მოდით, ვნახოთ, რა ღირს კინოსამყაროს უდიდესი დღესასწაული, რომელსაც "ოსკარის" დაჯილდოება ქვია.
წითელი ხალიჩა
უკვე 20 წელია, რაც "ოსკარის" დაჯილდოების უმნიშვნელოვანეს დეტალზე - წითელ ხალიჩაზე პასუხისმგებლობას კომპანია Turf & Carpet იღებს. ცხადია, ეს კომპანიისთვის ერთ-ერთი უმსხვილესი დაკვეთაა, ვინაიდან 500 მეტრიანი ხალიჩა დაახლოებით 25 000 დოლარი ღირს.
ხალიჩას კომპანია ყოველ ორ წელიწადში ერთხელ ცვლის, ვინაიდან ამ პერიოდში ის უკვე ახერხებს "დაბერებას".
კონვერტები
კონვერტები, რომლებიც ასევე განუყოფელი ნაწილია "ოსკარისთვის". კონვერტები, რომლებშიც ნომინანტი ფილმების, მსახიობებისა და რაც მთავარია, გამარჯვებულების სახელებია მოთავსებული. ცერემონიისთვის 96 კონვერტი იქმნება და თითოეულზე მუშაობას 110 საათი სჭირდება. თითოეული კონვერტის ღირებულება კი 200 დოლარს შეადგენს.
ოსკარის ქანდაკება
დაჯილდოების მთავარი სიმბოლო ცხადია, საკმაოდ ძვირადღირებულია. იმის მიუხედავად, რომ 24 ნომინაციაა, ყოველწლიურად 50 ქანდაკებას ქმნიან. თითოეული ქანდაკების ღირებულება 500-დან 900 დოლარამდე შეადგენს. ზუსტ ღირებულებას კი საერთაშორისო ბაზარზე ოქროს ფასი განსაზღვრავს.
ქანდაკება 3.85 კგ წონას შეადგენს და მისი მასა რამდენიმე ფენისგან შედგება, მათ შორის შემადგენლობაშია: ტყვია, კალა, სპილენძი, ნიკელი, ვერცხლი... რაც შეეხება სტატუეტის გარე ფენას, მოოქროვილია.
ბანკეტი
იცით, რა შემოსავალი აქვთ რესტორნებს, რომელთა მენეჯმენტი "ოსკარის" სტუმრებისთვის ბანკეტს უზრუნველყოფს?
ბოლო მონაცემებით, ღონისძიების 1500-დან 1600 ადამიანზე გათვალისწინებული ვახშამი, საერთო ჯამში, 2 მილიონი დოლარი ჯდება!
ლიმუზინი
ის რა "ოსკარია", თუ ვარსკვლავებს ლიმუზინი არ მოემსახურება?! და გაინტერესებთ, რა ჯდება ცერემონიისთვის დაახლოებით 2 000 ლიმუზინის დაქირავება? ეს სიამოვნება დაახლოებით 1,7 მილიონი დოლარი ღირს.
სასმელი
"ოსკარის" დაჯილდოებას რომ ალკოჰოლი უხდება, ფაქტია. ჩვენი თუ არ გჯერათ, მიშა მესხს ჰკითხეთ... 2015 წელს ღონისძიება სასმელით კომპანია iper-Heidsieck-მა უზრუნველყო და საკმაოდ კარგი მოგებაც ნახა დაახლოებით 90, 000 დოლარის სახით...
