ჯაბა ბოჯგუა ისევ მსჯავრდებულია - დაიჭერენ თუ არა მომღერალს კომიდან გამოსვლის შემდეგ
1 524 ნახვა
რატომ ვერ შეიწყალებს მას პრეზიდენტი?
შეწყალება არ მომხდარა და პერიოდულად, პრობაციის სამსახურიდან აკითხავენ
6 წელი შერულდა, რაც მომღერალი ჯაბა ბოჯგუა უგონო მდგომარეობაშია. ოჯახი მთელი რიგი პრობლემების წინაშე დგას, არ აქვთ ბინა, სრულფასოვანი მკურნალობისთვის საჭირო თანხა. ჯაბას დედა, ქალბატონი მანანა გვასალია ჩემი რესპონდენტი არაერთხელ ყოფილა და ავადმყოფი მომღერლის ფოტო პირველად ჟურნალ "გზაში" დაიბეჭდა. მაშინ ჯაბა პირადად მოვინახულე. დედამ უთხრა, - ჯაბა, დედი, ჟურნალისტი მოვიდაო. - შეიშმუშნა, სახეზე წამოწითლდა. ქალბატონმა მანანამ მითხრა, - რასაც ველაპარაკები, ესმის, თავის სიმღერას რომ ვასმენინებ, ცრემლი მოსდისო. ეს ყველაფერი 4 წლის წინ იყო. ჯაბა დღესაც იგივე მდგომარეობაშია.
რაოდენ უცნაურიც უნდა იყოს, ჯაბა დღეს ისევ მსჯავრდებულია. მისი შეწყალება არ მომხდარა და პერიოდულად, პრობაციის სამსახურიდან აკითხავენ.
მანანა გვასალია, ჯაბას დედა:
- ჯაბას 2 წელი ციხეში უნდა გაეტარებინა და ამის შემდეგ 4 წელი პირობითი მსჯავრი უნდა მოეხადა. 4 წელი უკვე გავიდა, პრობაციონერი აღარ არის, მაგრამ ციხის საავადმყოფოში ავადმყოფობის პირველი 4 თვე გაატარა, დარჩენილი და წელიწადი და 6 თვე - გადაუვადეს, რაც იმას ნიშნავს, რომ გამოჯანმრთელებამდე შინ იქნებოდა, ხოლო თუ მდგომარეობა გაუუმჯობესდებოდა, ციხეში დააბრუნებდნენ, გადავადებული სასჯელის მოსახდელად.
- გამოდის, რომ ჯაბა დღესაც მსჯავდებულია?
- დიახ, და ალბათ ასე უნდა იარონ სასჯელაღსრულების თანამშრომლებმა და ამოწმონ, გამოფხიზლდა თუ არა. ეს სირცხვილია. ჩემთვის ძალიან რთული ასატანია.
- ჯაბას გონება რომ დაუბრუნდეს, დააპატიმრებენ?
- არ ვიცი, შვილო, აზრი ვერ გამომაქვს. ასე დადიან, 6 წელია. ხან თვეში ერთხელ მოდიან, ხან - 2 თვეში ერთხელ და ხელს და რაღაც საბუთებზე მაწერინებენ. რამდენიმე თვის წინ შევედავე და დამემუქრნენ, - შენ დაგსჯითო. ამ საქციელს რა შეიძლება ეწოდოს? ჯაბას მდგომარეობა ხომ ყველამ იცის? შემოდიან შინ და ნახულობენ, რომ ნამდვილად უგონო მდგომარეობაში წევს. რა დააშავა ასეთი, რომ დღემდე არ შეიწყალეს? ბოლოს, 2 კვირის წინ იყვნენ მოსული. ამნისტია არ შეიძლება შეეხოს? ჯაბას 2 საათზე მეტი დროით ვერ ვტოვებ, სადმე რომ წავიდე და ჩემს უფლებებში გავერკვე. ყოველ 2 საათში ვაბრუნებ, სხეულს ვუმუშავებ, რომ ნაწოლები არ გაუჩნდეს. თქვენი საშუალებით საჯაროდ მივმართავ პრეზიდენტს, შეწყალების კომიისიას და ყველა ინსტანციას, ვისაც ჩემი პრობლემის მოგვარება შეუძლია: ძალიან გთხოვთ, შეიწყალეთ ჩემი შვილი! ჯერ ხომ არ ვიცი, ჯაბას მდგომარეობა როგორ წარიმართება? მუდმივად მეთვალყურეობის ქვეშ ყოფნა და საბუთებზე ხელის მოწერა გამაღიზიანებელია. ნაქირავებში ვცხოვრობთ, ბინის პრობლემა მაქვს. რომ იგებენ, ავადმყოფი მყავს, სახლში ჩვენი შეშვება არავის უნდა. ჯაბას მდგომარეობაში მცირედი უკეთესობაა, ყველაფერს გრძნობს. სიზმარი მაქვს ნანახი, - გონს მე-7 წელს უნდა მოვიდეს და ამ სიზმრის ახდენას ველოდები.
