''ჩემთან გოგოს იმის გამო არ დაუწყია ურთიერთობა, რომ ჯუდ ლოუს ვგავარ''
1 467 ნახვა
პროექტ ''ორი ვარსკვლავის'' მონაწილე მირიან ჯეჯელავას დღემდე ბევრი მხოლოდ როგორც მუსიკალურ წამყვანს, ისე იცნობდა. თუმცა აღმოჩნდა, რომ ის თავადაც კარგად მღერის. ნინი ცნობილაძესთან ერთად ბევრ საინტერესო ნომერს გვპირდება.
- მირიან, უკვე დაიწყო წინასაკონკურსო ციებ-ცხელება. ხომ არ ნანობ, რომ კონკურსში მონაწილეობას დათანხმდი?
- მიუხედავად იმისა, რომ როცა შემომთავაზეს, დიდხანს ვიყოყმანე, ბოლოს მაინც გადავდგი ეს ნაბიჯი. არ შევუშინდი ცხოვრების გამოწვევას. ვიცოდი, რომ სიმღერას თავს გავართმევდი. მსახიობი ვარ და რამდენადაც ჩემს პროფესიას სჭირდება, შემიძლია სიმღერა. ზოგადად, მელომანი ვარ და მუსიკა მიყვარს. მსიამოვნებს კიდეც, რომ კონკურსი აქტიურ ფაზაში გადა-დის.
- გაქვს მოგების ამბიცია?
- ჩემი თავის იმედი მაქვს და შესაბამისად, ძალიან დიდი სურვილი, რომ მაყურებელი ჩემი და ნინის დუეტის მიმართ კეთილგანწყობილი იქნება. ამ შემთხვევაში შესაძლოა, ფინალამდეც მივიდეთ, თუმცა კაციშვილმა არ იცის, როგორ განვითარდება მოვლენები.
- პროექტში გაუთვალისწინებელი თუ მოხდა რამე?
- მეორე ტურზე, გარდა იმისა, რომ ძალიან ვნერვიულობდი, ჩვენ გამოსვლამდე ზუსტად თხუთმეტი წამით ადრე მაყურებელთა ლოჟიდან გადავარდა ბავშვი და ამან იმხელა პანიკა გამოიწვია, რომ სიმღერასა და ნომერზე საერთოდ აღარ ვფიქრობდი. ძალიან შემეშინდა და დავიძაბე. საბედნიეროდ, ბავშვი გადარჩა, კარგადაა. ძალიან დაძაბული სიტუაცია იყო, ეთერში მაინც მოგვიწია შესვლამ და ყველანაირად ვეცადეთ, მაყურებლის წინაშე ღირსეულად გა-მოვსულიყავით.
- მუსიკალური განათლება გაქვს?
- არანაირი მუსიკალური განათლება არ მიმიღია. თეატრალურში ვსწავლობდი.
- როგორ მიდის შენი სამსახიობო კარიერა?
- ახლა, საწუხაროდ, არც ერთ თეატრალურ დასში არ ვირიცხები, რადგან დრო არ მაქვს. როდესაც თეატრის დასში ხარ, ძალიან ბევრ რამეს უნდა მოსწყდე. მითამაშია სამეფო უბნისა და მარჯანიშვილის თეატრებში. ერთ-ერთ რადიოში წამყვანად ვმუშაობ და სხვადასხვა პროექტში ვარ ჩართული, ამიტომ ძალიან დაკავებული არ ვარ თეატრში. მოგეხსენებათ, მსახიობს საქართველოში მაღალი ანაზღაურება არ აქვს, რომლითაც ის თავის რჩენას შეძლებს. ამიტომ იძულებული ვარ, ბევრ რამეს შევეჭიდო იმისთვის, რომ საკუთარ თავს ელემენტარული კომფორტი შევუქმნა.
- საკუთარ როლებს კრიტიკული თვალით უყურებ?
- ფილმებში ბევრი როლი არ მქონია. ვითამაშე ''სპამში'' და სერიალში ''ფსიქოპათთა თამაშები''. საკუთარი თავის მიმართ იმაზე უფრო კრიტიკულად განწყობილ ვარ, ვიდრე სხვა შეიძლება განეწყოს. ეს საქმიანობაში ხელს მიშლის კიდეც.
- ჯუდ ლოუს გამსგავსებენ, ეთანხმები?
