"გიორგი ყიფშიძისთვის ოჯახი არ დამინგრევია და არც მიზეზი ვყოფილვარ"
1 714 ნახვა
მთელი გასული ზაფხულის განმავლობაში მსახიობ გიორგი ყიფშიძისა და მოცეკვავე ჯულიანა ბარ–გნარის რომანზე ლაპარაკობდნენ. ამბობდნენ, რომ მათ ერთმანეთი პროექტში "ცეკვავენ ვარსკვლავები" შეუყვარდათ, სადაც წყვილში ცეკვავდნენ; გიორგი ცოლს, ანი ჩიკვილაძეს, გაშორდა და შემოდგომაზე ჯულიანას ცოლად მოყვანას აპირებდა... ამ მითქმამოთქმას გიორგისა და ჯულიანას დუმილი ან ბუნდოვანი პასუხები აძლიერებდა. შემოდგომაზე კი გიორგი ყიფშიძემ პრესაში თქვა, რომ ცოლს შეურიგდა და მათ ურთიერთობაში ყველაფერი კარგად იყო.
ჯულიანა ამ თემაზე ისევ მოზომილად ლაპარაკობს და საჭიროდ არ თვლის, ჭორებს უპასუხოს, თუმცა ტაბუ "სარკესთან" მაინც დაარღვია.
– ჯულიანა, რამდენიმე თვის განმავლობაში აქტუალური იყო თქვენი და მსახიობ გიორგი ყიფშიძის რომანის თემა. ამბობდნენ, რომ ცოლს თქვენ გამო გაშორდა...
– ჩემს პირად ცხოვრებაზე არ ვსაუბრობ. ჭორი უმიზეზოდ არ იბადება, მაგრამ ჭორიც იმიტომ ჰქვია, რომ ისეთ რაღაცეებს ამატებენ, რაც შეიძლება საერთოდ არ ყოფილა. ამიტომაც ჩემს პირადზე არავის ვუყვები. ჩემთვის ცხოვრებისეული პრინციპები არსებობს – ქალი როგორი უნდა იყოს, რა არ უნდა გააკეთოს, როგორ უნდა მოიქცეს. ჩემს თავთან დღემდე მართალი ვარ, ყოველ შემთხვევაში, ჩემს გრძნობებსა და ქცევებში. არასდროს გავაკეთებ ისეთ რაღაცას, რომ მერე ჩემს საქციელზე პასუხი არ მქონდეს. საჯაროდ არ ვაპირებ რაღაცეების ახსნას. ალბათ მე არ მოვიქცეოდი ისე, როგორც წერენ, იმიტომ, რომ ეს სწორი საქციელი არ არის.
– ალბათ იმის გულისხმობთ, რომ წერდნენ, ჯულიანა ბარ–გნარი გიორგი ყიფშიძის ოჯახის დანგრევის მიზეზი გახდაო.
– დიახ. ალბათ ასე არ იყო, ამ ყველაფერზე არ დავწვრილმანდები.
– საქმე იქამდეც კი მივიდა, შემოდგომაზე თქვენს დაქორწინებას აანონსებდნენ.
– ამაზეც საუბრობდნენ და სწორედ ეს გითხარით, ბევრი რამ იყო მოგონილი. ამ ყველაფერს პასუხი რატომ უნდა გავცე? მე ხომ ვიცი, რომ სწორად მოვიქეცი.
– სწორად მოქცევაში რას გულისხმობთ?
– მე ვიცი, რომ ოჯახი არ დამინგრევია და არც მიზეზი ვყოფილვარ.
– ამ ჭორებს საფუძველი იმან მისცა, რომ საზოგადოების თავშეყრის ადგილებში თქვენ და გიორგი ყიფშიძე ერთად ჩნდებოდით.
– რა თქმა უნდა, ერთად ვიქნებოდით. ჩვენ პროექტში "ცეკვავენ ვარსკვლავები" ვიყავით, ფართიზეც ერთად ვიყავით, იქ ყველა მონაწილე იყო, მაგრამ რატომღაც ჩვენ ორს გვხედავდნენ. მერე რაღაც სისულელეებს ამბობდნენ, რაც არ მსიამოვნებდა, მაგრამ ამას არ ავყვები.
