალაქ არტემში, პრიმორიეს მხარეში მაშველებმა დამწვარ სახლში 34 წლის ქალისა და 13, 8 და 2 წლის ბავშვების ცხედრები აღმოაჩინეს. ამასთან, უფროს ბავშვებს სხეულზე ძალადობის კვალი ეტყობოდათ, ხოლო დედისა და უმცროსი ბავშვის სხეულები იმდენად არის დაზიანებული, რომ სპეციალისტები ამ დროისთვისაც

ვერ ახერხებენ მათი სიკვდილის ვითარების გარკვევას. ეჭვმიტანილის დაკავება სამართალდამცავებმა მალევე მოახერხეს, როდესაც მათი ყურადღება მამაკაცმა მიიქცია, რომელსაც სხეულზე დამწვრობის არაერთი კვალი აღენიშნებოდა.

"დაკავებულია დანაშაულის ჩადენაში ბრალდებული 35 წლის მამაკაცი, ოჯახის მამა. მის სხეულზე დამწვრობის კვალია, ხოლო კისერზე თოკი ჰქონდა ჩამოკიდებული. პოლიციის განყოფილებაში მან აღიარა, რომ მოკლა ოჯახის წევრები და თვითმკვლელობით ცდილობდა სიცოცხლის დასრულებას" -აღნიშნავს ერთ-ერთი სამართალდამცავი. ფაქტთან დაკავშირებით, აღძრულია სისხლის სამართლის საქმე, მიმდინარეობს მოტივის გარკვევა.