სად ატარებენ დღესასწაულებს მდიდრები

სადღესასწაულო სეზონი იწყება და ყველას დასასვენებლად მიუწევს გული. თუმცა ყველას არ აქვს საშუალება, მოიწყოს არდადეგები და მით უმეტეს, დიდი ფუფუნებით. დღეს წარმოგიდგენთ ადგილებს, სადაც დღესასწაულების შეხვედრა ყველაზე მეტად უყვართ მდიდარ ადამიანებს.

მალდივები

წყნარი წყლები, თურქული აბანოები, თეთრი ქვიშა და მაღალი დონის მომსახურება სამოთხედ აქცევს მალდივებს. მდიდრებისთვის იქ საოცარი ოთახებია სასტუმროებში, მაგალითად კონრად რანგალის სასტუმროში წყლის ქვეშ შუშის ოთახი ქირავდება და ერთ ღამეში მისი ღირებულება 10 000 ამერიკული დოლარია.

ერთი კვირით კერძო იახტის დაქირავება 14 000 დოლარი ჯდება. პერსონალურ კუნძულზე ერთ ღამეში 23 000 დოლარის გადახდის შემთხვევაში, 1, 349 მეტრ კვადრატი ფართობის სახლის ქირაობაა შესაძლებელი, სადაც მსახურების გარდა, არავინ იქნება.

სამხრეთ აფრიკა

ქეიფ თაუნის მიდამოებში მდიდარი დამსვენებლებისთვის ყველაფერია შესაძლებელი. იქ არის უმაღლესი ხარისხის ღვინის და გასტრონომიული საამქროები, კოსმოპოლისი, საფარი, ულამაზესი პლაჟები და რასაკვირველია უმაღლესი დონის მომსახურება. ქეიფ თაუნში მოგზაურობა და მისი პანორამებით ტკბობა საახალწლოდ წარუშლელი შთაბეჭდილებების გარანტიაა.

მაუი, ჰავაი

ჰავაის კუნძული მაუი იდეალური პლაჟების, მდიდრული სასტუმროების, პროფესიონალური გოლფის მოედნების, მუდამ სასიამოვნო ამინდის და შესანიშნავი რესტორნების საბადოა. იქაური

ატმოსფერი იმდენად მშვიდია, რომ საერთოდ გავიწყებს ყველანაირ საზრუნავს. დეკემბერში კარგ სასტუმროში ერთი ღამის გატარება 5 000 დოლარზე მეტი ჯდება.

ისლანდია

ისლანდია ერთ-ერთი ყველაზე სულისშემძვრელი ადგილია დედამიწაზე, მისი ულამაზესი ლანდშაფტების, ვულკანების და მწვერვალების წყალობით. ზამთრის სპორტისთვის ისლანდია ბრწყინვალე ადგილია, ერთი ტური იქ 30 000 ამერიკული დოლარი ღირს.

კუნძული ლაუალა, ფიჯი

ფიჯიზე არსებულ კუნძულზე მოხვედრა მხოლოდ კერძო თვითმფრინავითაა შესაძლებელი. იქ მხოლოდ 25 ვილაა განთავსებული და 385 კაცისგან შემდგარი მომსახურე პერსონალია. ლაუალა ყველაზე ექსკლუზიური და მდიდრული ადგილია, სადაც შესაძლებელია დღესასწაულების გატარება. ყველა ვილას თან ახლავს კერძო შეფ მზარეული, რომელიც ნებისმიერი სახის უგემრიელეს კერძებს პერსონალურად დამკვეთისთვის ამზადებს.

მომზადებულია bbc.com-ს მიხედვით.