სტეფანე საქართველოდან წავიდა _ ”ვისაც შვილი არ გყავთ, აიყვანეთ”

მომღერალი და პროდიუსერი სტეფანე საქართველოდან წავიდა. მუსიკალური შოუს ”ბრავოს” დასრულების შემდეგ მან გეზი ევროპისკენ აიღო.

სტეფანემ მუსიკალური პროექტი ახალი სიმღერის პრემიერით დაასრულა. მან ”ბრავოს” სუპერფინალში ირაკლი ჩარკვიანის ერთ-ერთი გამორჩეული სიმღერა ”ისტორიას” შეასრულა.

როგორც მომღერალმა სოციალურ ქსელში დაწერა, საქართველო ახალ წლამდე დატოვა:

_ დავამთავრეთ ”ბრავო”, სადაც უამრავი ენერგია დახარჯა თითოეულმა თანამშრომელმა. მგონი წარმატებით ჩაიარა. ასევე ჩემმა დებიუტმა, არავინ არ მლანძღა როგორც წამყვანი, ეს უკვე წარმატებაა. ყველას დიდი მადლობა, ვისთანაც ერთად ეს ძვირფასი დრო გავატარე. შორეულ ევროპაში მივდივარ და ახალ წლამდე გემშვიდობებით. გპირდებით სიახლეებით დაგიბრუნდებით! იქამდე სიმღერას გიტოვებთ, რომელიც ძალიან მიყვარს, ირაკლი ჩარკვიანის ”ისტორიას”. ჩამოსვლისთანავე აუდიო ვერსია და კლიპიც იქნება! და კიდევ ერთი, ყველაზე მაგარი, რაც შეიძლება ადამიანს დაემართოს, შვილია. ვისაც არ გყავთ, აიყვანეთ. ჩადექით რიგში, მაინც მაგაზე მაგარს ცხოვრებაში ვერაფერს გააკეთებთ. მეც მყავს ერთი ნახევრად აყვანილი და მაგარია, ნუ ჩამეკითხებით, სენტიმენტალური ვარ, როცა შორს ვარ, ამიტომ იმედია, გამიგებთ.

ეკა ირემაშვილი, გაზეთი ”ახალი თაობა”