კალორიების მიხედვით პროდუქტების შერჩევა არასწორი მიდგომაა
2 401 ნახვა
ირაკლი კენჭოშვილი ფიტნესინსტრუქტორი გახლავთ, რომელსაც ინტერვიუს ჩასაწერად ქალებისთვის ერთ-ერთი უმნიშვნელოვანესი საკითხის გამო – წონის პრობლემისა და ფორმაში ყოფნის თაობაზე მივმართეთ. ჩვენი რესპონდენტი მარტივად და გასაგებად აგიხსნით, როგორ უნდა ვიკვებოთ და ვივარჯიშოთ სასურველ ფორმაში ჩასადგომად.
- პირველ რიგში, სწორი კვება გულისხმობს ყოველ 3 საათში ერთხელ 4-5 ჯერად დაბალანსებულ კვებას დღის განმავლობაში. არა აქვს მნიშვნელობა, ჩვენ მასაში მომატება გვინდა თუ დაკლება, ორივე შემთხვევაში, რაც უფრო ხშირად ვიკვებებით, მით უკეთესია ჩვენი მეტაბოლიზმი, ნივთიერებათა ცვლა. თუ გახდომა გვინდა, შედარებით მცირე ულუფებით უნდა მივირთვათ, მომატების შემთხვევაში კი მეტი კალორია უნდა მივიღოთ.
უმნიშვნელოვანესია წყლის საკითხი. საშუალო, 70-80 კილო წონის მქონე ადამიანმა დღეში უნდა დალიოს 2 ლიტრი სუფთა წყალი, ჩაი, ყავა და წვენები არ ითვლება. რაც მეტია წონა, მით მეტი წყალი უნდა მიიღოს ორგანიზმმა. ძილის შემდეგ ადგომისთანავე დალიეთ ერთი ჭიქა წყალი. წყალი შეგიძლიათ დალიოთ ვარჯიშის დროსაც, პატარა ყლუპებით, ვინაიდან ვარჯიშის დროს ორგანიზმი კარგავს სითხეს და საჭიროა მისი აღდგენა. არ შეიძლება, მაღალი პულსის დროს წყლის ერთბაშად დალევა, ჯობს, დაელოდოთ პულსის დაწევას.
მთავარი პრინციპი ისაა, რომ ორგანიზმმა მიიღოს ყველანაირი პროდუქტი. არასასურველია რომელიმე ერთი სახეობის შეზღუდვა, რადგან სხვადასხვა საკვები შეიცავს ორგანიზმისთვის საჭირო ელემენტებს, ორგანიზმისთვის აუცილებელ ვიტამინებს. პურის რაციონიდან ამოღება დაუშვებელია. ის უნდა მიირთვათ, ოღონდ შეარჩიეთ დაცეხვილი ხორბლისგან გაკეთებული, დღეში ორი პატარა ნაჭერი პური აუცილებელიცაა.
ჩემთან მოსიარულე, გახდომის მსურველ ხალხს ვურჩევ, კალორიები არ დათვალონ, ვინაიდან შესაძლოა, მაღალკალორიული პროდუქტი არ აგროვებდეს ცხიმს ორგანიზმში, და-ბალკალორიულისგან განსხვავებით. კალორიების დათვლა და ამის მიხედვით პროდუქტების შერჩევა არასწორია. კვება უნდა იყოს დაბალანსებული და ჩვენი საკვები უნდა შედგებოდეს მრავალფეროვანი კომპონენტებისაგან: ცილები, ნახშირწყლები, ცხიმები, ვიტამინები, მინერალური ელემენტები, ყველაფერი საჭიროა.
ამასთან ერთად, უნდა ვეცადოთ, ერთმანეთში არ შევურიოთ სხვადასხვა სახეობის საკვები და მივიღოთ მცირე პორციებით. არ შეიძლება, ერთ ჭამაზე ყველაფერი ერთმანეთს მივაყაროთ: ხორცი, ბოსტნეული, ხილი, ნამცხვარი, გაზიანი ან ტკბილი სასმელები.
