უპრეცედენტო პროექტის დაბადების დეტალები: ვინ არის ამირანი და რატომ ცოცხლდებიან დაკარგული ლეგენდები
2 075 ნახვა
"აქ იყო ამირანი", - ამ წარწერით თბილისში უკვე ბევრგან შეხვდებით ბილბორდებსა თუ ინსტალაციებს. ეს ბილბორდები და ინსტალაციები იმ სარეკლამო კამპანიის ნაწილია, რომელიც ქართულ საზოგადოებას სრულიად ახალ და ორიგინალურ პროექტს სთავაზობს.
"ამირანი" ეს არის კომიქსი, რომლის პირველი გამოცემის პრეზენტაციაც 13 თებერვალს, 19:00 საათზე, "ბიბლუსი გალერეაში" გაიმართება.
"ამირანი" მკითხველს ქართული ლეგენდების, მითებისა და ზღაპრების სამყაროში მოგზაურობას ჰპირდება. ლეგენდარული გმირების გვერდით ის ახალ, საინტერესო პერსონაჟებს შეხვდება და მათთან ერთად "მოჯადოვდება" დაკარგული ლეგენდების მისტიკით.
ლეგენდების გმირებთან შეხვედრის საშუალება "ბიბლუს გალარეაში" კომიქს "ამირანის" პრეზენტაციაზე მისულ სტუმარსაც შეეძლება. მას ასევე საშუალება ექნება, მოირგოს გმირების ატრიბუტები და სამოსი. კომიქსებიდან გაცოცხლებული პასაჟების დახმარებით, სტუმრები სრულიად უცხო, მისტიკურ სამყაროში აღმოჩნდებიან, სადაც მასპინძლები ნადირობის ქალღმერთის, დალის ალები იქნებიან. სტუმრები ასევე ნახავენ "ქართველ მეომართა ცეკვას".
პროექტის ავტორისა და სცენარისტის, ნიკოლოზ ხომასურიძის თქმით, "ამირანი" სწორედ ის პროდუქტია, რომელსაც განვითარების პოტენციალი ნამდვილად აქვს. პროექტზე მასთან ერთად ლაშა კანკავა, იკო ცაბაძე, ილია სარხოსიდი, შერიდან ჯონსი, გივი დვალი, NIX ენერჯი და ფრიდონ მჭედლიძე მუშაობდნენ. ავტორების სურვილია, ამ ეტაპზე კომიქსმა ინტერესი გამოიწვიოს და პოპულარობა მოიპოვოს საქართველოში, რათა შემდეგ საზღვარგარეთის ბაზრებიც აითვისოს.
"ამირანი" საქართველოში უპრეცედენტო პროექტის "დაკარგული ლეგენდების" ნაწილია. აღნიშნული პროექტის ფარგლებში ასევე გამოიცემა გრაფიკული ნოველები. (ამავე პროექტის ფარგლებშია შექმნილი "ქართველ მეომართა ცეკვაც"). ეს ყველაფერი კი ერთ მიზანს, ქართული ლეგენდების გაცოცხლებას და ქართული ტრადიციების პოპულარიზაციას ემსახურება. როგორც თავად პროექტის შემქმნელები აღნიშნავენ, მათ საკმაოდ დიდი შრომა დასჭირდათ იმისთვის, რომ ლეგენდარული პერსონაჟების იმიჯი, სამოსი თუ იარაღი ისტორიული კონტექსტიდან ამოვარდნილი არ ყოფილიყო. საქართველოს მუზეუმებში დაცული ექსპონატების მიხედვით, მათ ზუსტად შეარჩიეს გმირების სამოსი და აღჭურვილობა.
ცნობისთვის, კომიქსი ვიზუალური ხელოვნების ფორმაა, რომელიც გამოსახულებებისა და ტექსტის კომბინაციებისგან შედგება.
ევროპასა და ამერიკაში კომიქსები განსაკუთრებული საყვარულითა და პოპულარობით სარგებლობს. კომიქსების გმირები კი, მათი მრავალი სიუჟეტური გამოსახულების წყალობით, განსაკუთრებით შთამბეჭდავი და მკითხველისთვის საყვარელი ხდება.
