„ჩემს ოჯახს ვურჩევ, ნაგვის ქექვას შეეშვას, თორემ საჯაროდ ვიტყვი, სახლიდან რატომ წავედი“
1 872 ნახვა
რუსული „ფლეიბოის“ ქართველი მოდელი თამუნა ვაშალომიძე საინფორმაციო-ანალიტიკურ პორტალ „კვირას“ პრესკლუბის მეშვეობით საზოგადოებას ოჯახთან დაპირისპირებისა და მისი კარიერის შესახებ უყვება. როგორც თამუნა ვაშალომიძემ ჟურნალისტებთან საუბრისას განმარტა, ჯერ მხოლოდ 2 წელია, რაც ყოფილმა მედავითნემ მოდის სამყაროში შეაბიჯა.
„ფლეიბოის“ ქართველი ვარსკვლავი 14 წლიდან ეკლესიის მრევლს წარმოადგენდა. მალევე უკვე მედავითნე გახდა. ასე გრძელდებოდა მანამ, სანამ თამუნა 17 ასაკში, სახლიდან არ წავიდა. დამოუკიდებელმა ცხოვრებამ და დატვირთულმა გრაფიკმა ეკლესიაში მედავითნეობაზე უარი ათქმევინა და ბედი სამოდელო ბიზნესში სცადა.
„14 წლიდან დავიწყე ეკლესიაში სიარული. მხოლოდ სკოლა, ეკლესია, სახლი... ამით შემოვიფარგლებოდი, ასე ვცხოვრობდი. მალე მედავითნეც გავხდი. 14 წლიდან მოყოლებული ჩემი მოძღვარი მამა ანტონია. 17 წლიდან ცალკე გადავედი საცხოვრებლად. თავის გასატანად ორ სამსახურში ვმუშაობდი. ადვილი არ არის ოჯახისგან შორს, დამოუკიდებლად ცხოვრება. ამის გამო ძალიან დატვირთული გრაფიკი მქონდა და ეკლესიაში სიარულს ვერ ვახერხებდი. მოძღვარი ახლაც მყავს, მაგრამ მედავითნე აღარ ვარ. დატვირთულმა გრაფიკმა ცოტა დამაშორა ეკლესიას. შემდეგ სწავლა დავიწყე „იმიჯ ცენტრში“. 1,5 წელი ვსწავლობდი, თუმცა კონტრაქტი არ მქონდა. ვმონაწილეობდი „მის ბიკინიშიც“, მაგრამ რაიმე ტიტული არ ამიღია. შემდეგ ჩემით რუსული „ფლეიბოი“ დაინტერესდა. მათ დავთანხმდი და ჟურნალისთვის გადამიღეს. 8 წელია, რაც ოჯახიდან მხოლოდ ბებიასთან მაქვს კონტაქტი. ოჯახის დანარჩენ წევრებთან კავშირი არ მაქვს “,- განაცხადა თამუნა ვაშალომიძემ.
როგორც მოდელი ჰყვება, ოჯახთან პრობლემები ბევრად ადრე დაიწყო, ვიდრე მისი სამოდელო კარიერა. მისივე განმარტებით, ბოლოს საქმე იქამდეც მივიდა, რომ მან საკუთარი დედა ბებიის ცემისთვის დააჭერინა.
„კვირას“ კითხვაზე, თუ ახორციელებდა დედა ან ოჯახის რომელიმე სხვა წევრი მასზე ძალადობას, თამუნამ პასუხისგან თავი შეიკავა.
„ცოტა ხანს დაველოდები, როდემდე გაქექავენ დედაჩემი და ჩემი მამინაცვალი ნაგავს. მერე კი ხმამაღლა ვიტყვი, რატომ წავედი სახლიდან და ვინ არიან სინამდვილეში. ურჩევნიათ, ნაგვის ქექვას შეეშვან, თორემ აუცილებლად მოვყვები, რა და როგორ იყო“, - განაცხადა ვაშალომიძემ.
"ტელეიმედით" გასული თოქშოუს შემდეგ ვაშალომიძე მისი მისამართით დედამისის, მამინაცვლისა და მოძღვრის კომენტარებსაც გამოეხმაურა. მოდელს არ გაკვირვებია, როდესაც დედამ „ანტიქრისტე“ უწოდა.
