"ბრავო" ოთო ნემსაძემ მოიგო.
1 528 ნახვა
გუშინ, 5 დეკემბერს, გვიან ღამით, ცნობილი გახდა რუსთავი 2-ის პროექტ "ბრავოს" გამარჯვებული.
პროექტი ოთო ნემსაძემ მოიგო. გადაცემაში შემოსული 48.884 ზარიდან, მაყურებლის გადაწყვეტილებით, 42,14 % ოთო ნემსაძეს ერგო, რაც გამარჯვებისთვის საკმარისი აღმოჩნდა.
პროექტის გამარჯვებულს "ორბი ჯგუფისგან" გადაეცა საჩუქრად ბინა ბათუმში.
გთავაზობთ ინტერვიუს მასთან და მის ლობისტ ლალი მოროშკინასთან, რომელიც ფინალამდეა ჩაწერილი.
...
სკანდალებით ცნობილი ლალი მოროშკინა დიდხანს ფიქრობდა, გამხდარიყო თუ არა მომღერალ ოთო ნემსაძის ლობისტი პროექტში "ბრავო". ბოლო დროს მისი ქცევა მნიშვნელოვნად შეიცვალა. ეპატაჟურ, გამომწვევ ქმედებებს ერიდება. და მაინც, მზად არის, ყველაფერი გააკეთოს, რაც ოთოს გამარჯვებას მოუტანს. რჩევებსაც ხშირად აძლევს, მათ შორის იმაზეც, ახალდაქორწინებულმა წყვილმა ჰარმონიულად როგორ იცხოვროს. ოთოს ახალშერთული ცოლი უკვე გაიცნო და მისთვის დარიგება "სარკის" ფურცლებიდანაც არ დაიშურა.
– ქალბატონო ლალი, რა იყო ამ პროექტში თქვენთვის საინტერესო, რატომ დათანხმდით მონაწილეობას?
ლალი: დათანხმების პროცესი ძალიან დიდი ხნის განმავლობაში მიმდინარეობდა. პირველად ვანიკო თარხნიშვილმა დამირეკა და კატეგორიული უარი მიიღო ჩემგან. ასეთ შოუებში მონაწილეობა არასდროს მიმიღია და ვთვლი, რომ ეს ჩემი საქმე არ არის. აბსოლუტურად სხვა საქმიანობით ვარ დაკავებული, თუმცა ჩემს მეგობრებს ხანგრძლივი საუბრების შემდეგ მაინც დავთანხმდი.
– ოთო, თქვენც ასევე ბევრი იფიქრეთ, როცა ახალ შოუში მონაწილეობა შემოგთავაზეს?
ოთო: პირველ რიგში, გეტყვით, რომ ძალიან გამიმართლა, მაგარი ლობისტი შემხვდა. ის ძალიან განათლებულია და პლუს ადამიანი შოუა, რაც საქართველოში იშვიათია. რაც შეეხება პროექტს, მე "რუსთავი 2"–ის აღმოჩენა ვარ, მათთან ძალიან დიდი ხნის თანამშრომლობა მაკავშირებს, ამიტომ უარის თქმაზე არც მიფიქრია. თანაც ჩემს ქვეყანაში დიდი ხანია ახალი არაფერი გამიკეთებია და ვცდილობ, ქართველ ხალხს თავი შევახსენო.
– ლალი, შოუში რისი შესრულება გაგიჭირდათ ყველაზე მეტად ან რის გაკეთებას არ დათანხმდებით არასდროს?
ლალი: ასეთი პრინციპი მაქვს – მთავარია ასაკისთვის, მდგომარეობისთვის შეუფერებლად სასაცილო არ იყო. ისეთ რამეს არ გავაკეთებ, რაც ჩემს იმიჯს დააზიანებს. მივხვდი, რომ ასაკს თავისი დადებითი რაღაცეებიც მოაქვს და უარყოფითიც. დადებითი, რაც ჩემმა ასაკმა მოიტანა, ჩემი სოციალური მდგომარეობაა, ასევე გამოცდილება, მაგრამ მინუსია ის, რომ რასაც 10 წლის წინ ვაკეთებდი, იმას ვერ გავაკეთებ. 10 წლის წინ როგორიც ვიყავი, ისევ ისეთი რომ ვიყო, ალბათ იფიქრებენ, ტვინი გამოეცალაო.
