ნემცოვის მკვლელობის ექო: ბრალდებული მკვლელობის მოტივებზე და პრესა ნემცოვის კიდევ ერთ საყვარელზე
1 434 ნახვა
რუსი ოპოზიციონერის, ბორის ნემცოვის მკვლელობის საქმეში ბრალდებულმა ზაურ დადაევმა 8 მარტს სასამართლოს აღიარებითი ჩვენება მისცა. სასამართლო სხდომა მოსკოვის ბასმანის სასამართლოში გაიმართა.
რუსულ მედიაში გავრცელებული ინფორმაციის თანახმად, ბორის ნემცოვის მკვლელობაში ბრალდებულმა ზაურ დადაევმა თითქოსდა განმარტა, რომ მკვლელობა რელიგიური მოტივით იყო ჩადენილი. ამის შესახებ ინფორმაციას "როსბალტი" სამართალდამცავ ორგანოებზე დაყრდნობით ავრცელებს.
შეგახსენებთ, რომ საქმის მოსმენის დაწყებამდე, სასამართლო დარბაზში მყოფმა დადაევმა ჟურნალისტებს მიმართა: "მე მიყვარს წინასწარმეტყველი მუჰამედი". ამის შემდეგ იგი დემონსტრაციულად შებრუნდა და დამსწრე საზოგადოებას აგრძნობინა, რომ საუბარი დასრულებულია.
სამართალდამცავი ორგანოების წყაროზე დაყრდნობით, დადაევმა განაცხადა, რომ 2015 წლის იანვარში გაიგო იმის შესახებ, რომ ბორის ნემცოვი არაერთხელ მოიხსენიებდა უარყოფით კონტექსტში რუსეთის ტერიტორიაზე მცხოვრებ მუსულმანებს, წინასწარმეტყველ მუჰამედსა და ისლამურ რელიგიას. დადევის თქმით, ღრმადმორწმუნეობის გამო მას ამის მოთმენა არ შეეძლო.
საინტერესოა, რომ ამ მოტივის დასამტკიცებლად, გამოძიებას კითხვები არ უჩნდება. 2007 წელს ბორის ნემცოვმა ჟურნალ " ექსპერტთან" ინტერვიუში განაცხადა, რომ ვლადიმერ პუტინის ყველა მცდელობა, გაზარდოს შობადობა მუსულმანებით დასახლებულ ტერიტორიებზე "რუსეთის მომავლისთვის დამღუპველია". აღნიშნული განცხადების შემდეგ, ნემცოვი ისლამოფობიაში დაადანაშაულეს.
2015 წლის იანვარში, ფრანგული გამოცემა "შარლი ებდოს" კარიკატურისტების ჩაცხრილვის შემდეგ, პოლიტიკოსმა საკუთარ ბლოგზე დაწერა, რომ "ისლამი შუა საუკუნეებშია დარჩენილი", ხოლო იმ დროს მომხდარი მოვლენები "ისლამურ ინკვიზიციად" შერაცხა. მომხდარიდან რამდენიმე დღის შემდეგ, ნემცოვმა განაცხადა - "კადიროვმა უკვე ყველას თავი მოაბეზრა საკუთარი მუქარებით" და "მისი ადგილზე მოსმის დროს მოვიდა".
გამოძიების ვერსიის თანახმად, ეჭვმიტანილები ცდილობდნენ ნემცოვზე თვალთვალის განხორციელებას, ხოლო იმის მერე, რაც გაიგეს, რომ იგი რადიო "ექო მოსკოვის" ეთერში აპირებდა გამოსვლას, გადაწყვიტეს, რომ სწორედ ამ დროს უნდა მოეყვანათ სისრულეში საკუთარი ჩანაფიქრი.
სამართალდამცავი ორგანოების წყაროს განცხადებით, "დადაევმა პრაქტიკულად აღიარა ამ დანაშაულის ორგანიზება" და "რაიმე ხმაურიანი დაკავებების მოლოდინი საზოგადოებაში არ უნდა იყოს".
გარდა ამისა, რუსული "ყვითელი პრესა"
აქტიურად აშუქებს ინფორმაციას დაღუპული ბორის ნემცოვის პირადი ცხოვრების შესახებ. ცნობილი გახდა, რომ ოპოზიციონერს ანა დურიცკაიას გარდა, ურთიერთობა 31 წლის უკრაინელ მოდელთან, ზამირა დუგუჟევასთანაც ჰქონდა. ზამირას თქმით, მათ ერთმანეთი ორი წლის წინ, აქციაზე გაიცნეს და ნაცნობობა მოგვიანებით, რომანში გადაიზარდა.
”ამბობენ, რომ ბორისი ერთდროულად ორ ოჯახში ცხოვრობდა - ეს არ არის სიმართლე. ბორისს ის (ანა დურიცკაია) არ უყვარდა. მეუბნებოდა, რომ მასთან სერიოზული არაფერი აქვს” -განაცხადა დუგუჟევამ LifeNews-თან ინტერვიუში.
