უნიკალური ექსპერიმენტი გვიჩვენებს, როგორ განსხვავდება ერთმანეთისგან უბედურების და ბედნიერების ცრემლი

ერთხელ, ფოტოგრაფი როუზ-ლინ ფიშერი დაინტერესდა, გასხვავდება თუ არა ერთმანეთისგან უბედურების და ბედნიერების ცრემლი. ამის გასარკვევად, მან ცრემლების მიკროსკოპის ქვეშ შესწავლა დაიწყო. ფიშერმა 100 ცრემლი შეისწავლა და მივიდა დასკვნამდე, რომ ბაზალური ცრემლები რადიკალურად განსხვავდებიან ხახვის დაჭრის დროს გამოყოფილი ცრემლებისგან, ხოლო სიცილის ცრემლებს არავითარი საერთო არ აქვთ უბედურების დროს დაღვრილ ცრემლთან. წყლის წვეთის მსგავსად, ადამიანის ცრემლი განცდების მთელი კასკადის მატარებელია. როუზ-ლინ ფიშერის ამ პროექტს "ცრემლის ტოპოგრაფია" ქვია.

სმიტსონის ხელოვნებისა და მეცნიერების კოლეჯის მეცნიერის, ჯოზეფ სტრომბერგის თქმით, არსებობს ცრემლის სამი ძირითადი ტიპი: ბაზალური,

რეფლექსური და ემოციური. ცრემლის სითხე შეიცავს ორგანულ ნივთიერებებს, ზეთებს, ანტისხეულებს და ფერმენტებს. სხვადასხვა ტიპის ცრემლებს საკუთარი მოლეკულური სისტემა გააჩნიათ. ემოციური მიზეზით განპირობებულ ცრემლებში, ცილოვანი ბუნების ჰორმონები შეიმჩნევა, ასევე ლეიცინ-ენკეფალინის ნეიროტრანსმისტერი, რომელიც ბუნებრივ ტკივილგამაყუჩებლად ითვლება და სტრესის დროს გამოიყოფა. მიკროსკოპის ქვეშ, ცრემლების შესწავლის შემდეგ, ცხადი გახდა, რომ ცრემლებს კრისტალური სტრუქტურა აქვთ, რომელიც ფორმას იცვლის. საინტერესოა, რომ ე.წ. ემოციურ ცრემლებსაც კი სხვადასხვა ფორმა აქვთ.