ფაქტები, რომლებიც არ იცოდით იეჰოვას მოწმეების შესახებ

იეჰოვას მოწმეები 1800 წლიდან მოყოლებული დღემდე აქტიური რელიგიური კონფესიაა, მაგრამ მათ შესახებ იმ ფაქტის გარდა, რომ სისხლის გადასხმაზე ამბობენ უარს, არც არაფერი ვიცით. გთავაზობთ უცნობ ფაქტებს იეჰოვას მოწმეების შესახებ, რომლებიც აუცილებლად დაგაინტერესებთ.

არ ატარებენ ჯვარს

ფაქტი, რომ იეჰოვას მოწმეები ჯვარს არ ატარებენ და არც ლოცვისას იყენებენ მას, იმის გამო ხდება, რომ ჯვარი მათ რწმენასთან წინააღმდეგობაში მოდის. იეჰოვას მოწმეებს წამთ, რომ იესო ქრისტე ჯვარზე არ გაუკრავთ, ის მხოლოდ აწამეს, მაგრამ ჯვარცმას ადგილი არ ჰქონია.

ჰიტლერი დევნიდა მათ

ყველამ ვიცით, ჰიტლერის ებრაელებისადმი, ბოშებისა და სექსუალური უმცირესობებისადმი სიძულვილის შესახებ, მაგრამ ცოტამ თუ იცის, რომ ის აპატიმრებდა, აწამებდა და სიკვდილით სჯიდა იეჰოვას მოწმეებს. მათ აგზავნიდნენ საკონცენტრაციო ბანაკებში და ოფიციალური ცნობებით, 5 000 იეჰოვას მოწმე ბანაკებში მოკლეს.

არ აღნიშნავენ დღესასწაულებს

იეჰოვას მოწმეები არ აღნიშნავენ აღდგომას და შობას. მთავარი იზეზი ისაა, რომ მსგავსი დღესასწაულების უმრავლესობა, აგრეთვე დაბადების დღის აღნიშვნა პაგანიზმიდან იღებს სათავეს, ან ისეთი ფესვები გააჩნია, რომელიც ბიბლიიდან არ გამომდინარეობს.

უარს ამბობენ ომში ან კონფლიქტურ შეტაკებებში მონაწილეობაზე

იეჰოვას მოწმეები ნებისმიერი სახის ძალადობრივ

კონფლიქტს არიდებენ თავს, მაშინაც კი, თუ ამისთვის პატიმრობა ან სიკვდილი ელით. ომი და პოლიტიკური კონფლიქტები შეუთავსებელია ქრისტეს სიყვარულის სწავლებასთან, სადაც ის ერთმანეთის, მათ შორის მტრის სიყვარულისკენ მოუწოდებს.

ისინი ღმერთის სახელს იეჰოვად წარმოთქვამენ

ბიბლიის მრავალ თარგმანში ღმერთის სახელი ამოღებულია, ბევრმა მთარგმნელმა ჩათვალა, რომ მიუღებელი იყო ღმერთისთვის პერსონალური სახელის დარქმევა. იეჰოვას მოწმეები წარმოთქვამენ და იყენებენ ახალი სამყაროს თარგმანს, სადაც წმინდა სახელი 7 000-ჯერ არის ნახსენები.

მომზადებულია listverse.com-ს მიხედვით.