მაწვნის დადებითი თვისებები
12 024 ნახვა
მაწონი სასარგებლო და გემრიელი საკვები ლამის ყველა ქართულ ოჯახში პოპულარობით სარგებლობს. მას სიამოვნებით მიირთმევენ დიდებიც და პატარებიც, თუმცა, ამ პროდუქტის დადებით თვისებები ნაკლებად იციან.
მაქს პლანკის საზოგადოების ერთ-ერთი ინსტიტუტის მკლევარი - თეიმურაზ კურცხალია კი, თანამოაზრეებთან ერთად უჩვეულო დასკვნამდე მივიდა: მათი კვლევის მიხედვით, არსებობს ნივთიერება, რომელიც პარკინსონისა და სხვა რთული დაავადების პრევენციას უწყობს ხელს და ამ ნივთიერებას დიდი რაოდენობით შეიცავს ჩვენი მაწონი. ცნობილია ისიც, რომ მაქს პლანკის ინსტიტუტის მეცნიერებმა საქართველოში დამზადებული ექვსი დასახელების მაწვნის სინჯი შეამოწმეს და ყველაზე დიდი რაოდენობით ეს ნივთიერება სვანეთში წარმოებულ მაწონში აღმოაჩინეს. სხვათა შორის, ამ აღმოჩენას გერმანული გამოცემებიც აქტიურად გამოეხმაურნენ. "შორსა ვართ იმ აზრისაგან, რომ ეს არის წამალი, მაგრამ ეს არის პრევენცია ისეთი მძიმე დაავადებების წინააღმდეგ, როგორიც პარკინსონიზმი, ალცჰაიმერი, ან გულის თანდაყოლილი დაავადებებია", - წერს მეცნიერი, რომელიც საქართველოდან 1980-იან წლებში წავიდა.
ამ საკითხზე თბილისის სახელმწიფო უნივერსიტეტის პროფესორს, სტრატეგიული კვლევებისა და განვითარების ცენტრის ექსპერტ ეთერ სარჯველაძეს ვესაუბრეთ, რომელსაც გერმანიაში მოღვაწე ქართველი მეცნიერის დასკვნა დიდად არ გაჰკვირვებია:
- მართალია, ამ კვლევებში არ ვმონაწილეობდი, მაგრამ მთელი ჩემი სამეცნიერო მოღვაწეობის პერიოდში მესმის, თუ რა დადებითი გავლენის მოხდენა შეუძლია ქართულ მაწონს ადამიანის ჯანმრთელობაზე. ამიტომ, გერმანიაში მოღვაწე მეცნიერების დასკვნა სულაც არ მაკვირვებს. ეს პროდუქტი ძალიან ბევრ დადებით თვისებას აერთიანებს. სტუდენტობაშიც საგანგებოდ გვასწავლიდნენ მის სასარგებლო თვისებებს, რაც ისტორიულ და სამეცნიერო ლიტერატურაშიც დადასტურებულია. სხვათა შორის, ქართველების ხანგრძლივ სიცოცხლისუნარიანობას იმითაც ხსნიან, რომ ისინი ხშირად მოიხმარდნენ რძემჟავა პროდუქტებს. საერთოდ, რძემჟავა პროდუქტები მრავალგვარია, მაგრამ მაწონი გამორჩეულად სასარგებლო თვისებების მატარებელია. ამას აღნიშნავდნენ და დღესაც ხაზს უსვამენ არა მარტო ქართველი, არამედ უცხოელი მეცნიერებიც. სხვათა შორის, რამდენიმე წლის წინ იაპონელებმაც წაიღეს ჩვენგან მაწვნის შტამი, კარგად რომ ჩასწვდომოდნენ მის უნიკალურ თვისებებს.
- თუ არის დადგენილი, სადაური წარმოშობისაა ეს საკვები პროდუქტი?