„მე ველოდი დედაჩემის ასეთ შეფასებას. არც გამკვირვებია. რა უნდა გამიკვირდეს ქალისგან, ვინც საკუთარ დედას სცემდა. მე ის ამის გამო დავაჭერინე კიდეც და 12 დღე სასჯელს იხდიდა. რაც შეეხება კაკო ვარშალომიძეს, ის 7 წლისამ გავიცანი, 9 წლისამ გავიგე, რომ მამინაცვალი იყო. მე ის მამად მივიღე და მის გვერდით გავიზარდე. თვითონაც, ინტერვიუ იქნებოდა თუ უბრალოდ საუბრები, ყველგან თავის ქალიშვილად მიხსენიებდა. მე მისთვის გვარი არ მითხოვია. მე ვაპირებ სასამართლში მისვლას. კაკო ვაშალომიძეს თუ იმიტომ რცხვენია ჩემი მამობის, რომ მოდელი ვარ, მაშინ მას გავათავისუფლებ ამ ტვირთისგან. მინდა, მას ჩემი მამობის უფლება ავყარო და ბებიის გვარზე - ესიტაშვილზე გადავიდე.
ტოქშოუში ჩემს მონაწილეობას მოძღვარიც გამოეხმაურა. როდესაც მე დამიკავშირდნენ ტელევიზიიდან და მითხრეს, რომ ჩემზე რეპორტაჟის გაკეთება სურდათ, მე დავურეკე ჩემს მოძღვარს მამა ანტონს და ამის ნებართვა ვთხოვე, თუმცა არ დამიკონკრეტებია, რომ ამ სიუჟეტს „ფლეიბოის“ გამო აკეთებდნენ, არ ვიცოდი, თუ ეს საჭირო იყო. თავიდან ჩემი სტუდიაში მისვლა გათვალისწინებული არ იყო, ეს არც მე ვიცოდი, ამიტომ თუ შემთხვევით რამე დავაშავე, ჩემს მოძღვარს ბოდიშს ვუხდი. რაც შეეხება ჩემს ჩაცმულობას, ეს ჩემი იდეა იყო. „იმედის“ წარმომადგენლებს ჩემთვის არ უთხოვიათ, რომ ნახევრად შიშველი ვმჯდარიყავი, უბრალოდ მე ჩავთვალე, რომ ასე უფრო საინტერესო იქნებოდა“,- განაცხადა თამუნა ვაშალომიძემ.
„კვირას“ პრესკლუბში მან გეგმებზეც ისაუბრა. როგორც მან საუბრისას განმარტა, ის ახლა ტურისტულ კომპანიას აყალიბებს, თუმცა მანამდე კონკურსში მონაწილეობისათვის კორეაში მიემგზავრება. შემდეგ კი გადაღებები უკვე მოსკოვში ეწყება. მოდის სფეროს გარდა რუსული "ფლეიბოის" ვარსკვლავს შემოთავაზებები სხვადასხვა სერიალიდან აქვს, თუმცა უახლოეს ხანში ის კონტრაქტის გაფორმებს რუსულ "ფლეიბოისთან" აპირებს.
news.ge
„ფლეიბოის“ ქართველი ვარსკვლავი 14 წლიდან ეკლესიის მრევლს წარმოადგენდა. მალევე უკვე მედავითნე გახდა. ასე გრძელდებოდა მანამ, სანამ თამუნა 17 ასაკში, სახლიდან არ წავიდა. დამოუკიდებელმა ცხოვრებამ და დატვირთულმა გრაფიკმა ეკლესიაში მედავითნეობაზე უარი ათქმევინა და ბედი სამოდელო ბიზნესში სცადა.
„14 წლიდან დავიწყე ეკლესიაში სიარული. მხოლოდ სკოლა, ეკლესია, სახლი... ამით შემოვიფარგლებოდი, ასე ვცხოვრობდი. მალე მედავითნეც გავხდი. 14 წლიდან მოყოლებული ჩემი მოძღვარი მამა ანტონია. 17 წლიდან ცალკე გადავედი საცხოვრებლად. თავის გასატანად ორ სამსახურში ვმუშაობდი. ადვილი არ არის ოჯახისგან შორს, დამოუკიდებლად ცხოვრება. ამის გამო ძალიან დატვირთული გრაფიკი მქონდა და ეკლესიაში სიარულს ვერ ვახერხებდი. მოძღვარი ახლაც მყავს, მაგრამ მედავითნე აღარ ვარ. დატვირთულმა გრაფიკმა ცოტა დამაშორა ეკლესიას. შემდეგ სწავლა დავიწყე „იმიჯ ცენტრში“. 1,5 წელი ვსწავლობდი, თუმცა კონტრაქტი არ მქონდა. ვმონაწილეობდი „მის ბიკინიშიც“, მაგრამ რაიმე ტიტული არ ამიღია. შემდეგ ჩემით რუსული „ფლეიბოი“ დაინტერესდა. მათ დავთანხმდი და ჟურნალისთვის გადამიღეს. 8 წელია, რაც ოჯახიდან მხოლოდ ბებიასთან მაქვს კონტაქტი. ოჯახის დანარჩენ წევრებთან კავშირი არ მაქვს “,- განაცხადა თამუნა ვაშალომიძემ.
