ავსტრიაში წარმატებული ქართველი ფოტოგრაფი - ''ბოდიარტის მიმართულებით ვმუშაობ...''
1 700 ნახვა
ივა ჯანეზაშვილი ორი წლის წინ საქართველოდან ავსტრიაში წავიდა. თავდაპირველი მიზანი სწავლის გაგრძელება იყო, მაგრამ მოახერხა და საყვარელ საქმეში- ფოტოგრაფიაში, წარმატებას მიაღწია. როგორ ცხოვრობს ქართველი ფოტოგრაფი უცხო ქვეყანაში, ამის შესახებ თავად მოგვიყვება.
- გორის რაიონ სოფელ ქვახვრელში დავიბადე. სკოლის დამთავრების შემდეგ თბილისში წავედი და კომპიუტერის სისტემის ოპერატორობა შევისწავლე. მერე საქართველოს ტექნიკურ უნივერსიტეტში ჩავაბარე და ორი წლის შემდეგ სწავლა ავსტრიის ადრიატიკის უნივერსიტეტში გავაგრძელე.
- პირველი შეხება ფოტოგრაფიასთან...
- სულ ვიღებდი, რამდენადაც სასაცილოდ უნდა მოგეჩვენოთ, ბავშვობიდან ფრაგმენტები მახსენდება, როდესაც კამერის გარეშე ფოტოგადაღებებს ვაწყობდი. არ ვიცი, საიდან მქონდა გაფუჭებული კამერის ვიზირი (ობიექტის დასანახი საშუალება) და ჩემს წარმოდგენაში ბუნების კადრებს ავსახავდი.
- ახლა საქართველოში არ ცხოვრობ?
- სამწუხაროდ, არა, ჩემს პროფესიაში ვერ განვვითარდი. 2012 წელს გახლდით სტუმრად ავსტრიაში, მაშინ მივხვდი, ეს ის ქვეყანაა, სადაც მე უნდა ვცხოვრობდე. აქ საოცრად ლამაზი ბუნებაა. წელს გახლდით ვიპფოტოგრაფი ''მსოფლიოს სხეულის მოხატვის ფესტივალზე'', სადაც გარკვეული წარმატება მოვიპოვე. 45 ქვეყნის ფოტოგრაფთა შორის გახლდით პირველი ქართველი, რომელმაც ფოტონამუშევრების დაჯილდოების ცერემონიაზე 1300 შერჩეულ კადრში მეხუთე ადგილი დაიკავა. კონკურსზე წარვადგინე რამდენიმე ჟანრისა და გემოვნების კადრი, როგორც კლასიკური, ასევე ციფრული ნამუშევრები, აქედან მხოლოდ ერთი კადრი მოხვდა წლის საუკეთესო 10 ფოტოში, დანარჩენები გადანაწილდა მე-15 და 50-ე ადგილებზე.
- ნუდზე თუ მუშაობ?
- კონკრეტულად ნუდზე არა, ბოდიარტის მიმართულებით ვმუშაობ, ხელოვნებასთან შერწყმული ნუდია. ასისტენტობას ჩემი ავსტრიელი მეგობარი მიწევს. სამომავლოდ ჩემი ოცნებაა საქართველოს ღირსშესანიშნაობების და ბუნების აღბეჭდვა, საღამოს, ღამისა და განთიადის ეფექტით, თავისი სპეციფიკითა და გადაღების რეჟიმით, ხელოვნური განათებითა და დაყოვნების რეჟიმით, ამისთვის მჭირდება კარგი ფოტოგრაფებით დაკომპლექტებული ჯგუფი, რომელსაც ჩამოვაყალიბებ. ამ სერიულ გადაღებას აუცილებლად განვახორციელებ.
- კიდევ რა გეგმები გაქვს?
- თებერვლის დასაწყისში მიწვეული ვარ იტალიაში, ქალაქ ვერონაში, კიდევ ერთ ფესტივალზე. ასევე ამ ზაფხულს მივიღე შემოთავაზება ავსტრიის ეროვნული ბანკიდან, რაც ბანკის კლაგენფურტის ფილიალში გამოფენა-გაყიდვას მოიცავს. ჩემი თემაა ავსტრია. ამ ეტაპზე სწორედ ამ პროექტზე ვმუშაობ.