- ცნობილია, რომ მაწონი სუფთა ქართული წარმოშობის პროდუქტია და შესაბამისი პატენტიც აქვს მიღებული. სხვათა შორის, ქართველები მაწონს დიდი ხნის განმავლობაში საიდუმლოდ ამზადებდნენ და განსაკუთრებით უფრთხილდებოდნენ ე.წ. დედოს დამზადების რეცეპტს, რომლისგანაც მაწონს ამზადებენ. არსებობს გადმოცემა, რომ მაწონი და მისი დედო თავისთავად დამზადდა რძეში არსებული რძემჟავა ბაქტერიებისაგან. როგორც ჩანს, საპალნეზე გადაკიდებული რძე ხანგრძლივი მგზავრობის შემდეგ აიჭრა და როდესაც ადამიანებმა ნახეს, რომ რძეზე გაცილებით გემრიელი საკვები მიიღეს, მისი დამზადება დაიწყეს. ასე წარმოიშვა უნიკალური შემადგენლობის მქონე საკვები - მაწონი. სხვათა შორის, ისტორიული წყაროებიც ადასტურებს, რომ ეს ქართული პროდუქტია. ის საქართველოში დიდი ხნის განმავლობაში იწარმოებოდა, ამ საიდუმლოს არავის ანდობდნენ, მაგრამ დროთა განმავლობაში ხალხები ერთმანეთს დაუახლოვდნენ, ზოგი სხვა ეროვნების რძალი გახდა, ზოგი - სიძე, მერე ნათესავმა ნათესავს ასწავლა, მეგობარმა - მეგობარს და ასე გავრცელდა მაწვნის რეცეპტი მთელ კავკასიაში.
- ალბათ უპრიანია, ამ საკვების დადებით თვისებებზე ვისაუბროთ.
- მაწონს ხშირად აჭმევენ პატარებს, რადგან ის აძლიერებს მადას, აქვეითებს კუჭის წვენის სეკრეციას და ამავე დროს, კარგად გამოხატული დიეტური და სამკურნალო თვისებები აქვს - ეს უკვე მრავალი მეცნიერის შრომებშია დადასტურებული. დაბალი მჟავიანობის გამო მაწონი სასარგებლოა არა მხოლოდ ბავშვებისათვის, არამედ ნებისმიერი ასაკის ადამიანისათვის. ის აწერიგებს კუჭ-ნაწლავის ნორმალურ მიკროფლორას და ხელს უწყობს ორგანიზმიდან მავნე ნივთიერებების გამოდევნას, ამასთანავე, იცავს ღვიძლს, რომელიც თანამედროვე ეპოქაში ძალზე გადატვირთულია. აძლიერებს ორგანიზმის დამცველ ძალებს და იმუნიტეტს, საერთოდ, აწესრიგებს ქოლესტერინის დონეს ორგანიზმში და ხელს უშლის ათეროსკლეროზის განვითარებას. მე მგონი, ეს თვისებები საკმარისია იმისათვის, რომ მას მრავალფუნქციური სამკურნალო დანიშნულება ჰქონდეს. მაწონი ძალიან კარგია იმათთვის, ვინც აქტიურ ცხოვრებას ეწევა, ამავე დროს, არაჩვეულბრივი საშუალებაა წონის დასაკლებად და ნაბახუსევიდან გამოსასვლელად. როდესაც ადამიანს არა აქვს ბოლომდე ჯანმრთელი კუჭ-ნაწლავი და რაღაც დაავადებების გამო ხორცის მიღება არ შეუძლია, ექიმები ურჩევენ, რომ ის მაწვნით ჩაანაცვლოს, რადგან ორგანიზმი მას ადვილად ითვისებს. მაწონი ძალზე მდიდარია ჩ ვიტამინით, კალიუმით, კალციუმით, რკინით, ფოსფორით და მრავალი სასარგებლო ვიტამინით, რომელიც ადამიანს აუცილებლად სჭირდება.
- ოღონდ ეს ეხება მხოლოდ ნატურალურ მაწონს, ხომ?
- დიახ, მე ახლა ვლაპარაკობ მხოლოდ ნატურალური რძითა და დედოთი დამზადებულ მაწონზე - რძეც ნატურალური უნდა იყოს და ასეთივე რძისაგან უნდა იყოს დამზადებული დედოც, თორემ რძე შეიძლება ათასგვარი ხერხით ავჭრათ და მაწონი სულ სხვა გზით მივიღოთ, მაგრამ ეს არ იქნება ნამდვილი მაწონი. ნატურალურ მაწვნებს შორის ერთადერთი განსხვავება შეიძლება იყოს ცხიმიანობის მხრივ - ცხიმიანი და უცხიმო ანუ მოხდილი რძისაგან დამზადებული. ეს უკანასკნელი ძალზე მცირე რაოდენობით ცხიმს შეიცავს და შეიძლება სხვადასხვა დიეტის დროს გამოვიყენოთ, დანარჩენი ყველაფერი უნდა იყოს ნატურალური - დედოც და რძეც. ამიტომ, ჩვენს მაღაზიებში რომ იყიდება მცენარეულ ცხიმზე დამზადებული მაწონი, ეს თავისთავად უკვე ფალსიფიკაციაა. მაწონი რძისგან მიღებული პროდუქტია და როგორ შეიძლება, მცენარეული ცხიმისაგან დამზადებული პროდუქტი მისი ანალოგიური იყოს?
