• ზაფხული კანისთვის განაჩენი არ არის

    სახის კანი განსაკუთრებულ მოვლას ზაფხულში საჭიროებს. განსაკუთრებით ეს ფორებიან და ცხიმიან კანს ეხება, რადგან სიცხეში ოფლი და მტვერი ერთნაირი წარმატებით გროვდება ფორებში. ეს, როგორც წესი, კანის დაბინძურებას, ქავილსა და ქავილის შემდგომ ტკივილს იწვევს.

    იმისთვის, რომ ზაფხული თქვენი კანისთვის ნაკლებად მტკივნეული იყოს და არც გადაგეღალოთ, ჩვენ მისი მოვლისა და გაჯანსაღების რამდენიმე რჩევას შემოგთავაზებთ, რომელთა დახმარებითაც სრულიად შესაძლებელი და მარტივია, კანი სახლის პირობებში გაისუფთავოთ.

    პირველ რიგში, რაც აუცილებლად გასათვალისწინებელია, დილას და საღამოს აუცილებლად მხოლოდ ცივი წყლით უნდა ჩამოიბანოთ სახე. ზოგადად, კოსმეტიკური და კანის მოვლის არაერთი ფირმა გვირჩევს სხვადასხვა პროდუქტს, თუმცა საუკეთესო საშუალება ამ შემთხვევაში მაინც ბავშვის საპონია - ყველაზე უვნებელი და უპრეტენზიო.

    ამასთან, ზაფხულში განსაკუთრებით მოერიდეთ ტონალური კრემის გამოყენებას, რადგან ფორებს მისი, ოფლისა და მტვრის კომბინაცია განსაკუთრებით ავსებს და აზიანებს.

    საღამოს კი თავისუფლად შეგიძლიათ, კიტრის, ფორთოხლის წვენისა და კვერცხის, ლიმონის, სახის გასაპრიალებლად კი არყის ბუნებრივი ნიღბები გამოიყენოთ.

    1 861 ნახვა
    24-08-2016, 00:11
    GOGATV