ვერიკო ტურაშვილი თავისი შვილისთვის იდეალურ ძიძას ეძებს
1 619 ნახვა
ვერიკო ტურაშვილი გასულ წელს მეორედ გახდა დედა. რასაკვირველია, ამ წელსაც უდიდესი ბედნიერებით შეხვდა. ლიზა, მისი პირველი ქალიშვილი, დედიკოს ძალიან ეხმარება, თუმცა მომღერალი ძიძას ეძებს.
- მეორედ გახდი დედა, ისევ გოგონა გყავს. როგორი შეგრძნებაა?
- ძალიან სხვანაირი, რადგან ლიზა პატარა ასაკში გამიჩნდა. ლიზაზე დაფეთებული დედა ვიყავი, არავის ვაჭერინებდი ხელში, მეგონა, რომ რაღაც დაემართებოდა. ახლა კი აღარ ვარ ასე, ლიზა ძალიან მეხმარება, მეგობრებიც. ჯერ გაცნობის პერიოდია, შესაბამისად, არ მაქვს კარგად გაცნობიერებული.
- ნატაშკაზე მოგვიყევი, ვის ჰგავს?
- მამას.
- ლაშა ფოტოზე ვნახეთ შენთან ერთად, სამშობიაროში. ნახულობს პატარას?
- კი, ბავშვს ნახულობს ხოლმე, ხანდახან (იღიმის).
- ძიძა გყავს?
- ჯერ არა, ისეთი დაკავებულიც არ ვარ, რომ გავრბოდე და დამტოვებელი მჭირდებოდეს, მაგრამ მალე მეყოლება. ძიძის შერჩევისას უამრავი კრიტერიუმი მაქვს, პირველ რიგში, შინაურ წრეში ვეძებ. უცხო ადამიანს ვერ მოვიყვან შვილის მომვლელად. რასაკვირველია, უნდა ჰქონდეს გამოცდილება, მით უმეტეს, ახალშობილ პატარასთან. თუკი ვიპოვე იდეალური ძიძა, მეორე ვერიკო, ძალიან კარგი იქნება (იღიმის). არ მინდა, ისეთი პრინციპით ავარჩიო, როდესაც ადამიანი ნებისმიერ სამსახურს ეძებს და მისთვის სულერთია, სად იმუშავებს. ალბათ, ბავშვებიც უნდა უყვარდეს და იყოს მოწესრიგებული, სუფთა. არ უნდა იყოს ისეთი ადამიანი, ბავშვი აზრზე რომ მოვა, რბილი ლ-ებით ელაპარაკოს (იღიმის).
- ადრე რუსულენოვანი ძიძები იყო მოდაში.
- ჩემს სახლში რუსული ენის პრობლემა არ არის, რადგან ლიზას ბებიაა რუსულენოვანი, შესაბამისად, ამ ენას ისედაც ისწავლის.
- მშობიარობა არ გაგიჭირდა, ფოტო მალევე განათავსე `ფეისბუქზე~.
- ზუსტად 15 წუთის შემდეგ გადაღებული ფოტო იყო. მშობიარობა საერთოდ არ გამჭირვებია. ეს ჩემი ექიმის დამსახურებაც არის, მთლად ასეთი ყოჩაღიც არ ვარ, მაგრამ ძალიან ადვილად ვიმშობიარე.
- როგორ ჩადექი ფორმაში?
- რომ გითხრა, ორსულობამდე როგორ ფორმაშიც ვიყავი, ისევ ისეთი ვარ-მეთქი, მოგატყუებ. შესაძლოა, არ მეტყობოდა, მაგრამ 20 კილო მქონდა მომატებული. ჯერ დიეტა არ დამიწყია, რადგან ნატაშკა ბუნებრივ კვებაზე მყავს. ცოტა ხანში ვარჯიშს დავიწყებ, ალბათ, იანვრის ბოლოდან, რადგან ბუნებრივი გზით ვიმშობიარე, ვარჯიში ერთი თვის შემდეგ უკვე შესაძლებელია. 10 კილო დავტოვე სამშობიაროში, ასე რომ, 10 კილო უნდა დავიკლო.
- სადმე გასვლა გიწევს?
