ქართველი ადვოკატი თურქული სერიალების მსახიობი გახდა
1 889 ნახვა
თურქი პროდიუსერები ინტერესდებიან, რომელი სერიალებია საქართველოში პოპულარული
ცოდვა გამხელილი ჯობს - არასოდეს ვყოფილვარ სერიალების გურმანი. გამონაკლისი არც თურქული სერიალებია. მიუხედავად ამისა, ხელიდან ვერ გავუშვებდი შესაძლებლობას: ადამიანმა, რომელსაც მეოთხედი საუკუნეა ვიცნობ, 40 წლის ასაკში კარდინალურად შეცვალა საკუთარი ცხოვრება და რამდენიმე წლის წინ არცთუ ურიგო ადვოკატის კარიერა მსახიობის პროფესიაზე გაცვალა. მერე რა, რომ სერიოზული როლები ჯერ კიდევ წინაა?! მერე რა, რომ ჯერ მხოლოდ სერიალებში, თან ეპიზოდურ როლებში მონაწილეობს?! არასრული ერთი წლის განმავლობაში მე-13(!) სერიალში მიწვევა აშკარად მეტყველებს, რომ ადამიანმა საკუთარი ადგილი იპოვა. მაია უტიაშვილთან საუბარი სულ თავიდან დავიწყეთ.
- მაიკო, საიდან სადაო? ოდესმე გიფიქრია, რომ გადასაღებ მოედანზე მოხვდებოდი?
- არ მეგულება ბავშვი, მსახიობობაზე რომ არ ეოცნებოს. მეც მიფიქრია ამაზე. მით უმეტეს, ჩემი ოჯახი ყოველთვის იყო ხელოვნების თაყვანისმცემელი. ყველაფრის მიუხედავად, ნამდვილად ვერ წარმოვიდგენდი, რომ ერთ მშვენიერ დღეს მსახიობის როლს მოვირგებდი.
- ...და დიამეტრულად განსხვავებული პროფესია აირჩიე, არა?
- მსახიობობა მხოლოდ ბავშვური ოცნება იყო, რომელიც მიუწვდომლად და აუხდენელად მესახებოდა. სამაგიეროდ, ოჯახში ყველამ იცოდა, რომ 12 წლის ასაკიდან არჩეული მქონდა იურისტის პროფესია.
- გახდი კიდეც იურისტი. მერე?
- რამდენიმე წელი ვიმუშავე ადვოკატურაში. მიყვარდა ჩემი პროფესია და სიამოვნებით ვასრულებდი მოვალეობას. იმ ეტაპზე, შრომის ანაზღაურებას ნაკლებ მნიშვნელობას ვანიჭებდი. თავად ის ფაქტი, რომ ვიღაცას ვეხმარებოდი, უდიდეს სიამოვნებას მგვრიდა. ერთი პერიოდი, ძალიან გაჭირდა მუშაობა, ადვოკატის საქმე დაუფასებელი გახდა. ხანდახან იმის ფულიც კი არ მქონდა, რომ ციხემდე მივსულიყავი, კლიენტთან შესახვედრად. მოკლედ, 15 წლის შემდეგ წამოვედი ადვოკატურიდან.
- ოჯახმა რა როლი ითამაშა ამ გადაწყვეტილების მიღებაში?
- ერთი შვილი მყავს, 15 წლის ანი მამულაშვილი. მეუღლეს 10-წლიანი თანაცხოვრების შემდეგ მატერიალური პრობლემების გამო დავშორდი. მიუხედავად ამისა, ნორმალური, ცივილიზებული ურთიერთობა გვაქვს და ანისაც ძალიან უყვარს მამა.
- მოკლედ, ადვოკატურიდან წამოსვლის შემდეგ შვილთან ერთად მარტო აღმოჩნდი პრობლემების პირისპირ...
