რას ფიქრობენ ცნობილები ლარის კურსის ვარდნაზე - ანრი ჯოხაძე ლარებს დოლარზე ახურდავებს
1 556 ნახვა
ცნობილია, რომ გაჭირვება ქართველებს შორის იუმორის გრძნობას კიდევ უფრო ამაღლებს. სოციალურ ქსელში გამოჩნდა ათლარიანი კუპიურა, რომელსაც ''დედა აღარ ჰყავს'', ამ სიტყვის პირდაპირი მნიშვნელობით. დავინტერესდით, გრძნობენ თუ არა ცნობილი ადამიანები ლარის კურსის ვარდნას და რამდენად მოქმედებს ეს მათ ფინანსურ მდგომარეობაზე.
ანრი ჯოხაძე, მომღერალი:
- საშინელი აზრი მაქვს. დღეს რაც მქონდა ანგარიშზე ლარები, დოლარში გადავიტანე, რომ არ გავკოტრდე, რადგან სიფრთხილეს თავი არ სტკივა.
- ბევრი ლარი გქონდა?
- არცთუ ცოტა, რამდენიმე ათასი. ბოლო დღეებში ლარის კურსი ისე დავარდა, რომ ლარს თავი მოეხერხა. თავის დაზღვევა გადავწყვიტე.
- ნოდარ ხადურზე რა აზრის ხარ? მას სოციალურ ქსელებში დიდი კრიტიკა შეხვდა.
- მე რა ვიცი, ვისი ბრალია. მაგაში რომ ვერკვეოდე, უფრო ადრე გადავახურდავებდი ჩემს ლარებს, თუმცა ფაქტია, რომ სერიოზული კრიზისის პირი უჩანს და როგორც მოქალაქეს, ეს არ მომწონს. ორ დღეში ხალხი გაღატაკდა.
- გიწევს ბაზარში სიარული?
- პროდუქტების გაძვირება მე არ მინახავს, მაგრამ ოჯახის წევრები მეუბნებიან, რომ კარტოფილი და სხვა პროდუქტები გაძვირდა.
თინა მახარაძე, მსახიობი:
- საკმაოდ დიდი თემაა, ძალიან კატეგორიული და აგრესიული უნდა ვიყო. სამწუხაროდ, ახლა ისეთ ადგილას ვარ, რაც არ მაძლევს საშუალებას, ვრცელი კომენტარი გავაკეთო ამ თემაზე, ამიტომ თავს შევიკავებ. ბევრი ცუდი სიტყვის გამოყენება მომიწევს, შეგიძლიათ, ასეც დაწეროთ.
ნუკი კოშკელიშვილი, ტელეწამყვანი:
- ჯერჯერობით ეს თემა არ შემხებია, ასე რომ, ვრცლად ვერ ვისაუბრებ. არც წინასწარი თადარიგი დამიჭერია და არც ვალუტა შემიძენია. თემა მაინტერესებს.
- პროდუქტების გაძვირებაზე რა აზრის ხარ?
- რასაკვირველია, ძალიან არ მომწონს ეს ბოლოდროინდელი ტენდენცია.
რატი დურგლიშვილი, მომღერალი:
- ამ ბოლო პერიოდში მომიწია ვალუტის გადახურდავებამ, მაგრამ იმდენად მცირე თანხას ვახურდავებ, რომ ცვლილება უმნიშვნელოა. სხვაობას მოგცემს, როდესაც ათას დოლარს ახურდავებ. ჯერჯერობით ეს დიდად არ მიგრძნია, მაგრამ პროდუქცია გაძვირდა და ამაზე აისახა ლარის კურსის ვარდნა ყველაზე მეტად. ჯერჯერობით გაძვირების ტენდენცია არ შეხებია კვების ობიექტებს, სადაც ისედაც ძვირია ყველაფერი. მაგრამ ჩემი გამოცდილებიდან შემიძლია ვთქვა, რომ პარფიუმერიის ფასმა მოიმატა. სუნამო, რომელსაც ადრე 200 ლარად ვყიდულობდი, ახლა 400 ლარი ღირს. ვიკითხე, ხომ მშვიდობა გაქვთ-მეთქი და ხომ იცით, რომ ლარის კურსი დავარდაო. პრინციპში, წინასაახალწლოდ დოლარი უფრო მყარდება ხოლმე და სულ ასეა.
- ლართან დაკავშირებით ინფორმაციას რომ ისმენ, ხომ არ გეშინია, მომავალში რა იქნება?
- უფრო მეტად იმის მეშინია, რომ ქვეყანაში უფრო მეტი გაჭირვება იქნება, მაგრამ ამაზე იქით რაღა უნდა იყოს, უკვე აღარ ვიცი. სიღარიბის ზღვარზეა ხალხი. ეს ცვლილებები ყველა სფეროზე აისახება, როცა ქვეყნის უმეტესი ნაწილი გაჭირვებულია.
- მთავრობამ, შენი აზრით, ახლა ამ პრობლემას უნდა მიაქციოს ყველაზე მეტი ყურადღება?
