რამდენ კილომეტრს გადის ქალი სახლიდან გაუსვლელად

ერთმა კაცმა გაზეთში განათავსა პატარა სტატია თავის ცოლზე. ოჯახში სამი შვილი იყო და მთელი დღის განმავლობაში აკვირდებოდა კაცი და იწერდა, რას აკეთებდა დედა შვილებისთვის.
აი, რა გამოვიდა:

იმ დღეს დედამ:
106-ჯერ გაუღო კარი ბავშვებს.
16-ჯერ შეუკრა თასმები.
32-ჯერ ჩააცვა და გახადა.
94-ჯერ თქვა: "შეეშვი მაგას".
16-ჯერ ჩააცხრო კონფლიქტური სიტუაცია ბავშვებს შორის.
11-ჯერ აჭამა ყველას, საერთო ჯამში.
19-ჯერ მოსწმინდა ცხვირი.
16-ჯერ დასვა ღამის ქოთანზე.
175-ჯერ დაუსვა შეკითხვა და გასცა პასუხი.
და ბოლოს, საერთო ჯამში ბავშვების საჭიროებისთვის დღის განმავლობაში დაახლოებით 10 კილომეტრი გაიარა სახლში.

ახლა ამას დავუმატოთ დედის სხვა მოვალეობებიც და გაიგებთ, რამდენად რთულია ქალის შინ შრომა.
იშვიათია კაცი, რომელიც ქალის ამდენ მოვალეობასა და საქმეს გაართმევს თავს.
ამიტომ, ბავშვებო, დააფასეთ დედები, თქვენ კი, ქმრებო, დაეხმარეთ ცოლებს.