ამერიკაში წყვილმა ოფიციანტს ფეხის ქირად $11000 დაუტოვა

ამერიკული ტელეკომპანიის ABC News ცნობით, აშშ-ის ერთ-ერთ რესტორანში ფეხის ქირად $11000 დატოვეს. $331-ის ანგარიშის მისვლის შემდეგ მამაკაცმა და მისმა თანმხლებმა ჯერ 1000 დოლარი დატოვეს. მოგვიანებით წყვილმა კიდევ რამდენიმე სასმელი აიღო და $90 დოლარის ანგარიშის მოსვლის შემდეგ კიდევ $10.000 დატოვა.

კომენტარებში მამაკაცმა დაწერა, რომ ეს არის „საჩუქარი იესო ქრისტესაგან“.

რესტორნის თანამშრომლებმა დატოვებული ფეხის ქირა ერთმანეთში გადაინაწილეს.

ტელეკომპანია აღნიშნავს, რომ იმავე მამაკაცმა შარშან ფეხის ქირის სახით $2.500 დატოვა.