მსახიობების ყველაზე უაზრო სამადლობელი სიტყვები ''ოსკარზე''

''ოსკარის'' გადაცემის მორიგი ცერემონია დასრულდა, ისტორიას დაუტოვა წითელ ხალიჩაზე გამოსული მშვენიერი ვარსკვლავები, უმაღლესი ჯილდოები, ეფექტური გამოსვლები და რასაკვირველია, სამადლობელი სიტყვებიც. წელს ყველაზე შთამბეჭდავად პატრიცია არკეტის სიტყვა აღიარეს.

ქალის მთავარი როლის შესრულებისთვის ''ოსკარით'' დაჯილდოებულმა ვარსკვლავმა თავის სამადლობელ სიტყვაში არა მხოლოდ ოჯახის წევრები, კოლეგები და სრულიად გადამღები ჯგუფი მოიხსენია, არამედ ცეცხლოვანი სიტყვა წარმოთქვა სუსტი სქესის მხარდასაჭერად: ''მადლობა ყველა ქალს, რომელთაც სიცოცხლე მისცეს ბავშვებს, ამ ქვეყნის ყველა მოქალაქეს. ჩვენ დიდხანს ვიბრძოდით სხვა ადამიანების უფლებებისთვის. ახლა დადგა დრო, ვთქვათ, რომ ქალებმა მამაკაცების თანაბარი ანაზღაურება უნდა მიიღონ და აშშ-ში მამაკაცების თანასწორი უფლებები უნდა ჰქონდეთ!'' - პატრიციას ამ სიტყვებს დარბაზი ოვაციებით შეეგება.
თუმცა ''ოსკარს'' არა მხოლოდ შთამბეჭდავი და სერიოზული, ფრიად უაზრო და განსაცვიფრებელი სიტყვებიც ახსოვს. სწორედ მათ გავიხსენებთ ამჯერად:

მარტინ სკორსეზე, საუკეთესო რეჟისორი, ''ოსკარი'' ფილმისთვის ''მიცვალებულები'' (2007): ''მადლობა. მადლობა. მადლობა. მადლობა. მადლობა. მადლობა. მადლობა. მადლობა. მადლობა. მადლობა. თუ შეიძლება, თუ შეიძლება. მადლობა. მადლობა. თუ შეიძლება, კიდევ ერთხელ შეამოწმეთ, კონვერტში მართლა ჩემი სახელია?''

ჰილარი სუონკი, ქალის როლის საუკეთესო შესრულება ფილმში ''მილიონდოლარიანი გოგონა'' (2005): ''არ ვიცი, რა გავაკეთე, რომ ეს დამემსახურებინა. მე უბრალოდ გოგო ვარ ტრეილერიდან, რომელსაც ჰქონდა ოცნება. განსაკუთრებული მადლობა ქმარს: როლისთვის მზადებისას ხშირად მიწევდა სპარინგ-პარტნიორობას ან უბრალოდ მსხლის როლში გამო-დიოდა''.

კიმ ბესინჯერი, ''ოსკარი'' მეორეხარისხოვანი როლის საუკეთესოდ შესრულებისთვის ფილმში ''ლოს-ანჯელესის საიდუმლოებები'' (1998): ''ო ღმერთო, დიახ! მინდა, ყველას გადავუხადო მადლობა, ვინც შემხვედრია ცხოვრების გზაზე!''

ფრენსის მაკდორმანდი, დაჯილდოებული ქალის როლის საუკეთესო შესრულებისთვის ფილმში ''ფარგო'' (1997): ''მინდა მადლობა გადავუხადო მისტერ იტან კოენს, რომელმაც მსახიობად მაქცია. მადლობა მის ძმას მისტერ ჯოელ კოენს, რომელმაც ქალად მაქცია. და ჩემს ვაჟს პედროს, რომელმაც დედად მაქცია''.

ჯოდი ფოსტერი, ''ოსკარი'' ქალის როლის საუკეთესო შესრულებისთვის ფილმში ''კრავთა დუმილი'' (1992): ''როცა პრემიას ვიღებ, ვერ ვუმკლავდები ამ იდიოტურ ჩვევას - ვერ ვწყვეტ სიცილს!''

პოლ ნიუმანი, ''ოსკარი'' მამაკაცის როლის საუკეთესოდ შესრულებისთვის ფილმში ''ფულის ფერი'' (1987): ''დიახ, არ მივედი ''ოსკარის'' მისაღებად. ეს იგივეა, რომ ზედიზედ ოთხმოცი წელი სდიო ლამაზ ქალს. ის ბოლოს და ბოლოს გნებდება, შენ კი ეუბნები: ''გთხოვთ მაპატიოთ, მაგრამ დავიღალე''.

ვუდი ალენი, ''ოსკარი'' როგორც საუკეთესო რეჟისორს ფილმისთვის ''ენი ჰოლი'' (1977): ''როცა ხედავ, ვინ იღებს (ან ვერ იღებს) ამ ჯილდოს, ხვდები, ეს ''ოსკარი'' რამდენად უაზრო რამეა''.

სილვესტერ სტალონე, ''ოსკარი'' საუკეთესო ფილმისთვის, ''როკი'' (1976): ''ვერაფრით ვერ ვხვდები, როგორ შეიძლება დიდხანს წერო ისტორიები. მაგალითად, ერთი ფრანგი რამდენიმე წელი წერდა ''მადამ ბოვარის''. შედეგად კი ასეთი ნაგავი გამოვიდა! კინოც არ არის უკეთესი! მე ამ ფილმის სცენარი სულ რაღაც ოთხ დღეში დავწერე. და ის საუკეთესოდ აღიარეს. მთელი მსოფლიოს როკებო, მე თქვენ მიყვარხართ!''
წყარო: reitingi.ge