ირმა სოხაძე: “მომღერლებს დღესაც ბლოკავენ”
1 942 ნახვა
ახალი წლის მოახლოებასთან ერთად, ქართველი მომღერლების მოლოდინი კონცერტებში მონაწილეობასთან დაკავშირებით პიკს აღწევს. ღონისძიებების ორგანიზატორთა გადაწყვეტილებით, მომღერლების ნაწილი თბილისში იმღერებს, ნაწილი საქართველოს რეგიონებში, ნაწილი კი _ საერთოდ არსად.
უკვე ცნობილია იმ ქართველ მომღერალთა ვინაობა, ვინც 31 დეკემბრის ღამეს ევროპის მოედანზე გამართული კონცერტით მიულოცავს თბილისს ახალი 2015 წლის დადგომას. 31 დეკემბერს ცენტრალურ კონცერტზე დაუკრავს თბილისის ბიგ ბენდი გივი გაჩეჩილაძის ხელმძღვანელობით და მათთან ერთად გამოვა 27¸მომღერალი. ესენი არიან: გიორგი სუხიტაშვილი, სალომე ბაკურაძე, ნინი ბადურაშვილი, ანრი ჯოხაძე, თაკო გაჩეჩილაძე, ნოდიკო ტატიშვილი, ვაჟა მანია, ალეკო ბერძენიშვილი, ზაურ შავგულიძე, ბორის ბედია, მარიამ პავლიაშვილი, სოფო ხალვაში, ლევან ჩიჩუა, თიკა მახალდიანი, ანი კეკუა, მაია ბარათაშვილი, ქრისტინე იმედაძე, ოთო ნემსაძე, აჩიკო ნიჟარაძე, სოფო გელოვანი, მარიკო ებრალიძე, ნათია დუმბაძე, ანანო მჟავია, ნინი წიკლაური, დათო გომართელი, მაკა ზამბახიძე და ნუცა ბუზალაძე.
თბილისის მერიისა და კულტურის სამინისტროს წარმომადგენლების განცხადებით, ახალი წლის ღამეს თბილისში კონცერტს გამართავენ უცხოელი მუსიკოსები და მომღერლებიც. ქართველი მომღერლების ნაწილმა საახალწლო კონცერტებში მონაწილეობაზე უარი განაცხადა, ნაწილი კი საქართველოს რეგიონებში გადანაწილდება და ისინი კონცერტებს სხვადასხვა ქალაქებში გამართავენ. ეკა კვალიაშვილი მცხეთაში იმღერებს და იქიდან მიულოცავს საქართველოს 2015 წლის დადგომას.
ეკა კვალიაშვილი: ” ამას ჩემთვის არაფერი შეუცვლია, მცხეთაც საქართველოა და ნებისმიერი რეგიონიც საქართველოა, მაგრამ უკვე წლები გავიდა, 10 წელიწადზე მეტი გავიდა, რომ მე ვერ ვხვდები რატომღაც თბილისში საახალწლო კონცერტებში, ვერ ვხვდები 26 მაისის კონცერტებში, თბილისობის კონცერტებში, ცენტრალურ კონცერტებში. წინა ხელისუფლებაზე მაქვს საუბარი. მაგათ პერიოდში კონცერტები კი არა, საერთოდ აქ რომ ვცხოვრობდი, მიკვირს, ყოჩაღ ჩემს გაძლებას! ახლაც იგივე მომენტია... ცენტრალურ კონცერტებზე მაქვს საუბარი. ჩემთან შემოთავაზება პირადად არ ყოფილა. მცხეთაზე კულტურის სამინისტროდან დამირეკეს. არასოდეს არ მოიძებნა ბიუჯეტი, არასოდეს არ მოინახა არანაირი ადგილი, ადგილი სიაში, იყო ყოველთვის მარკერით გადახაზული კვალიაშვილი.”