- უკვე დამტკიცდა, რომ მომავალი წლიდან რძის ნაწარმის სახელწოდებით მხოლოდ ნამდვილი რძის ნაწარმი გაიყიდება.
- დიახ, მომავალ წელს "რძისა და რძის ნაწარმის ტექნიკური რეგლამენტის" დამტკიცების შემდეგ, ყველა პროდუქტს შესაბამისი განმარტება მიეცემა და მას კანონის ძალა ექნება. თანდათანობით ყველას უნდა დაერქვას შესაბამისი სახელწოდება და უნდა აკმაყოფილებდეს იმ ნორმებს, რომელიც საჭიროა. მაწონი დაპატენტებული აქვს საქართველოს მთავრობას და ამავე დროს, ევროკავშირშიც არის რეგისტრირებული. ამ პატენტში მითითებულია, რომ მაწონი უნდა აწარმოო რძემჟავას ბაქტერიების შტამისაგან, რომელიც საქართველოში მზადდება. როგორც ვიცი, ეს შტამი ქართულ ბაქტერიოფაგს აქვს, მაგრამ წარმოებისათვის საკმარისი რაოდენობით - არა. ამიტომ, ტექნიკური რეგლამენტის მონაცემები მაწონს შედარებით გვიან შეეხება, როცა საკმაო რაოდენობით ბაქტერიული დედო გვექნება, თორემ შეიძლება ვიღაცამ დაამზადოს მაწონი, აიღონ სინჯი და ის არ იყოს იმ ბაქტერიულ დედოზე დამზადებული, რომლითაც ნამდვილი მაწონი მზადდება.
- ამ თემაზე ადრეც გვისაუბრია, მაგრამ რას ურჩევდით მომხმარებელს, როგორ უნდა შეარჩიონ ნამდვილი მაწონი?
- ჯერ უნდა დავაკვირდეთ მაწვნის გარეგნულ მხარეს, მის კონსისტენციას. დასაშვებია მაწონში ოდნავი ბუშტუკების არსებობაც, მაგრამ მასა უნდა იყოს ერთგვაროვანი, თეთრი ან ოდნავ მოყვითალო, გემო და სუნი კი - ჩვეულებრივი რძემჟავისათვის დამახასიათებელი. ვიზუალური მხარის შემოწმება გამჭვირვალე შუშის ქილებში უფრო ადვილია, რომლითაც ე.წ. შინაური მაწონი იყიდება, თუმცა, უმჯობესია შევიძინოთ ქარხნული მაწონი, რომელსაც აწერია "დამზადებულია ნატურალური რძისაგან". სხვათა შორის, ამას წინათ დამირეკა ერთმა მომხმარებელმა და მითხრა: შევიძინე მაწონი, რომელსაც აწერია: "დამზადებულია რძის ცხიმის შემცვლელისგანო". არავითარ შემთხვევაში ასეთი რამ არ უნდა იყიდოთ, მით უმეტეს, მცირეწლოვანი ბავშვებისთვის. ბუნებაში რძის ცხიმის შემცვლელი არ არსებობს და თუ შემცვლელია, მაშინ ეს აღარ არის რძის ცხიმი. თუ ოჯახში ნატურალური რძე გაქვთ და მაწონს შინაურ პირობებში გააკეთებთ, მთლად უკეთესი, მაგრამ საკვები პროდუქტი უცხო პირისაგან არ უნდა იყიდოთ. ის უნდა შეიძინოთ ისეთი ადამიანისგან, რომელსაც ენდობით. როგორც გითხარით, თუ მაწონი ნატურალური რძისაგან არის დამზადებული, ჯობია ქარხნული წარმოების იყოს იმიტომ, რომ ახლა წარმოებებს საკმაოდ მკაცრად აკონტროლებენ. რეკლამა რომ არ გამომივიდეს, არ დავასახელებ, თუმცა, დღეს საქართველოში არსებობს რამდენიმე საწარმო, რომელიც ცდილობს ნატურალური საკვები პროდუქტები აწარმოოს და ამგვარი პროდუქციის მწარმოებელი ბრენდის სახელი დაიმკვიდროს. თქვენს მკითხველს ვურჩევ, სწორედ ასეთი ფირმების ერთგული მომხმარებლები გახდნენ.