– ახლა, როცა გიორგი ისევ ცოლთან არის, როგორი ურთიერთობა გაქვთ მასთან?
– მანამდეც კარგი ურთიერთობა მქონდა და ახლაც – მეგობრული, ჩვეულებრივი.
– პროექტში "ცეკვავენ ვარსკვლავები" უკვე მერამდენეა სეზონია მონაწილეობთ. ხომ არ მოგბეზრდათ ეს საკონკურსო ცხოვრება?
– მოსაბეზრებელი არასდროს იქნება იმიტომ, რომ არაფერი მეორდება, გარდა სახელისა – "ცეკვავენ ვარსკვლავები". ის, რაც შიგნით ხდება, ყოველ სეზონზე ახალია, ალბათ ამიტომაც არის მაყურებლისთვისაც და ჩვენთვისაც საინტერესო. ჩემთვის, პირადად, ძალიან საინტერესოა უცხო ადამიანთან მუშაობა, რადგან სულ სხვა სამყაროში ვხვდები.
– წარმატებული, პროფესიონალი მოცეკვავე ხართ. აქამდე როგორ მოხვედით, რა სირთულეები გამოიარეთ ან რა მსხვერპლის გაღება მოგიწიათ?
– პირველ რიგში, ვიტყვი, რომ შენი საქმე სიგიჟემდე უნდა გიყვარდეს. ეს თუ ასე იქნება, ყველაფერს მიაღწევ, ყველაფერს გადალახავ და მაღალ წერტილამდეც ახვალ. იქამდე ჯერ კიდევ დიდი გზა მაქვს, მაგრამ ყოველდღე ვცდილობ, მაქსიმუმი გავაკეთო იმისთვის, რომ იმ მაღალ წერტილამდე მივიდე. არც დროს ვზოგავ და არც – ძალას. შემიძლია დილიდან ღამემდე ვივარჯიშო. საქმეს კი ალბათ ურთიერთობები ეწირება, თუნდაც მშობლებთან, ნათესავებთან და მეგობრებთან.
ჩემთვის პირველ ადგილზე ყოველთვის ცეკვა იყო. მახსოვს, ბავშვობაშიც დაბადების დღე იქნებოდა თუ რამე დღესასწაული, არ მაინტერესებდა, მაინც ცეკვაზე მივდიოდი და გული საერთოდ არ მწყდებოდა.
– წონასთან პრობლემა თუ გქონიათ და როგორ აგვარებთ ამ საკითხს?
– კი, მქონია, ოღონდ მსუქანი კი არა, ძალიან გამხდარი ვიყავი. ეს არ მომწონდა და სულ ვცდილობდი, წონაში მომემატა. ახლაც მაქვს ამის პრობლემა, დილიდან გვიან ღამემდე, ზოგჯერ გამთენიამდე ვვარჯიშობთ, დილით კი ისევ 12 საათიდან ვარჯიშს ვიწყებთ. ამიტომ გამოძინებასა და ძალების აღდგენას ვერ ვასწრებ.
– ცეკვის მიღმა რა ინტერესები გაქვთ?
– ბავშვობაში ხატვა მიყვარდა, მაგრამ ახლა იმდენად ვარ ცეკვაზე გადართული, აღარაფერი მახსოვს. ვოცნებობდი კიდეც, რომ დიზაინერი გავმხდარიყავი, მაგრამ რატომღაც სტომატოლოგიურზე ჩავაბარე. არც ვნანობ, რადგან მაგარი პროფესიაა, უბრალოდ, როცა სხვა მიმართულებას ირჩევ, ძნელია ორივეგან ბოლომდე დაიხარჯო. 21–ე საუკუნეში მედიცინა ძალიან წინაა და არ უნდა ჩამორჩე. მე კი 24 საათიანი მეცადინეობის დრო არ მაქვს. მე–3 კურსზე ვარ, მაგრამ ახლა ორწლიანი აკადემიური მაქვს აღებული და არ ვიცი, სწავლას გავაგრძელებ თუ არა. მაინც უფრო ცეკვებისკენ ვარ გადახრილი, ჩემი სტუდიის გახსნას ვაპირებ.