რაც შეეხება აკრძალულ პროდუქტებს: უნდა გამორიცხოთ ყველაფერი შემწვარი, განსაკუთრებით კარტოფილი, შებოლილი, მარილიანი კერძები, მაიონეზი, არაჟანი, გაზიანი სასმელები, ვითომ ნატურალური წვენები, ალკოჰოლი, ლუდი, ცხიმიანი საკვები, ცომეულობა და ტკბილეული. ასევე კატეგორიულად გეკრძალებათ სწრაფი კვების პროდუქტი.
ზედმეტად შაქრიანი პროდუქტის მირთმევისას სისხლში იწევა შაქრის დოზა, მის გასანეიტრალებლად გამოიყოფა ინსულინი, რაც ხელს უშლის ცხიმის დაშლას, ამიტომ ეცადეთ, ამგვარი პროდუქტები არ მიიღოთ. ხილის ჭამა უმჯობესია დღის პირველ ნახევარში, თანაც ხილი უნდა მივირთვათ ცალკე, ჩვენ მიჩვეული ვიყავით სადილის მერე ხილის დამატებას, რაც ძალიან დიდი შეცდომაა.
ვარჯიში
- ჩვენ გახდომის მიზნით არ ვიყენებთ ტრენაჟორებს, რადგან ისინი განკუთვნილია სხეულის, კუნთების გამკვრივებისთვის, არსებობს სპეციალური ვარჯიშების პროგრამა, რომლითაც წონაში დაკლებაა შესაძლებელი.
ქალები უმეტეს შემთხვევაში უშვებენ ერთ დიდ შეცდომას, როდესაც სხეულის მდგომარეობას სასწორის მეშვეობით აკონტროლებენ. წონის დაკლება არ ნიშნავს ფორმების შეცვლას, რადგან წონა შეიძლება დაიკლო სითხის გამოდევნის ხარჯზე ან ცხიმის ნაცვლად დაწვა კუნთი.
თუ თქვენ წონაში დაიკლებთ სითხისა და კუნთის ხარჯზე, ამით თქვენი ფორმები არ გამოსწორდება. ცხიმი, კუნთისგან განსხვავებით, გაცილებით მსუბუქია და მოცულობაში დიდი, ანუ შეიძლება თქვენი წონა იყოს დიდი, მაგრამ ლამაზი ფორმის ან პირიქით, წონაში დაიკლოთ, მაგრამ ფორმები ვერ შეცვალოთ და კიდევ უფრო დაიუშნოოთ სხეული. აქ მთავარია, თქვენი წონის რამდენ პროცენტს შეადგენს ცხიმი.
იმისათვის, რომ ორგანიზმში დაიწყოს ცხიმის წვა, საჭიროა 50-წუთიანი ინტენსიური ვარჯიში, 50 წუთის შემდეგ ორგანიზმი იწყებს ცხიმიდან კალორიების აღებას, მიზანშეწონილი არ არის 50 წუთზე მეტი ხნით სირბილი, რადგან ამ დროს უკვე ცხიმის უჯრედების ნაცვლად დაშლას იწყებს კუნთის უჯრედები. ტრენაჟორებზე ერთსაათიანი ინტენსიური ვარჯიშის შედეგად თქვენ დაწვავთ დაახლოებით 600 კკალ-ას, გახდომისთვის აუცილებელია, სულ მცირე, კვირაში 3-ჯერ ან მეტჯერ ვარჯიში.
არაფრით არ შეიძლება სირბილი მათთვის, ვისაც აქვს დიდი წონა, ასევე ვისაც აწუხებს სახსრები და ხერხემალი.
თქვენ ალბათ იკითხავთ: მაშ, რა ვქნათ, როგორ ვივარჯიშოთ ქალებმა გასახდომად, თუკი არც ერთი სავარჯიშო მოწყობილობა ამისთვის არ გამოდგება. ჩემი რჩევაა, შეადგინოთ მრავალფეროვანი სავარჯიშო პროგრამა, თქვენი მოთხოვნებისა და შესაძლებლობების ფარგლებში. რაც შეეხება პროგრამის შედგენას ცხიმის დაშლისა და მიზანმიმართული კორექციისთვის, ეს პროფესიონალების პრეროგატივაა.