– მაგალითად, რას გააკეთებდით 10 წლის წინ ამ შოუსთვის?
ლალი: ალბათ რაღაც ცეცხლოვანს ვიცეკვებდი, უფრო დინამიკურიც ვიქნებოდი და იმ იმიჯის შესაფერისი, რომელიც 10 წლის წინ მოროშკინას ჰქონდა. ახლა მთავარია, 40 წელს გადაცილებული მოროშკინა სასაცილო არ იყოს. ისეთი არც არაფერი შემოუთავაზებიათ, რის შესრულებაზეც უარს ვიტყოდი. თუმცა აქვე უნდა ვთქვა, რომ მე ვარ ადამიანი, რომელიც აბსოლუტურად არაპროგნოზირებადია.
ოთო: როცა ლალი სცენაზეა, მშვიდად ვარ იმიტომ, რომ ვიცი, რაც უნდა გააკეთოს, ყველაფერი მაგარი იქნება.
ლალი: მთავარია, შემსრულებელს კომფორტი შევუქმნა. მომღერალმა თუ იმაზე ინერვიულა, სცენაზე რაღაც სისულელე არ ჩავიდინო, მაშინ სიმღერის ხარისხიც შემცირდება.
– ოთო, თქვენი ლობისტი ყველაზე მეტად როდის მოგეწონათ?
ოთო: ალბათ ლალის ყველაზე კარგად ჩარლი ჩაპლინი გამოუვიდა, ასევე – მერილინ მონროც, მაგრამ მაშინ ელექტროშოკის მიღებაც მოუწია და ვუთანაგრძნობდი. ელექტროშოკი მეც მიგემია და ვიცი, ეს რაც არის. არ მინდოდა, ჩემ გამო ასეთ განსაცდელში ჩავარდნილიყო.
ლალი: საკმაოდ რთული იყო ჩაპლინზე მუშაობა. ამას რეპეტიციაზე ორჯერ მისვლით ვერ ისწავლი. მთელი ღამე ჩაპლინს ვუყურებდი. ვეცადე, მის სულში ჩამეხედა. ალბათ ის მოძრაობები შიგნიდან მოვიდა და არა – ვარჯიშით. არაჩვეულებრივი ქორეოგრაფიც მყავდა – აჩიკო სოლოღაშვილი. ჩაწერის დროს ბაზრობაზე გავედით და ყველგან დაგვალევინეს. რეპეტიციაზე ნასვამი მივედი, ამიტომ იმ დღეს ვარჯიში არ შედგა.
– ლალი, როგორ ფიქრობთ, ოთოს აქვს გამარჯვების შანსი შოუში?
ლალი: ვფიქრობ, რომ ის უალტერნატივოა. ფული ყველაფერს არ განსაზღვრავს, თუმცა ასეთი პროექტების მინუსი სწორედ ის არის, რომ ნიჭიერი ადამიანის ბედს ხანდახან ესემეს–ების რაოდენობა წყვეტს. ვფიქრობ, ოთო საქართველოს რჩეულია. ჩემ გარშემო ადამიანი არ დარჩა, რომელსაც არ ეთქვა, რომ ის ყველაზე კარგია.
ოთო: ამ სიტყვების მოსმენა ძალიან მაგარია! ლალის პირობას ვაძლევ, რომ არავის არაფერს დავუთმობ.
– ოთოს ბევრი თაყვანისმცემელი ჰყავს. თქვენი აზრით, მისი მთავარი ხიბლი რა არის, რითიც მაყურებლის სიყვარულს იმსახურებს?
ლალი: გარდა მუსიკალური ნიჭისა, ის ძალიან გულწრფელია, ნაღდია. ბუნებრიობა კი ყოველთვის იმარჯვებს.
ოთო: როცა სცენაზე დგახარ, საჭირო არ არის, წარმატებას პროვოკაციებით მიაღწიო, რადგან ერთ დღეს ის აუცილებლად ცუდად შემოგიბრუნდება. მსმენელი ერთი წამითაც არ მომიტყუებია.
