თემო - ბინის ქირას დღემდე, სანდრა რულოვსი გვიხდიდა
1 611 ნახვა
„კვირის პალიტრა" ნიჭიერის გამარჯვებულთან თემო არაბიძესთან ჩაწერილ ინტერვიუს ავრცელებს. ინტერვიუში თემო იმ პერიოდს იხსენებს, როდესაც ინვალიდის ეტლით სარგებლობა დასჭირდა.
"მე თერჯოლიდან ვარ. როცა 19 წლის ვიყავი, თერჯოლაში რამდენიმე ბიჭი ჩავსხედით მანქანაში და დაგვავიწყდა რომ სიჩქარისთვის არ უნდა გადაგვეჭარბებინა, 170-180 კილომეტრით მივფრინავდით და ამ დროს 30 მეტრი სიმაღლიდან გადავეშვით მდინარეში. ყველა გადარჩა. მარტო მე ვიყავი 15 დღე კომაში, სრულიად გათიშული. ამის შემდეგ ორჯერ გავიკეთე ოპერაცია. მერე კი ეტლზე გადმომსვეს... მახსოვს, რომ 15 დღე ბნელ გვირაბში მივფრინავდი. მერე მოვედი გონზე. მერე იყო ოპერაციები... ფეხზე რომ ვეღარ დავდექი, დედა ძალიან ავად გახდა - სიმსივნით დაავადდა, ჩემი ბრალი იყო. არ უნდა მოვქცეულიყავი ისე, როგორც მოვიქეცი და ეს არ მოხდებოდა. დედა სიცოცხლის ბოლო დღეებში სულ ამბობდა, მე როცა მოვკვდები, შენ მაშინ მიაღწევ წარმატებებსო…" - აცხადებს თემო.
ინტერნეტში დიდი მითქმა-მოთქმა გამოიწვია თემოს ფოტომ ექსპრეზიდენტ მიხეილ სააკაშვილთან. როგორც თემო აცხადებს, მას სააკაშვილი უყვარს და პატივს სცემს. თემომ ასევე ისაუბრა სანდრა რულოვსზე და იმ დახმარებაზე, რომელიც ყოფილმა პირველმა ლედიმ მას და მის ოჯახს გაუწია.
"როცა პრეზიდენტობის ვადა გასდიოდა, დავურეკე, უნდა გნახოთ-მეთქი. მოდიო და მივედი. ფოტოც მაშინ გადავიღე. მე მიყვარს ეს ადამიანი.
ერთ დღეს, 2011 წლის ზაფხულში, თერჯოლაში სახლში ვიყავით, მე მამა, ჩემი და და ვიყავით ძალიან უბედურები… ამ დროს სანდრა რულოვსის დაცვამ დარეკა,- თქვენთან მოვდივართო, გაოცებისგან რა გაგვეკეთებინა არ ვიცოდით. თავად ქალბატონი სანდრა ნახევარ საათში მოვიდა,- მითხრა დედაშენმა წერილი მომწერა,- ჩემთვის არაფერი მინდა, ჩემს შვილს მიხედეო... დედა მოკვდა-მეთქი, რომ ვუთხარი, მითხრა,- მე მოგხედავ და თბილისში ბინას გიქირავებო. მე უნივერსიტეტში ჩაბარება ვერ მოვასწარი, მაგრამ ჩემს და სტუდენტი იყო. როცა დედა მოგვიკვდა, ჩემი გულისთვის დაანება სწავლას თავი და მე მივლიდა, თანაც ოჯახს ბინის დაქირავების საშუალება არც გვქონდა. ბინის ქირას დღემდე ისევ სანდრა გვიხდიდა, ასე გააგრძელა ჩემმა დამ სწავლა და ახლა უკვე უნივერსიტეტს ამთავრებს." - აცხადებს თემო.
თემომ "კვირის პალიტრასთან" სამომავლო გეგმებზეც ისაუბრა. როგორც მან აღნიშნა, ისრაელში სარეაბილიტაციო კურსის გავლისათვის 28 000 ევრო სჭირდება და სწორედ ამ თანხის მოგროვებას აპირებს სამომავლოდ. სწორედ ამ კურსის შემდეგ ექიმები გადაწყვეტენ, გაუკეთონ თემოს ოპერაცია, თუ – არა. ოპერაციის გაკეთების შემთხვევაში მას იმედს აძლევენ, რომ ფეხზე დადგება.
