ლელა წურწუმია: ”ძალიან შეურაცხყოფილი ვარ!”
1 663 ნახვა
მომღერალი ლელა წურწუმია აცხადებს, რომ თბილისის მერიის წარმომადგენლის, ქალბატონი მაქაცარიას, მიერ გაკეთებული განცხადებით შეურაცხყოფილია. როგორც ქალბატონმა მაქაცარიამ ერთ-ერთი ტელევიზიის პირდაპირ ეთერში განაცხადა, მერიამ თბილისის საახალწლო კონცერტში ჩასვა ის მომღერლები, ვისაც ბენდთან მუშაობის გამოცდილება აქვს და ცოცხლად სიმღერა შეუძლიათ.
ლელა წურწუმია: ”რადგან მე არ აღმოვჩნდი საახალწლო კონცერტში და არც თბილისობის კონცერტში, ამის გამო პრეტენზია ნამდვილად არ გამომითქვამს, უბრალოდ მერიის ერთ-ერთი წარმომადგენლის კომენტარმა გადამაწყვეტინა ხმა ამომეღო, იმიტომ რომ ეს არის შეურაცმყოფელი და უპასუხისმგებლო განცხადება. რომ არ მეძახიან კონცერტზე, ეს გასაგებია, მაგრამ როცა მოდიხარ ტელევიზიაში და აკეთებ განცხადებას, რომ კონცერტში მონაწილეობენ მხოლოდ ის მომღერლები, ვინც ბენდთან ერთად მღერის, ეს რას ნიშნავს? ანუ გამოდის, თბილისის კონცერტში ის მომღერლები არ მონაწილეობენ, ვინც ცოცხლად ვერ მღერიან. ისიც მაინტერესებს, ამ ქალბატონმა თავისი აზრი გააჟღერა, თუ კონკრეტულად მერიაში ასე ფიქრობენ, რომ ვინც ამ კონცერტში არ არის, ვერ მღერის ცოცხლად? მე შეურაცხყოფილი ვარ! თურმე იმ კრიტერიუმით არ მოვხვდით ჩვენ თბილისის კონცერტში, რომ არ შეგვიძლია ცოცხლად სიმღერა. ჩემი კოლეგების მიმართ, რომლებიც იღებენ თბილისის კონცერტში მონაწილეობას, არაიანი პრობლემა და პრეტენზია არ მაქვს. ვიცი, რომ გივი გაჩეჩილაძის ბენდთან ჩემი კოლეგები წლებია მუშაობენ და აქვთ რეპერტუარი, მაგრამ არ უნდა დაგავიწყდეთ, რომ პოპმუსიკის მომღერლები არ ვართ სახელმწიფო დაფინანსებაზე. საქართველოში სულ წელიწადში ტარდება ორი კონცერტი, ეს არის თბილისობა და ახალი წელი, 26 მაისი ან ტარდება და ან არა. ჩვენ საარსებო წყარო არ გვინდა? გასაგებია, რომ სადღაც მივდივარ და რაღაცას ვაკეთებ, მაგრამ მე რომ ვიყო დამოკიდებული ჩემს ქვეყანაზე, შემიძლია წელიწადში ორი კონცერტით ვიცხოვრო?”
იგივე პრეტენზიები აქვს მომღერლის მეუღლესა და პროდიუსერს კახა მამულაშვილს, იგივე მამულიჩას.
