ქართველი გოგონას ფოტოსურათი მსოფლიოს 37 ქვეყნის ლამაზმანის სურათებს შორის მოხვდა

2 247 ნახვა

რუმინელ ფოტოგრაფს მიხაელა ნოროკს საკმაოდ წარმატებული კარიერა და მაღალანაზღაურებადი სამსახური ჰქონდა, მაგრამ ერთ მშვენიერ დღეს მან უარი თქვა სამსახურზე და დაიწყო სრულიად ახალი ცხოვრება. ეს მოხდა ორი წლის წინ: მიხაელამ აიღო ზურგჩანთა და თავისი ფოტოაპარატი და მსოფლიოს გარშემო სამოგზაუროდ გაეშურა. ამ ხნის განმავლობაში მან მსოფლიოს სხვადასხვა კულტურის უამრავი წარმომადგენლის, ძირითადად სუსტი სქესის, ფოტოსურათები გადაიღო.

მიხაელამ თავის პროექტს უწოდა "სილამაზის ატლასი", რომლის დევიზადაც მან აირჩია ფრაზა " სილამაზე ყველგანაა"... მასში წარმოდგენილია მშვენიერი ქალბატონების შეულამაზებელი სურათები მსოფლიოს სხვადასხვა კუთხიდან, რომლებიც გვიჩვენებენ, თუ რა ლამაზი და მრავალფეროვანია ჩვენი პლანეტა.

მიხაელა აღიარებს, რომ მსოფლიოს გარშემო მოგზაურობამ მისი ჯიბე საგრძნობლად შეათხელა, მაგრამ ამავე დროს მან ხელოვანს აჩუქა უდიდესი გამოცდილება. იგი მიხვდა, რომ სილამაზე ყველგანაა და სულაც არ აქვს მნიშვნელობა კოსმეტიკას ან ფიგურის ფორმას, არამედ მთავარია თავდაჯერებულობა და რწმენა იმისა, რომ შენ მშვენიერი ხარ!

მსოფლიოს სახელგანთქმული მოდის სახლები მოგვიწოდებენ მივყვეთ ერთფეროვანი ტრენდების კვალს და გამოვიყურებოდეთ მათ მიერ დაწესებული კანონების შესაბამისად, მაგრამ ჩვენ ხომ სრულებითაც არა ვართ ერთნაირები, ყველას გაგვაჩნია შინაგანი მე და თავისებური შარმი - სწორედ ამაშია მშვენიერების აზრი. ბოლოს და ბოლოს, ყველა ჩვენგანს ხომ განსხავავებული შეხედულება გვაქვს სილამაზეზე .... და ეს მშვენიერია!

უნდა აღინიშნოს, რომ მიხაელას მიერ შექმნილ ალბომში, სადაც მსოფლიოს 37 ქვეყნის სუსტი სქესის წარმომადგენლის ფოტოა შესული, მოხვდა ქართველი გოგონაც. ჩემთვის არაა ცნობილი მისი ვინაობა, რადგან მიხაელა ძირითადად ჩვეულებრივი, რიგითი ქალების ფოტოებს იღებდა და არა მოდელების ან მსახიობებისა, თუმცა აბა რა მნიშვნელობა აქვს ვინაობას, მთავარია ის, რომ ქართველი გოგონა ღირსეულ ადგილს იკავებს ამ ალბომში.

ახლა კი მინდა შემოგთავაზოთ რამოდენიმე ფოტოსურათი მიხაელა ნორიკის ალბომიდან "სილამაზის ატლასი".