საახალწლო კონცერტის ორგანიზებით უკმაყოფილოა მომღერალი აჩიკო მეფარიძე:
”რა საუბარიც წავიდა, ეს დამატებითი შეურაცხყოფაა იმასთან, რაც იყო წინა კვირას ტელევიზიით ქალბატონი მაქაცარიას მიერ გაცხადებული. ბრძანეს, რომ შედგა სიები, მოვითხოვ, გასაჯაროვდეს, ვინ არის ის 27 კაცი, ვინ ჩამოდის უცხოელი და მესამე საკითხია, ფინანსები. ალბათ არაკომპეტენტური ან ცუდი ფინანსტისტი ხელმძღვანელობს ამას. დასახელებული იყო ნახევარი მილიონი, ალბათ დოლარი, თუ ლარია, მაშინ ვერ ჩაეტევა, არ ეყოფა, ეგ ტყუილია. ბენდის ჟღერადობა როგორ უნდა გადმოსცენ ხარისხიანად იმ მაყურებლისთვის, მეხუთე ან მეათე რომ დგას? ეს ხომ გამორიცხულია? რა ღირს თითოეული მუსიკოსის გადასახადი და მერე მთლიანად ეს ბენდი რა ჯდება? გაორკესტრება? ვინც აორკესტრებს, ვინც უკრავს, რომ დავუმატოთ მომღერლის, მუსიკოსის, მომყვანის, წამყვანის ხარჯები, რომ დაჯამდეს, ამაზე გაცილებით იაფი გამოვიდოდა მომღერლის მოყვანა და ფონოგრამაზე შესრულება.”
მომღერალმა ირმა სოხაძემ საახალწლო კონცერტებში მონაწილეობაზე უარი პირადი მიზეზით განაცხადა:
_ მე ცოტა მომგებიან პოზიციაში ვარ, იმიტომ რომ პირადი განაწყენების საფუძველი არ მაქვს. დამირეკეს კულტურის სამინისტროდან და კონცერტში მონაწილეობაზე განვაცხადე უარი იმ მარტივი მიზეზით, რომ არასდროს ახალ წელს არ ვმღერი ქუჩაში, არსად არც რესტორანში, არც გარეთ. ოჯახში ვხვდები ყოველთვის. ასეთი ტრადიცია მაქვს. ეს ჩემი პირადი საქმეა.
მომღერალმა გაიხსენა, რა ხდებოდა წინა ხელისუფლების დროს, როდესაც სიებში ბევრი კარგი მომღერალი ვერ ხვდებოდა და გულისტკივილი გამოთქვა იმის გამო, რომ არც ახლა შეცვლილა არაფერი:
_ დღეს რა ხდება, ვერ გავიგე. ალბათ არაპროფესიონალიზმი. ქალბატონ ია მაქაცარიას არ ვიცნობ, მასთან შეხება მქონდა ერთადერთხელ სულ სხვა საქმეზე, მაგრამ როცა აღმოჩნდა, რომ იმღერებენ საახალწლო კონცერტზე ის ვიწრო წრეები, ვისაც ორკესტრთან სიმღერა შეუძლიათ, ამან ძალიან გამაბრაზა. თურმე 27 ადამიანია მთელ საქართველოში, ვინც ორკესტრთან მღერის. ჩემს თავზე ლაპარაკი არ მიყვარს, მაგრამ 4 წლიდან ბიგ ბენდთან ერთად სიმღერის მეტი არაფერი გამიკეთებია. დეფინიციაა ძალიან გამაღიზიანებელი, რომ თურმე ორკესტრთან ვინც მღერის, ის მონაწილეობს საახალწლო კონცერტში. გამახარა თაკოს სიტყვებმა, რომ ბატონი გივი გაჩეჩილაძე არ არჩევს მომღერლებს. დღეს არ ვიცი, ვინ ბლოკავს მომღერლებს? რა ხდება? ისევ მერჩივნა, ბატონ გივის აერჩია და ეთქვა, რომ დღეს ირმას მირჩევნია სხვაო. ძალიან გამიხარდა, რომ ეს ასე არ არის და მაშინ რა გამოდის? ვინც 9 წლის განმავლობაში ხაზავდა მომღერლებს მარკერით, ისევ ის სიტუაციაა?
