მარიამ ბაგრატიონის გზა ოპერის მომღერლობიდან ტელევიზიამდე
1 552 ნახვა
მარიამ ბაგრატიონი საპატრიარქოს ტელევიზია ''ერთსულოვნების'' ეთერში ყოველ ხუთშაბათს ცნობილი ადამიანების შესახებ საინტერესო საავტორო გადაცემას - ''პორტრეტებს'' უკვე ერთი წელია, უძღვება. მარიამს წლების წინ ძალიან კარგი შესაძლებლობა ჰქონდა, მილანში დაწყებული სწავლა გაეგრძელებინა და წარმატებული საოპერო კარიერა შეექმნა.
ჰყავს მეუღლე, დავით მხეიძე, და ორი გოგონა - ნატალი და ბარბარე, აქვს საქმე, რომელსაც დიდი სიამოვნებით აკეთებს. ჩვენი მკითხველისთვის ისიც საინტერესო იქნება, რომ მარიამი იმერელი ბაგრატიონების შტოს წარმომადგენელია...
- მარიამ, რითია განსხვავებული თქვენი გადაცემა?
- ვფიქრობ, ასეთი გადაცემები აუცილებელია, რომ ხალხმა უფრო უკეთ გაიცნოს მათთვის საყვარელი ხელოვანები თუ საზოგადო მოღვაწეები, რომლებსაც ძალიან დიდი წვლილი მიუძღვით ჩვენი ქვეყნის განვითარებაში. აქამდე, ძირითადად, მუსიკალურ სფეროზე ვაკეთებდი აქცენტს, თუმცა მსურს, მომავალში სხვა სფეროს წარმომადგენლებიც მოვიწვიო.
- ტელევიზიაში როგორ მოხვდით?
- დიდი მადლობა მინდა გადავუხადო მეუფე პეტრეს, რომელმაც მომცა საშუალება, ჩემი საავტორო გადაცემა ''ერთსულოვნების'' ეთერში მომემზადებინა. ამით მან ჩემ მიმართ ძალიან დიდი ნდობა გამოხატა და მადლობა ყველას, ვინც აქამდე დაგვეხმარა.
ბავშვობიდან ვოცნებობდი ჟურნალისტობაზე. პატარაობისას მე და მაიკო ასათიანს ''პირველ არხზე'' საყმაწვილო ქრონიკები მიგვყავდა (იღიმის). 2004 წელს ''მის საქართველოზე'' გავხდი ''მის ტალანტი'' და უფასოდ ჩავირიცხე ერთ-ერთ უნივერსიტეტში, სადაც ავირჩიე ჟურნალისტიკის ფაკულტეტი. სამწუხაროდ, ამ ფაკულტეტზე მხოლოდ ერთი წელი ვისწავლე.
მანამდე ნიჭიერთა ათწლედში ვსწავლობდი, შემდეგ კი ვოკალის განხრით კონსერვატორია დავამთავრე. არაერთ საოპერო დადგმასა და კონცერტში მივიღე მონაწილეობა. 2005 წელს მოვიპოვე სტიპენდია, როგორც კარგმა სტუდენტმა და ენების მცოდნემ, და სწავლის მილანის კონსერვატორიაში გაგრძელების საშუალება მომეცა. წელიწად-ნახევარი გახლდით იქ. პარალელურად, მილანში რამდენიმე სამოდელო სააგენტოსთან ვითანამშრომლე. სხვათა შორის, მონაწილეობა მაქვს მიღებული ''ბარბერის'' ჩვენებაზე, გამოვდიოდი სხვადასხვა შოურუმზე.
- იტალიაში რატომ აღარ დარჩით?