- ძალიან იშვიათად. ნატაშკა 16 დეკემბერს გავაჩინე და ათ დღეში კონცერტი მქონდა (იცინის). ახალი წლის ღამესაც ძალიან ბევრმა სირბილმა მომიწია, რადგან ორი კერძო კონცერტი მქონდა და ერთიც, მცხეთაში, კულტურის სამინისტროს ორგანიზებით. მერიის კონცერტზე არ მიმიწვიეს. სიმართლე უნდა ვთქვა, რომც დაერეკათ, ვერ მოვახერხებდი ამ ეტაპზე რეპეტიციებზე სიარულს. თუმცა გამაღიზიანა კომენტარმა, თითქოს აქ მხოლოდ ის მომღერლები მიიწვიეს, რომელთაც ცოცხლად სიმღერა შეუძლიათ. ამაზე სტატუსიც დავწერე, რომელიც შემდეგ წავშალე.
- ამ კონცერტის შედეგად, ხომ არ გადახალისდა შოუბიზნესი თავიდან და დაიყო?
- არა მგონია, რომ რაღაცები შეიცვალოს.
- გქონია სამზე მეტი კონცერტი ახალ წელს?
- როგორ არა? ექვსიც მქონია და შვიდიც. საღამოს რვა საათიდან დილის ექვს საათამდე მირბენია. ასეთი პერიოდებიც ყოფილა (იღიმის).
- ახალი წლისთვის როგორ მოემზადე?
- ახალი ნაძვის ხე შევიძინეთ, ვინაიდან ახალ სახლში შევხვდით დღესასწაულს. ნაძვის ხე ლიზამ ააწყო, საკმაოდ კარგად, ჩემი დაჟინებული რეკომენდაციებითა და მზერით (იცინის). არ მაქვს ცრურწმენა, რომ მაინცდამაინც ახალი სათამაშო უნდა დაიკიდოს. ამაზე ძირითადად ჩემი ოჯახის წევრები ზრუნავენ, უბრალოდ, ისე ხდება, რომ ყოველთვის არის ერთი ახალი სათამაშო მაინც.
- პროფესიიდან გამომდინარე, ისევე, როგორც წელს, ახალ წელს სულ გარეთ ხვდები.
- ახალი წელი ჩემთვის მუშაობასთან ასოცირდება. ზოგადად, ძალიან მიყვარს ეს დღესასწაული. ლიზასთან ერთად განსაკუთრებულია მისი შეხვედრა. ასოცირდება საჩუქრებსა და სიურპრიზებთან.
- კერძების მომზადებაზე რას იტყვი?
- სხვათა შორის, არ ვარ ცუდი კულინარი, უბრალოდ, დაკავებული ვარ და ნაკლებად ვმონაწილეობ მათ მომზადებაში. წელს ოჯახის წევრები დამეხმარნენ, რადგან ჩემს თავზე ვერ ავიღე.
- 2014 შენთვის წარმატებული აღმოჩნდა. როგორი განწყობით შეხვდი ახალ წელს?
- მართლა ძალიან კარგი განწყობით და უბედნიერესი ვარ. ამას გულწრფელად ვამბობ. ვისურვებდი, რომ 2015 წელი იყოს ისეთი განწყობის, რა განწყობითაც მას შევხვდი. საქმის კუთხითაც მაქვს სურვილები. სხვათა შორის, ადრე ვატარებდი ასეთ რიტუალს, რომელიც ყველასთვის ცნობილია, ქაღალდზე სურვილის დაწერა, მისი დაწვა, ფერფლის შამპანურში ჩაყრა და მერე მისი დალევა. რამდენჯერაც გამიკეთებია, ის ნატვრა ამსრულებია. დიდი ხანია, ამ მეთოდისთვის აღარ მიმიმართავს. 31 დეკემბერს ჩავუთქვამ ხოლმე სურვილს, მაგრამ ზოგი მისრულდება, ზოგი - არა. მე ძალიან მიწიერი ადამიანი ვარ და ადეკვატური სურვილები მაქვს.
- პირადულში რას ისურვებდი?
- ასე არ მიფიქრია, ახალი შეყვარებული მინდა-მეთქი, მაგრამ საერთო ბედნიერებაში პირადი ცხოვრებაც შედის. თუმცა, სიმართლე გითხრა, დღეს ამაზე არ ვფიქრობ. ზოგადად, ყველა ადამიანს სჭირდება მოწესრიგებული პირადი ცხოვრება. ყოველ შემთხვევაში, ჩემთვის მნიშვნელოვანია, რომ თვალები მიბრწყინავდეს (იღიმის).
