ელენე კალანდაძემ შვილი ანეკდოტების მოყოლით გააჩინა
1 581 ნახვა
მას შემდეგ, რაც მომღერალმა ელენე კალანდაძემ პროექტ ''ერთი ერთში'' გაიმარჯვა, მის პირად ცხოვრებაშიც სასიამოვნო ცვლილებები მოხდა. მომღერალი გათხოვდა და უკვე 4 თვის შვილიც ჰყავს, მიუხედავად ამისა, ძალიან აქტიურია და 2015 წლის მთავარ გეგმად ბენდის ჩამოყალიბებას ასახელებს.
- კარიერაში ჯერჯერობით სიახლე არ მაქვს, მომბეზრდა ერთი და იმავე რაღაცის კეთება, ანუ ქავერების შესრულება. ეს ძალიან კარგი დასაწყისია ახალბედა მომღერლისთვის, მაგრამ დროთა განმავლობაში რაღაცით უნდა შეცვალო. ახლა მინდა, სხვა ეტაპზე გადავიდე, ვეძებ კარგ მუსიკოსებს ბენდისთვის, რომლებიც ჩემთან ერთად იშრომებენ, დაიწერება ახალი სიმღერები...
ვაგრძელებ ერთ-ერთ სტუდიაში მუშაობას. სამსახური, რომელიც დილიდან საღამომდე ჩემს იქ ყოფნას მოითხოვს, არ მაქვს, თუმცა, ვფიქრობ, მჭირდება.
- საუბარი გავაგრძელოთ შენი შვილით, რომელმაც ალბათ ყველაფერი შეცვალა შენ გარშემო.
- ვერ ვიტყვი, რომ ბავშვმა პირადად მე, ელენე კალანდაძე, შემცვალა, ზუსტად ისეთივე ცოცხალი, ენერგიული ვარ, როგორც მანამდე. უბრალოდ, ლილიმ არაჩვეულებრივი ემოციები მაჩუქა, რაღაც ფანტასტიკური ხდება ჩემს თავს.
- როგორი ორსულობა გქონდა?
- ფანტასტიკური. თავიდანვე ასეთი განწყობით ვიყავი, რომ უნდა მქონოდა კარგი ფეხმძიმობა, გამეტარებინა მშვენიერი ცხრა თვე და მემშობიარა მარტივად. ყველაფერი მართლა ასე მოხდა, მთელი ცხრა თვე საერთოდ არაფერს შევუწუხებივარ, ისე გავიარე ფეხმძიმობა, არანაირი შეგრძნება არ მქონია, ტოქსიკოზს, ტონუსს არ შევუწუხებივარ, შეიძლება ითქვას, ოქროს ხანა მქონდა. მშობიარობის პერიოდიც ძალიან მხიარულად, ანეკდოტების მოყოლაში გავატარე, ბებიაქალი მიყვებოდა ანეკდოტებს. არა ჩემი თხოვნით, არამედ საკუთარი სურვილით. ჩემი მეუღლე ბოლომდე დაესწრო მშობიარობას, რაც ძალიან მესიამოვნა. ჩემთვის დიდი ძალა იყო, თვითონაც არ ნერვიულობდა, იმიტომ, რომ მეც მშვიდად ვიყავი.
- სახელი ვინ შეურჩია ლილის?
- როცა სქესი გავიგეთ და სახელზე ფიქრი დავიწყე, პირველივე, რაც თავში მომივიდა, იყო ლილი, მაგრამ არ ვთქვი. მერე ოთოს ვკითხე, სახელი ლილი
როგორ მოგწონს-მეთქი, მეც მაგას ვფიქრობდი, მაგრამ მეგონა, შენ არ მოგეწონებოდა და არაფერს გეუბნებოდიო. მერე აღმოჩნდა, რომ ჩემი მეუღლის ბებიას ლილი ერქვა, თუმცა შვილისთვის ეს სახელი ამ მოტივით არ დაგვირქმევია, ჩვენ თვითონ მოვიფიქრეთ.
- ოთო გეხმარება ბავშვის მოვლაში?
- კი, ყველაფრის გაკეთება შეუძლია, საჭმლის მომზადება, პამპერსის გამოცვლა, დაბანაც კი და ეს არაჩვეულებრივად გამოსდის (იღიმის).
- რა შეცვალა ლილიმ ოთოსა და შენს ურთიერთობაში, გარდა იმისა, რომ გაჩნდა საზრუნავი?
- ეგ არაფერია, ჩვენ მზად ვიყავით იმისთვის, რომ ლილის დაბადების შემდეგ ჩვენს ცხოვრებაში ბევრი რამ შეიცვლებოდა, მაგრამ თავისუფლება ნამდვილად არ მოგვკლებია. ჩემთვის თავისუფლება მაინცდამაინც ის არაა, რომ ღამით გავიდე გოგონებთან ერთად და სადმე დავჯდე, ამას მერეც გავაკეთებ, როცა ლილი წამოიზრდება და ეს არაა მთავარი, ლილიმ შეცვალა ის, რომ უფრო მეტი სიყვარული მოგვიტანა, ცხოვრება გაგვიხალისა.