- როგორც საქართველოს მოსახლეობის უმეტესობას, მეც ძალიან გამიჭირდა. ჩემმა დამ მირჩია სამუშაოდ თურქეთში წასვლა. თავიდან მეწყინა ასეთი რჩევა და ვიუკადრისე კიდეც, მაგრამ მერე მივხვდი, რომ სხვა გამოსავალი არ მქონდა. სიმართლე გითხრა, წარმოდგენა არ მქონდა, რა სამუშაო მელოდა. სპეციალურმა ოფისმა დამასაქმა. საბედნიეროდ, ძალიან კარგ ოჯახში მოვხვდი, ასაკოვანი ქალბატონის მომვლელად. მოკლე ხანში ძალიან კარგად განვეწყე მათ მიმართ. ოჯახის წევრივით მიმიღეს. იმავე პერიოდში გავიცანი მამაკაცი, რომელთანაც ოფიციალურად ვიქორწინე. ოჯახის შექმნა თითქოს ბევრი პრობლემისგან და საფიქრალისგან მათავისუფლებდა, მაგრამ ჩემი ”კინოთავგადასავალი” სწორედ აქედან დაიწყო. ოჯახის ახლობელია ადგილობრივი პოლიციელი, ზაფერ კაპლანი, სამი გოგოს მამა, რომელიც პარალელურად თურქულ სერიალებში მონაწილეობს და უკვე 100-ზე მეტი ეპიზოდური როლი აქვს ნათამაშები. მან მითხრა, რომ დაახლოებით ჩემი ტიპაჟი სჭირდებოდათ და სინჯებზე მისვლა მირჩია.
- არაპროფესიონალ მსახიობებს გადაღებებზე კამერისკენ გაურბით თვალი. არ გაგიჭირდა?
- რა თქმა უნდა, გამიჭირდა, მაგრამ იმდენად ბედნიერი ვიყავი, რომ ახლაც ვერ გეტყვი, სიხარულისგან უფრო ვცახცახებდი თუ - ნერვიულობისგან. პირველი გადასაღები დღე 17 საათს გაგრძელდა და გენერლის ცოლის როლი მერგო. ეს სერიალი თურქეთში ძალიან პოპულარულ არხზე გადის, მასში ცნობილი მსახიობები მონაწილეობენ. მე თვითონ ვუყურებდი, ძალიან მომწონდა და უეცრად ამ სამყაროში აღმოვჩნდი. სერიალების სააგენტომ ხელშეკრულება გამიფორმა და ერთი წლის განმავლობაში უკვე მე-13 სერიალში მიმიწვიეს. პატარა როლებია, ეპიზოდური, მაგრამ მეუბნებიან, მალე უფრო სერიოზული შემოთავაზებებიც იქნებაო. თურქულად მანამდეც ვსაუბრობდი, მაგრამ მაინც მიჭირდა. ახლა ეს პრობლემაც მომეხსნა.
- თუ საიდუმლო არ არის, რამდენად ფასდება თურქეთში სერიალებში მონაწილეობა?
- მთავარი როლების შემსრულებლებს უზარმაზარ თანხებს უხდიან. ბუნებრივია, მე - ბევრად ნაკლებს. ბინასა და მანქანას ვერ იყიდი, მაგრამ საერთო ჯამში საკმაოდ ნორმალური თანხა გამოდის. ზუსტი ციფრის დასახელება სააგენტოსთან გაფორმებული კონტრაქტით მაქვს აკრძალული. ბოლო გადაღებები 3 დღის წინ მქონდა. სერიალს ”ზღვის ვარსკვლავი” ჰქვია. ექთანის როლი მომცეს. კიდევ ერთ სერიალში უკვე ვარ დაძახებული. ქართულად ”არ დაიჯერო” ჰქვია. ერთი ხანობა ”რუსთავი 2”-ზე გადიოდა. აქ უკვე 8 წელია, ყოველდღიურად გადის და ძალიან პოპულარულია.
- წარმატებებსა და მთავარ როლებს გისურვებ!
- მადლობა. სააგენტოში იციან, რომ საქართველოში თურქული სერიალები პოპულარულია და ყოველ ჩამოსვლაზე მეკითხებიან, ყველაზე მეტად რომელი მოსწონს ქართველ მაყურებელს? რადგან მოწონება ვახსენე, ჟურნალ ,,გზას” უნდა გამოვუტყდე სიყვარულში. რაც დაარსდა, იმის შემდეგ ამ ჟურნალის ერთგული მკითხველი ვარ. ჩემები მიგროვებენ ყველა ნომერს და რომ ჩამოვდივარ, დასტა-დასტად მიმაქვს თურქეთში.