ციცი ომანიძე
- პირველ რიგში, სწორი კვება გულისხმობს ყოველ 3 საათში ერთხელ 4-5 ჯერად დაბალანსებულ კვებას დღის განმავლობაში. არა აქვს მნიშვნელობა, ჩვენ მასაში მომატება გვინდა თუ დაკლება, ორივე შემთხვევაში, რაც უფრო ხშირად ვიკვებებით, მით უკეთესია ჩვენი მეტაბოლიზმი, ნივთიერებათა ცვლა. თუ გახდომა გვინდა, შედარებით მცირე ულუფებით უნდა მივირთვათ, მომატების შემთხვევაში კი მეტი კალორია უნდა მივიღოთ.
უმნიშვნელოვანესია წყლის საკითხი. საშუალო, 70-80 კილო წონის მქონე ადამიანმა დღეში უნდა დალიოს 2 ლიტრი სუფთა წყალი, ჩაი, ყავა და წვენები არ ითვლება. რაც მეტია წონა, მით მეტი წყალი უნდა მიიღოს ორგანიზმმა. ძილის შემდეგ ადგომისთანავე დალიეთ ერთი ჭიქა წყალი. წყალი შეგიძლიათ დალიოთ ვარჯიშის დროსაც, პატარა ყლუპებით, ვინაიდან ვარჯიშის დროს ორგანიზმი კარგავს სითხეს და საჭიროა მისი აღდგენა. არ შეიძლება, მაღალი პულსის დროს წყლის ერთბაშად დალევა, ჯობს, დაელოდოთ პულსის დაწევას.
მთავარი პრინციპი ისაა, რომ ორგანიზმმა მიიღოს ყველანაირი პროდუქტი. არასასურველია რომელიმე ერთი სახეობის შეზღუდვა, რადგან სხვადასხვა საკვები შეიცავს ორგანიზმისთვის საჭირო ელემენტებს, ორგანიზმისთვის აუცილებელ ვიტამინებს. პურის რაციონიდან ამოღება დაუშვებელია. ის უნდა მიირთვათ, ოღონდ შეარჩიეთ დაცეხვილი ხორბლისგან გაკეთებული, დღეში ორი პატარა ნაჭერი პური აუცილებელიცაა.
ჩემთან მოსიარულე, გახდომის მსურველ ხალხს ვურჩევ, კალორიები არ დათვალონ, ვინაიდან შესაძლოა, მაღალკალორიული პროდუქტი არ აგროვებდეს ცხიმს ორგანიზმში, და-ბალკალორიულისგან განსხვავებით. კალორიების დათვლა და ამის მიხედვით პროდუქტების შერჩევა არასწორია. კვება უნდა იყოს დაბალანსებული და ჩვენი საკვები უნდა შედგებოდეს მრავალფეროვანი კომპონენტებისაგან: ცილები, ნახშირწყლები, ცხიმები, ვიტამინები, მინერალური ელემენტები, ყველაფერი საჭიროა.
ამასთან ერთად, უნდა ვეცადოთ, ერთმანეთში არ შევურიოთ სხვადასხვა სახეობის საკვები და მივიღოთ მცირე პორციებით. არ შეიძლება, ერთ ჭამაზე ყველაფერი ერთმანეთს მივაყაროთ: ხორცი, ბოსტნეული, ხილი, ნამცხვარი, გაზიანი ან ტკბილი სასმელები.
რაც შეეხება აკრძალულ პროდუქტებს: უნდა გამორიცხოთ ყველაფერი შემწვარი, განსაკუთრებით კარტოფილი, შებოლილი, მარილიანი კერძები, მაიონეზი, არაჟანი, გაზიანი სასმელები, ვითომ ნატურალური წვენები, ალკოჰოლი, ლუდი, ცხიმიანი საკვები, ცომეულობა და ტკბილეული. ასევე კატეგორიულად გეკრძალებათ სწრაფი კვების პროდუქტი.