- ზაფხულში ერთი თვით დასასვენებლად ჩამოვედი. მანამდე მე და დათო ვიცნობდით ერთმანეთს, გვქონდა ურთიერთობა, მერე ჩვენი გზები გაიყო და დაბრუნების შემდეგ კვლავ შევხვდით. დაქორწინება გადავწყვიტეთ. მოგეხსენებათ, საოპერო კარიერისა და პირადი ცხოვრების შეთავსება ძალიან რთულია და მაშინ არჩევანი ოჯახის სასარგებლოდ გავაკეთე (იღიმის). თუმცა ძალიან მიყვარს სიმღერა, ბოლომდე ვერ ვეშვები ამ საქმეს. ჩემს ცხოვრებაში ძალიან მნიშვნელოვანი ადამიანი გახლავთ საქართველოს კათოლიკოს-პატრიარქი ილია მეორე, რომელსაც არაერთხელ დავულოცივარ. მისგან მაქვს ვა, რომ ასევე აუცილებლად განვაგრძო სიმღერა.
- თქვენი მეუღლე რას საქმიანობს?
- დათო ძალიან კარგი ოჯახიშვილია. ის დავით და კონსტანტინე მხეიძეების შთამომავალი გახლავთ, რითაც ძალიან ამაყობს და ასევე გახლავთ აკადემიკოს ოთარ ეზიკაშვილის შვილიშვილი და ზურაბ მხეიძის ვაჟი. პროფესიით იურისტია, ყოფილი მორაგბე, თამაშობდა საქართველოს ეროვნულ ნაკრებში, ასევე საფრანგეთში, ''მონპელიეში''. სწავლობდა ამერიკის შეერთებულ შტატებში, ფლობს ოთხ ენას. დათო წლების განმავლობაში საკმაოდ დიდ თანამდებობებზე მუშაობდა შინაგან საქმეთა სამინისტროში. მცირე ხნის წინ რაღაც გაუგებრობის გამო სამსახურიდან წამოვიდა, მაგრამ დიდი იმედი მაქვს, მალე ყველაფერი გაირკვევა და დალაგდება.
- თქვენი გვარის შესახებაც გვითხარით ორიოდ სიტყვა...
- მე ვარ იმერეთის ბაგრატოვანთა შტოს წარმომადგენელი, ანუ იმერეთის მეფის შთამომავალი. მოხარული ვიქნები, თუკი ოდესმე საქართველოს ეყოლება მეფე და ყველა ბაგრატიონი მივა საერთო კონსენსუსამდე, რომ ერთი ღირსეული ადამიანი შეარჩიოს.
ნინო მურღულია
ჰყავს მეუღლე, დავით მხეიძე, და ორი გოგონა - ნატალი და ბარბარე, აქვს საქმე, რომელსაც დიდი სიამოვნებით აკეთებს. ჩვენი მკითხველისთვის ისიც საინტერესო იქნება, რომ მარიამი იმერელი ბაგრატიონების შტოს წარმომადგენელია...
- მარიამ, რითია განსხვავებული თქვენი გადაცემა?
- ვფიქრობ, ასეთი გადაცემები აუცილებელია, რომ ხალხმა უფრო უკეთ გაიცნოს მათთვის საყვარელი ხელოვანები თუ საზოგადო მოღვაწეები, რომლებსაც ძალიან დიდი წვლილი მიუძღვით ჩვენი ქვეყნის განვითარებაში. აქამდე, ძირითადად, მუსიკალურ სფეროზე ვაკეთებდი აქცენტს, თუმცა მსურს, მომავალში სხვა სფეროს წარმომადგენლებიც მოვიწვიო.
- ტელევიზიაში როგორ მოხვდით?
- დიდი მადლობა მინდა გადავუხადო მეუფე პეტრეს, რომელმაც მომცა საშუალება, ჩემი საავტორო გადაცემა ''ერთსულოვნების'' ეთერში მომემზადებინა. ამით მან ჩემ მიმართ ძალიან დიდი ნდობა გამოხატა და მადლობა ყველას, ვინც აქამდე დაგვეხმარა.