ლალი: რთულია, ნაღდი იყო და შენი ხმის ტემბრი გარეგნულ იმიჯს რეალურად შეესაბამებოდეს. ოთოს კი ეს ყველაფერი ბუნებრივად აქვს. იმედი მაქვს, ქართული შოუბიზნესი ფურჩალებიდან, ხელოვნურობიდან, სილიკონებიდან ამოვა და გაჯანსაღების პროცესი დაიწყება. დაე, ოთო იყოს ამ პროცესის ლიდერი!
– ქალბატონო ლალი, როცა ოთო გაიცანით, რა თვისებები აღმოაჩინეთ მასში?
ლალი: ძალიან კარგად ვიცნობ იმ კუთხეს, საიდანაც ოთოა. ჩემი აზრით, ის არის კუთხიდან, სადაც განსაკუთრებული ვაჟკაცობითა და მამაკაცურობით გამოირჩევიან, ასევე განსაკუთრებული სიხისტით. ალბათ ოთოს ცოლს ბევრ რამეში მოუწევს ქმართან დიპლომატიის გამოჩენა იმიტომ, რომ ის არის მამრი, რომელსაც შენ უნდა გაუგორო კოჭი.
ოთო: ცოტა ხისტი ვარ, უბრალო გორელი ოთარა ვარ.
– ქალბატონო ლალი, ოთო ცოტა ხნის წინ დაქორწინდა, თქვენ კი ამ მხრივ დიდი გამოცდილება გაქვთ. რა რჩევას მისცემთ მას, მაგალითად, რა არის საჭირო იმისთვის, რომ შოუბიზნესმა, პოპულარობამ ცოლქმრულ ცხოვრებაზე ცუდად არ იმოქმედოს?
ლალი: პოპულარობა ყველა ვარიანტში იქონიებს გავლენას. ოჯახის პირველი მტერი მეორე ნახევრის პოპულარობაა და ამას მტკიცება არ უნდა. რომ ამბობენ, მერე რა, ჩემი ქმარი ან ცოლი თუ პოპულარულია, ეს ხელს არ მიშლისო, ასე არ არის. შლეგი ზარები, ფანების წერილები მაინც იქნება. ამის გადაყლაპვა რომ შეძლო, ძალიან სულგრძელი უნდა იყო.
მაგალითად, ქმართან ერთად რესტორანში არ დავდივარ, რადგან ზუსტად ვიცი, რესტორანში სამი ჭიქის დალევის შემდეგ ჩემთან მოსვლას დაიწყებენ. აეროპორტში თუ მივდივართ, კაპიუშონი მახურავს, რადგან მას ხალხის ყურადღება ძალიან აღიზიანებს.
სასჯელაღსრულების სისტემაში, სადაც მე ვმუშაობდი, 25 000 პატიმარი იხდიდა სასჯელს. ქუჩაში რომ გავდივარ, ყოველი მესამე ჩემი გამოშვებულია. ისინი მადლიერებით აღსავსე მოდიან ჩემთან. ეს კარგია, მაგრამ ქმრისთვის წარმოუდგენელი "ჯაფაა", როცა მის ცოლს ამხელა ყურადღებას აქცევენ. ამაზე ისე ბრაზდება და ისე ეშლება ნერვები, რომ იმ გადაწყვეტილებამდე მივედით, საზოგადოებრივი თავშეყრის ადგილებში ერთად არ ვიაროთ. ისე ნერვიულობს, ხელში მაკვდება და რატომ მოვკლა?!
ზუსტად ვიცი, რომ ოთოს ცოლიც იმავეს განიცდის. თავიდან, სანამ ახალგაზრდა ხარ, შეიძლება ეს თამაშის ელემენტი იყოს, მოგწონდეს, მაგრამ შინაგანად მაინც გაგაღიზიანებს. ჩვენს ოჯახში ასეა და ეს ძალიან დიდ სირთულესთანაა დაკავშირებული. მეუღლეს ჩემი "ფეისბუქის" პაროლი აქვს, ყველაფერს კითხულობს, მაგრამ კიდევ უფრო გიჟდება და მწარდება, დღის განმავლობაში ამდენი წერილი რომ მომდის. რას ვიზამთ? როცა ლალი მოროშკინა მოჰყავდა ცოლად, უნდა სცოდნოდა, რომ ის მუდმივი თავის ტკივილი იქნებოდა.