გიორგი ნოზაძე
ცოდვა გამხელილი ჯობს - არასოდეს ვყოფილვარ სერიალების გურმანი. გამონაკლისი არც თურქული სერიალებია. მიუხედავად ამისა, ხელიდან ვერ გავუშვებდი შესაძლებლობას: ადამიანმა, რომელსაც მეოთხედი საუკუნეა ვიცნობ, 40 წლის ასაკში კარდინალურად შეცვალა საკუთარი ცხოვრება და რამდენიმე წლის წინ არცთუ ურიგო ადვოკატის კარიერა მსახიობის პროფესიაზე გაცვალა. მერე რა, რომ სერიოზული როლები ჯერ კიდევ წინაა?! მერე რა, რომ ჯერ მხოლოდ სერიალებში, თან ეპიზოდურ როლებში მონაწილეობს?! არასრული ერთი წლის განმავლობაში მე-13(!) სერიალში მიწვევა აშკარად მეტყველებს, რომ ადამიანმა საკუთარი ადგილი იპოვა. მაია უტიაშვილთან საუბარი სულ თავიდან დავიწყეთ.
- მაიკო, საიდან სადაო? ოდესმე გიფიქრია, რომ გადასაღებ მოედანზე მოხვდებოდი?
- არ მეგულება ბავშვი, მსახიობობაზე რომ არ ეოცნებოს. მეც მიფიქრია ამაზე. მით უმეტეს, ჩემი ოჯახი ყოველთვის იყო ხელოვნების თაყვანისმცემელი. ყველაფრის მიუხედავად, ნამდვილად ვერ წარმოვიდგენდი, რომ ერთ მშვენიერ დღეს მსახიობის როლს მოვირგებდი.
- ...და დიამეტრულად განსხვავებული პროფესია აირჩიე, არა?
- მსახიობობა მხოლოდ ბავშვური ოცნება იყო, რომელიც მიუწვდომლად და აუხდენელად მესახებოდა. სამაგიეროდ, ოჯახში ყველამ იცოდა, რომ 12 წლის ასაკიდან არჩეული მქონდა იურისტის პროფესია.
- გახდი კიდეც იურისტი. მერე?
- რამდენიმე წელი ვიმუშავე ადვოკატურაში. მიყვარდა ჩემი პროფესია და სიამოვნებით ვასრულებდი მოვალეობას. იმ ეტაპზე, შრომის ანაზღაურებას ნაკლებ მნიშვნელობას ვანიჭებდი. თავად ის ფაქტი, რომ ვიღაცას ვეხმარებოდი, უდიდეს სიამოვნებას მგვრიდა. ერთი პერიოდი, ძალიან გაჭირდა მუშაობა, ადვოკატის საქმე დაუფასებელი გახდა. ხანდახან იმის ფულიც კი არ მქონდა, რომ ციხემდე მივსულიყავი, კლიენტთან შესახვედრად. მოკლედ, 15 წლის შემდეგ წამოვედი ადვოკატურიდან.
- ოჯახმა რა როლი ითამაშა ამ გადაწყვეტილების მიღებაში?
- ერთი შვილი მყავს, 15 წლის ანი მამულაშვილი. მეუღლეს 10-წლიანი თანაცხოვრების შემდეგ მატერიალური პრობლემების გამო დავშორდი. მიუხედავად ამისა, ნორმალური, ცივილიზებული ურთიერთობა გვაქვს და ანისაც ძალიან უყვარს მამა.
- მოკლედ, ადვოკატურიდან წამოსვლის შემდეგ შვილთან ერთად მარტო აღმოჩნდი პრობლემების პირისპირ...