ბავშვობიდან ვოცნებობდი ჟურნალისტობაზე. პატარაობისას მე და მაიკო ასათიანს ''პირველ არხზე'' საყმაწვილო ქრონიკები მიგვყავდა (იღიმის). 2004 წელს ''მის საქართველოზე'' გავხდი ''მის ტალანტი'' და უფასოდ ჩავირიცხე ერთ-ერთ უნივერსიტეტში, სადაც ავირჩიე ჟურნალისტიკის ფაკულტეტი. სამწუხაროდ, ამ ფაკულტეტზე მხოლოდ ერთი წელი ვისწავლე.
მანამდე ნიჭიერთა ათწლედში ვსწავლობდი, შემდეგ კი ვოკალის განხრით კონსერვატორია დავამთავრე. არაერთ საოპერო დადგმასა და კონცერტში მივიღე მონაწილეობა. 2005 წელს მოვიპოვე სტიპენდია, როგორც კარგმა სტუდენტმა და ენების მცოდნემ, და სწავლის მილანის კონსერვატორიაში გაგრძელების საშუალება მომეცა. წელიწად-ნახევარი გახლდით იქ. პარალელურად, მილანში რამდენიმე სამოდელო სააგენტოსთან ვითანამშრომლე. სხვათა შორის, მონაწილეობა მაქვს მიღებული ''ბარბერის'' ჩვენებაზე, გამოვდიოდი სხვადასხვა შოურუმზე.
- იტალიაში რატომ აღარ დარჩით?
- ზაფხულში ერთი თვით დასასვენებლად ჩამოვედი. მანამდე მე და დათო ვიცნობდით ერთმანეთს, გვქონდა ურთიერთობა, მერე ჩვენი გზები გაიყო და დაბრუნების შემდეგ კვლავ შევხვდით. დაქორწინება გადავწყვიტეთ. მოგეხსენებათ, საოპერო კარიერისა და პირადი ცხოვრების შეთავსება ძალიან რთულია და მაშინ არჩევანი ოჯახის სასარგებლოდ გავაკეთე (იღიმის). თუმცა ძალიან მიყვარს სიმღერა, ბოლომდე ვერ ვეშვები ამ საქმეს. ჩემს ცხოვრებაში ძალიან მნიშვნელოვანი ადამიანი გახლავთ საქართველოს კათოლიკოს-პატრიარქი ილია მეორე, რომელსაც არაერთხელ დავულოცივარ. მისგან მაქვს ვა, რომ ასევე აუცილებლად განვაგრძო სიმღერა.
- თქვენი მეუღლე რას საქმიანობს?
- დათო ძალიან კარგი ოჯახიშვილია. ის დავით და კონსტანტინე მხეიძეების შთამომავალი გახლავთ, რითაც ძალიან ამაყობს და ასევე გახლავთ აკადემიკოს ოთარ ეზიკაშვილის შვილიშვილი და ზურაბ მხეიძის ვაჟი. პროფესიით იურისტია, ყოფილი მორაგბე, თამაშობდა საქართველოს ეროვნულ ნაკრებში, ასევე საფრანგეთში, ''მონპელიეში''. სწავლობდა ამერიკის შეერთებულ შტატებში, ფლობს ოთხ ენას. დათო წლების განმავლობაში საკმაოდ დიდ თანამდებობებზე მუშაობდა შინაგან საქმეთა სამინისტროში. მცირე ხნის წინ რაღაც გაუგებრობის გამო სამსახურიდან წამოვიდა, მაგრამ დიდი იმედი მაქვს, მალე ყველაფერი გაირკვევა და დალაგდება.
- თქვენი გვარის შესახებაც გვითხარით ორიოდ სიტყვა...
- მე ვარ იმერეთის ბაგრატოვანთა შტოს წარმომადგენელი, ანუ იმერეთის მეფის შთამომავალი. მოხარული ვიქნები, თუკი ოდესმე საქართველოს ეყოლება მეფე და ყველა ბაგრატიონი მივა საერთო კონსენსუსამდე, რომ ერთი ღირსეული ადამიანი შეარჩიოს.
ნინო მურღულია
