მომღერლების არჩევნები?! ანუ როგორ უნდა გამოვლინდეს ხალხის რჩეული - ''ჩემთვის მომგებიანია ბატონი მერის განცხადება...''
1 513 ნახვა
ახალი წლის დღეებმა უკვე თითქმის ჩაიარა, თუმცა 31 დეკემბრის კონცერტი მაინც გასარჩევ თემად რჩება. მცირე ხნის წინ თბილისის მერი დავით ნარმანია ახალი ინიციატივით გამოვიდა - ასეთი ტიპის ღონისძიებისთვის მერი გამოკითხვის შედეგებზე დაყრდნობით შეარჩევს მომღერლებს, ანუ ვისაც მეტი რეიტინგი და ხალხის სიყვარული ექნება, ის დაიკავებს სცენას სახელმწიფო კონცერტების შემთხვევაში. ამ ინიციატივას ბევრი მომხრე და მოწინააღმდეგე გამოუჩნდა. დავინტერესდით, რას ფიქრობს რამდენიმე ცნობილი სახე ამ თემაზე.
ნინო ჩხეიძე:
- ვფიქრობ, გამოკითხვის გარეშეც შესაძლებელია მომღერლის რეიტინგის გაგება, უამრავი საშუალება არსებობს ამისთვის. ისედაც ყველამ კარგად იცის, ვის რა აქვს საქართველოში. მიუხედავად იმისა, რომ ჩემი ხალხის წყალობით, რეიტინგი სულ მაქვს და ჩემთვის მომგებიანია ბატონი მერის განცხადება, მაინც მივიჩნევ, რომ ასეთი მიდგომა არასწორია. რადგან წელიწადში ერთი-ორი კონცერტი ტარდება, ყველა მომღერალი უნდა ჩართონ და დააკავონ.
ნატო დუმბაძე, პროდიუსერი:
- რაც შეეხება ამ გამოკითხვას, არ ვიცი, არის თუ არა სადმე მსგავსი ანალოგი (იღიმის).
- როგორც პროდიუსერი, მიესალმებოდი?
- მივესალმები იმას, რომ ხალხის რჩეული უნდა გამოიკვეთოს, მაგრამ არა გამოკითხვით, არამედ მისი საუკეთესო სიმღერით, რომელსაც განსაზღვრავს წლის განმავლობაში რადიო ან მუსიკალური არხი, სადაც მოწინავე პოზიციებს დაიკავებს. აი, ეს იქნება მაჩვენებელი, რომელი მომღერალი უნდა მოხვდეს კონცერტებზე.
ნოდიკო ტატიშვილი:
- ეს ყველაფერი ცოტათი პოლიტიკურ არჩევნებს მაგონებს. ვფიქრობ, უნდა შეიქმნას სპეციალ-ისტთა ჯგუფი, რომელსაც შეუძლია ყველაფრის კარგად დაგეგმვა. პირველ რიგში კი, იმ იდეის განხორციელება, რომ ახალი წლის ღამეს მოსახლეობა, რომელსაც ამ დღესასწაულის ქუჩაში შეხვედრა სურს, კარგად გაერთოს. სწორედ ამისთვისაა საჭირო ის შემოქმედებითი ჯგუფი, რომლის შექმნაზეც ზევით მოგახსენეთ. საახალწლოდ საზოგადოებას ხარისხიანი მუსიკალური შოუ უნდა შესთავაზოს. ამ ყველაფერს არ სჭირდება არც არჩევნები, არც გამოკითხვა და საერთოდ, მგონია და მიმაჩნია, რომ როცა სახელმწიფო წელიწადში ისედაც ორ კონცერტს მართავს, საახალწლოდ და დამოუკიდებლობის დღისადმი მიძღვნილ კონცერტებს, აუცილებლად ყველა მომღერალი უნდა იყოს დაკავებული, ვინც შემდგარია, ანუ ბევრი გაუკეთებია და უშრომია ამისთვის, ვინც ხალხს უყვარს და ვისი მოსმენაც საზოგადოებას სიამოვნებს.
სალომე გოგიაშვილი:
- პირადად ჩემთვის მიუღებელია და ვფიქრობ, ცოტა უხერხულიც კია, ეს კონკურსი არ არის, რომ ხალხმა გადაწყვიტოს, ვინ იმღეროს და ვინ წაიყვანოს ესა თუ ის კონცერტი. კლასიკურ საღამოზე რომ ხალხის რჩეული როკერი ან სხვა მიმდინარეობის შემსრულებელი გახდეს, მერი ხომ არ გადაწყვეტს, ოპერაში როკერიც გამოვიდესო? ზოგადად, მგონია, რომ მერი კონცერტების საორგანიზაციო საკითხებში არ უნდა ერეოდეს. ვფიქრობ, სულ ორი ვარსკვლავი გვყავს, მათ გაფრთხილება სჭირდებათ და არ უნდა აწყენინონ.