ოთო: ლალიმ რომ თქვა, მეუღლეს ჩემი "ფეისბუქის" პაროლი აქვსო, ამაზე ერთი ხუმრობა გამახსენდა. დღეს ქორწინება "ფეისბუქის" პაროლების გაცვლას უფრო გულისხმობს, ვიდრე ქორწინების ბეჭდების გაცვლასო. ჩემი ცოლი ძალიან მაგარი გოგოა. ერთმანეთი ძალიან გვიყვარს, შესაბამისად, სხვა რაღაცეები ჩვენთვის მეათეხარისხოვანია.
თვითონ ვცდილობ იმ პრობლემის მოგვარებას, რაც შეიძლება ცოლს ჩემგან შეექმნას. ცხოვრებაში მეც ბევრი რამ მიქმნის პრობლემას, მაგრამ ვცდილობ, ჩემს მეუღლემდე ის ცოტა გადახალისებულად და სხვანაირად მივიტანო, რომ არ გაღიზიანდეს.
ლალი: ჩემი ორივე შვილი მეუბნება, შენნაირი ცოლი არ გვინდაო. უფროსი შვილი უკვე დიდი ხანია აღარსად დამყვება, უმცროსმაც ჩემთან სიარულს მოუკლო.
– ოთო, თქვენი ცოლი რას საქმიანობს?
ოთო: ახლა წამოვიდა სამსახურიდან და უნარშეზღუდულ ადამიანებს ეხმარება. ნიუ იორკში არტ–დიზაინის სკოლა აქვს დამთავრებული.
– როგორ გამოხატავს თქვენდამი მხარდაჭერას ამ პროექტში?
ოთო: ძალიან აქტიურია, ბანერებს ხატავს, სადარბაზოებში აკრავს, თქვენს მეზობელს დაუმესიჯეთო და ასე შემდეგ. უხარია, რომ ჩემს პროექტშია ჩართული.
– ლალი, რაღაცნაირად შეცვლილი ხართ. ეს ასაკს დავაბრალოთ თუ მეუღლეს?
ლალი: ალბათ ორივეს. 45 წლის ასაკში ბევრ რამეს აანალიზებ. ჩემს ცხოვრებაში ჯერ ფუჭდებოდა, მერე კეთდებოდა, მერე ისევ ფუჭდებოდა, მაგრამ მაინც სწორად განვვლე ეს გზა. დღეს ჩემ გვერდით არის ადამიანი, რომელიც მართლა სიცოცხლეს მირჩევნია. იმისთვის, რომ ამ გრძნობას ჩრდილი არ მიადგეს, ძალიან ბევრ რამეზე უკან ვიხევ. ერთ–ერთი არის ის, რომ საზოგადოებასთან ურთიერთობა ძალიან შევამცირე. ისეთ აქტიურობებს მოვეშვი, რამაც შეიძლება ჩემი მეუღლე გაანერვიულოს.
– ადრე თქვენი ჩაცმის სტილი სექსუალური იყო, ახლა ამასაც ერიდებით.
ლალი: კი, როგორ შეიძლება 30 ან 40 წლის ასაკში ერთნაირად ჩაიცვა?! მხოლოდ დაპრუწულ–გაბერილი ტუჩებით არ იქმნება სექსუალური იმიჯი, ამისთვის საჭიროა ინტელექტი. ყოველთვის ჯანმრთელი ცხოვრების მომხრე ვიყავი, ძალიან ბევრს ვვარჯიშობდი და ვვარჯიშობ, არასდროს მომიწევია სიგარეტი, ახლაც ასე ვაგრძელებ ცხოვრებას. გული მწყდება, რომ ქალები სექსუალურ იმიჯს სიგარეტით ხელში და გადაბოტოქსებულები ირგებენ. მისაბაძი უნდა იყო და არა – გულისამრევი. სამწუხაროდ, ეს ყველაფერი არასწორად გაიგეს.
ოთო: ქალი შუშის თვალებით არ უნდა გიყურებდეს, ძლიერი უნდა იყოს. ჭკვიანი ქალები ძალიან მიმზიდველები არიან. თუ შინაგანი სამყარო არ არსებობს, ვიზუალი ძალიან მალე ინგრევა და უინტერესო ხდება.