ზედმეტად შაქრიანი პროდუქტის მირთმევისას სისხლში იწევა შაქრის დოზა, მის გასანეიტრალებლად გამოიყოფა ინსულინი, რაც ხელს უშლის ცხიმის დაშლას, ამიტომ ეცადეთ, ამგვარი პროდუქტები არ მიიღოთ. ხილის ჭამა უმჯობესია დღის პირველ ნახევარში, თანაც ხილი უნდა მივირთვათ ცალკე, ჩვენ მიჩვეული ვიყავით სადილის მერე ხილის დამატებას, რაც ძალიან დიდი შეცდომაა.
ვარჯიში
- ჩვენ გახდომის მიზნით არ ვიყენებთ ტრენაჟორებს, რადგან ისინი განკუთვნილია სხეულის, კუნთების გამკვრივებისთვის, არსებობს სპეციალური ვარჯიშების პროგრამა, რომლითაც წონაში დაკლებაა შესაძლებელი.
ქალები უმეტეს შემთხვევაში უშვებენ ერთ დიდ შეცდომას, როდესაც სხეულის მდგომარეობას სასწორის მეშვეობით აკონტროლებენ. წონის დაკლება არ ნიშნავს ფორმების შეცვლას, რადგან წონა შეიძლება დაიკლო სითხის გამოდევნის ხარჯზე ან ცხიმის ნაცვლად დაწვა კუნთი.
თუ თქვენ წონაში დაიკლებთ სითხისა და კუნთის ხარჯზე, ამით თქვენი ფორმები არ გამოსწორდება. ცხიმი, კუნთისგან განსხვავებით, გაცილებით მსუბუქია და მოცულობაში დიდი, ანუ შეიძლება თქვენი წონა იყოს დიდი, მაგრამ ლამაზი ფორმის ან პირიქით, წონაში დაიკლოთ, მაგრამ ფორმები ვერ შეცვალოთ და კიდევ უფრო დაიუშნოოთ სხეული. აქ მთავარია, თქვენი წონის რამდენ პროცენტს შეადგენს ცხიმი.
იმისათვის, რომ ორგანიზმში დაიწყოს ცხიმის წვა, საჭიროა 50-წუთიანი ინტენსიური ვარჯიში, 50 წუთის შემდეგ ორგანიზმი იწყებს ცხიმიდან კალორიების აღებას, მიზანშეწონილი არ არის 50 წუთზე მეტი ხნით სირბილი, რადგან ამ დროს უკვე ცხიმის უჯრედების ნაცვლად დაშლას იწყებს კუნთის უჯრედები. ტრენაჟორებზე ერთსაათიანი ინტენსიური ვარჯიშის შედეგად თქვენ დაწვავთ დაახლოებით 600 კკალ-ას, გახდომისთვის აუცილებელია, სულ მცირე, კვირაში 3-ჯერ ან მეტჯერ ვარჯიში.
არაფრით არ შეიძლება სირბილი მათთვის, ვისაც აქვს დიდი წონა, ასევე ვისაც აწუხებს სახსრები და ხერხემალი.
თქვენ ალბათ იკითხავთ: მაშ, რა ვქნათ, როგორ ვივარჯიშოთ ქალებმა გასახდომად, თუკი არც ერთი სავარჯიშო მოწყობილობა ამისთვის არ გამოდგება. ჩემი რჩევაა, შეადგინოთ მრავალფეროვანი სავარჯიშო პროგრამა, თქვენი მოთხოვნებისა და შესაძლებლობების ფარგლებში. რაც შეეხება პროგრამის შედგენას ცხიმის დაშლისა და მიზანმიმართული კორექციისთვის, ეს პროფესიონალების პრეროგატივაა.
ციცი ომანიძე
