ნანკა კალატოზიშვილმა ”ცეკვავენ ვარსკვლავები” დატოვა +ვიდეო

მსახიობი ნანკა კალატოზიშვილი, რომელიც უკვე მეორე სეზონია ”ცეკვავენ ვარსკვლავების” წამყვანია დუტასთან ერთად, პროექტიდან წავიდა.

მეათე საკონკურსო ტურმა მსახიობის გარეშე ჩაიარა და მის წამყვანებს ნანკას არყოფნის გამო არანაირი კომენტარი არ გაუკეთებიათ. ეს ტური ანუკი ქორქიამ და დუტა სხირტლაძემ წაიყვანეს.

როგორც ცნობილი გახდა, ნანკას შოუდან წასვლის მიზეზი საპატიოა. ის თავის მშობლიურ მუსიკისა და დრამის თეატრთან ერთად გასტროლზე პეკინში გაფრინდა, სადაც 9-დან 17 დეკემბრის ჩათვლით მეექვსედ ტარდება საერთაშორისო თეატრალური ოლიმპიადა.

მუსიკისა და დრამის თეატრი დავით დოიაშვილის მიერ დადგმულ ”მაკბეთს” ითამაშებს, სადაც ნანკა კალატოზიშვილი ლედი მაკბეთის როლს ასრულებს.

ეკა ირემაშვილი, გაზეთი ”ახალი თაობა”