- რასაკვირველია. რომ არ დავეთანხმო, სისულელე იქნება. პირველად მას თეატრალურ უნივერსიტეტში მიმამსგავსეს. მე და ელენე კოლელიშვილი გამოცდაზე ერთად მოვხვდით და მაშინ მითხრა. ვერც გავიხსენე, ვინ იყო ჯუდ ლოუ. პირველ კურსზე ვიყავი და მის შემოქმედებაზე ბევრი რამ არ ვიცოდი. შემდეგ, როცა მისი ფილმები დაკვირვებით ვნახე, მსგავსება მეც დავიჭირე, თუმცა არ ვბაძავ და არ მინდა, ძალიან ვგავდე, რადგან მსურს, ინდივიდუალურობა მქონდეს, თუმცა, რასაკვირველია, სასიამოვნოა, როცა ასეთ ნიჭიერ მსახ-იობს გამსგავსებენ.
- ''ორ ვარსკვლავში'' ამ მსგავსების იმედიც ხომ არ გაქვს, არ ფიქრობ, რომ გოგონები დაგიმესიჯებენ?
- არ მგონია, გოგონებს ამ მსგავსების გამო მოვწონდე. ყოველ შემთხვევაში ჩემთან გოგოს იმის გამო არ დაუწყია ურთიერთობა, რომ ჯუდ ლოუს ვგავარ.
- რა ხდება შენს პირად ცხოვრებაში?
- მხოლოდ იმის თქმა შემიძლია, რომ შეყვარებული არ მყავს.
- ყოფილხარ შეყვარებული?
- რა თქმა უნდა და დღემდე მომყვება ეს ემოცია და გრძნობა.
- ანუ დღესაც შეყვარებული ყოფილხარ, რადგან ემოცია კვლავ შენთანაა.
- მომყვება, რადგან სიყვარული ძალიან მაგარი გრძნობაა, რომელსაც შეუძლია, ერთ წამში დაგანგრიოს თავიდან ბოლომდე. ყველაფერი არ ხდება ურთიერთობაში ისე, როგორც შენ გინდა. სურვილი დიდია, რომ ყველაფერი კარგად და იდეალურად იყოს, მაგრამ ასე არ ხდება. ბევრ რამეზე გიწევს უარის თქმა და ურთიერთობის დამთავრება.
- როგორი გოგონები იქცევენ შენს ყურადღებას?
- ამ მხრივ არ მაქვს კრიტერიუმები.
- არ აქცევ ყურადღებას რა ჟანრის მუსიკას უსმენს? თუ აღმოაჩენ, რომ გოგონა დარდიმანდულ სიმღერებს უსმენს, მასზე შთაბეჭდილება შეგეცვლება?
- არა, რასაკვირველია. ვისაც რა მუსიკა მოსწონს, იმ მუსიკას უნდა მოუსმინოს. კრიტერიუმი მართლა არ მაქვს ამ მხრივ. შესაძლებელია, ერთ დღეს რომ გოგო მომეწონოს, მეორე დღეს მისგან სრულიად განსხვავებულით დავინტერესდე.
- როგორ აფასებენ ოჯახის წევრები მუსიკალურ პროექტში შენს მონაწილეობას?
- მშობლები ძალიან მგულშემატკივრობენ და როგორც ყველა მშობელი, თავიანთი შვილის ტელევიზიაში გამოჩენას დადებითად აფასებენ. უარყოფით მხარეებს ვერც აღიქვამენ და არც ამახვილებენ ყურადღებას. ყველა მშობელს თავისი შვილი განუმეორებელი ჰგონია. განსაკუთრებით მგულშემატკივრობენ ჩემი ძმა, რძალი და ძმისშვილი. ძმა არის ალბათ ის ადამიანი, რომელიც ყველაზე ბევრს მაკრიტიკებს. პირველ ლაივშოუზე არ მოეწონა ჩემი პლასტიკა. მითხრა, რომ დაძაბული ვიყავი და რაღაცები ცუდად გამომივიდა. მე არ მესიამოვნება ადამიანისგან მხოლოდ დადებითის მოსმენა. კრიტიკა და შენიშვნა ზოგადად ზრდის ადამიანს.
- ნინის იცნობდი?
- ვიყავი იმ კონცერტის წამყვანი, რომელშიც ნინიც მონაწილეობდა. ახლო ურთიერთობა არასდროს გვქონია. ამ პროექტმა ძალიან დაგვაახლოვა და დავმეგობრდით. ადვილად გავუგეთ ერთმანეთს და გვრჩება შთაბეჭდილება, რომ დიდი ხანია, ვმეგობრობთ. ეს ყველაფერი კი მგონია, ჩვენს შესრულებაზეც აისახება. ვფიქრობ, ერთ-ერთი საუკეთესოა თანამედროვე ქართველ მომღერლებს შორის თავისი დამახასიათებელი ხმის ტემბრით. ინდივიდუალური მომღერალია, რაც ჩემთვის საინტერესოს ხდის მასთან თანამშრომლობას.