ეკა ირემაშვილი, გაზეთი ”ახალი თაობა”
უკვე ცნობილია იმ ქართველ მომღერალთა ვინაობა, ვინც 31 დეკემბრის ღამეს ევროპის მოედანზე გამართული კონცერტით მიულოცავს თბილისს ახალი 2015 წლის დადგომას. 31 დეკემბერს ცენტრალურ კონცერტზე დაუკრავს თბილისის ბიგ ბენდი გივი გაჩეჩილაძის ხელმძღვანელობით და მათთან ერთად გამოვა 27¸მომღერალი. ესენი არიან: გიორგი სუხიტაშვილი, სალომე ბაკურაძე, ნინი ბადურაშვილი, ანრი ჯოხაძე, თაკო გაჩეჩილაძე, ნოდიკო ტატიშვილი, ვაჟა მანია, ალეკო ბერძენიშვილი, ზაურ შავგულიძე, ბორის ბედია, მარიამ პავლიაშვილი, სოფო ხალვაში, ლევან ჩიჩუა, თიკა მახალდიანი, ანი კეკუა, მაია ბარათაშვილი, ქრისტინე იმედაძე, ოთო ნემსაძე, აჩიკო ნიჟარაძე, სოფო გელოვანი, მარიკო ებრალიძე, ნათია დუმბაძე, ანანო მჟავია, ნინი წიკლაური, დათო გომართელი, მაკა ზამბახიძე და ნუცა ბუზალაძე.
თბილისის მერიისა და კულტურის სამინისტროს წარმომადგენლების განცხადებით, ახალი წლის ღამეს თბილისში კონცერტს გამართავენ უცხოელი მუსიკოსები და მომღერლებიც. ქართველი მომღერლების ნაწილმა საახალწლო კონცერტებში მონაწილეობაზე უარი განაცხადა, ნაწილი კი საქართველოს რეგიონებში გადანაწილდება და ისინი კონცერტებს სხვადასხვა ქალაქებში გამართავენ. ეკა კვალიაშვილი მცხეთაში იმღერებს და იქიდან მიულოცავს საქართველოს 2015 წლის დადგომას.
ეკა კვალიაშვილი: ” ამას ჩემთვის არაფერი შეუცვლია, მცხეთაც საქართველოა და ნებისმიერი რეგიონიც საქართველოა, მაგრამ უკვე წლები გავიდა, 10 წელიწადზე მეტი გავიდა, რომ მე ვერ ვხვდები რატომღაც თბილისში საახალწლო კონცერტებში, ვერ ვხვდები 26 მაისის კონცერტებში, თბილისობის კონცერტებში, ცენტრალურ კონცერტებში. წინა ხელისუფლებაზე მაქვს საუბარი. მაგათ პერიოდში კონცერტები კი არა, საერთოდ აქ რომ ვცხოვრობდი, მიკვირს, ყოჩაღ ჩემს გაძლებას! ახლაც იგივე მომენტია... ცენტრალურ კონცერტებზე მაქვს საუბარი. ჩემთან შემოთავაზება პირადად არ ყოფილა. მცხეთაზე კულტურის სამინისტროდან დამირეკეს. არასოდეს არ მოიძებნა ბიუჯეტი, არასოდეს არ მოინახა არანაირი ადგილი, ადგილი სიაში, იყო ყოველთვის მარკერით გადახაზული კვალიაშვილი.”