– სახლში როგორია ჯულიანა ბარ–გნარი?
– ანუ მეკითხებით, რა მეხერხება? სხვათა შორის, პატარაობისას ყველანაირი საოჯახო საქმე მეხერხებოდა, მაგრამ ყველაფერი დამავიწყდა, რადგან ლამის 24 საათი გარეთ ვარ. შეიძლება რაღაცის გაკეთება არ ვიცოდე, მაგრამ, თუ მოვინდომებ, ვისწავლი. ადრე ნამცხვრების ცხობა ძალიან მიყვარდა. როცა დამჭირდება, გავიხსენებ. სახლში როცა მივდივარ, გამზადებული მხვდება ყველაფერი, დილითაც რომ ვდგები, მაგიდა გაწყობილია.
– როგორ გგონიათ, როგორი ცოლი დადგება თქვენგან?
– არ ვიცი. ამისთვის ჯერ მზად არ ვარ, შესაბამისად, როგორი ვიქნები, არც ეს ვიცი. გათხოვებას ჯერჯერობით არც ვაპირებ. როცა ამ ნაბიჯს გადავდგამ, ოჯახისთვის ბოლომდე დავიხარჯები. ახლა რომ ოჯახი შევქმნა, იმხელა დროს ნამდვილად ვერ დავუთმობ, რაც საჭიროა.
– საერთოდ როგორი მამაკაცები მოგწონთ?
– დავაკვირდი, რომ ლიდერი მამაკაცები მომწონს. რა თქმა უნდა, კარგი ადამიანი უნდა იყოს, მაგრამ ლიდერები მომწონს იმიტომ, რომ თვითონაც ლიდერობა მიყვარს. ყველაფერს ვაკეთებ, რომ ჩემს სფეროში პირველი ვიყო, თუმცა ეს იმას არ ნიშნავს, რომ ამბიციური ტიპი ვარ. ამქვეყანაზე ერთხელ იბადები და როცა რაღაც სფეროს ირჩევ, თუ იმ სფეროში პირველობა არ გინდა, ესე იგი უინტერესო პიროვნება ხარ.
ეკა ლემონჯავა, ჟურნალი სარკე
ჯულიანა ამ თემაზე ისევ მოზომილად ლაპარაკობს და საჭიროდ არ თვლის, ჭორებს უპასუხოს, თუმცა ტაბუ "სარკესთან" მაინც დაარღვია.
– ჯულიანა, რამდენიმე თვის განმავლობაში აქტუალური იყო თქვენი და მსახიობ გიორგი ყიფშიძის რომანის თემა. ამბობდნენ, რომ ცოლს თქვენ გამო გაშორდა...
– ჩემს პირად ცხოვრებაზე არ ვსაუბრობ. ჭორი უმიზეზოდ არ იბადება, მაგრამ ჭორიც იმიტომ ჰქვია, რომ ისეთ რაღაცეებს ამატებენ, რაც შეიძლება საერთოდ არ ყოფილა. ამიტომაც ჩემს პირადზე არავის ვუყვები. ჩემთვის ცხოვრებისეული პრინციპები არსებობს – ქალი როგორი უნდა იყოს, რა არ უნდა გააკეთოს, როგორ უნდა მოიქცეს. ჩემს თავთან დღემდე მართალი ვარ, ყოველ შემთხვევაში, ჩემს გრძნობებსა და ქცევებში. არასდროს გავაკეთებ ისეთ რაღაცას, რომ მერე ჩემს საქციელზე პასუხი არ მქონდეს. საჯაროდ არ ვაპირებ რაღაცეების ახსნას. ალბათ მე არ მოვიქცეოდი ისე, როგორც წერენ, იმიტომ, რომ ეს სწორი საქციელი არ არის.
