როგორი მაკიაჟი უნდა გავიკეთოთ სხვადასხვა ასაკში

რომელ ასაკში როგორ უნდა შევარჩიოთ Make-up-საშუალებები, ყოფილი მოდელი, ახლა კი ცნობილი ვიზაჟისტი ჯემა კიდი მოგვითხრობს.

15-22 წელი: გარისკეთ

ეს ის ასაკია, როცა შეგვიძლია თავს ბევრის უფლება მივცეთ. მაგალითად, ვითამაშოთ კაშკაშა, პროვოკაციული ფერებით. "თქვენ ამ დროს საკუთარი თავის ძიებაში ხართ, ცდილობთ, გამოკვეთოთ საკუთარი ინდივიდუალურობა. ამიტომაც ნებისმიერი მაკიაჟი მოგიხდებათ: გამომწვევიც და სახასიათოც", - ამბობს ჯემა და გვირჩევს, მოვსინჯოთ მკვეთრი ვარდისფერი ტუჩის საცხი ან იისფერი თვალის ჩრდილები, ისევე, როგორც "დღის ვამპირების" ვარსკვლავს, კეიტ გრეხემს აქვს.

მაგრამ ორივეს ერთად შეხამება არ ღირს, თუ 90-იანი წლების სტილში გადაწყვეტილ საღამოზე არ მიბრძანდებით.

23-25 წელი: ექსპერიმენტები ტექსტურით

ჯემას თქმით, ეს არის დრო, როცა ჩვენ დახვეწილობისკენ ვისწრაფვით და ვცდილობთ, გამოვკვეთოთ ჩვენი ქალურობა. ამ ასაკში მთავარია, რომ გარშემომყოფებმა აღგვიქვან სერიოზულად, როგორც ელეგანტური ახალგაზრდა ქალი.

"კანი ამ დროს იმდენად ლამაზი და უნაკლოა, რომ შეგვიძლია თავს ბევრი რამის უფლება მივცეთ. გირჩევთ, ერთმანეთში შეურიოთ სხვადასხვა ტექსტურის საშუალებები - მაგალითად, ფხვიერი ჩრდილები და კრემის ტექსტურის ლაინერი, იმისათვის, რომ ერთდროულად ბუნდოვანი და გამომსახველი ეფექტი მივიღოთ. ასევე, კარგ ეფექტს იძლევა კორექტორთან შერეული მშრალი ჩრდილები ", - ამბობს ვიზაჟისტი.

30 წლამდე: თამამი გადაწყვეტილებები

დროა უპირატესობა ნეიტრალურ ფერებს მივანიჭოთ, მაგრამ ამ დროს კაშკაშა ფერებიც აუცილებელია. "ამოირჩიეთ მშვიდი ტონების ჩრდილები, მაგრამ საინტერესო ტექსტურით - მბზინავი ან გელის. ღაწვზე მიიპკურეთ მკრთალად "რუმიანა" და სველი ეფექტის ტუჩები თვალისმომჭრელ იერს მოგანიჭებთ. ეშლი გრინის მაკიაჟი ამ შემთხვევაში შესანიშნავი მისაბაძი მაგალითია", - ამბობს კიდი.

30 წელს გადაცილებული: მედიდურობას - დიახ

"ამ ასაკში ქალის სილამაზე პიკს აღწევს, - ამბობს ჯემა. - ამ ასაკში ქალი თავდაჯერებულია, იცის ცხოვრება და მაკიაჟშიც ექსპერიმენტებს აღარ აკეთებს." საუკეთესოა ბიონსეს ვარიანტი. თუმცა გამორიცხეთ ნახშირივით შავი ტონები. შეუხამეთ ერთმანეთს ყავისფერი, რძისფერი, მუქი ნაცრისფერი. ზედმეტად გრაფიკული "მეიკაპი" სახეს მკაცრ იერს აძლევს. ამიტომაც უარი თქვით მასზე.

გააკეთეთ არჩევანი გარდამავალ ტონებზე. გაათავისუფლეთ კოსმეტიკის ჩანთა ულტრამბზინავი საშუალებებისგან - ისინი ხაზს უსვამენ წვრილ ნაოჭებსაც კი თვალებთან.