კახა მამულაშვილი: ”ჩვენთვის ყველაზე შეურაცხმყოფელია იმ ქალბატონის განცხადება, თორემ დაგვიძახებდნენ თუ არ დაგვიძახებდნენ, დედას ვფიცავარ, ჩვენთვის მნიშვნელობა აღარ ჰქონდა. არ ვართ ის ადამიანები, რომ ვინმეს სათხოვარი გავიხადოთ კონცერტში გამოვალთ თუ არა. როგორც მერიამ ჩაატარა თბილისობა, ლელა წურწუმიას არ დაუძახეს და არავის გაუგია არანაირი პრეტენზია. არ ვიცი რატომ არ დაუძახეს ლელას და არც გვიკითხია. კონცერტის ორგანიზაცია ურთულესი რამ არის. კულტურის სამინისტროდან დაგვირეკეს მერე, როცა უკვე ატყდა ეს ამბავი და გვითხრეს, იქნებ წახვიდეთ ერთ-ერთ ქალაქშიო. ავუხსენი ამ ქალბატონს, რომ თბილისში გვქონდა საღამოები და ფიზიკურად ვერ მოვასწრებდით იმ რეგიონიდან ჩამოსვლას. იქ უნდა წავსულიყავი, ერთი სიმღერა მემღერა და გამოვქცეულიყავი უკან და მერე თბილისში უნდა მიმეღო მონაწილეობა. რა არის იმაში ცუდი, რომ ამბიცია ჰქონდეს ჩამოყალიბებულ, კომერციულ მომღერალს, თბილისის მთავარ კონცერტში მონაწილეობის?! რეგიონში რომ მიდიხარ და მაგნიტოფონის დინამიკებს რომ გიდგავენ და იქ რომ უნდა იმღერო, ეგ არის კარგი? კომფორტს თუ შექმნი, რეგიონშიც წავა მომღერალი, მაგრამ იქ რომ მიდიხარ, რომ მღერი და არავის რომ არ ესმის შენი სიმღერა, მაგაზე რატომ არავინ ლაპარაკობს? კომპანია ისთერნ პრომოუშენი ძალიან კარგ საქმეს აკეთებს, მაგრამ ახალ წელს ის ორი ჯგუფი რომ ჩამოყავს, რომელიც მან და მისმა წრემ იცის მხოლოდ, ხომ შეიძლება ის ბიუჯეტი ქართველ მომღერლებზე გადანაწილდეს? ნანი ბრეგვაძე ხომ არის ჩვენი პრიმა? რატომ უნდა წავიდეს რეგიონში? არ აქვს პირობები ნანი ბრეგვაძეს, იმ ადამიანს უნდა ხარისხი, რომ დადგება, კარგად იმღეროს, კარგი გახმოვანება ჰქონდეს და კარგი აპარატურა. ეს არის მნიშვნელოვანი.”
ეკა ირემაშვილი, გაზეთი ”ახალი თაობა”
ლელა წურწუმია: ”რადგან მე არ აღმოვჩნდი საახალწლო კონცერტში და არც თბილისობის კონცერტში, ამის გამო პრეტენზია ნამდვილად არ გამომითქვამს, უბრალოდ მერიის ერთ-ერთი წარმომადგენლის კომენტარმა გადამაწყვეტინა ხმა ამომეღო, იმიტომ რომ ეს არის შეურაცმყოფელი და უპასუხისმგებლო განცხადება. რომ არ მეძახიან კონცერტზე, ეს გასაგებია, მაგრამ როცა მოდიხარ ტელევიზიაში და აკეთებ განცხადებას, რომ კონცერტში მონაწილეობენ მხოლოდ ის მომღერლები, ვინც ბენდთან ერთად მღერის, ეს რას ნიშნავს? ანუ გამოდის, თბილისის კონცერტში ის მომღერლები არ მონაწილეობენ, ვინც ცოცხლად ვერ მღერიან. ისიც მაინტერესებს, ამ ქალბატონმა თავისი აზრი გააჟღერა, თუ კონკრეტულად მერიაში ასე ფიქრობენ, რომ ვინც ამ კონცერტში არ არის, ვერ მღერის ცოცხლად? მე შეურაცხყოფილი ვარ! თურმე იმ კრიტერიუმით არ მოვხვდით ჩვენ თბილისის კონცერტში, რომ არ შეგვიძლია ცოცხლად სიმღერა. ჩემი კოლეგების მიმართ, რომლებიც იღებენ თბილისის კონცერტში მონაწილეობას, არაიანი პრობლემა და პრეტენზია არ მაქვს. ვიცი, რომ გივი გაჩეჩილაძის ბენდთან ჩემი კოლეგები წლებია მუშაობენ და აქვთ რეპერტუარი, მაგრამ არ უნდა დაგავიწყდეთ, რომ პოპმუსიკის მომღერლები არ ვართ სახელმწიფო დაფინანსებაზე. საქართველოში სულ წელიწადში ტარდება ორი კონცერტი, ეს არის თბილისობა და ახალი წელი, 26 მაისი ან ტარდება და ან არა. ჩვენ საარსებო წყარო არ გვინდა? გასაგებია, რომ სადღაც მივდივარ და რაღაცას ვაკეთებ, მაგრამ მე რომ ვიყო დამოკიდებული ჩემს ქვეყანაზე, შემიძლია წელიწადში ორი კონცერტით ვიცხოვრო?”