საახალწლო კონცერტის ორგანიზებით უკმაყოფილოა მომღერალი აჩიკო მეფარიძე:
”რა საუბარიც წავიდა, ეს დამატებითი შეურაცხყოფაა იმასთან, რაც იყო წინა კვირას ტელევიზიით ქალბატონი მაქაცარიას მიერ გაცხადებული. ბრძანეს, რომ შედგა სიები, მოვითხოვ, გასაჯაროვდეს, ვინ არის ის 27 კაცი, ვინ ჩამოდის უცხოელი და მესამე საკითხია, ფინანსები. ალბათ არაკომპეტენტური ან ცუდი ფინანსტისტი ხელმძღვანელობს ამას. დასახელებული იყო ნახევარი მილიონი, ალბათ დოლარი, თუ ლარია, მაშინ ვერ ჩაეტევა, არ ეყოფა, ეგ ტყუილია. ბენდის ჟღერადობა როგორ უნდა გადმოსცენ ხარისხიანად იმ მაყურებლისთვის, მეხუთე ან მეათე რომ დგას? ეს ხომ გამორიცხულია? რა ღირს თითოეული მუსიკოსის გადასახადი და მერე მთლიანად ეს ბენდი რა ჯდება? გაორკესტრება? ვინც აორკესტრებს, ვინც უკრავს, რომ დავუმატოთ მომღერლის, მუსიკოსის, მომყვანის, წამყვანის ხარჯები, რომ დაჯამდეს, ამაზე გაცილებით იაფი გამოვიდოდა მომღერლის მოყვანა და ფონოგრამაზე შესრულება.”
მომღერალმა ირმა სოხაძემ საახალწლო კონცერტებში მონაწილეობაზე უარი პირადი მიზეზით განაცხადა:
_ მე ცოტა მომგებიან პოზიციაში ვარ, იმიტომ რომ პირადი განაწყენების საფუძველი არ მაქვს. დამირეკეს კულტურის სამინისტროდან და კონცერტში მონაწილეობაზე განვაცხადე უარი იმ მარტივი მიზეზით, რომ არასდროს ახალ წელს არ ვმღერი ქუჩაში, არსად არც რესტორანში, არც გარეთ. ოჯახში ვხვდები ყოველთვის. ასეთი ტრადიცია მაქვს. ეს ჩემი პირადი საქმეა.
მომღერალმა გაიხსენა, რა ხდებოდა წინა ხელისუფლების დროს, როდესაც სიებში ბევრი კარგი მომღერალი ვერ ხვდებოდა და გულისტკივილი გამოთქვა იმის გამო, რომ არც ახლა შეცვლილა არაფერი:
_ დღეს რა ხდება, ვერ გავიგე. ალბათ არაპროფესიონალიზმი. ქალბატონ ია მაქაცარიას არ ვიცნობ, მასთან შეხება მქონდა ერთადერთხელ სულ სხვა საქმეზე, მაგრამ როცა აღმოჩნდა, რომ იმღერებენ საახალწლო კონცერტზე ის ვიწრო წრეები, ვისაც ორკესტრთან სიმღერა შეუძლიათ, ამან ძალიან გამაბრაზა. თურმე 27 ადამიანია მთელ საქართველოში, ვინც ორკესტრთან მღერის. ჩემს თავზე ლაპარაკი არ მიყვარს, მაგრამ 4 წლიდან ბიგ ბენდთან ერთად სიმღერის მეტი არაფერი გამიკეთებია. დეფინიციაა ძალიან გამაღიზიანებელი, რომ თურმე ორკესტრთან ვინც მღერის, ის მონაწილეობს საახალწლო კონცერტში. გამახარა თაკოს სიტყვებმა, რომ ბატონი გივი გაჩეჩილაძე არ არჩევს მომღერლებს. დღეს არ ვიცი, ვინ ბლოკავს მომღერლებს? რა ხდება? ისევ მერჩივნა, ბატონ გივის აერჩია და ეთქვა, რომ დღეს ირმას მირჩევნია სხვაო. ძალიან გამიხარდა, რომ ეს ასე არ არის და მაშინ რა გამოდის? ვინც 9 წლის განმავლობაში ხაზავდა მომღერლებს მარკერით, ისევ ის სიტუაციაა?
ეკა ირემაშვილი, გაზეთი ”ახალი თაობა”