მიხეილ ღოღაძე, იურისტი:
- რადგან სასამართლოს გადაწყვეტილებით ჯაბა ბოჯგუა დღესაც მსჯავრდებულად ითვლება და მსჯავრი გადავადებული აქვს, წელიწადში ერთხელ მისი ჯანმრთელობის მდგომარეობა უნდა შემოწმდეს. თუ ისევ ისეთი მდგომარეობა ექნება, როგორიც გადავადების დროს იყო ან - უფრო დამძიმებული, მაშინ სასჯელი კიდევ გადაუვადდება. იმ შემთხვევაში, თუ ჯანმრთელობის მდგომარეობა გაუუმჯობესდება ან სრულად განიკურნება, აღსრულდება სასამართლოს გადაწყვეტილება ანუ პიროვნებას სასჯელაღსრულების დაწესებულებაში მოათავსებენ.
- სასჯელაღსრულების სამინისტროა ვალდებული, მისი ჯანმრთელობის მდგომარეობა შეამოწმოს?
- ექსპერტიზა უნდა ჩატარდეს.
- ექსპერტიზას ვინ უკვეთს?
- ოჯახის წევრები. პერიოდულად, სასამართლოს პიროვნების ჯანმრთელობის მდგომარეობის ცნობას წარუდგენენ. ექსპერტიზის დასკვნის საფუძველზე სასამართლო იღებს გადაწყვეტილებას, კვლავ გადაუვადოს სასჯელი თუ შეასახლოს დაწესებულებაში.
- შეწყალება რომ მოხდეს, არ შეიძლება? დედა ძალიან განიცდის. კანონის ფარგლებში, რა შეუძლია, მოითხოვოს?
- როგორც წესი, იმ მსჯავრდებულების შეწყალება ხდება, რომლებიც სასჯელაღსრულების დაწესებულებაში იმყოფებიან. რადგან ჯაბას სასჯელი გადავადებული აქვს და არც პირობითი მსჯავრის ქვეშ იმყოფება, პრეზიდენტი მას ვერ შეიწყალებს, ეს ბრძანებაში არ უწერია. პრეზიდენტის შეწყალების სპეციალურ ბრძანებაში არ წერია, რომ ასეთ პიროვნებებზე შეიძლება იმსჯელოს. თუ მსჯავრდებული გონს მოვა და ექიმები დაასკვნიან, რომ მისი ჯანმრთელობის მდგომარეობა დამაკმაყოფილებელია, სასამართლომ უნდა გადაწყვიტოს, ამ პიროვნებას სასჯელარსრულების დაწესებულებაში შეაბრუნებს თუ არა. შემდეგ შეიძლება, შეწყალებაზეც საუბარი.
თამუნა კვინიკაძე, სპეციალურად საიტისთვის.
შეწყალება არ მომხდარა და პერიოდულად, პრობაციის სამსახურიდან აკითხავენ
6 წელი შერულდა, რაც მომღერალი ჯაბა ბოჯგუა უგონო მდგომარეობაშია. ოჯახი მთელი რიგი პრობლემების წინაშე დგას, არ აქვთ ბინა, სრულფასოვანი მკურნალობისთვის საჭირო თანხა. ჯაბას დედა, ქალბატონი მანანა გვასალია ჩემი რესპონდენტი არაერთხელ ყოფილა და ავადმყოფი მომღერლის ფოტო პირველად ჟურნალ "გზაში" დაიბეჭდა. მაშინ ჯაბა პირადად მოვინახულე. დედამ უთხრა, - ჯაბა, დედი, ჟურნალისტი მოვიდაო. - შეიშმუშნა, სახეზე წამოწითლდა. ქალბატონმა მანანამ მითხრა, - რასაც ველაპარაკები, ესმის, თავის სიმღერას რომ ვასმენინებ, ცრემლი მოსდისო. ეს ყველაფერი 4 წლის წინ იყო. ჯაბა დღესაც იგივე მდგომარეობაშია.
რაოდენ უცნაურიც უნდა იყოს, ჯაბა დღეს ისევ მსჯავრდებულია. მისი შეწყალება არ მომხდარა და პერიოდულად, პრობაციის სამსახურიდან აკითხავენ.
მანანა გვასალია, ჯაბას დედა:
- ჯაბას 2 წელი ციხეში უნდა გაეტარებინა და ამის შემდეგ 4 წელი პირობითი მსჯავრი უნდა მოეხადა. 4 წელი უკვე გავიდა, პრობაციონერი აღარ არის, მაგრამ ციხის საავადმყოფოში ავადმყოფობის პირველი 4 თვე გაატარა, დარჩენილი და წელიწადი და 6 თვე - გადაუვადეს, რაც იმას ნიშნავს, რომ გამოჯანმრთელებამდე შინ იქნებოდა, ხოლო თუ მდგომარეობა გაუუმჯობესდებოდა, ციხეში დააბრუნებდნენ, გადავადებული სასჯელის მოსახდელად.
- გამოდის, რომ ჯაბა დღესაც მსჯავდებულია?
- დიახ, და ალბათ ასე უნდა იარონ სასჯელაღსრულების თანამშრომლებმა და ამოწმონ, გამოფხიზლდა თუ არა. ეს სირცხვილია. ჩემთვის ძალიან რთული ასატანია.
