ოთო ნემსაძემ ცოლთან ერთად პირველი კლიპი გადაიღო

მუსიკალური პროექტების ”ჯეოსტარისა” და ”ბრავოს” გამარჯვებულმა მომღერალმა ოთო ნემსაძემ პირველი კლიპი გადაიღო და იუთუბშიც ატვირთა:
_ ჩემი პირველი სიმღერა, პირველი ვიდეოკლიპი, პირველი და უკანასკნელი ცოლი. მადლობა ალექსანდრე ლორთქიფანიძეს უმაგრესი ტექსტის და ვიდეოსთვის, მადლობა მებო ნუცუბიძეს და მადლობა ირაკლი კვანჭიანს. მიყვარხართ!
კლიპში ოთო და მისი მეუღლე თათა მონაწილეობენ. როგორც მომღერალი აცხადებს, მან თავის ცხოვრებაში პირველად დაწერა სიმღერა და ის საოცრად მშვიდი და რომანტიული გამოუვიდა. ამას ოთო თავის მეუღლეს აბრალებს, რადგანაც სწორედ თათას ეძღვნება სიმღერა.
ოთო და თათა უკვე წელიწადი და სამი თვეა ცოლ-ქმარი არიან, ჯვრისწერა კი სამი თვის წინ დაგეგმეს ბეთანიაში, ქორწილიც იქვე ღია ცის ქვეშ გადაიხადეს. კლიპის რეჟისორი და ტექსტის ავტორი ალექსანდრე ლორთქიფანიძეა, მუსიკის ავტორი კი ოთო ნემსაძე.
ოთოს უკვე აქვს ჩაწერილი თავისი პირველი ალბომი, რომელიც ”ჯეოსტარის” მოგების შედეგად მიიღო საჩუქრად. მან ალბომი ”ბრავო რექორდსში” ჩაწერა.
მასში ოთარ რამიშვილის სიმღერების ახლებური ვერსიები გააერთიანა და თბილისის კოლორიტის იუბილეს მიუძღვნა.
როგორც მომღერალი აღნიშნავს, ის გაჩერებას არ აპირებს და მომავალში კიდევ არაერთი კლიპის გადაღებას გეგმავს.
ეკა ირემაშვილი