2014 წლის ამაღელვებელი ისტორიები საქართველოში - ანუ, როდესაც ისე არ წვიმდა, როგორც ქუხდა
1 507 ნახვა
გასულ 2014 წელს ისეთი ამბებიც იყო, როცა მაყურებელსა თუ მკითხველს ამა თუ იმ ადამიანის დრამატულმა ისტორიამ გული აუჩუყა, გულწრფელად აატირა, თუმცა როგორც მერე გაირკვა, ისე არ წვიმდა, როგორც ქუხდა და ბევრ რამეს ფარდა აეხადა.
ასეთი ამბების კატეგორიაში თამამად შეიძლება, მეგაშოუ "ნიჭიერის" ყველაზე რეზონანსული და ხამურიანი კონკურსანტის ამალია ჯიბლაძის ხსენება, რომლის სცენაზე პირველივე გამოჩენას საოცარი სკანდალი მოჰყვა. მას შემდეგ, რაც მაყურებელმა მისი ნამღერით ისიამოვნა, აღელდა და აღტაცების ცრემლებიც ღვარა, იქვე მისი გამოსვლის მეორე დღეს, ადამიანების გარკვეულმა კატეგორიამ, ეჭვი გამოთქვა, - ფონოგრამაზე ნამღერს ჰგავდაო და ამბავიც დაიწყო. ჟურნალისტმა მაია კახიძემ ამალია ჯიბლაძე ტყუილშიც ამხილა, - რომ "ნიჭიერის" სცენა მისთვის სულაც არ არის პირველი, მას წარსულში, რუსეთში, მუსიკალური კარიერა ჰქონდა და არც ისე ღატაკი და საწყალია, როგორც ეს პროექტის ორგანიზატორებმა ეკრანზე გვიჩვენეს... მოკლედ, გაზვიადებულად იყო მოწოდებული ამ ქალის ცხოვრევრების დრამატული დეტალები.
მეგაშოუ "ნიჭიერის" თემას რომ არ გავცდეთ, კიდევ იყო ერთი ხმაურიანი კონკურსანტი (რა თქმა უნდა, ამალიას მსგავსი არა), - თენგიზ ფულარიანი. მან აფხაზეთზე ემოციური სიმღერა შეასრულა, რომელიც მაშინვე სადაო გახდა. თურმე ეს კომპოზიტორ გიორგი ბარამაშვილის ნამუშევარი ყოფილა, რომელიც გარკვეულ პრეტენზიებსაც აცხადებდა. ბევრი წლის წინ მას ის სოხუმზე დაუწერია და თავადაც ასრულებდა, მაგრამ გარკვეული პერიოდის შემდეგ სიმღერა ინტერნეტში თენგიზ ფულარიანის შესრულებითა და დამახინჯებული ინტერპრეტაციით მოისმინა. კომპოზიტორის პრეტენზია იმაში მდგომარეობდა, რომ ფულარიანი სიმღერას ავტორთან შეუთანხმებლად და თავისი ვერსიით ასრულებდა. არადა, მას ეს სიმღერა ზურაბ ჟვანიას თხოვნით შეუქმნია, თავისთვის ჰქონდა და თავად აპირებდა მის მღერას...
ასევე გაზვიადებული აღმოჩნდა ინტერნეტში გავრცელებული ინფორმაცია, ესტრადის ძველი თაობის მომღერლის, არჩილ ჩიხლაძის უკიდურესი გაჭირვების შესახებ, რაზეც ხალხს ასევე გული აუჩუყდა.
ამ ინფორმაციის გავრცელებიდან სულ მალე, მომღერლის ქალიშვილმა, ირმამ ახსნა, რომ ბატონი არჩილი ნამდვილად არ არის მშიერი. რომ მას 150 ლარი პენსია აქვს, თბილისში ორი ბინა. რომ 80 წლის მომღერალს უმეტესად, ფსიქოლოგიურად უჭირს, აქვს გამუდმებული შიში, რომ ვიღაც მოწამლავს და მიწოდებულ კერძს არ ჭამს.
ასევე გავრცელდა ასეთი ინფორმაცია, რომ ჩვენი თანამედროვეობის უდიდესი მწერალი, გურამ დოჩანაშვილი, ასევე უკიდურეს სიღარიბეში ცხოვრობს. თუმცა მწერლის მეუღლემ, ნათელა სეფიაშვილმ ეს ინფორმაცია უარყო:
"არ ვიცი, ეს ჭორები და სისულელეები საიდან, ან რატომ ვრცელდება. მეც და გურამიც ვართ პენსიონერები და ვიღებთ იგივე პენსიას, რასაც სხვები... ეს ბევრი არაა, მაგრამ ამ ფულით 3-4 კილო ლობიოს და ერთ ჩაის კოვზ შაქარს თუ იყიდი, მშიერი არ დარჩები. რაც შეეხება ჩვენ ეკონომიურ მდგომარეობას, მოგეხსენებათ, მწერლების ამბავი და ეგრეა გურამიც; მილიონი რომ მისცეთ, მეორე წუთში ცარიელ-ტარიელი იქნება... დიდი მადლობა ყველას, რომ მოგვიკითხეთ და ჩვენი ამბით შეწუხდით, მაგრამ ჩვენ არ გვიჭირს".