წყარო: reitingi.ge
- მირიან, უკვე დაიწყო წინასაკონკურსო ციებ-ცხელება. ხომ არ ნანობ, რომ კონკურსში მონაწილეობას დათანხმდი?
- მიუხედავად იმისა, რომ როცა შემომთავაზეს, დიდხანს ვიყოყმანე, ბოლოს მაინც გადავდგი ეს ნაბიჯი. არ შევუშინდი ცხოვრების გამოწვევას. ვიცოდი, რომ სიმღერას თავს გავართმევდი. მსახიობი ვარ და რამდენადაც ჩემს პროფესიას სჭირდება, შემიძლია სიმღერა. ზოგადად, მელომანი ვარ და მუსიკა მიყვარს. მსიამოვნებს კიდეც, რომ კონკურსი აქტიურ ფაზაში გადა-დის.
- გაქვს მოგების ამბიცია?
- ჩემი თავის იმედი მაქვს და შესაბამისად, ძალიან დიდი სურვილი, რომ მაყურებელი ჩემი და ნინის დუეტის მიმართ კეთილგანწყობილი იქნება. ამ შემთხვევაში შესაძლოა, ფინალამდეც მივიდეთ, თუმცა კაციშვილმა არ იცის, როგორ განვითარდება მოვლენები.
- პროექტში გაუთვალისწინებელი თუ მოხდა რამე?
- მეორე ტურზე, გარდა იმისა, რომ ძალიან ვნერვიულობდი, ჩვენ გამოსვლამდე ზუსტად თხუთმეტი წამით ადრე მაყურებელთა ლოჟიდან გადავარდა ბავშვი და ამან იმხელა პანიკა გამოიწვია, რომ სიმღერასა და ნომერზე საერთოდ აღარ ვფიქრობდი. ძალიან შემეშინდა და დავიძაბე. საბედნიეროდ, ბავშვი გადარჩა, კარგადაა. ძალიან დაძაბული სიტუაცია იყო, ეთერში მაინც მოგვიწია შესვლამ და ყველანაირად ვეცადეთ, მაყურებლის წინაშე ღირსეულად გა-მოვსულიყავით.
- მუსიკალური განათლება გაქვს?
- არანაირი მუსიკალური განათლება არ მიმიღია. თეატრალურში ვსწავლობდი.
- როგორ მიდის შენი სამსახიობო კარიერა?
- ახლა, საწუხაროდ, არც ერთ თეატრალურ დასში არ ვირიცხები, რადგან დრო არ მაქვს. როდესაც თეატრის დასში ხარ, ძალიან ბევრ რამეს უნდა მოსწყდე. მითამაშია სამეფო უბნისა და მარჯანიშვილის თეატრებში. ერთ-ერთ რადიოში წამყვანად ვმუშაობ და სხვადასხვა პროექტში ვარ ჩართული, ამიტომ ძალიან დაკავებული არ ვარ თეატრში. მოგეხსენებათ, მსახიობს საქართველოში მაღალი ანაზღაურება არ აქვს, რომლითაც ის თავის რჩენას შეძლებს. ამიტომ იძულებული ვარ, ბევრ რამეს შევეჭიდო იმისთვის, რომ საკუთარ თავს ელემენტარული კომფორტი შევუქმნა.
- საკუთარ როლებს კრიტიკული თვალით უყურებ?
- ფილმებში ბევრი როლი არ მქონია. ვითამაშე ''სპამში'' და სერიალში ''ფსიქოპათთა თამაშები''. საკუთარი თავის მიმართ იმაზე უფრო კრიტიკულად განწყობილ ვარ, ვიდრე სხვა შეიძლება განეწყოს. ეს საქმიანობაში ხელს მიშლის კიდეც.
- ჯუდ ლოუს გამსგავსებენ, ეთანხმები?
- რასაკვირველია. რომ არ დავეთანხმო, სისულელე იქნება. პირველად მას თეატრალურ უნივერსიტეტში მიმამსგავსეს. მე და ელენე კოლელიშვილი გამოცდაზე ერთად მოვხვდით და მაშინ მითხრა. ვერც გავიხსენე, ვინ იყო ჯუდ ლოუ. პირველ კურსზე ვიყავი და მის შემოქმედებაზე ბევრი რამ არ ვიცოდი. შემდეგ, როცა მისი ფილმები დაკვირვებით ვნახე, მსგავსება მეც დავიჭირე, თუმცა არ ვბაძავ და არ მინდა, ძალიან ვგავდე, რადგან მსურს, ინდივიდუალურობა მქონდეს, თუმცა, რასაკვირველია, სასიამოვნოა, როცა ასეთ ნიჭიერ მსახ-იობს გამსგავსებენ.
