მოდური ნოუ-ჰაუ რიანასგან: კაბა "საჰაეროთი"

რიანამ იცის, როგორ მიიპყროს გარშემომყოფთა ყურადღება თამამი ჩაცმულობით. ახლახან მომღერალი ფოტოგრაფებმა ლოს-ანჯელესში, კლუბ Eden-თან დააფიქსირეს.

ლამაზმანი არა მარტო თავისი ახალი მოკლე ვარცხნილობით იწონებდა თავს, არამედ ბაცი-რუხი ფერის მინი-კაბითაც, რომელსაც ერთი ძალიან საგულისხმო დეტალი ამშვენებდა - თეძოზე მრგვალად ამონაჭერი.

მისმა ბოლო "მიღწევამ" - მინი-კაბამ "საჰაეროთი" თეძოზე - ყოველგვარ მოლოდინს გადააჭარბა. თანაც, სავარაუდოდ, რიანამ ამჯერადაც უგულებელყო ქვედა საცვალი...

სხვათა შორის, კრის ბრაუნი, რომელსაც რი დღემდე ვერ ივიწყებს, მეზობელ კლუბში, The Sayers-ში იმყოფებოდა. პორტალ Mail On Line-ის ცნობით, რიანა ყველანაირად გაურბოდა ყოფილ ბოიფრენდთან შეხვედრას. ამიტომაც ყველგან დაქალთან, მელისა ფორდთან ხელჩაკიდებული დადიოდა...

მაგრამ ეს უკვე სულ სხვა ისტორიაა. რას ფიქრობთ რიანას კაბაზე?