ეკა ლემონჯავა, ჟურნალი სარკე
პროექტი ოთო ნემსაძემ მოიგო. გადაცემაში შემოსული 48.884 ზარიდან, მაყურებლის გადაწყვეტილებით, 42,14 % ოთო ნემსაძეს ერგო, რაც გამარჯვებისთვის საკმარისი აღმოჩნდა.
პროექტის გამარჯვებულს "ორბი ჯგუფისგან" გადაეცა საჩუქრად ბინა ბათუმში.
გთავაზობთ ინტერვიუს მასთან და მის ლობისტ ლალი მოროშკინასთან, რომელიც ფინალამდეა ჩაწერილი.
...
სკანდალებით ცნობილი ლალი მოროშკინა დიდხანს ფიქრობდა, გამხდარიყო თუ არა მომღერალ ოთო ნემსაძის ლობისტი პროექტში "ბრავო". ბოლო დროს მისი ქცევა მნიშვნელოვნად შეიცვალა. ეპატაჟურ, გამომწვევ ქმედებებს ერიდება. და მაინც, მზად არის, ყველაფერი გააკეთოს, რაც ოთოს გამარჯვებას მოუტანს. რჩევებსაც ხშირად აძლევს, მათ შორის იმაზეც, ახალდაქორწინებულმა წყვილმა ჰარმონიულად როგორ იცხოვროს. ოთოს ახალშერთული ცოლი უკვე გაიცნო და მისთვის დარიგება "სარკის" ფურცლებიდანაც არ დაიშურა.
– ქალბატონო ლალი, რა იყო ამ პროექტში თქვენთვის საინტერესო, რატომ დათანხმდით მონაწილეობას?
ლალი: დათანხმების პროცესი ძალიან დიდი ხნის განმავლობაში მიმდინარეობდა. პირველად ვანიკო თარხნიშვილმა დამირეკა და კატეგორიული უარი მიიღო ჩემგან. ასეთ შოუებში მონაწილეობა არასდროს მიმიღია და ვთვლი, რომ ეს ჩემი საქმე არ არის. აბსოლუტურად სხვა საქმიანობით ვარ დაკავებული, თუმცა ჩემს მეგობრებს ხანგრძლივი საუბრების შემდეგ მაინც დავთანხმდი.
– ოთო, თქვენც ასევე ბევრი იფიქრეთ, როცა ახალ შოუში მონაწილეობა შემოგთავაზეს?
ოთო: პირველ რიგში, გეტყვით, რომ ძალიან გამიმართლა, მაგარი ლობისტი შემხვდა. ის ძალიან განათლებულია და პლუს ადამიანი შოუა, რაც საქართველოში იშვიათია. რაც შეეხება პროექტს, მე "რუსთავი 2"–ის აღმოჩენა ვარ, მათთან ძალიან დიდი ხნის თანამშრომლობა მაკავშირებს, ამიტომ უარის თქმაზე არც მიფიქრია. თანაც ჩემს ქვეყანაში დიდი ხანია ახალი არაფერი გამიკეთებია და ვცდილობ, ქართველ ხალხს თავი შევახსენო.
– ლალი, შოუში რისი შესრულება გაგიჭირდათ ყველაზე მეტად ან რის გაკეთებას არ დათანხმდებით არასდროს?
ლალი: ასეთი პრინციპი მაქვს – მთავარია ასაკისთვის, მდგომარეობისთვის შეუფერებლად სასაცილო არ იყო. ისეთ რამეს არ გავაკეთებ, რაც ჩემს იმიჯს დააზიანებს. მივხვდი, რომ ასაკს თავისი დადებითი რაღაცეებიც მოაქვს და უარყოფითიც. დადებითი, რაც ჩემმა ასაკმა მოიტანა, ჩემი სოციალური მდგომარეობაა, ასევე გამოცდილება, მაგრამ მინუსია ის, რომ რასაც 10 წლის წინ ვაკეთებდი, იმას ვერ გავაკეთებ. 10 წლის წინ როგორიც ვიყავი, ისევ ისეთი რომ ვიყო, ალბათ იფიქრებენ, ტვინი გამოეცალაო.