იგივე პრეტენზიები აქვს მომღერლის მეუღლესა და პროდიუსერს კახა მამულაშვილს, იგივე მამულიჩას.
კახა მამულაშვილი: ”ჩვენთვის ყველაზე შეურაცხმყოფელია იმ ქალბატონის განცხადება, თორემ დაგვიძახებდნენ თუ არ დაგვიძახებდნენ, დედას ვფიცავარ, ჩვენთვის მნიშვნელობა აღარ ჰქონდა. არ ვართ ის ადამიანები, რომ ვინმეს სათხოვარი გავიხადოთ კონცერტში გამოვალთ თუ არა. როგორც მერიამ ჩაატარა თბილისობა, ლელა წურწუმიას არ დაუძახეს და არავის გაუგია არანაირი პრეტენზია. არ ვიცი რატომ არ დაუძახეს ლელას და არც გვიკითხია. კონცერტის ორგანიზაცია ურთულესი რამ არის. კულტურის სამინისტროდან დაგვირეკეს მერე, როცა უკვე ატყდა ეს ამბავი და გვითხრეს, იქნებ წახვიდეთ ერთ-ერთ ქალაქშიო. ავუხსენი ამ ქალბატონს, რომ თბილისში გვქონდა საღამოები და ფიზიკურად ვერ მოვასწრებდით იმ რეგიონიდან ჩამოსვლას. იქ უნდა წავსულიყავი, ერთი სიმღერა მემღერა და გამოვქცეულიყავი უკან და მერე თბილისში უნდა მიმეღო მონაწილეობა. რა არის იმაში ცუდი, რომ ამბიცია ჰქონდეს ჩამოყალიბებულ, კომერციულ მომღერალს, თბილისის მთავარ კონცერტში მონაწილეობის?! რეგიონში რომ მიდიხარ და მაგნიტოფონის დინამიკებს რომ გიდგავენ და იქ რომ უნდა იმღერო, ეგ არის კარგი? კომფორტს თუ შექმნი, რეგიონშიც წავა მომღერალი, მაგრამ იქ რომ მიდიხარ, რომ მღერი და არავის რომ არ ესმის შენი სიმღერა, მაგაზე რატომ არავინ ლაპარაკობს? კომპანია ისთერნ პრომოუშენი ძალიან კარგ საქმეს აკეთებს, მაგრამ ახალ წელს ის ორი ჯგუფი რომ ჩამოყავს, რომელიც მან და მისმა წრემ იცის მხოლოდ, ხომ შეიძლება ის ბიუჯეტი ქართველ მომღერლებზე გადანაწილდეს? ნანი ბრეგვაძე ხომ არის ჩვენი პრიმა? რატომ უნდა წავიდეს რეგიონში? არ აქვს პირობები ნანი ბრეგვაძეს, იმ ადამიანს უნდა ხარისხი, რომ დადგება, კარგად იმღეროს, კარგი გახმოვანება ჰქონდეს და კარგი აპარატურა. ეს არის მნიშვნელოვანი.”
ეკა ირემაშვილი, გაზეთი ”ახალი თაობა”
