ია ფარულავას "ბრავოს" რეპეტიციაზე დენმა დაარტყა - შოუ ჯანმრთელობის დაზიანების ფასად

სატელევიზიო შოუ "ბრავო" ტელეკომპანია "რუსთავი 2"-ს ბოლო დროის ერთ-ერთი ყველაზე პოპულარული პროექტია, რომელშიც ლობისტებს შორის ია ფარულავაც გახლავთ. ის გადაცემაში ლალი მოროშკინას უპირისპირდება და მაყურებლისთვის შოუს მომზადება, როგორც ჩანს, ჯანმრთელობის დაზიანების ფასადაც კი დაუჯდა. ამის შესახებ მსახიობი თავად წერს და ამბობს, რომ "ბრავოს" რეპეტიციისას დენმა დაარტყა.

როგორც აღმოჩნდა, ფარულავასთვის ეს კვირა ხიფათით არის სავსე, ვინაიდან, მისი თქმით, კიდევ ერთი ინციდენტი შეემთხვა და მაშინ, როდესაც შოუსთვის ცეკვის დადგმას ცდილობდა, მყესი დაეჭიმა.

მაყურებელი "ბრავოში" თავად იხილავს ნომერს, რაც შეეხება მსახიობის ვიზუალურ მხარეს, ის

კვლავ ახდენს ეფექტს.

"ხალხი მირეკავს და მეკითხება, რას ვაკეთებ, ასე კარგად რომ გამოვიყურები. მავანმა ისიც თქვა, ყვრიმალები რომ ჰქონდა ჩადგმული, ამოიღოო)))) გავხდი ბატონებო, ხორცს და შაქარს აღარ მივირთმევ, ვსვამ ომეგა 3-ს და ფაფებს და ნერვებს არაფერი მიშლის. თან გახსოვთ ალბათ, რომ დავაანონსე - მინუს 15 წელი, ამ ზაფხულს", - წერს მსახიობი.

შეგახსენებთ, რომ ია ფარულავამ Ambebi.ge-ს მკითხველს თავის მოვლის მისეული რეცეპტები გაანდო, რომელიც, მსახიობის თქმით, ქალს 15 წლით აახალგაზრდავებს.