15 მარტივი ხერხი, რომ ქმარმა ცოლისადმი სიყვარული გამოხატოს - გაიგეთ, რამდენად ყურადღებიანი ქმარი გყავთ

კარგი მშობლები, თუ იშვიათ გამონაკლისებს არ ჩავთვლით, როგორ წესი, სანიმუშო ცოლ-ქმარნიც არიან. როგორი ხართ თქვენ? ფსიქოლოგების აზრით, თუ ქმარი ქვემოთ ჩამოთვლილი რეკომენდაციებიდან ყოველდღიურად 3-ს მაინც ასრულებს, თამამად შეუძლია, სანიმუშო ქმრობასა და ღირსეულ მამობაზე დადოს თავი. თავს ნუ შეიკავებთ და მეტის გაკეთებაც სცადეთ, სრულყოფილებამდე სწრაფვა ხომ არავის აწყენს. ასე თქვენც ბევრ დადებით ემოციას მიიღებთ და ცოლიც კმაყოფილი და ბედნიერი გეყოლებათ.
აი, რეკომენდაციები სანიმუშო ქმრისთვის. დედიკოებო, თქვენც აუცილებელად გადახედეთ ამ ჩამონათვალს და დააფასეთ თქვენი ქმრების მონდობა.
1. სამსახურიდან შინ დაბრუნებელი აუცილებლად მოეხვიეთ მეუღლეს.
2. ისწავლეთ ცოლის მოსმენა და ხანდახან კითხვებიც ჩაურთეთ.
3. ნუ დაელოდებით პარასკევს, რომ შაბათ-კვირის გეგმები გაგიზიაროთ. ერთად დაგეგმეთ დასვენების დღეები.
4. როცა სადილია გასაკეთებელი, ცოლი კი დაღლილი ან ძალიან დაკავებულია, დახმარება შესთავაზეთ.
5. ხშირად გაუმასპინძლდით ქათინაურებით, მას ხომ უამრავი ღირსება აქვს.
6. ჭურჭელს როგორც წესი, ცოლი რეცხავს, მაგრამ დრო და დრო თქვენი სამსახურიც შესთავაზეთ. მით უმეტეს, თუ მძიმე დღე ჰქონდა.
7. დაურეკეთ ხოლმე სამსახურიდან და გაიგეთ, როგორ მიდის საქმეები ან რაიმე ახალი ამბავი უთხარით, თუნდაც იმის სათქმელად, რომ ძალიან გიყვართ.
8. გაუკეთეთ პატარა საჩუქრები: სუნამო ან ტკბილეული. თუ სუპერმარკეტში ერთად ხართ, შესთავაზეთ, რომ ოჯახური საჭიროებების გარდა რაიმე პირადად თავისთვისაც შეარჩიოს.
9. ხშირად გადაუღეთ ფოტოები.
10. მოიწყვეთ პატარ-პატარა რომანტიკული სეირნობები.
11. დაბადების დღეზე საჩუქრის გარდა პატარა ბარათიც დაუწერეთ.
12. აუცილებლად შეუფასეთ მისი კულინარიული ნაწარმი.
13. როცა გელაპარაკებათ, სახეში უყურეთ.
14. მასთან საუბრისას მის ხელს შეეხეთ.
15. ეცადეთ, დასაძინებლად ერთდროულად დაწვეთ.