– მაგალითად, რას გააკეთებდით 10 წლის წინ ამ შოუსთვის?
ლალი: ალბათ რაღაც ცეცხლოვანს ვიცეკვებდი, უფრო დინამიკურიც ვიქნებოდი და იმ იმიჯის შესაფერისი, რომელიც 10 წლის წინ მოროშკინას ჰქონდა. ახლა მთავარია, 40 წელს გადაცილებული მოროშკინა სასაცილო არ იყოს. ისეთი არც არაფერი შემოუთავაზებიათ, რის შესრულებაზეც უარს ვიტყოდი. თუმცა აქვე უნდა ვთქვა, რომ მე ვარ ადამიანი, რომელიც აბსოლუტურად არაპროგნოზირებადია.
ოთო: როცა ლალი სცენაზეა, მშვიდად ვარ იმიტომ, რომ ვიცი, რაც უნდა გააკეთოს, ყველაფერი მაგარი იქნება.
ლალი: მთავარია, შემსრულებელს კომფორტი შევუქმნა. მომღერალმა თუ იმაზე ინერვიულა, სცენაზე რაღაც სისულელე არ ჩავიდინო, მაშინ სიმღერის ხარისხიც შემცირდება.
– ოთო, თქვენი ლობისტი ყველაზე მეტად როდის მოგეწონათ?
ოთო: ალბათ ლალის ყველაზე კარგად ჩარლი ჩაპლინი გამოუვიდა, ასევე – მერილინ მონროც, მაგრამ მაშინ ელექტროშოკის მიღებაც მოუწია და ვუთანაგრძნობდი. ელექტროშოკი მეც მიგემია და ვიცი, ეს რაც არის. არ მინდოდა, ჩემ გამო ასეთ განსაცდელში ჩავარდნილიყო.
ლალი: საკმაოდ რთული იყო ჩაპლინზე მუშაობა. ამას რეპეტიციაზე ორჯერ მისვლით ვერ ისწავლი. მთელი ღამე ჩაპლინს ვუყურებდი. ვეცადე, მის სულში ჩამეხედა. ალბათ ის მოძრაობები შიგნიდან მოვიდა და არა – ვარჯიშით. არაჩვეულებრივი ქორეოგრაფიც მყავდა – აჩიკო სოლოღაშვილი. ჩაწერის დროს ბაზრობაზე გავედით და ყველგან დაგვალევინეს. რეპეტიციაზე ნასვამი მივედი, ამიტომ იმ დღეს ვარჯიში არ შედგა.
– ლალი, როგორ ფიქრობთ, ოთოს აქვს გამარჯვების შანსი შოუში?
ლალი: ვფიქრობ, რომ ის უალტერნატივოა. ფული ყველაფერს არ განსაზღვრავს, თუმცა ასეთი პროექტების მინუსი სწორედ ის არის, რომ ნიჭიერი ადამიანის ბედს ხანდახან ესემეს–ების რაოდენობა წყვეტს. ვფიქრობ, ოთო საქართველოს რჩეულია. ჩემ გარშემო ადამიანი არ დარჩა, რომელსაც არ ეთქვა, რომ ის ყველაზე კარგია.
ოთო: ამ სიტყვების მოსმენა ძალიან მაგარია! ლალის პირობას ვაძლევ, რომ არავის არაფერს დავუთმობ.
– ოთოს ბევრი თაყვანისმცემელი ჰყავს. თქვენი აზრით, მისი მთავარი ხიბლი რა არის, რითიც მაყურებლის სიყვარულს იმსახურებს?
ლალი: გარდა მუსიკალური ნიჭისა, ის ძალიან გულწრფელია, ნაღდია. ბუნებრიობა კი ყოველთვის იმარჯვებს.
ოთო: როცა სცენაზე დგახარ, საჭირო არ არის, წარმატებას პროვოკაციებით მიაღწიო, რადგან ერთ დღეს ის აუცილებლად ცუდად შემოგიბრუნდება. მსმენელი ერთი წამითაც არ მომიტყუებია.
