ხუთი ცოლის მიერ სექსუალური ძალადობის შედეგად ნიგერიელი ბიზნესმენი გარდაიცვალა

როგორც ბრიტანული გამოცემა The Daily Mail იუწყება, მამაკაცმა ვერ მოახერხა ხუთივე ცოლის მოთხოვნის დაკმაყოფილება და ოთხთან სექსუალური კავშირის შემდეგ გარდაიცვალა.

უროკო ონოჯა წარმატებული ბიზნესმენი იყო, თუმცა ოჯახში მას პრობლემები ჰქონდა. ექვსი ცოლიდან ის უპირატესობას ყველაზე პატარას ანიჭებდა, დანარჩენი ხუთი კი უყურადღებოდ რჩებოდა.

როცა ონაჯა ორშაბათს დილით ბარიდან სახლში დაბრუნდა და საყვარელი (უმცროსი) მეუღლის საძინებლისკენ გაემართა, დანარჩენი ხუთი ცოლი ჯოხებითა და დანებით თავს დაესხა. მათ ქმარს მუქარის ქვეშ აიძულეს, მათთან სქესობრივი აქტით დაკავებულიყო. 

როგორც ადგილობრივი საინფორმაციო საშუალებები იუწყებიან, მას შემდეგ, რაც ონოჯამ მეოთხე ცოლის საძინებელი დატოვა, მან სუნთქვა შეწყვიტა.

ბიზნესმენის უმცროსი ცოლის თქმით, როცა დამნაშავე ცოლებმა მომხდარის შესახებ გაიგეს, სახლიდან ტყეში გაიქცნენ. 

მომხდარ ფაქტს ადგილობრივი პოლიცია იძიებს