ნინო მურღულია
ჟურნალი ''რეიტინგი''
- მეორედ გახდი დედა, ისევ გოგონა გყავს. როგორი შეგრძნებაა?
- ძალიან სხვანაირი, რადგან ლიზა პატარა ასაკში გამიჩნდა. ლიზაზე დაფეთებული დედა ვიყავი, არავის ვაჭერინებდი ხელში, მეგონა, რომ რაღაც დაემართებოდა. ახლა კი აღარ ვარ ასე, ლიზა ძალიან მეხმარება, მეგობრებიც. ჯერ გაცნობის პერიოდია, შესაბამისად, არ მაქვს კარგად გაცნობიერებული.
- ნატაშკაზე მოგვიყევი, ვის ჰგავს?
- მამას.
- ლაშა ფოტოზე ვნახეთ შენთან ერთად, სამშობიაროში. ნახულობს პატარას?
- კი, ბავშვს ნახულობს ხოლმე, ხანდახან (იღიმის).
- ძიძა გყავს?
- ჯერ არა, ისეთი დაკავებულიც არ ვარ, რომ გავრბოდე და დამტოვებელი მჭირდებოდეს, მაგრამ მალე მეყოლება. ძიძის შერჩევისას უამრავი კრიტერიუმი მაქვს, პირველ რიგში, შინაურ წრეში ვეძებ. უცხო ადამიანს ვერ მოვიყვან შვილის მომვლელად. რასაკვირველია, უნდა ჰქონდეს გამოცდილება, მით უმეტეს, ახალშობილ პატარასთან. თუკი ვიპოვე იდეალური ძიძა, მეორე ვერიკო, ძალიან კარგი იქნება (იღიმის). არ მინდა, ისეთი პრინციპით ავარჩიო, როდესაც ადამიანი ნებისმიერ სამსახურს ეძებს და მისთვის სულერთია, სად იმუშავებს. ალბათ, ბავშვებიც უნდა უყვარდეს და იყოს მოწესრიგებული, სუფთა. არ უნდა იყოს ისეთი ადამიანი, ბავშვი აზრზე რომ მოვა, რბილი ლ-ებით ელაპარაკოს (იღიმის).
- ადრე რუსულენოვანი ძიძები იყო მოდაში.
- ჩემს სახლში რუსული ენის პრობლემა არ არის, რადგან ლიზას ბებიაა რუსულენოვანი, შესაბამისად, ამ ენას ისედაც ისწავლის.
- მშობიარობა არ გაგიჭირდა, ფოტო მალევე განათავსე `ფეისბუქზე~.
- ზუსტად 15 წუთის შემდეგ გადაღებული ფოტო იყო. მშობიარობა საერთოდ არ გამჭირვებია. ეს ჩემი ექიმის დამსახურებაც არის, მთლად ასეთი ყოჩაღიც არ ვარ, მაგრამ ძალიან ადვილად ვიმშობიარე.
- როგორ ჩადექი ფორმაში?
- რომ გითხრა, ორსულობამდე როგორ ფორმაშიც ვიყავი, ისევ ისეთი ვარ-მეთქი, მოგატყუებ. შესაძლოა, არ მეტყობოდა, მაგრამ 20 კილო მქონდა მომატებული. ჯერ დიეტა არ დამიწყია, რადგან ნატაშკა ბუნებრივ კვებაზე მყავს. ცოტა ხანში ვარჯიშს დავიწყებ, ალბათ, იანვრის ბოლოდან, რადგან ბუნებრივი გზით ვიმშობიარე, ვარჯიში ერთი თვის შემდეგ უკვე შესაძლებელია. 10 კილო დავტოვე სამშობიაროში, ასე რომ, 10 კილო უნდა დავიკლო.
- სადმე გასვლა გიწევს?
