ქეთა თოფურია "MAXIM"-ის ყველაზე სექსუალური ქალების რეიტინგში

მამაკაცების ჟურნალის "MAXIM"-ის რუსული გამოცემა, უკვე 7 წელია, რუსეთის 100 ყველაზე სექსუალური ქალის რეიტინგს ადგენს.

მკითხველებს შორის გამოკითხვა წელსაც, ტრადიციულად გაიმართა.

ჟურნალის ვებგვერდზე გამოკითხვა უკვე დასრულებულია და "MAXIM"-ის მკითხველთა 100-ეული უკვე შედგენილია. მას დაემატება ჟიურის შედეგები და შესაბამისად, შეიქმნება

საბოლოო რეიტინგიც.

ჟურნალის ვებგვერდის მომხმარებელთა გამოკითხვის შედეგად, რუსეთის 100 ყველაზე სექსუალურ ქალბატონთა სიაში, ქართველი მომღერალი, А-Студио-ს სოლისტი ქეთა თოფურიაც მოხვდა.

ქართველმა ლამაზმანმა რეიტინგში 92-ე ადგილი დაიკავა.

საბოლოო რეიტინგი ჟურნალის 14 ნოემბრის ნომერში გამოქვეყნდება.

შეგახსენებთ, რომ 2013 წელს, ამავე რეიტინგში ქეთა თოფურიამ მე-18 ადგილი დაიკავა