მერაბ მეტრეველი:
- რა ვიცი, საერთოდ, რა საჭიროა ასეთი კონცერტები? ამაში ბიუჯეტის ფული რატომ უნდა იხარჯებოდეს? გააკეთონ ტელევიზიებმა, როგორც წელს ''რუსთავი 2''-მა გააკეთა, და შეეჯიბრონ ერთმანეთს.
ნინო მურღულია
ჟურნალი ''რეიტინგი''
ნინო ჩხეიძე:
- ვფიქრობ, გამოკითხვის გარეშეც შესაძლებელია მომღერლის რეიტინგის გაგება, უამრავი საშუალება არსებობს ამისთვის. ისედაც ყველამ კარგად იცის, ვის რა აქვს საქართველოში. მიუხედავად იმისა, რომ ჩემი ხალხის წყალობით, რეიტინგი სულ მაქვს და ჩემთვის მომგებიანია ბატონი მერის განცხადება, მაინც მივიჩნევ, რომ ასეთი მიდგომა არასწორია. რადგან წელიწადში ერთი-ორი კონცერტი ტარდება, ყველა მომღერალი უნდა ჩართონ და დააკავონ.
ნატო დუმბაძე, პროდიუსერი:
- რაც შეეხება ამ გამოკითხვას, არ ვიცი, არის თუ არა სადმე მსგავსი ანალოგი (იღიმის).
- როგორც პროდიუსერი, მიესალმებოდი?
- მივესალმები იმას, რომ ხალხის რჩეული უნდა გამოიკვეთოს, მაგრამ არა გამოკითხვით, არამედ მისი საუკეთესო სიმღერით, რომელსაც განსაზღვრავს წლის განმავლობაში რადიო ან მუსიკალური არხი, სადაც მოწინავე პოზიციებს დაიკავებს. აი, ეს იქნება მაჩვენებელი, რომელი მომღერალი უნდა მოხვდეს კონცერტებზე.
ნოდიკო ტატიშვილი:
- ეს ყველაფერი ცოტათი პოლიტიკურ არჩევნებს მაგონებს. ვფიქრობ, უნდა შეიქმნას სპეციალ-ისტთა ჯგუფი, რომელსაც შეუძლია ყველაფრის კარგად დაგეგმვა. პირველ რიგში კი, იმ იდეის განხორციელება, რომ ახალი წლის ღამეს მოსახლეობა, რომელსაც ამ დღესასწაულის ქუჩაში შეხვედრა სურს, კარგად გაერთოს. სწორედ ამისთვისაა საჭირო ის შემოქმედებითი ჯგუფი, რომლის შექმნაზეც ზევით მოგახსენეთ. საახალწლოდ საზოგადოებას ხარისხიანი მუსიკალური შოუ უნდა შესთავაზოს. ამ ყველაფერს არ სჭირდება არც არჩევნები, არც გამოკითხვა და საერთოდ, მგონია და მიმაჩნია, რომ როცა სახელმწიფო წელიწადში ისედაც ორ კონცერტს მართავს, საახალწლოდ და დამოუკიდებლობის დღისადმი მიძღვნილ კონცერტებს, აუცილებლად ყველა მომღერალი უნდა იყოს დაკავებული, ვინც შემდგარია, ანუ ბევრი გაუკეთებია და უშრომია ამისთვის, ვინც ხალხს უყვარს და ვისი მოსმენაც საზოგადოებას სიამოვნებს.
სალომე გოგიაშვილი:
- პირადად ჩემთვის მიუღებელია და ვფიქრობ, ცოტა უხერხულიც კია, ეს კონკურსი არ არის, რომ ხალხმა გადაწყვიტოს, ვინ იმღეროს და ვინ წაიყვანოს ესა თუ ის კონცერტი. კლასიკურ საღამოზე რომ ხალხის რჩეული როკერი ან სხვა მიმდინარეობის შემსრულებელი გახდეს, მერი ხომ არ გადაწყვეტს, ოპერაში როკერიც გამოვიდესო? ზოგადად, მგონია, რომ მერი კონცერტების საორგანიზაციო საკითხებში არ უნდა ერეოდეს. ვფიქრობ, სულ ორი ვარსკვლავი გვყავს, მათ გაფრთხილება სჭირდებათ და არ უნდა აწყენინონ.
მერაბ მეტრეველი:
- რა ვიცი, საერთოდ, რა საჭიროა ასეთი კონცერტები? ამაში ბიუჯეტის ფული რატომ უნდა იხარჯებოდეს? გააკეთონ ტელევიზიებმა, როგორც წელს ''რუსთავი 2''-მა გააკეთა, და შეეჯიბრონ ერთმანეთს.
ნინო მურღულია
ჟურნალი ''რეიტინგი''