– ალბათ იმის გულისხმობთ, რომ წერდნენ, ჯულიანა ბარ–გნარი გიორგი ყიფშიძის ოჯახის დანგრევის მიზეზი გახდაო.
– დიახ. ალბათ ასე არ იყო, ამ ყველაფერზე არ დავწვრილმანდები.
– საქმე იქამდეც კი მივიდა, შემოდგომაზე თქვენს დაქორწინებას აანონსებდნენ.
– ამაზეც საუბრობდნენ და სწორედ ეს გითხარით, ბევრი რამ იყო მოგონილი. ამ ყველაფერს პასუხი რატომ უნდა გავცე? მე ხომ ვიცი, რომ სწორად მოვიქეცი.
– სწორად მოქცევაში რას გულისხმობთ?
– მე ვიცი, რომ ოჯახი არ დამინგრევია და არც მიზეზი ვყოფილვარ.
– ამ ჭორებს საფუძველი იმან მისცა, რომ საზოგადოების თავშეყრის ადგილებში თქვენ და გიორგი ყიფშიძე ერთად ჩნდებოდით.
– რა თქმა უნდა, ერთად ვიქნებოდით. ჩვენ პროექტში "ცეკვავენ ვარსკვლავები" ვიყავით, ფართიზეც ერთად ვიყავით, იქ ყველა მონაწილე იყო, მაგრამ რატომღაც ჩვენ ორს გვხედავდნენ. მერე რაღაც სისულელეებს ამბობდნენ, რაც არ მსიამოვნებდა, მაგრამ ამას არ ავყვები.
– ახლა, როცა გიორგი ისევ ცოლთან არის, როგორი ურთიერთობა გაქვთ მასთან?
– მანამდეც კარგი ურთიერთობა მქონდა და ახლაც – მეგობრული, ჩვეულებრივი.
– პროექტში "ცეკვავენ ვარსკვლავები" უკვე მერამდენეა სეზონია მონაწილეობთ. ხომ არ მოგბეზრდათ ეს საკონკურსო ცხოვრება?
– მოსაბეზრებელი არასდროს იქნება იმიტომ, რომ არაფერი მეორდება, გარდა სახელისა – "ცეკვავენ ვარსკვლავები". ის, რაც შიგნით ხდება, ყოველ სეზონზე ახალია, ალბათ ამიტომაც არის მაყურებლისთვისაც და ჩვენთვისაც საინტერესო. ჩემთვის, პირადად, ძალიან საინტერესოა უცხო ადამიანთან მუშაობა, რადგან სულ სხვა სამყაროში ვხვდები.
– წარმატებული, პროფესიონალი მოცეკვავე ხართ. აქამდე როგორ მოხვედით, რა სირთულეები გამოიარეთ ან რა მსხვერპლის გაღება მოგიწიათ?
– პირველ რიგში, ვიტყვი, რომ შენი საქმე სიგიჟემდე უნდა გიყვარდეს. ეს თუ ასე იქნება, ყველაფერს მიაღწევ, ყველაფერს გადალახავ და მაღალ წერტილამდეც ახვალ. იქამდე ჯერ კიდევ დიდი გზა მაქვს, მაგრამ ყოველდღე ვცდილობ, მაქსიმუმი გავაკეთო იმისთვის, რომ იმ მაღალ წერტილამდე მივიდე. არც დროს ვზოგავ და არც – ძალას. შემიძლია დილიდან ღამემდე ვივარჯიშო. საქმეს კი ალბათ ურთიერთობები ეწირება, თუნდაც მშობლებთან, ნათესავებთან და მეგობრებთან.
ჩემთვის პირველ ადგილზე ყოველთვის ცეკვა იყო. მახსოვს, ბავშვობაშიც დაბადების დღე იქნებოდა თუ რამე დღესასწაული, არ მაინტერესებდა, მაინც ცეკვაზე მივდიოდი და გული საერთოდ არ მწყდებოდა.