33-39 წელი: ჰოლივუდური ბრწყინვალება

როცა 20 წლის ხართ, მაკიაჟი ძველი ჰოლივუდის სტილში დაგაბერებთ. შავი თვალის ჩრდილი, ფაიფურის კანი, მკვეთრი ფერის ტუჩები - ყველაფერი ეს სწორედაც რომ ახლა მოგიხდებათ. "ჰოლივუდური ლოოკ იდეალურია პაემნისთვის ან საღამოსთვის.

თეთრი კანი ოდნავი "რუმიანით" ღაწვებზე, გამოკვეთილი თვალები გრძელი წამწამებით, წითელი ან ღვინისფერი პომადა - შეხედეთ რეიჩელ მაკადამსს და მიხვდებით, რომ ეს ვარიანტი ძალიან მომგებიანია", - ამტკიცებს ჯემა კიდი. კიდევ ერთი რჩევა: აირჩიეთ კრემის ტექსტურის პომადა. მბზინავ ეფექტს კი მოერიდეთ.

40 წლიდან: ვბრწყინავთ!

ამ ასაკში კანი ცოტა კოლაგენს გამოიმუშავებს და კარგავს ელასტიკურობას. ყურადღება მიაქციეთ მაკიაჟის საშუალებებს ანტიასაკობრივი კომპონენტებით. იმისათვის, რომ მიიღოთ კანის ქორფა ფერი, ისეთივე, როგორიც ჯენიფერ ენისტონს აქვს, შეიძინეთ პუდრი და ტონალური კრემი სპეციალურად თქვენი ასაკის კანისთვის.

ჯემის აზრით, ახლა მნიშვნელოვანია, კანს შინაგანი ბზინვარება ჰქონდეს, რის შედეგადაც ბევრად ახალგაზრდა იერს შესძენთ მას. გამოგადგებათ პუდრი მბზინავი დანამატების გარეშე. შავი ტუში ყავისფერით შეცვალეთ, გამოიკვეთეთ წარბები (ისინი შესაძლოა გათხელებული გქონდეთ ამ ასაკში) და ბოროტად ნუ გამოიყენებთ ტუჩის კონტურს.

ფერებიდან უპირატესობა მიანიჭეთ რუხს, ყავისფერსა და მწვანეს. ცისფერი და ვარდისფერი კი დაივიწყეთ.

50 წლიდან: ბზინვარება აკრძალული არ არის

რაოდენ უცნაურიც უნდა იყოს, კიდი ამ ასაკში მბზინავ საშუალებებს გირჩევთ. რა თქმა უნდა, საახალწლო ნაძვის ხესავით აკაშკაშება რეკომენდებული არ არის (სხვათა შორის, არცერთ ასაკში). ასეთ მაკიაჟს გონივრულად მიუდექით.

საუკეთესო მაგალითს გვაძლევს 54 წლის პატრიცია ჰიტონი. "მთავარი პრინციპია - აირჩიოთ ნაზი ტონები, - ამბობს ვიზაჟისტი. - მბზინავი საშუალებების თანამედროვე ფორმულები იმდენად კარგია, რომ ქალს ასაკს არ მატებს, მაგრამ ისინი ფრთხილად უნდა წაისვათ ისეთ ადგილებზე, სადაც ყველაზე მეტი ნაოჭი გაქვთ".

ამ ასაკში კანი აბსოლუტურად მოკლებულია მბზინვარებას. ამიტომაც მაკიაჟის წასმამდე კანი სპეციალური დამარბილებელი ზეთებით დაიმუშავეთ.

60 წლიდან: შეიყვარეთ თქვენი ასაკი

როგორც 50-ში, ასევე ახლაც ნუ იტყვით მბზინავ საშუალებებზე უარს. თქვენს ტონალურ კრემს დაუმატეთ ცოტაოდენი ილუმინატორი. ნუ გადააჭარბებთ პუდრით (უკეთესია, საერთოდ არ გამოიყენოთ) და ყურადღება მიაქციეთ, რომ ტონალური საშუალება არ ჩაგაჯდეთ წვრილ ნაოჭებში.

იმისათვის, რომ სახის კანის ფერი უფრო ჯანმრთელად გამოიყურებოდეს, წაისვით კრემის ტექსტურის "რუმიანა" - ის კარგად არბილებს კანს და ჯანმრთელ ფერს სძენს მას. ყავისფერი, ატმისფერი, თბილი ვარდისფერი - თქვენი ფერებია. ჩრდილები კარგი ფუნჯით წაისვით, ასე ის დიდხანს დაგრჩებათ და ნაოჭებშიც არ ჩაგაჯდებათ.