- ჯაბას გონება რომ დაუბრუნდეს, დააპატიმრებენ?
- არ ვიცი, შვილო, აზრი ვერ გამომაქვს. ასე დადიან, 6 წელია. ხან თვეში ერთხელ მოდიან, ხან - 2 თვეში ერთხელ და ხელს და რაღაც საბუთებზე მაწერინებენ. რამდენიმე თვის წინ შევედავე და დამემუქრნენ, - შენ დაგსჯითო. ამ საქციელს რა შეიძლება ეწოდოს? ჯაბას მდგომარეობა ხომ ყველამ იცის? შემოდიან შინ და ნახულობენ, რომ ნამდვილად უგონო მდგომარეობაში წევს. რა დააშავა ასეთი, რომ დღემდე არ შეიწყალეს? ბოლოს, 2 კვირის წინ იყვნენ მოსული. ამნისტია არ შეიძლება შეეხოს? ჯაბას 2 საათზე მეტი დროით ვერ ვტოვებ, სადმე რომ წავიდე და ჩემს უფლებებში გავერკვე. ყოველ 2 საათში ვაბრუნებ, სხეულს ვუმუშავებ, რომ ნაწოლები არ გაუჩნდეს. თქვენი საშუალებით საჯაროდ მივმართავ პრეზიდენტს, შეწყალების კომიისიას და ყველა ინსტანციას, ვისაც ჩემი პრობლემის მოგვარება შეუძლია: ძალიან გთხოვთ, შეიწყალეთ ჩემი შვილი! ჯერ ხომ არ ვიცი, ჯაბას მდგომარეობა როგორ წარიმართება? მუდმივად მეთვალყურეობის ქვეშ ყოფნა და საბუთებზე ხელის მოწერა გამაღიზიანებელია. ნაქირავებში ვცხოვრობთ, ბინის პრობლემა მაქვს. რომ იგებენ, ავადმყოფი მყავს, სახლში ჩვენი შეშვება არავის უნდა. ჯაბას მდგომარეობაში მცირედი უკეთესობაა, ყველაფერს გრძნობს. სიზმარი მაქვს ნანახი, - გონს მე-7 წელს უნდა მოვიდეს და ამ სიზმრის ახდენას ველოდები.
მიხეილ ღოღაძე, იურისტი:
- რადგან სასამართლოს გადაწყვეტილებით ჯაბა ბოჯგუა დღესაც მსჯავრდებულად ითვლება და მსჯავრი გადავადებული აქვს, წელიწადში ერთხელ მისი ჯანმრთელობის მდგომარეობა უნდა შემოწმდეს. თუ ისევ ისეთი მდგომარეობა ექნება, როგორიც გადავადების დროს იყო ან - უფრო დამძიმებული, მაშინ სასჯელი კიდევ გადაუვადდება. იმ შემთხვევაში, თუ ჯანმრთელობის მდგომარეობა გაუუმჯობესდება ან სრულად განიკურნება, აღსრულდება სასამართლოს გადაწყვეტილება ანუ პიროვნებას სასჯელაღსრულების დაწესებულებაში მოათავსებენ.
- სასჯელაღსრულების სამინისტროა ვალდებული, მისი ჯანმრთელობის მდგომარეობა შეამოწმოს?
- ექსპერტიზა უნდა ჩატარდეს.
- ექსპერტიზას ვინ უკვეთს?
- ოჯახის წევრები. პერიოდულად, სასამართლოს პიროვნების ჯანმრთელობის მდგომარეობის ცნობას წარუდგენენ. ექსპერტიზის დასკვნის საფუძველზე სასამართლო იღებს გადაწყვეტილებას, კვლავ გადაუვადოს სასჯელი თუ შეასახლოს დაწესებულებაში.
- შეწყალება რომ მოხდეს, არ შეიძლება? დედა ძალიან განიცდის. კანონის ფარგლებში, რა შეუძლია, მოითხოვოს?
- როგორც წესი, იმ მსჯავრდებულების შეწყალება ხდება, რომლებიც სასჯელაღსრულების დაწესებულებაში იმყოფებიან. რადგან ჯაბას სასჯელი გადავადებული აქვს და არც პირობითი მსჯავრის ქვეშ იმყოფება, პრეზიდენტი მას ვერ შეიწყალებს, ეს ბრძანებაში არ უწერია. პრეზიდენტის შეწყალების სპეციალურ ბრძანებაში არ წერია, რომ ასეთ პიროვნებებზე შეიძლება იმსჯელოს. თუ მსჯავრდებული გონს მოვა და ექიმები დაასკვნიან, რომ მისი ჯანმრთელობის მდგომარეობა დამაკმაყოფილებელია, სასამართლომ უნდა გადაწყვიტოს, ამ პიროვნებას სასჯელარსრულების დაწესებულებაში შეაბრუნებს თუ არა. შემდეგ შეიძლება, შეწყალებაზეც საუბარი.
თამუნა კვინიკაძე, სპეციალურად საიტისთვის.