როგორც მოდელი ჰყვება, ოჯახთან პრობლემები ბევრად ადრე დაიწყო, ვიდრე მისი სამოდელო კარიერა. მისივე განმარტებით, ბოლოს საქმე იქამდეც მივიდა, რომ მან საკუთარი დედა ბებიის ცემისთვის დააჭერინა.
„კვირას“ კითხვაზე, თუ ახორციელებდა დედა ან ოჯახის რომელიმე სხვა წევრი მასზე ძალადობას, თამუნამ პასუხისგან თავი შეიკავა.
„ცოტა ხანს დაველოდები, როდემდე გაქექავენ დედაჩემი და ჩემი მამინაცვალი ნაგავს. მერე კი ხმამაღლა ვიტყვი, რატომ წავედი სახლიდან და ვინ არიან სინამდვილეში. ურჩევნიათ, ნაგვის ქექვას შეეშვან, თორემ აუცილებლად მოვყვები, რა და როგორ იყო“, - განაცხადა ვაშალომიძემ.
"ტელეიმედით" გასული თოქშოუს შემდეგ ვაშალომიძე მისი მისამართით დედამისის, მამინაცვლისა და მოძღვრის კომენტარებსაც გამოეხმაურა. მოდელს არ გაკვირვებია, როდესაც დედამ „ანტიქრისტე“ უწოდა.
„მე ველოდი დედაჩემის ასეთ შეფასებას. არც გამკვირვებია. რა უნდა გამიკვირდეს ქალისგან, ვინც საკუთარ დედას სცემდა. მე ის ამის გამო დავაჭერინე კიდეც და 12 დღე სასჯელს იხდიდა. რაც შეეხება კაკო ვარშალომიძეს, ის 7 წლისამ გავიცანი, 9 წლისამ გავიგე, რომ მამინაცვალი იყო. მე ის მამად მივიღე და მის გვერდით გავიზარდე. თვითონაც, ინტერვიუ იქნებოდა თუ უბრალოდ საუბრები, ყველგან თავის ქალიშვილად მიხსენიებდა. მე მისთვის გვარი არ მითხოვია. მე ვაპირებ სასამართლში მისვლას. კაკო ვაშალომიძეს თუ იმიტომ რცხვენია ჩემი მამობის, რომ მოდელი ვარ, მაშინ მას გავათავისუფლებ ამ ტვირთისგან. მინდა, მას ჩემი მამობის უფლება ავყარო და ბებიის გვარზე - ესიტაშვილზე გადავიდე.
ტოქშოუში ჩემს მონაწილეობას მოძღვარიც გამოეხმაურა. როდესაც მე დამიკავშირდნენ ტელევიზიიდან და მითხრეს, რომ ჩემზე რეპორტაჟის გაკეთება სურდათ, მე დავურეკე ჩემს მოძღვარს მამა ანტონს და ამის ნებართვა ვთხოვე, თუმცა არ დამიკონკრეტებია, რომ ამ სიუჟეტს „ფლეიბოის“ გამო აკეთებდნენ, არ ვიცოდი, თუ ეს საჭირო იყო. თავიდან ჩემი სტუდიაში მისვლა გათვალისწინებული არ იყო, ეს არც მე ვიცოდი, ამიტომ თუ შემთხვევით რამე დავაშავე, ჩემს მოძღვარს ბოდიშს ვუხდი. რაც შეეხება ჩემს ჩაცმულობას, ეს ჩემი იდეა იყო. „იმედის“ წარმომადგენლებს ჩემთვის არ უთხოვიათ, რომ ნახევრად შიშველი ვმჯდარიყავი, უბრალოდ მე ჩავთვალე, რომ ასე უფრო საინტერესო იქნებოდა“,- განაცხადა თამუნა ვაშალომიძემ.
„კვირას“ პრესკლუბში მან გეგმებზეც ისაუბრა. როგორც მან საუბრისას განმარტა, ის ახლა ტურისტულ კომპანიას აყალიბებს, თუმცა მანამდე კონკურსში მონაწილეობისათვის კორეაში მიემგზავრება. შემდეგ კი გადაღებები უკვე მოსკოვში ეწყება. მოდის სფეროს გარდა რუსული "ფლეიბოის" ვარსკვლავს შემოთავაზებები სხვადასხვა სერიალიდან აქვს, თუმცა უახლოეს ხანში ის კონტრაქტის გაფორმებს რუსულ "ფლეიბოისთან" აპირებს.
news.ge