"ამირანი" პირველი ქართული კომიქსია, რომელიც ყოველ თვე, 8 რიცხვიდან მისცემს ახალ საინტერესო სამყაროში მოგზაურობის საშუალებას მკითხველს. აღსანიშნავია, რომ კომიქსის სპეციფიკიდან გამომდინარე, ის არა მხოლოდ მოზარდებისა თუ ახალგაზრდებისათვის, ზრდასრული მკითხველისთვისაც საინტერესო საჩუქარია.
თამარ კორკოტაშვილი
"ამირანი" ეს არის კომიქსი, რომლის პირველი გამოცემის პრეზენტაციაც 13 თებერვალს, 19:00 საათზე, "ბიბლუსი გალერეაში" გაიმართება.
"ამირანი" მკითხველს ქართული ლეგენდების, მითებისა და ზღაპრების სამყაროში მოგზაურობას ჰპირდება. ლეგენდარული გმირების გვერდით ის ახალ, საინტერესო პერსონაჟებს შეხვდება და მათთან ერთად "მოჯადოვდება" დაკარგული ლეგენდების მისტიკით.
ლეგენდების გმირებთან შეხვედრის საშუალება "ბიბლუს გალარეაში" კომიქს "ამირანის" პრეზენტაციაზე მისულ სტუმარსაც შეეძლება. მას ასევე საშუალება ექნება, მოირგოს გმირების ატრიბუტები და სამოსი. კომიქსებიდან გაცოცხლებული პასაჟების დახმარებით, სტუმრები სრულიად უცხო, მისტიკურ სამყაროში აღმოჩნდებიან, სადაც მასპინძლები ნადირობის ქალღმერთის, დალის ალები იქნებიან. სტუმრები ასევე ნახავენ "ქართველ მეომართა ცეკვას".
პროექტის ავტორისა და სცენარისტის, ნიკოლოზ ხომასურიძის თქმით, "ამირანი" სწორედ ის პროდუქტია, რომელსაც განვითარების პოტენციალი ნამდვილად აქვს. პროექტზე მასთან ერთად ლაშა კანკავა, იკო ცაბაძე, ილია სარხოსიდი, შერიდან ჯონსი, გივი დვალი, NIX ენერჯი და ფრიდონ მჭედლიძე მუშაობდნენ. ავტორების სურვილია, ამ ეტაპზე კომიქსმა ინტერესი გამოიწვიოს და პოპულარობა მოიპოვოს საქართველოში, რათა შემდეგ საზღვარგარეთის ბაზრებიც აითვისოს.
"ამირანი" საქართველოში უპრეცედენტო პროექტის "დაკარგული ლეგენდების" ნაწილია. აღნიშნული პროექტის ფარგლებში ასევე გამოიცემა გრაფიკული ნოველები. (ამავე პროექტის ფარგლებშია შექმნილი "ქართველ მეომართა ცეკვაც"). ეს ყველაფერი კი ერთ მიზანს, ქართული ლეგენდების გაცოცხლებას და ქართული ტრადიციების პოპულარიზაციას ემსახურება. როგორც თავად პროექტის შემქმნელები აღნიშნავენ, მათ საკმაოდ დიდი შრომა დასჭირდათ იმისთვის, რომ ლეგენდარული პერსონაჟების იმიჯი, სამოსი თუ იარაღი ისტორიული კონტექსტიდან ამოვარდნილი არ ყოფილიყო. საქართველოს მუზეუმებში დაცული ექსპონატების მიხედვით, მათ ზუსტად შეარჩიეს გმირების სამოსი და აღჭურვილობა.
ცნობისთვის, კომიქსი ვიზუალური ხელოვნების ფორმაა, რომელიც გამოსახულებებისა და ტექსტის კომბინაციებისგან შედგება.
ევროპასა და ამერიკაში კომიქსები განსაკუთრებული საყვარულითა და პოპულარობით სარგებლობს. კომიქსების გმირები კი, მათი მრავალი სიუჟეტური გამოსახულების წყალობით, განსაკუთრებით შთამბეჭდავი და მკითხველისთვის საყვარელი ხდება.
"ამირანი" პირველი ქართული კომიქსია, რომელიც ყოველ თვე, 8 რიცხვიდან მისცემს ახალ საინტერესო სამყაროში მოგზაურობის საშუალებას მკითხველს. აღსანიშნავია, რომ კომიქსის სპეციფიკიდან გამომდინარე, ის არა მხოლოდ მოზარდებისა თუ ახალგაზრდებისათვის, ზრდასრული მკითხველისთვისაც საინტერესო საჩუქარია.
თამარ კორკოტაშვილი