ლალი: რთულია, ნაღდი იყო და შენი ხმის ტემბრი გარეგნულ იმიჯს რეალურად შეესაბამებოდეს. ოთოს კი ეს ყველაფერი ბუნებრივად აქვს. იმედი მაქვს, ქართული შოუბიზნესი ფურჩალებიდან, ხელოვნურობიდან, სილიკონებიდან ამოვა და გაჯანსაღების პროცესი დაიწყება. დაე, ოთო იყოს ამ პროცესის ლიდერი!
– ქალბატონო ლალი, როცა ოთო გაიცანით, რა თვისებები აღმოაჩინეთ მასში?
ლალი: ძალიან კარგად ვიცნობ იმ კუთხეს, საიდანაც ოთოა. ჩემი აზრით, ის არის კუთხიდან, სადაც განსაკუთრებული ვაჟკაცობითა და მამაკაცურობით გამოირჩევიან, ასევე განსაკუთრებული სიხისტით. ალბათ ოთოს ცოლს ბევრ რამეში მოუწევს ქმართან დიპლომატიის გამოჩენა იმიტომ, რომ ის არის მამრი, რომელსაც შენ უნდა გაუგორო კოჭი.
ოთო: ცოტა ხისტი ვარ, უბრალო გორელი ოთარა ვარ.
– ქალბატონო ლალი, ოთო ცოტა ხნის წინ დაქორწინდა, თქვენ კი ამ მხრივ დიდი გამოცდილება გაქვთ. რა რჩევას მისცემთ მას, მაგალითად, რა არის საჭირო იმისთვის, რომ შოუბიზნესმა, პოპულარობამ ცოლქმრულ ცხოვრებაზე ცუდად არ იმოქმედოს?
ლალი: პოპულარობა ყველა ვარიანტში იქონიებს გავლენას. ოჯახის პირველი მტერი მეორე ნახევრის პოპულარობაა და ამას მტკიცება არ უნდა. რომ ამბობენ, მერე რა, ჩემი ქმარი ან ცოლი თუ პოპულარულია, ეს ხელს არ მიშლისო, ასე არ არის. შლეგი ზარები, ფანების წერილები მაინც იქნება. ამის გადაყლაპვა რომ შეძლო, ძალიან სულგრძელი უნდა იყო.
მაგალითად, ქმართან ერთად რესტორანში არ დავდივარ, რადგან ზუსტად ვიცი, რესტორანში სამი ჭიქის დალევის შემდეგ ჩემთან მოსვლას დაიწყებენ. აეროპორტში თუ მივდივართ, კაპიუშონი მახურავს, რადგან მას ხალხის ყურადღება ძალიან აღიზიანებს.
სასჯელაღსრულების სისტემაში, სადაც მე ვმუშაობდი, 25 000 პატიმარი იხდიდა სასჯელს. ქუჩაში რომ გავდივარ, ყოველი მესამე ჩემი გამოშვებულია. ისინი მადლიერებით აღსავსე მოდიან ჩემთან. ეს კარგია, მაგრამ ქმრისთვის წარმოუდგენელი "ჯაფაა", როცა მის ცოლს ამხელა ყურადღებას აქცევენ. ამაზე ისე ბრაზდება და ისე ეშლება ნერვები, რომ იმ გადაწყვეტილებამდე მივედით, საზოგადოებრივი თავშეყრის ადგილებში ერთად არ ვიაროთ. ისე ნერვიულობს, ხელში მაკვდება და რატომ მოვკლა?!
ზუსტად ვიცი, რომ ოთოს ცოლიც იმავეს განიცდის. თავიდან, სანამ ახალგაზრდა ხარ, შეიძლება ეს თამაშის ელემენტი იყოს, მოგწონდეს, მაგრამ შინაგანად მაინც გაგაღიზიანებს. ჩვენს ოჯახში ასეა და ეს ძალიან დიდ სირთულესთანაა დაკავშირებული. მეუღლეს ჩემი "ფეისბუქის" პაროლი აქვს, ყველაფერს კითხულობს, მაგრამ კიდევ უფრო გიჟდება და მწარდება, დღის განმავლობაში ამდენი წერილი რომ მომდის. რას ვიზამთ? როცა ლალი მოროშკინა მოჰყავდა ცოლად, უნდა სცოდნოდა, რომ ის მუდმივი თავის ტკივილი იქნებოდა.