- როგორც საქართველოს მოსახლეობის უმეტესობას, მეც ძალიან გამიჭირდა. ჩემმა დამ მირჩია სამუშაოდ თურქეთში წასვლა. თავიდან მეწყინა ასეთი რჩევა და ვიუკადრისე კიდეც, მაგრამ მერე მივხვდი, რომ სხვა გამოსავალი არ მქონდა. სიმართლე გითხრა, წარმოდგენა არ მქონდა, რა სამუშაო მელოდა. სპეციალურმა ოფისმა დამასაქმა. საბედნიეროდ, ძალიან კარგ ოჯახში მოვხვდი, ასაკოვანი ქალბატონის მომვლელად. მოკლე ხანში ძალიან კარგად განვეწყე მათ მიმართ. ოჯახის წევრივით მიმიღეს. იმავე პერიოდში გავიცანი მამაკაცი, რომელთანაც ოფიციალურად ვიქორწინე. ოჯახის შექმნა თითქოს ბევრი პრობლემისგან და საფიქრალისგან მათავისუფლებდა, მაგრამ ჩემი ”კინოთავგადასავალი” სწორედ აქედან დაიწყო. ოჯახის ახლობელია ადგილობრივი პოლიციელი, ზაფერ კაპლანი, სამი გოგოს მამა, რომელიც პარალელურად თურქულ სერიალებში მონაწილეობს და უკვე 100-ზე მეტი ეპიზოდური როლი აქვს ნათამაშები. მან მითხრა, რომ დაახლოებით ჩემი ტიპაჟი სჭირდებოდათ და სინჯებზე მისვლა მირჩია.
- არაპროფესიონალ მსახიობებს გადაღებებზე კამერისკენ გაურბით თვალი. არ გაგიჭირდა?
- რა თქმა უნდა, გამიჭირდა, მაგრამ იმდენად ბედნიერი ვიყავი, რომ ახლაც ვერ გეტყვი, სიხარულისგან უფრო ვცახცახებდი თუ - ნერვიულობისგან. პირველი გადასაღები დღე 17 საათს გაგრძელდა და გენერლის ცოლის როლი მერგო. ეს სერიალი თურქეთში ძალიან პოპულარულ არხზე გადის, მასში ცნობილი მსახიობები მონაწილეობენ. მე თვითონ ვუყურებდი, ძალიან მომწონდა და უეცრად ამ სამყაროში აღმოვჩნდი. სერიალების სააგენტომ ხელშეკრულება გამიფორმა და ერთი წლის განმავლობაში უკვე მე-13 სერიალში მიმიწვიეს. პატარა როლებია, ეპიზოდური, მაგრამ მეუბნებიან, მალე უფრო სერიოზული შემოთავაზებებიც იქნებაო. თურქულად მანამდეც ვსაუბრობდი, მაგრამ მაინც მიჭირდა. ახლა ეს პრობლემაც მომეხსნა.
- თუ საიდუმლო არ არის, რამდენად ფასდება თურქეთში სერიალებში მონაწილეობა?
- მთავარი როლების შემსრულებლებს უზარმაზარ თანხებს უხდიან. ბუნებრივია, მე - ბევრად ნაკლებს. ბინასა და მანქანას ვერ იყიდი, მაგრამ საერთო ჯამში საკმაოდ ნორმალური თანხა გამოდის. ზუსტი ციფრის დასახელება სააგენტოსთან გაფორმებული კონტრაქტით მაქვს აკრძალული. ბოლო გადაღებები 3 დღის წინ მქონდა. სერიალს ”ზღვის ვარსკვლავი” ჰქვია. ექთანის როლი მომცეს. კიდევ ერთ სერიალში უკვე ვარ დაძახებული. ქართულად ”არ დაიჯერო” ჰქვია. ერთი ხანობა ”რუსთავი 2”-ზე გადიოდა. აქ უკვე 8 წელია, ყოველდღიურად გადის და ძალიან პოპულარულია.
- წარმატებებსა და მთავარ როლებს გისურვებ!
- მადლობა. სააგენტოში იციან, რომ საქართველოში თურქული სერიალები პოპულარულია და ყოველ ჩამოსვლაზე მეკითხებიან, ყველაზე მეტად რომელი მოსწონს ქართველ მაყურებელს? რადგან მოწონება ვახსენე, ჟურნალ ,,გზას” უნდა გამოვუტყდე სიყვარულში. რაც დაარსდა, იმის შემდეგ ამ ჟურნალის ერთგული მკითხველი ვარ. ჩემები მიგროვებენ ყველა ნომერს და რომ ჩამოვდივარ, დასტა-დასტად მიმაქვს თურქეთში.
გიორგი ნოზაძე
