ქეთი მელუა გორში ჩავიდა - რა გეგმები აქვს მომღერალს?

13.02.2015 მომღერალმა ქეთი მელუამ, გორის ქალთა კამერულ გუნდთან ერთად, 12 თებერვალს, ექსპერიმენტალური რეპეტიცია ჩაატარა. ამის შესახებ შიდა ქართლის საინფორმაციო ცენტრს ქალთა კამერული გუნდის ქორმაისტერმა თეონა ცირამუამ განუცხადა. მისი თქმით, რეპეტიციამ წარმატებით ჩაიარა, ხოლო იმის თაობაზე, თუ რა გეგმები აქვს მომავალში გუნდს ქეთი მელუასთან ერთად, თეონა ცირამუა, ჯერჯერობით, კომენტარს არ აკეთებს.

,,ჯერ-ჯერობით არ ვთვლით რომ გამოსაქვეყნებლად გვაქვს საქმე. გვქონდა ასე ვთქვათ ექსპერიმენტული რეპეტიცია, რამაც წარმატებით ჩაიარა და კმაყოფილები ვართ. ეს არის და ეს" - ამბობს გუნდის ხელმძღვანელი.

გორში, ქეთი მელუას ვიზიტის შესახებ ინფორმაცია, გორის დარბაზის ხელმძღვანელმა თამაზ მაყაშვილმა გაავრცელა.

,გუშინ ჩვენს ქალაქს, ცნობილი ქართველი შემსრულებელი ქეთი მელუა სტუმრობდა. დარწმუნებული ვარ, მისი და გორის გოგონათა გუნდის მიერ ერთად შესრულებული ნაწარმოები იქნება უმაღლესი კლასის "პილოტაჟი". მოუთმენლად ველით!" - წერს თამაზ მაყაშვილი.