- ''ორ ვარსკვლავში'' ამ მსგავსების იმედიც ხომ არ გაქვს, არ ფიქრობ, რომ გოგონები დაგიმესიჯებენ?
- არ მგონია, გოგონებს ამ მსგავსების გამო მოვწონდე. ყოველ შემთხვევაში ჩემთან გოგოს იმის გამო არ დაუწყია ურთიერთობა, რომ ჯუდ ლოუს ვგავარ.
- რა ხდება შენს პირად ცხოვრებაში?
- მხოლოდ იმის თქმა შემიძლია, რომ შეყვარებული არ მყავს.
- ყოფილხარ შეყვარებული?
- რა თქმა უნდა და დღემდე მომყვება ეს ემოცია და გრძნობა.
- ანუ დღესაც შეყვარებული ყოფილხარ, რადგან ემოცია კვლავ შენთანაა.
- მომყვება, რადგან სიყვარული ძალიან მაგარი გრძნობაა, რომელსაც შეუძლია, ერთ წამში დაგანგრიოს თავიდან ბოლომდე. ყველაფერი არ ხდება ურთიერთობაში ისე, როგორც შენ გინდა. სურვილი დიდია, რომ ყველაფერი კარგად და იდეალურად იყოს, მაგრამ ასე არ ხდება. ბევრ რამეზე გიწევს უარის თქმა და ურთიერთობის დამთავრება.
- როგორი გოგონები იქცევენ შენს ყურადღებას?
- ამ მხრივ არ მაქვს კრიტერიუმები.
- არ აქცევ ყურადღებას რა ჟანრის მუსიკას უსმენს? თუ აღმოაჩენ, რომ გოგონა დარდიმანდულ სიმღერებს უსმენს, მასზე შთაბეჭდილება შეგეცვლება?
- არა, რასაკვირველია. ვისაც რა მუსიკა მოსწონს, იმ მუსიკას უნდა მოუსმინოს. კრიტერიუმი მართლა არ მაქვს ამ მხრივ. შესაძლებელია, ერთ დღეს რომ გოგო მომეწონოს, მეორე დღეს მისგან სრულიად განსხვავებულით დავინტერესდე.
- როგორ აფასებენ ოჯახის წევრები მუსიკალურ პროექტში შენს მონაწილეობას?
- მშობლები ძალიან მგულშემატკივრობენ და როგორც ყველა მშობელი, თავიანთი შვილის ტელევიზიაში გამოჩენას დადებითად აფასებენ. უარყოფით მხარეებს ვერც აღიქვამენ და არც ამახვილებენ ყურადღებას. ყველა მშობელს თავისი შვილი განუმეორებელი ჰგონია. განსაკუთრებით მგულშემატკივრობენ ჩემი ძმა, რძალი და ძმისშვილი. ძმა არის ალბათ ის ადამიანი, რომელიც ყველაზე ბევრს მაკრიტიკებს. პირველ ლაივშოუზე არ მოეწონა ჩემი პლასტიკა. მითხრა, რომ დაძაბული ვიყავი და რაღაცები ცუდად გამომივიდა. მე არ მესიამოვნება ადამიანისგან მხოლოდ დადებითის მოსმენა. კრიტიკა და შენიშვნა ზოგადად ზრდის ადამიანს.
- ნინის იცნობდი?
- ვიყავი იმ კონცერტის წამყვანი, რომელშიც ნინიც მონაწილეობდა. ახლო ურთიერთობა არასდროს გვქონია. ამ პროექტმა ძალიან დაგვაახლოვა და დავმეგობრდით. ადვილად გავუგეთ ერთმანეთს და გვრჩება შთაბეჭდილება, რომ დიდი ხანია, ვმეგობრობთ. ეს ყველაფერი კი მგონია, ჩვენს შესრულებაზეც აისახება. ვფიქრობ, ერთ-ერთი საუკეთესოა თანამედროვე ქართველ მომღერლებს შორის თავისი დამახასიათებელი ხმის ტემბრით. ინდივიდუალური მომღერალია, რაც ჩემთვის საინტერესოს ხდის მასთან თანამშრომლობას.
წყარო: reitingi.ge