წყარო: GzaPress.ge
მაქს პლანკის საზოგადოების ერთ-ერთი ინსტიტუტის მკლევარი - თეიმურაზ კურცხალია კი, თანამოაზრეებთან ერთად უჩვეულო დასკვნამდე მივიდა: მათი კვლევის მიხედვით, არსებობს ნივთიერება, რომელიც პარკინსონისა და სხვა რთული დაავადების პრევენციას უწყობს ხელს და ამ ნივთიერებას დიდი რაოდენობით შეიცავს ჩვენი მაწონი. ცნობილია ისიც, რომ მაქს პლანკის ინსტიტუტის მეცნიერებმა საქართველოში დამზადებული ექვსი დასახელების მაწვნის სინჯი შეამოწმეს და ყველაზე დიდი რაოდენობით ეს ნივთიერება სვანეთში წარმოებულ მაწონში აღმოაჩინეს. სხვათა შორის, ამ აღმოჩენას გერმანული გამოცემებიც აქტიურად გამოეხმაურნენ. "შორსა ვართ იმ აზრისაგან, რომ ეს არის წამალი, მაგრამ ეს არის პრევენცია ისეთი მძიმე დაავადებების წინააღმდეგ, როგორიც პარკინსონიზმი, ალცჰაიმერი, ან გულის თანდაყოლილი დაავადებებია", - წერს მეცნიერი, რომელიც საქართველოდან 1980-იან წლებში წავიდა.
ამ საკითხზე თბილისის სახელმწიფო უნივერსიტეტის პროფესორს, სტრატეგიული კვლევებისა და განვითარების ცენტრის ექსპერტ ეთერ სარჯველაძეს ვესაუბრეთ, რომელსაც გერმანიაში მოღვაწე ქართველი მეცნიერის დასკვნა დიდად არ გაჰკვირვებია:
- მართალია, ამ კვლევებში არ ვმონაწილეობდი, მაგრამ მთელი ჩემი სამეცნიერო მოღვაწეობის პერიოდში მესმის, თუ რა დადებითი გავლენის მოხდენა შეუძლია ქართულ მაწონს ადამიანის ჯანმრთელობაზე. ამიტომ, გერმანიაში მოღვაწე მეცნიერების დასკვნა სულაც არ მაკვირვებს. ეს პროდუქტი ძალიან ბევრ დადებით თვისებას აერთიანებს. სტუდენტობაშიც საგანგებოდ გვასწავლიდნენ მის სასარგებლო თვისებებს, რაც ისტორიულ და სამეცნიერო ლიტერატურაშიც დადასტურებულია. სხვათა შორის, ქართველების ხანგრძლივ სიცოცხლისუნარიანობას იმითაც ხსნიან, რომ ისინი ხშირად მოიხმარდნენ რძემჟავა პროდუქტებს. საერთოდ, რძემჟავა პროდუქტები მრავალგვარია, მაგრამ მაწონი გამორჩეულად სასარგებლო თვისებების მატარებელია. ამას აღნიშნავდნენ და დღესაც ხაზს უსვამენ არა მარტო ქართველი, არამედ უცხოელი მეცნიერებიც. სხვათა შორის, რამდენიმე წლის წინ იაპონელებმაც წაიღეს ჩვენგან მაწვნის შტამი, კარგად რომ ჩასწვდომოდნენ მის უნიკალურ თვისებებს.
- თუ არის დადგენილი, სადაური წარმოშობისაა ეს საკვები პროდუქტი?