– წონასთან პრობლემა თუ გქონიათ და როგორ აგვარებთ ამ საკითხს?
– კი, მქონია, ოღონდ მსუქანი კი არა, ძალიან გამხდარი ვიყავი. ეს არ მომწონდა და სულ ვცდილობდი, წონაში მომემატა. ახლაც მაქვს ამის პრობლემა, დილიდან გვიან ღამემდე, ზოგჯერ გამთენიამდე ვვარჯიშობთ, დილით კი ისევ 12 საათიდან ვარჯიშს ვიწყებთ. ამიტომ გამოძინებასა და ძალების აღდგენას ვერ ვასწრებ.
– ცეკვის მიღმა რა ინტერესები გაქვთ?
– ბავშვობაში ხატვა მიყვარდა, მაგრამ ახლა იმდენად ვარ ცეკვაზე გადართული, აღარაფერი მახსოვს. ვოცნებობდი კიდეც, რომ დიზაინერი გავმხდარიყავი, მაგრამ რატომღაც სტომატოლოგიურზე ჩავაბარე. არც ვნანობ, რადგან მაგარი პროფესიაა, უბრალოდ, როცა სხვა მიმართულებას ირჩევ, ძნელია ორივეგან ბოლომდე დაიხარჯო. 21–ე საუკუნეში მედიცინა ძალიან წინაა და არ უნდა ჩამორჩე. მე კი 24 საათიანი მეცადინეობის დრო არ მაქვს. მე–3 კურსზე ვარ, მაგრამ ახლა ორწლიანი აკადემიური მაქვს აღებული და არ ვიცი, სწავლას გავაგრძელებ თუ არა. მაინც უფრო ცეკვებისკენ ვარ გადახრილი, ჩემი სტუდიის გახსნას ვაპირებ.
– სახლში როგორია ჯულიანა ბარ–გნარი?
– ანუ მეკითხებით, რა მეხერხება? სხვათა შორის, პატარაობისას ყველანაირი საოჯახო საქმე მეხერხებოდა, მაგრამ ყველაფერი დამავიწყდა, რადგან ლამის 24 საათი გარეთ ვარ. შეიძლება რაღაცის გაკეთება არ ვიცოდე, მაგრამ, თუ მოვინდომებ, ვისწავლი. ადრე ნამცხვრების ცხობა ძალიან მიყვარდა. როცა დამჭირდება, გავიხსენებ. სახლში როცა მივდივარ, გამზადებული მხვდება ყველაფერი, დილითაც რომ ვდგები, მაგიდა გაწყობილია.
– როგორ გგონიათ, როგორი ცოლი დადგება თქვენგან?
– არ ვიცი. ამისთვის ჯერ მზად არ ვარ, შესაბამისად, როგორი ვიქნები, არც ეს ვიცი. გათხოვებას ჯერჯერობით არც ვაპირებ. როცა ამ ნაბიჯს გადავდგამ, ოჯახისთვის ბოლომდე დავიხარჯები. ახლა რომ ოჯახი შევქმნა, იმხელა დროს ნამდვილად ვერ დავუთმობ, რაც საჭიროა.
– საერთოდ როგორი მამაკაცები მოგწონთ?
– დავაკვირდი, რომ ლიდერი მამაკაცები მომწონს. რა თქმა უნდა, კარგი ადამიანი უნდა იყოს, მაგრამ ლიდერები მომწონს იმიტომ, რომ თვითონაც ლიდერობა მიყვარს. ყველაფერს ვაკეთებ, რომ ჩემს სფეროში პირველი ვიყო, თუმცა ეს იმას არ ნიშნავს, რომ ამბიციური ტიპი ვარ. ამქვეყანაზე ერთხელ იბადები და როცა რაღაც სფეროს ირჩევ, თუ იმ სფეროში პირველობა არ გინდა, ესე იგი უინტერესო პიროვნება ხარ.
ეკა ლემონჯავა, ჟურნალი სარკე