მოკლედ, როგორც უკვე აღვნიშნეთ, ხშირად ისე არ ქუხს, როგორც წვიმს...
ლალი ფაცია
ასეთი ამბების კატეგორიაში თამამად შეიძლება, მეგაშოუ "ნიჭიერის" ყველაზე რეზონანსული და ხამურიანი კონკურსანტის ამალია ჯიბლაძის ხსენება, რომლის სცენაზე პირველივე გამოჩენას საოცარი სკანდალი მოჰყვა. მას შემდეგ, რაც მაყურებელმა მისი ნამღერით ისიამოვნა, აღელდა და აღტაცების ცრემლებიც ღვარა, იქვე მისი გამოსვლის მეორე დღეს, ადამიანების გარკვეულმა კატეგორიამ, ეჭვი გამოთქვა, - ფონოგრამაზე ნამღერს ჰგავდაო და ამბავიც დაიწყო. ჟურნალისტმა მაია კახიძემ ამალია ჯიბლაძე ტყუილშიც ამხილა, - რომ "ნიჭიერის" სცენა მისთვის სულაც არ არის პირველი, მას წარსულში, რუსეთში, მუსიკალური კარიერა ჰქონდა და არც ისე ღატაკი და საწყალია, როგორც ეს პროექტის ორგანიზატორებმა ეკრანზე გვიჩვენეს... მოკლედ, გაზვიადებულად იყო მოწოდებული ამ ქალის ცხოვრევრების დრამატული დეტალები.
მეგაშოუ "ნიჭიერის" თემას რომ არ გავცდეთ, კიდევ იყო ერთი ხმაურიანი კონკურსანტი (რა თქმა უნდა, ამალიას მსგავსი არა), - თენგიზ ფულარიანი. მან აფხაზეთზე ემოციური სიმღერა შეასრულა, რომელიც მაშინვე სადაო გახდა. თურმე ეს კომპოზიტორ გიორგი ბარამაშვილის ნამუშევარი ყოფილა, რომელიც გარკვეულ პრეტენზიებსაც აცხადებდა. ბევრი წლის წინ მას ის სოხუმზე დაუწერია და თავადაც ასრულებდა, მაგრამ გარკვეული პერიოდის შემდეგ სიმღერა ინტერნეტში თენგიზ ფულარიანის შესრულებითა და დამახინჯებული ინტერპრეტაციით მოისმინა. კომპოზიტორის პრეტენზია იმაში მდგომარეობდა, რომ ფულარიანი სიმღერას ავტორთან შეუთანხმებლად და თავისი ვერსიით ასრულებდა. არადა, მას ეს სიმღერა ზურაბ ჟვანიას თხოვნით შეუქმნია, თავისთვის ჰქონდა და თავად აპირებდა მის მღერას...
ასევე გაზვიადებული აღმოჩნდა ინტერნეტში გავრცელებული ინფორმაცია, ესტრადის ძველი თაობის მომღერლის, არჩილ ჩიხლაძის უკიდურესი გაჭირვების შესახებ, რაზეც ხალხს ასევე გული აუჩუყდა.
ამ ინფორმაციის გავრცელებიდან სულ მალე, მომღერლის ქალიშვილმა, ირმამ ახსნა, რომ ბატონი არჩილი ნამდვილად არ არის მშიერი. რომ მას 150 ლარი პენსია აქვს, თბილისში ორი ბინა. რომ 80 წლის მომღერალს უმეტესად, ფსიქოლოგიურად უჭირს, აქვს გამუდმებული შიში, რომ ვიღაც მოწამლავს და მიწოდებულ კერძს არ ჭამს.
ასევე გავრცელდა ასეთი ინფორმაცია, რომ ჩვენი თანამედროვეობის უდიდესი მწერალი, გურამ დოჩანაშვილი, ასევე უკიდურეს სიღარიბეში ცხოვრობს. თუმცა მწერლის მეუღლემ, ნათელა სეფიაშვილმ ეს ინფორმაცია უარყო:
"არ ვიცი, ეს ჭორები და სისულელეები საიდან, ან რატომ ვრცელდება. მეც და გურამიც ვართ პენსიონერები და ვიღებთ იგივე პენსიას, რასაც სხვები... ეს ბევრი არაა, მაგრამ ამ ფულით 3-4 კილო ლობიოს და ერთ ჩაის კოვზ შაქარს თუ იყიდი, მშიერი არ დარჩები. რაც შეეხება ჩვენ ეკონომიურ მდგომარეობას, მოგეხსენებათ, მწერლების ამბავი და ეგრეა გურამიც; მილიონი რომ მისცეთ, მეორე წუთში ცარიელ-ტარიელი იქნება... დიდი მადლობა ყველას, რომ მოგვიკითხეთ და ჩვენი ამბით შეწუხდით, მაგრამ ჩვენ არ გვიჭირს".
მოკლედ, როგორც უკვე აღვნიშნეთ, ხშირად ისე არ ქუხს, როგორც წვიმს...
ლალი ფაცია