აღსანიშნავია, რომ ერთ-ერთი ვერსიით, ანა დურიცკაია შესაძლოა, მკვლელობის ერთ-ერთი თანამონაწილე იყოს.
წყარო: ambebi.ge
რუსულ მედიაში გავრცელებული ინფორმაციის თანახმად, ბორის ნემცოვის მკვლელობაში ბრალდებულმა ზაურ დადაევმა თითქოსდა განმარტა, რომ მკვლელობა რელიგიური მოტივით იყო ჩადენილი. ამის შესახებ ინფორმაციას "როსბალტი" სამართალდამცავ ორგანოებზე დაყრდნობით ავრცელებს.
შეგახსენებთ, რომ საქმის მოსმენის დაწყებამდე, სასამართლო დარბაზში მყოფმა დადაევმა ჟურნალისტებს მიმართა: "მე მიყვარს წინასწარმეტყველი მუჰამედი". ამის შემდეგ იგი დემონსტრაციულად შებრუნდა და დამსწრე საზოგადოებას აგრძნობინა, რომ საუბარი დასრულებულია.
სამართალდამცავი ორგანოების წყაროზე დაყრდნობით, დადაევმა განაცხადა, რომ 2015 წლის იანვარში გაიგო იმის შესახებ, რომ ბორის ნემცოვი არაერთხელ მოიხსენიებდა უარყოფით კონტექსტში რუსეთის ტერიტორიაზე მცხოვრებ მუსულმანებს, წინასწარმეტყველ მუჰამედსა და ისლამურ რელიგიას. დადევის თქმით, ღრმადმორწმუნეობის გამო მას ამის მოთმენა არ შეეძლო.
საინტერესოა, რომ ამ მოტივის დასამტკიცებლად, გამოძიებას კითხვები არ უჩნდება. 2007 წელს ბორის ნემცოვმა ჟურნალ " ექსპერტთან" ინტერვიუში განაცხადა, რომ ვლადიმერ პუტინის ყველა მცდელობა, გაზარდოს შობადობა მუსულმანებით დასახლებულ ტერიტორიებზე "რუსეთის მომავლისთვის დამღუპველია". აღნიშნული განცხადების შემდეგ, ნემცოვი ისლამოფობიაში დაადანაშაულეს.
2015 წლის იანვარში, ფრანგული გამოცემა "შარლი ებდოს" კარიკატურისტების ჩაცხრილვის შემდეგ, პოლიტიკოსმა საკუთარ ბლოგზე დაწერა, რომ "ისლამი შუა საუკუნეებშია დარჩენილი", ხოლო იმ დროს მომხდარი მოვლენები "ისლამურ ინკვიზიციად" შერაცხა. მომხდარიდან რამდენიმე დღის შემდეგ, ნემცოვმა განაცხადა - "კადიროვმა უკვე ყველას თავი მოაბეზრა საკუთარი მუქარებით" და "მისი ადგილზე მოსმის დროს მოვიდა".
გამოძიების ვერსიის თანახმად, ეჭვმიტანილები ცდილობდნენ ნემცოვზე თვალთვალის განხორციელებას, ხოლო იმის მერე, რაც გაიგეს, რომ იგი რადიო "ექო მოსკოვის" ეთერში აპირებდა გამოსვლას, გადაწყვიტეს, რომ სწორედ ამ დროს უნდა მოეყვანათ სისრულეში საკუთარი ჩანაფიქრი.
სამართალდამცავი ორგანოების წყაროს განცხადებით, "დადაევმა პრაქტიკულად აღიარა ამ დანაშაულის ორგანიზება" და "რაიმე ხმაურიანი დაკავებების მოლოდინი საზოგადოებაში არ უნდა იყოს".
გარდა ამისა, რუსული "ყვითელი პრესა"
აქტიურად აშუქებს ინფორმაციას დაღუპული ბორის ნემცოვის პირადი ცხოვრების შესახებ. ცნობილი გახდა, რომ ოპოზიციონერს ანა დურიცკაიას გარდა, ურთიერთობა 31 წლის უკრაინელ მოდელთან, ზამირა დუგუჟევასთანაც ჰქონდა. ზამირას თქმით, მათ ერთმანეთი ორი წლის წინ, აქციაზე გაიცნეს და ნაცნობობა მოგვიანებით, რომანში გადაიზარდა.
”ამბობენ, რომ ბორისი ერთდროულად ორ ოჯახში ცხოვრობდა - ეს არ არის სიმართლე. ბორისს ის (ანა დურიცკაია) არ უყვარდა. მეუბნებოდა, რომ მასთან სერიოზული არაფერი აქვს” -განაცხადა დუგუჟევამ LifeNews-თან ინტერვიუში.
აღსანიშნავია, რომ ერთ-ერთი ვერსიით, ანა დურიცკაია შესაძლოა, მკვლელობის ერთ-ერთი თანამონაწილე იყოს.
წყარო: ambebi.ge