- ცნობილია, რომ მაწონი სუფთა ქართული წარმოშობის პროდუქტია და შესაბამისი პატენტიც აქვს მიღებული. სხვათა შორის, ქართველები მაწონს დიდი ხნის განმავლობაში საიდუმლოდ ამზადებდნენ და განსაკუთრებით უფრთხილდებოდნენ ე.წ. დედოს დამზადების რეცეპტს, რომლისგანაც მაწონს ამზადებენ. არსებობს გადმოცემა, რომ მაწონი და მისი დედო თავისთავად დამზადდა რძეში არსებული რძემჟავა ბაქტერიებისაგან. როგორც ჩანს, საპალნეზე გადაკიდებული რძე ხანგრძლივი მგზავრობის შემდეგ აიჭრა და როდესაც ადამიანებმა ნახეს, რომ რძეზე გაცილებით გემრიელი საკვები მიიღეს, მისი დამზადება დაიწყეს. ასე წარმოიშვა უნიკალური შემადგენლობის მქონე საკვები - მაწონი. სხვათა შორის, ისტორიული წყაროებიც ადასტურებს, რომ ეს ქართული პროდუქტია. ის საქართველოში დიდი ხნის განმავლობაში იწარმოებოდა, ამ საიდუმლოს არავის ანდობდნენ, მაგრამ დროთა განმავლობაში ხალხები ერთმანეთს დაუახლოვდნენ, ზოგი სხვა ეროვნების რძალი გახდა, ზოგი - სიძე, მერე ნათესავმა ნათესავს ასწავლა, მეგობარმა - მეგობარს და ასე გავრცელდა მაწვნის რეცეპტი მთელ კავკასიაში.
- ალბათ უპრიანია, ამ საკვების დადებით თვისებებზე ვისაუბროთ.
- მაწონს ხშირად აჭმევენ პატარებს, რადგან ის აძლიერებს მადას, აქვეითებს კუჭის წვენის სეკრეციას და ამავე დროს, კარგად გამოხატული დიეტური და სამკურნალო თვისებები აქვს - ეს უკვე მრავალი მეცნიერის შრომებშია დადასტურებული. დაბალი მჟავიანობის გამო მაწონი სასარგებლოა არა მხოლოდ ბავშვებისათვის, არამედ ნებისმიერი ასაკის ადამიანისათვის. ის აწერიგებს კუჭ-ნაწლავის ნორმალურ მიკროფლორას და ხელს უწყობს ორგანიზმიდან მავნე ნივთიერებების გამოდევნას, ამასთანავე, იცავს ღვიძლს, რომელიც თანამედროვე ეპოქაში ძალზე გადატვირთულია. აძლიერებს ორგანიზმის დამცველ ძალებს და იმუნიტეტს, საერთოდ, აწესრიგებს ქოლესტერინის დონეს ორგანიზმში და ხელს უშლის ათეროსკლეროზის განვითარებას. მე მგონი, ეს თვისებები საკმარისია იმისათვის, რომ მას მრავალფუნქციური სამკურნალო დანიშნულება ჰქონდეს. მაწონი ძალიან კარგია იმათთვის, ვინც აქტიურ ცხოვრებას ეწევა, ამავე დროს, არაჩვეულბრივი საშუალებაა წონის დასაკლებად და ნაბახუსევიდან გამოსასვლელად. როდესაც ადამიანს არა აქვს ბოლომდე ჯანმრთელი კუჭ-ნაწლავი და რაღაც დაავადებების გამო ხორცის მიღება არ შეუძლია, ექიმები ურჩევენ, რომ ის მაწვნით ჩაანაცვლოს, რადგან ორგანიზმი მას ადვილად ითვისებს. მაწონი ძალზე მდიდარია ჩ ვიტამინით, კალიუმით, კალციუმით, რკინით, ფოსფორით და მრავალი სასარგებლო ვიტამინით, რომელიც ადამიანს აუცილებლად სჭირდება.
- ოღონდ ეს ეხება მხოლოდ ნატურალურ მაწონს, ხომ?
- დიახ, მე ახლა ვლაპარაკობ მხოლოდ ნატურალური რძითა და დედოთი დამზადებულ მაწონზე - რძეც ნატურალური უნდა იყოს და ასეთივე რძისაგან უნდა იყოს დამზადებული დედოც, თორემ რძე შეიძლება ათასგვარი ხერხით ავჭრათ და მაწონი სულ სხვა გზით მივიღოთ, მაგრამ ეს არ იქნება ნამდვილი მაწონი. ნატურალურ მაწვნებს შორის ერთადერთი განსხვავება შეიძლება იყოს ცხიმიანობის მხრივ - ცხიმიანი და უცხიმო ანუ მოხდილი რძისაგან დამზადებული. ეს უკანასკნელი ძალზე მცირე რაოდენობით ცხიმს შეიცავს და შეიძლება სხვადასხვა დიეტის დროს გამოვიყენოთ, დანარჩენი ყველაფერი უნდა იყოს ნატურალური - დედოც და რძეც. ამიტომ, ჩვენს მაღაზიებში რომ იყიდება მცენარეულ ცხიმზე დამზადებული მაწონი, ეს თავისთავად უკვე ფალსიფიკაციაა. მაწონი რძისგან მიღებული პროდუქტია და როგორ შეიძლება, მცენარეული ცხიმისაგან დამზადებული პროდუქტი მისი ანალოგიური იყოს?
