ექვსი წლის ბავშვი გირაოში დატოვეს – დაუჯერებელი შემთხვევა

ექვსი წლის ბავშვი სპა-სალონში გირაოს სახით დატოვეს და იქ თითქმის ერთი თვე გაატარა. პატარა სიაო სალონში ბაბუასთან ერთად მივიდა, რომელმაც აბაზანები და სპა-მასაჟები გაიკეთა. პროცედურების შემდეგ გამოაცხადა, საფულე შინ დამრჩაო და თანმხლები შვილიშვილი დატოვა სალონში "გირაოდ", სანამ ფულს მიიტანდა.
სალონის მენეჯერის თქმით, "ბაბუამ დატოვა ბავშვი და გარანტია მოგვცა ამით, რომ მალე დაბრუნდებოდა".
თუმცა დღის ბოლოს ბავშვს არავინ მიაკითხა. სალონის თანამშრომლებმაც იმდენი ვერ მოიფიქრეს რატომღაც, რომ პოლიციისთვის მიემართათ და ბავშვი დაიტოვეს, ყურადღებას აქცევდნენ. ასე გავიდა თვეზე მეტი. გოგონას საძილე ადგილი ჰქონდა მიჩენილი, ტელევიზორიც დაუდგეს, რომ სალონში მარტო დარჩენილს (ღამის საათებში სალონს კეტავდნენ და პატარა იქ მარტო რჩებოდა) არ შეშინებოდა და არ მოეწყინა. აჭმევდნენ, ასმევდნენ და ტანსაცმელსაც უცვლიდნენ. სანამ ამ ამბით ჩინეთის ერთ-ერთი ტელევიზია არ დაინტერესდა, მანამდე არავის შეუბერტყია ყური ინციდენტის გამო. მერე კი სოციალური სამსახურები ჩაერთნენ საქმეში, პოლიციაც დაინტერესდა და ახლა არკვევენ ბაბუის ვინაობას, რომელმაც ბავშვს დღემდე არ მიაკითხა.