ნინო გიგიშვილი
ჟურნალი ''რეიტინგი''
- გორის რაიონ სოფელ ქვახვრელში დავიბადე. სკოლის დამთავრების შემდეგ თბილისში წავედი და კომპიუტერის სისტემის ოპერატორობა შევისწავლე. მერე საქართველოს ტექნიკურ უნივერსიტეტში ჩავაბარე და ორი წლის შემდეგ სწავლა ავსტრიის ადრიატიკის უნივერსიტეტში გავაგრძელე.
- პირველი შეხება ფოტოგრაფიასთან...
- სულ ვიღებდი, რამდენადაც სასაცილოდ უნდა მოგეჩვენოთ, ბავშვობიდან ფრაგმენტები მახსენდება, როდესაც კამერის გარეშე ფოტოგადაღებებს ვაწყობდი. არ ვიცი, საიდან მქონდა გაფუჭებული კამერის ვიზირი (ობიექტის დასანახი საშუალება) და ჩემს წარმოდგენაში ბუნების კადრებს ავსახავდი.
- ახლა საქართველოში არ ცხოვრობ?
- სამწუხაროდ, არა, ჩემს პროფესიაში ვერ განვვითარდი. 2012 წელს გახლდით სტუმრად ავსტრიაში, მაშინ მივხვდი, ეს ის ქვეყანაა, სადაც მე უნდა ვცხოვრობდე. აქ საოცრად ლამაზი ბუნებაა. წელს გახლდით ვიპფოტოგრაფი ''მსოფლიოს სხეულის მოხატვის ფესტივალზე'', სადაც გარკვეული წარმატება მოვიპოვე. 45 ქვეყნის ფოტოგრაფთა შორის გახლდით პირველი ქართველი, რომელმაც ფოტონამუშევრების დაჯილდოების ცერემონიაზე 1300 შერჩეულ კადრში მეხუთე ადგილი დაიკავა. კონკურსზე წარვადგინე რამდენიმე ჟანრისა და გემოვნების კადრი, როგორც კლასიკური, ასევე ციფრული ნამუშევრები, აქედან მხოლოდ ერთი კადრი მოხვდა წლის საუკეთესო 10 ფოტოში, დანარჩენები გადანაწილდა მე-15 და 50-ე ადგილებზე.
- ნუდზე თუ მუშაობ?
- კონკრეტულად ნუდზე არა, ბოდიარტის მიმართულებით ვმუშაობ, ხელოვნებასთან შერწყმული ნუდია. ასისტენტობას ჩემი ავსტრიელი მეგობარი მიწევს. სამომავლოდ ჩემი ოცნებაა საქართველოს ღირსშესანიშნაობების და ბუნების აღბეჭდვა, საღამოს, ღამისა და განთიადის ეფექტით, თავისი სპეციფიკითა და გადაღების რეჟიმით, ხელოვნური განათებითა და დაყოვნების რეჟიმით, ამისთვის მჭირდება კარგი ფოტოგრაფებით დაკომპლექტებული ჯგუფი, რომელსაც ჩამოვაყალიბებ. ამ სერიულ გადაღებას აუცილებლად განვახორციელებ.
- კიდევ რა გეგმები გაქვს?
- თებერვლის დასაწყისში მიწვეული ვარ იტალიაში, ქალაქ ვერონაში, კიდევ ერთ ფესტივალზე. ასევე ამ ზაფხულს მივიღე შემოთავაზება ავსტრიის ეროვნული ბანკიდან, რაც ბანკის კლაგენფურტის ფილიალში გამოფენა-გაყიდვას მოიცავს. ჩემი თემაა ავსტრია. ამ ეტაპზე სწორედ ამ პროექტზე ვმუშაობ.
ნინო გიგიშვილი
ჟურნალი ''რეიტინგი''