- ძალიან იშვიათად. ნატაშკა 16 დეკემბერს გავაჩინე და ათ დღეში კონცერტი მქონდა (იცინის). ახალი წლის ღამესაც ძალიან ბევრმა სირბილმა მომიწია, რადგან ორი კერძო კონცერტი მქონდა და ერთიც, მცხეთაში, კულტურის სამინისტროს ორგანიზებით. მერიის კონცერტზე არ მიმიწვიეს. სიმართლე უნდა ვთქვა, რომც დაერეკათ, ვერ მოვახერხებდი ამ ეტაპზე რეპეტიციებზე სიარულს. თუმცა გამაღიზიანა კომენტარმა, თითქოს აქ მხოლოდ ის მომღერლები მიიწვიეს, რომელთაც ცოცხლად სიმღერა შეუძლიათ. ამაზე სტატუსიც დავწერე, რომელიც შემდეგ წავშალე.
- ამ კონცერტის შედეგად, ხომ არ გადახალისდა შოუბიზნესი თავიდან და დაიყო?
- არა მგონია, რომ რაღაცები შეიცვალოს.
- გქონია სამზე მეტი კონცერტი ახალ წელს?
- როგორ არა? ექვსიც მქონია და შვიდიც. საღამოს რვა საათიდან დილის ექვს საათამდე მირბენია. ასეთი პერიოდებიც ყოფილა (იღიმის).
- ახალი წლისთვის როგორ მოემზადე?
- ახალი ნაძვის ხე შევიძინეთ, ვინაიდან ახალ სახლში შევხვდით დღესასწაულს. ნაძვის ხე ლიზამ ააწყო, საკმაოდ კარგად, ჩემი დაჟინებული რეკომენდაციებითა და მზერით (იცინის). არ მაქვს ცრურწმენა, რომ მაინცდამაინც ახალი სათამაშო უნდა დაიკიდოს. ამაზე ძირითადად ჩემი ოჯახის წევრები ზრუნავენ, უბრალოდ, ისე ხდება, რომ ყოველთვის არის ერთი ახალი სათამაშო მაინც.
- პროფესიიდან გამომდინარე, ისევე, როგორც წელს, ახალ წელს სულ გარეთ ხვდები.
- ახალი წელი ჩემთვის მუშაობასთან ასოცირდება. ზოგადად, ძალიან მიყვარს ეს დღესასწაული. ლიზასთან ერთად განსაკუთრებულია მისი შეხვედრა. ასოცირდება საჩუქრებსა და სიურპრიზებთან.
- კერძების მომზადებაზე რას იტყვი?
- სხვათა შორის, არ ვარ ცუდი კულინარი, უბრალოდ, დაკავებული ვარ და ნაკლებად ვმონაწილეობ მათ მომზადებაში. წელს ოჯახის წევრები დამეხმარნენ, რადგან ჩემს თავზე ვერ ავიღე.
- 2014 შენთვის წარმატებული აღმოჩნდა. როგორი განწყობით შეხვდი ახალ წელს?
- მართლა ძალიან კარგი განწყობით და უბედნიერესი ვარ. ამას გულწრფელად ვამბობ. ვისურვებდი, რომ 2015 წელი იყოს ისეთი განწყობის, რა განწყობითაც მას შევხვდი. საქმის კუთხითაც მაქვს სურვილები. სხვათა შორის, ადრე ვატარებდი ასეთ რიტუალს, რომელიც ყველასთვის ცნობილია, ქაღალდზე სურვილის დაწერა, მისი დაწვა, ფერფლის შამპანურში ჩაყრა და მერე მისი დალევა. რამდენჯერაც გამიკეთებია, ის ნატვრა ამსრულებია. დიდი ხანია, ამ მეთოდისთვის აღარ მიმიმართავს. 31 დეკემბერს ჩავუთქვამ ხოლმე სურვილს, მაგრამ ზოგი მისრულდება, ზოგი - არა. მე ძალიან მიწიერი ადამიანი ვარ და ადეკვატური სურვილები მაქვს.
- პირადულში რას ისურვებდი?
- ასე არ მიფიქრია, ახალი შეყვარებული მინდა-მეთქი, მაგრამ საერთო ბედნიერებაში პირადი ცხოვრებაც შედის. თუმცა, სიმართლე გითხრა, დღეს ამაზე არ ვფიქრობ. ზოგადად, ყველა ადამიანს სჭირდება მოწესრიგებული პირადი ცხოვრება. ყოველ შემთხვევაში, ჩემთვის მნიშვნელოვანია, რომ თვალები მიბრწყინავდეს (იღიმის).
ნინო მურღულია
ჟურნალი ''რეიტინგი''