- ელენე, ახლა მოგვიყევი, საიდან დაიწყო შენი და ოთოს ურთიერთობა?
- ოთო პირველად გავიცანი ლუდის ფესტივალზე, სადაც ბენდთან ერთად ვმღეროდი. მანამდე ვიცოდი, რომ არსებობდა ასეთი ადამიანი, ისიც ვიცოდი, რომ გოგონებში პოპულარობით სარგებლობდა, მაგრამ ვერასდროს წარმოვიდგენდი, რომ ჩემი ქმარი გახდებოდა. თავიდან არც არანაირი გრძნობა არ მქონია მის მიმართ. მერე ისე შემომეპარა ეს ადამიანი, რომ ვერც მივხვდი. ეს ყველაფერი კი გაღვივდა იმ პერიოდში, როცა მე ''ერთი ერთში'' ვმონაწილეობდი. ჩვენი შეყვარებულობის პერიოდი რამდენიმე თვეს გაგრძელდა, მაგრამ ეს საკმარისი აღმოჩნდა იმისთვის, რომ მისი ცოლი გავმხდარიყავი, უბრალოდ გადავწყვიტეთ, ერთად გვეცხოვრა და ასეც მოვიქეცით. დღემდე არ მქონია ქორწილი და ამის საჭიროებას ვერ ვხედავ, ერთხელ მქონდა ქორწილი და ვნახე, რაც არის, კარგი იყო, მაგრამ... ეს არაფერი არაა. იმდენად დარწმუნებული ვიყავი, რომ ოთო მთელი ცხოვრება ჩემი მეუღლე იქნებოდა, მაშინვე დავიწყეთ ფიქრი, რომ გვინდოდა გვყოლოდა ჩვენი სიყვარულის ნაყოფი.
- პირადში პირველად არ გაგიმართლა, ამის შემდეგ არ გაგიჭირდა ურთიერთობის აწყობა?
- პირველმა გამოცდილებამ იმედგაცრუება მომიტანა და მერე აღარ ვიცოდი, ღირდა თუ არა ნდობა... ოთომდე ყველა ადამიანთან დისტანცია მქონდა, მამრობითი სქესის წარმომადგენლებისგან თავს შორს ვიჭერდი, ოთო კი თავად დამეცა თავზე, მე უბრალოდ დავიჭირე და ჩემი გახდა.
- როგორც ყველას, თქვენც თუ გაქვთ სადავო საკითხები?
- ბევრჯერ გვიკამათია ჯანსაღად, თავზე დალეწვებით არა, ისე, როგორც ნორმალურ ადამიანებს შეეფერებათ, მაგრამ ბოლოს კონსენსუსამდე მივდივართ. ვცდილობთ, ძალიან მეგობრული ურთიერთობა გვქონდეს და გამოგვდის კიდეც, ალბათ იმიტომ, რომ თავიდან მე-გობრობით დავიწყეთ ყველაფერი, მართლა კარგი მეგობრები ვიყავით, ყველანაირ საკითხზე ვსაუბრობდით.
- როცა კარგი მეგობარი სიყვარულში გამოგიტყდა, არ გაგიკვირდა?
- მე ვაგრძნობინე, რომ მის ჩემდამი დამოკიდებულებას ვხვდებოდი. ერთ დღეს ოთოში სხვანაირი გამოხედვა დავინახე და მივხვდი, სიტუაცია შეიცვალა, აღმოვაჩინე, რომ გაპრანჭვა დავიწყეთ და მერე უკვე ყველაფერი ცხადი გახდა.
- რამდენად მოსწონს ოთოს ელენე სცენაზე?
- ძალიან, ძალიან მოსწონს და ხელს მიწყობს, რომ რაღაც ახალი ვაკეთო, სცენაზე ვიდგე, ცდილობს, სტიმული მომცეს. ''ერთი ერთშის'' დროს ოთო და მისი მეგობარი მედგნენ გვერდით, მათ ძალიან დიდი წვლილი მიუძღვით ჩემს გამარჯვებაში. როცა ოთოს პირველად ლუდის ფესტივალზე დავუნახივარ, თავისივე თანამშრომლისთვის უთქვამს, ეს გოგო ჩემი ცოლი უნდა გახდესო. ჩვენი შეყვარებულობა რომ დაიწყო და მომიყვა ამ ამბავს, ისე დამახასიათა, იმდენი პოზიტივი დაუნახავს ჩემში, რომ მართლა ძალიან გამიხარდა. დღესაც კი სულ იმას მეუბნება, მოდუნების საშუალებას არ მოგცემო. ქმარი რომ ასეთ რაღაცას ამბობს, ეს ძალიან დიდი სტიმულია იმისთვის, საქმე კარგად აკეთო.
