ეთერ კაკულია ისრაელში მკურნალობის კურსის ჩასატარებლად წავიდა.

მომღერალი ეთერ კაკულია ისრაელში გაფრინდა. ამის მიზეზი მისი ჯანმრთელობის მდგომარეობა გახდა. მომღერალი ისრაელში მკურნალობის კიდევ კურსის ჩასატარებლად წავიდა.

ეს არ არის პირველი შემთხვევა, როცა ეთერ კაკულია ისრაელში მიდის. ის იქ ერთ-ერთ წამყვან კლინიკაში მკურნალობს და ექიმების მითითებებს მკაცრად იცავს. ეთერ კაკულია მძიმე დაავადებით არის ავად. მას სამკურნალოდ საკმაოდ სოლიდური თანხები ესაჭიროება. ბანკში გახსნილია მის სახელზე სპეციალური ანგარიში, ჩართულია სპეციალური სატელეფონო ნომერი, საიდანაც თითოეულ ზარზე მის ანგარიშზე 1 ლარი მიდის. მისი კოლეგები კი საქართველოს სხვადასხვა რეგიონებში დადიან და კონცერტებს ატარებენ, რომ ეთერ კაკულიას გამოჯანმრთელების პროცესში პრობლემები არ შეექმნას.

საქართველოდან გამგზავრებამდე მომღერალმა დაბადების დღე თბილისის დიდ საკონცერტო დარბაზში აღნიშნა. მისი სიმღერები მისმა კოლეგებმა შეასრულეს. კონცერტის დასასრულს მადლიერი ხალხისგან ეთერ კაკულიამ საჩუქრად სახელობითი ვარსკვლავი მიიღო.

ეკა ირემაშვილი, გაზეთი ”ახალი თაობა”