„საწოლთან ყოველთვის ეკიდა საქართველოს რუკა წარწერით: ოდესმე დიდი ყოფილა საქართველო"
2 441 ნახვა
„ადამიანისაგან რაც რჩება, მისი სიცოცხლეც ესაა,“ - ამგვარი წარწერით არის დასათაურებული ქართველი მწერლის ოტია იოსელიანის საფლავის ქვა.
მწერალი წყალტუბოში, მისი საცხოვრებელი სახლის ეზოში არის დაკრძალული. ოტია იოსელიანის შვილი დაჩი იოსელიანი ამბობს, რომ ეზოში დაკრძალვა მამის სურვილი იყო. მამის საფლავამდე მისასვლელი ბილიკი და საფლავის ქვა მწერლის შვილმა თავად გააკეთა.
ოტია იოსელიანის მიერ არის აგებული ის სახლი, რომელშიც მწერალი ცხოვრობდა და მოღვაწეობდა. დაჩი იოსელიანი ამბობს, რომ მამისათვის სამუშაოდ და სტუმრების მისაღებად საყვარელი ადგილი სახლის აივანი იყო. თავად სახლი უცნაური არქიტექტურით გამოირჩევა. ოთახში, სადაც მწერლის საყვარელი ყველა ნივთია, ასევე არის მწერლისათვის მის სიცოცხლეში ნაჩუქარი სკამი, რომელიც სიმბოლურად ცარიელია.
მწერლის შვილი მამას იხსენებს და ამბობს, რომ ოტია იოსელიანი ურთიერთობაში უმძიმესი იყო. არ სწყალობდა ჟურნალისტებს, თუმცა კიდევ უფრო მეტ სიმკაცრეს შვილების მიმართ იჩენდა.
„ტელევიზორი რომ გაფუჭდებოდა, უნდა გაგეკეთებინა. გვეუბნებოდა, ეს ხომ ვიღაცის შექმნილია. თქვენ ვიღაცის შექმნილის შეკეთება არ შეგიძლიათო და ვაკეთებდით,“ - იხსენებს დაჩი იოსელიანი.
მწერლის შვილის განცხადებით, მძიმე ავადმყოფობის მიუხედავად, ოტია იოსელიანი მაინც იბრძოდა და ცდილობდა ყველა იმ შეხვედრას დასწრებოდა, სადაც მწერალს მიიწვევდნენ.
„აკვირდებოდა თავის სიკვდილს. მუდმივად პატარა საათს დასჩერებოდა. მის ოთახში არის საათი, რომელიც მისი სიკვდილის დროს აჩვენებს და სიმბოლურად ამ დროს გაჩერდა. საწოლის თავთან ყოველთვის ეკიდა საქართველოს რუკა წარწერით - „ოდესმე დიდი ყოფილა საქართველო“, - ამბობს დაჩი იოსელიანი.
იოსელიანების ოჯახმა მწერლის საცხოვრებლის მუზეუმად გადაკეთების თხოვნით სახელმწიფოს უკვე მიმართა. წყალტუბოს მუნიციპალიტეტის გამგეობაში ამ ეტაპზე აღნიშნული საკითხის განხილვა მიმდინარეობს.
დაჩი იოსელიანი ამბობს, რომ მწერლისა და მისი ოჯახის მიმართ ყურადღება არც ყოფილი ხელისუფლების პირობებში იგრძნობოდა და არც ამ ეტაპზე შეიმჩნევა.
მწერალი წყალტუბოში, მისი საცხოვრებელი სახლის ეზოში არის დაკრძალული. ოტია იოსელიანის შვილი დაჩი იოსელიანი ამბობს, რომ ეზოში დაკრძალვა მამის სურვილი იყო. მამის საფლავამდე მისასვლელი ბილიკი და საფლავის ქვა მწერლის შვილმა თავად გააკეთა.
ოტია იოსელიანის მიერ არის აგებული ის სახლი, რომელშიც მწერალი ცხოვრობდა და მოღვაწეობდა. დაჩი იოსელიანი ამბობს, რომ მამისათვის სამუშაოდ და სტუმრების მისაღებად საყვარელი ადგილი სახლის აივანი იყო. თავად სახლი უცნაური არქიტექტურით გამოირჩევა. ოთახში, სადაც მწერლის საყვარელი ყველა ნივთია, ასევე არის მწერლისათვის მის სიცოცხლეში ნაჩუქარი სკამი, რომელიც სიმბოლურად ცარიელია.
მწერლის შვილი მამას იხსენებს და ამბობს, რომ ოტია იოსელიანი ურთიერთობაში უმძიმესი იყო. არ სწყალობდა ჟურნალისტებს, თუმცა კიდევ უფრო მეტ სიმკაცრეს შვილების მიმართ იჩენდა.
„ტელევიზორი რომ გაფუჭდებოდა, უნდა გაგეკეთებინა. გვეუბნებოდა, ეს ხომ ვიღაცის შექმნილია. თქვენ ვიღაცის შექმნილის შეკეთება არ შეგიძლიათო და ვაკეთებდით,“ - იხსენებს დაჩი იოსელიანი.
მწერლის შვილის განცხადებით, მძიმე ავადმყოფობის მიუხედავად, ოტია იოსელიანი მაინც იბრძოდა და ცდილობდა ყველა იმ შეხვედრას დასწრებოდა, სადაც მწერალს მიიწვევდნენ.
„აკვირდებოდა თავის სიკვდილს. მუდმივად პატარა საათს დასჩერებოდა. მის ოთახში არის საათი, რომელიც მისი სიკვდილის დროს აჩვენებს და სიმბოლურად ამ დროს გაჩერდა. საწოლის თავთან ყოველთვის ეკიდა საქართველოს რუკა წარწერით - „ოდესმე დიდი ყოფილა საქართველო“, - ამბობს დაჩი იოსელიანი.
იოსელიანების ოჯახმა მწერლის საცხოვრებლის მუზეუმად გადაკეთების თხოვნით სახელმწიფოს უკვე მიმართა. წყალტუბოს მუნიციპალიტეტის გამგეობაში ამ ეტაპზე აღნიშნული საკითხის განხილვა მიმდინარეობს.
დაჩი იოსელიანი ამბობს, რომ მწერლისა და მისი ოჯახის მიმართ ყურადღება არც ყოფილი ხელისუფლების პირობებში იგრძნობოდა და არც ამ ეტაპზე შეიმჩნევა.