ოთო: ლალიმ რომ თქვა, მეუღლეს ჩემი "ფეისბუქის" პაროლი აქვსო, ამაზე ერთი ხუმრობა გამახსენდა. დღეს ქორწინება "ფეისბუქის" პაროლების გაცვლას უფრო გულისხმობს, ვიდრე ქორწინების ბეჭდების გაცვლასო. ჩემი ცოლი ძალიან მაგარი გოგოა. ერთმანეთი ძალიან გვიყვარს, შესაბამისად, სხვა რაღაცეები ჩვენთვის მეათეხარისხოვანია.
თვითონ ვცდილობ იმ პრობლემის მოგვარებას, რაც შეიძლება ცოლს ჩემგან შეექმნას. ცხოვრებაში მეც ბევრი რამ მიქმნის პრობლემას, მაგრამ ვცდილობ, ჩემს მეუღლემდე ის ცოტა გადახალისებულად და სხვანაირად მივიტანო, რომ არ გაღიზიანდეს.
ლალი: ჩემი ორივე შვილი მეუბნება, შენნაირი ცოლი არ გვინდაო. უფროსი შვილი უკვე დიდი ხანია აღარსად დამყვება, უმცროსმაც ჩემთან სიარულს მოუკლო.
– ოთო, თქვენი ცოლი რას საქმიანობს?
ოთო: ახლა წამოვიდა სამსახურიდან და უნარშეზღუდულ ადამიანებს ეხმარება. ნიუ იორკში არტ–დიზაინის სკოლა აქვს დამთავრებული.
– როგორ გამოხატავს თქვენდამი მხარდაჭერას ამ პროექტში?
ოთო: ძალიან აქტიურია, ბანერებს ხატავს, სადარბაზოებში აკრავს, თქვენს მეზობელს დაუმესიჯეთო და ასე შემდეგ. უხარია, რომ ჩემს პროექტშია ჩართული.
– ლალი, რაღაცნაირად შეცვლილი ხართ. ეს ასაკს დავაბრალოთ თუ მეუღლეს?
ლალი: ალბათ ორივეს. 45 წლის ასაკში ბევრ რამეს აანალიზებ. ჩემს ცხოვრებაში ჯერ ფუჭდებოდა, მერე კეთდებოდა, მერე ისევ ფუჭდებოდა, მაგრამ მაინც სწორად განვვლე ეს გზა. დღეს ჩემ გვერდით არის ადამიანი, რომელიც მართლა სიცოცხლეს მირჩევნია. იმისთვის, რომ ამ გრძნობას ჩრდილი არ მიადგეს, ძალიან ბევრ რამეზე უკან ვიხევ. ერთ–ერთი არის ის, რომ საზოგადოებასთან ურთიერთობა ძალიან შევამცირე. ისეთ აქტიურობებს მოვეშვი, რამაც შეიძლება ჩემი მეუღლე გაანერვიულოს.
– ადრე თქვენი ჩაცმის სტილი სექსუალური იყო, ახლა ამასაც ერიდებით.
ლალი: კი, როგორ შეიძლება 30 ან 40 წლის ასაკში ერთნაირად ჩაიცვა?! მხოლოდ დაპრუწულ–გაბერილი ტუჩებით არ იქმნება სექსუალური იმიჯი, ამისთვის საჭიროა ინტელექტი. ყოველთვის ჯანმრთელი ცხოვრების მომხრე ვიყავი, ძალიან ბევრს ვვარჯიშობდი და ვვარჯიშობ, არასდროს მომიწევია სიგარეტი, ახლაც ასე ვაგრძელებ ცხოვრებას. გული მწყდება, რომ ქალები სექსუალურ იმიჯს სიგარეტით ხელში და გადაბოტოქსებულები ირგებენ. მისაბაძი უნდა იყო და არა – გულისამრევი. სამწუხაროდ, ეს ყველაფერი არასწორად გაიგეს.
ოთო: ქალი შუშის თვალებით არ უნდა გიყურებდეს, ძლიერი უნდა იყოს. ჭკვიანი ქალები ძალიან მიმზიდველები არიან. თუ შინაგანი სამყარო არ არსებობს, ვიზუალი ძალიან მალე ინგრევა და უინტერესო ხდება.
ეკა ლემონჯავა, ჟურნალი სარკე