"მე თერჯოლიდან ვარ. როცა 19 წლის ვიყავი, თერჯოლაში რამდენიმე ბიჭი ჩავსხედით მანქანაში და დაგვავიწყდა რომ სიჩქარისთვის არ უნდა გადაგვეჭარბებინა, 170-180 კილომეტრით მივფრინავდით და ამ დროს 30 მეტრი სიმაღლიდან გადავეშვით მდინარეში. ყველა გადარჩა. მარტო მე ვიყავი 15 დღე კომაში, სრულიად გათიშული. ამის შემდეგ ორჯერ გავიკეთე ოპერაცია. მერე კი ეტლზე გადმომსვეს... მახსოვს, რომ 15 დღე ბნელ გვირაბში მივფრინავდი. მერე მოვედი გონზე. მერე იყო ოპერაციები... ფეხზე რომ ვეღარ დავდექი, დედა ძალიან ავად გახდა - სიმსივნით დაავადდა, ჩემი ბრალი იყო. არ უნდა მოვქცეულიყავი ისე, როგორც მოვიქეცი და ეს არ მოხდებოდა. დედა სიცოცხლის ბოლო დღეებში სულ ამბობდა, მე როცა მოვკვდები, შენ მაშინ მიაღწევ წარმატებებსო…" - აცხადებს თემო.
ინტერნეტში დიდი მითქმა-მოთქმა გამოიწვია თემოს ფოტომ ექსპრეზიდენტ მიხეილ სააკაშვილთან. როგორც თემო აცხადებს, მას სააკაშვილი უყვარს და პატივს სცემს. თემომ ასევე ისაუბრა სანდრა რულოვსზე და იმ დახმარებაზე, რომელიც ყოფილმა პირველმა ლედიმ მას და მის ოჯახს გაუწია.
"როცა პრეზიდენტობის ვადა გასდიოდა, დავურეკე, უნდა გნახოთ-მეთქი. მოდიო და მივედი. ფოტოც მაშინ გადავიღე. მე მიყვარს ეს ადამიანი.
ერთ დღეს, 2011 წლის ზაფხულში, თერჯოლაში სახლში ვიყავით, მე მამა, ჩემი და და ვიყავით ძალიან უბედურები… ამ დროს სანდრა რულოვსის დაცვამ დარეკა,- თქვენთან მოვდივართო, გაოცებისგან რა გაგვეკეთებინა არ ვიცოდით. თავად ქალბატონი სანდრა ნახევარ საათში მოვიდა,- მითხრა დედაშენმა წერილი მომწერა,- ჩემთვის არაფერი მინდა, ჩემს შვილს მიხედეო... დედა მოკვდა-მეთქი, რომ ვუთხარი, მითხრა,- მე მოგხედავ და თბილისში ბინას გიქირავებო. მე უნივერსიტეტში ჩაბარება ვერ მოვასწარი, მაგრამ ჩემს და სტუდენტი იყო. როცა დედა მოგვიკვდა, ჩემი გულისთვის დაანება სწავლას თავი და მე მივლიდა, თანაც ოჯახს ბინის დაქირავების საშუალება არც გვქონდა. ბინის ქირას დღემდე ისევ სანდრა გვიხდიდა, ასე გააგრძელა ჩემმა დამ სწავლა და ახლა უკვე უნივერსიტეტს ამთავრებს." - აცხადებს თემო.
თემომ "კვირის პალიტრასთან" სამომავლო გეგმებზეც ისაუბრა. როგორც მან აღნიშნა, ისრაელში სარეაბილიტაციო კურსის გავლისათვის 28 000 ევრო სჭირდება და სწორედ ამ თანხის მოგროვებას აპირებს სამომავლოდ. სწორედ ამ კურსის შემდეგ ექიმები გადაწყვეტენ, გაუკეთონ თემოს ოპერაცია, თუ – არა. ოპერაციის გაკეთების შემთხვევაში მას იმედს აძლევენ, რომ ფეხზე დადგება.