- უკვე დამტკიცდა, რომ მომავალი წლიდან რძის ნაწარმის სახელწოდებით მხოლოდ ნამდვილი რძის ნაწარმი გაიყიდება.
- დიახ, მომავალ წელს "რძისა და რძის ნაწარმის ტექნიკური რეგლამენტის" დამტკიცების შემდეგ, ყველა პროდუქტს შესაბამისი განმარტება მიეცემა და მას კანონის ძალა ექნება. თანდათანობით ყველას უნდა დაერქვას შესაბამისი სახელწოდება და უნდა აკმაყოფილებდეს იმ ნორმებს, რომელიც საჭიროა. მაწონი დაპატენტებული აქვს საქართველოს მთავრობას და ამავე დროს, ევროკავშირშიც არის რეგისტრირებული. ამ პატენტში მითითებულია, რომ მაწონი უნდა აწარმოო რძემჟავას ბაქტერიების შტამისაგან, რომელიც საქართველოში მზადდება. როგორც ვიცი, ეს შტამი ქართულ ბაქტერიოფაგს აქვს, მაგრამ წარმოებისათვის საკმარისი რაოდენობით - არა. ამიტომ, ტექნიკური რეგლამენტის მონაცემები მაწონს შედარებით გვიან შეეხება, როცა საკმაო რაოდენობით ბაქტერიული დედო გვექნება, თორემ შეიძლება ვიღაცამ დაამზადოს მაწონი, აიღონ სინჯი და ის არ იყოს იმ ბაქტერიულ დედოზე დამზადებული, რომლითაც ნამდვილი მაწონი მზადდება.
- ამ თემაზე ადრეც გვისაუბრია, მაგრამ რას ურჩევდით მომხმარებელს, როგორ უნდა შეარჩიონ ნამდვილი მაწონი?
- ჯერ უნდა დავაკვირდეთ მაწვნის გარეგნულ მხარეს, მის კონსისტენციას. დასაშვებია მაწონში ოდნავი ბუშტუკების არსებობაც, მაგრამ მასა უნდა იყოს ერთგვაროვანი, თეთრი ან ოდნავ მოყვითალო, გემო და სუნი კი - ჩვეულებრივი რძემჟავისათვის დამახასიათებელი. ვიზუალური მხარის შემოწმება გამჭვირვალე შუშის ქილებში უფრო ადვილია, რომლითაც ე.წ. შინაური მაწონი იყიდება, თუმცა, უმჯობესია შევიძინოთ ქარხნული მაწონი, რომელსაც აწერია "დამზადებულია ნატურალური რძისაგან". სხვათა შორის, ამას წინათ დამირეკა ერთმა მომხმარებელმა და მითხრა: შევიძინე მაწონი, რომელსაც აწერია: "დამზადებულია რძის ცხიმის შემცვლელისგანო". არავითარ შემთხვევაში ასეთი რამ არ უნდა იყიდოთ, მით უმეტეს, მცირეწლოვანი ბავშვებისთვის. ბუნებაში რძის ცხიმის შემცვლელი არ არსებობს და თუ შემცვლელია, მაშინ ეს აღარ არის რძის ცხიმი. თუ ოჯახში ნატურალური რძე გაქვთ და მაწონს შინაურ პირობებში გააკეთებთ, მთლად უკეთესი, მაგრამ საკვები პროდუქტი უცხო პირისაგან არ უნდა იყიდოთ. ის უნდა შეიძინოთ ისეთი ადამიანისგან, რომელსაც ენდობით. როგორც გითხარით, თუ მაწონი ნატურალური რძისაგან არის დამზადებული, ჯობია ქარხნული წარმოების იყოს იმიტომ, რომ ახლა წარმოებებს საკმაოდ მკაცრად აკონტროლებენ. რეკლამა რომ არ გამომივიდეს, არ დავასახელებ, თუმცა, დღეს საქართველოში არსებობს რამდენიმე საწარმო, რომელიც ცდილობს ნატურალური საკვები პროდუქტები აწარმოოს და ამგვარი პროდუქციის მწარმოებელი ბრენდის სახელი დაიმკვიდროს. თქვენს მკითხველს ვურჩევ, სწორედ ასეთი ფირმების ერთგული მომხმარებლები გახდნენ.
წყარო: GzaPress.ge