- პოლიტიკური შეფასებებით და განცხადებებით არ გამოვირჩევი, მაგრამ ალბათ, ასეა. ეს ყველაფერი მთავრობის გადასაწყვეტია და ეს პრობლემა მხოლოდ ახლა არ დგას, სულ არის ხოლმე.
ნინო მურღულია
ანრი ჯოხაძე, მომღერალი:
- საშინელი აზრი მაქვს. დღეს რაც მქონდა ანგარიშზე ლარები, დოლარში გადავიტანე, რომ არ გავკოტრდე, რადგან სიფრთხილეს თავი არ სტკივა.
- ბევრი ლარი გქონდა?
- არცთუ ცოტა, რამდენიმე ათასი. ბოლო დღეებში ლარის კურსი ისე დავარდა, რომ ლარს თავი მოეხერხა. თავის დაზღვევა გადავწყვიტე.
- ნოდარ ხადურზე რა აზრის ხარ? მას სოციალურ ქსელებში დიდი კრიტიკა შეხვდა.
- მე რა ვიცი, ვისი ბრალია. მაგაში რომ ვერკვეოდე, უფრო ადრე გადავახურდავებდი ჩემს ლარებს, თუმცა ფაქტია, რომ სერიოზული კრიზისის პირი უჩანს და როგორც მოქალაქეს, ეს არ მომწონს. ორ დღეში ხალხი გაღატაკდა.
- გიწევს ბაზარში სიარული?
- პროდუქტების გაძვირება მე არ მინახავს, მაგრამ ოჯახის წევრები მეუბნებიან, რომ კარტოფილი და სხვა პროდუქტები გაძვირდა.
თინა მახარაძე, მსახიობი:
- საკმაოდ დიდი თემაა, ძალიან კატეგორიული და აგრესიული უნდა ვიყო. სამწუხაროდ, ახლა ისეთ ადგილას ვარ, რაც არ მაძლევს საშუალებას, ვრცელი კომენტარი გავაკეთო ამ თემაზე, ამიტომ თავს შევიკავებ. ბევრი ცუდი სიტყვის გამოყენება მომიწევს, შეგიძლიათ, ასეც დაწეროთ.
ნუკი კოშკელიშვილი, ტელეწამყვანი:
- ჯერჯერობით ეს თემა არ შემხებია, ასე რომ, ვრცლად ვერ ვისაუბრებ. არც წინასწარი თადარიგი დამიჭერია და არც ვალუტა შემიძენია. თემა მაინტერესებს.
- პროდუქტების გაძვირებაზე რა აზრის ხარ?
- რასაკვირველია, ძალიან არ მომწონს ეს ბოლოდროინდელი ტენდენცია.
რატი დურგლიშვილი, მომღერალი:
- ამ ბოლო პერიოდში მომიწია ვალუტის გადახურდავებამ, მაგრამ იმდენად მცირე თანხას ვახურდავებ, რომ ცვლილება უმნიშვნელოა. სხვაობას მოგცემს, როდესაც ათას დოლარს ახურდავებ. ჯერჯერობით ეს დიდად არ მიგრძნია, მაგრამ პროდუქცია გაძვირდა და ამაზე აისახა ლარის კურსის ვარდნა ყველაზე მეტად. ჯერჯერობით გაძვირების ტენდენცია არ შეხებია კვების ობიექტებს, სადაც ისედაც ძვირია ყველაფერი. მაგრამ ჩემი გამოცდილებიდან შემიძლია ვთქვა, რომ პარფიუმერიის ფასმა მოიმატა. სუნამო, რომელსაც ადრე 200 ლარად ვყიდულობდი, ახლა 400 ლარი ღირს. ვიკითხე, ხომ მშვიდობა გაქვთ-მეთქი და ხომ იცით, რომ ლარის კურსი დავარდაო. პრინციპში, წინასაახალწლოდ დოლარი უფრო მყარდება ხოლმე და სულ ასეა.
- ლართან დაკავშირებით ინფორმაციას რომ ისმენ, ხომ არ გეშინია, მომავალში რა იქნება?
- უფრო მეტად იმის მეშინია, რომ ქვეყანაში უფრო მეტი გაჭირვება იქნება, მაგრამ ამაზე იქით რაღა უნდა იყოს, უკვე აღარ ვიცი. სიღარიბის ზღვარზეა ხალხი. ეს ცვლილებები ყველა სფეროზე აისახება, როცა ქვეყნის უმეტესი ნაწილი გაჭირვებულია.
- მთავრობამ, შენი აზრით, ახლა ამ პრობლემას უნდა მიაქციოს ყველაზე მეტი ყურადღება?
- პოლიტიკური შეფასებებით და განცხადებებით არ გამოვირჩევი, მაგრამ ალბათ, ასეა. ეს ყველაფერი მთავრობის გადასაწყვეტია და ეს პრობლემა მხოლოდ ახლა არ დგას, სულ არის ხოლმე.
ნინო მურღულია