წყარო: reitingi.ge
- კარიერაში ჯერჯერობით სიახლე არ მაქვს, მომბეზრდა ერთი და იმავე რაღაცის კეთება, ანუ ქავერების შესრულება. ეს ძალიან კარგი დასაწყისია ახალბედა მომღერლისთვის, მაგრამ დროთა განმავლობაში რაღაცით უნდა შეცვალო. ახლა მინდა, სხვა ეტაპზე გადავიდე, ვეძებ კარგ მუსიკოსებს ბენდისთვის, რომლებიც ჩემთან ერთად იშრომებენ, დაიწერება ახალი სიმღერები...
ვაგრძელებ ერთ-ერთ სტუდიაში მუშაობას. სამსახური, რომელიც დილიდან საღამომდე ჩემს იქ ყოფნას მოითხოვს, არ მაქვს, თუმცა, ვფიქრობ, მჭირდება.
- საუბარი გავაგრძელოთ შენი შვილით, რომელმაც ალბათ ყველაფერი შეცვალა შენ გარშემო.
- ვერ ვიტყვი, რომ ბავშვმა პირადად მე, ელენე კალანდაძე, შემცვალა, ზუსტად ისეთივე ცოცხალი, ენერგიული ვარ, როგორც მანამდე. უბრალოდ, ლილიმ არაჩვეულებრივი ემოციები მაჩუქა, რაღაც ფანტასტიკური ხდება ჩემს თავს.
- როგორი ორსულობა გქონდა?
- ფანტასტიკური. თავიდანვე ასეთი განწყობით ვიყავი, რომ უნდა მქონოდა კარგი ფეხმძიმობა, გამეტარებინა მშვენიერი ცხრა თვე და მემშობიარა მარტივად. ყველაფერი მართლა ასე მოხდა, მთელი ცხრა თვე საერთოდ არაფერს შევუწუხებივარ, ისე გავიარე ფეხმძიმობა, არანაირი შეგრძნება არ მქონია, ტოქსიკოზს, ტონუსს არ შევუწუხებივარ, შეიძლება ითქვას, ოქროს ხანა მქონდა. მშობიარობის პერიოდიც ძალიან მხიარულად, ანეკდოტების მოყოლაში გავატარე, ბებიაქალი მიყვებოდა ანეკდოტებს. არა ჩემი თხოვნით, არამედ საკუთარი სურვილით. ჩემი მეუღლე ბოლომდე დაესწრო მშობიარობას, რაც ძალიან მესიამოვნა. ჩემთვის დიდი ძალა იყო, თვითონაც არ ნერვიულობდა, იმიტომ, რომ მეც მშვიდად ვიყავი.
- სახელი ვინ შეურჩია ლილის?
- როცა სქესი გავიგეთ და სახელზე ფიქრი დავიწყე, პირველივე, რაც თავში მომივიდა, იყო ლილი, მაგრამ არ ვთქვი. მერე ოთოს ვკითხე, სახელი ლილი
როგორ მოგწონს-მეთქი, მეც მაგას ვფიქრობდი, მაგრამ მეგონა, შენ არ მოგეწონებოდა და არაფერს გეუბნებოდიო. მერე აღმოჩნდა, რომ ჩემი მეუღლის ბებიას ლილი ერქვა, თუმცა შვილისთვის ეს სახელი ამ მოტივით არ დაგვირქმევია, ჩვენ თვითონ მოვიფიქრეთ.
- ოთო გეხმარება ბავშვის მოვლაში?
- კი, ყველაფრის გაკეთება შეუძლია, საჭმლის მომზადება, პამპერსის გამოცვლა, დაბანაც კი და ეს არაჩვეულებრივად გამოსდის (იღიმის).
- რა შეცვალა ლილიმ ოთოსა და შენს ურთიერთობაში, გარდა იმისა, რომ გაჩნდა საზრუნავი?
- ეგ არაფერია, ჩვენ მზად ვიყავით იმისთვის, რომ ლილის დაბადების შემდეგ ჩვენს ცხოვრებაში ბევრი რამ შეიცვლებოდა, მაგრამ თავისუფლება ნამდვილად არ მოგვკლებია. ჩემთვის თავისუფლება მაინცდამაინც ის არაა, რომ ღამით გავიდე გოგონებთან ერთად და სადმე დავჯდე, ამას მერეც გავაკეთებ, როცა ლილი წამოიზრდება და ეს არაა მთავარი, ლილიმ შეცვალა ის, რომ უფრო მეტი სიყვარული მოგვიტანა, ცხოვრება გაგვიხალისა.
- ელენე, ახლა მოგვიყევი, საიდან დაიწყო შენი და ოთოს ურთიერთობა?
- ოთო პირველად გავიცანი ლუდის ფესტივალზე, სადაც ბენდთან ერთად ვმღეროდი. მანამდე ვიცოდი, რომ არსებობდა ასეთი ადამიანი, ისიც ვიცოდი, რომ გოგონებში პოპულარობით სარგებლობდა, მაგრამ ვერასდროს წარმოვიდგენდი, რომ ჩემი ქმარი გახდებოდა. თავიდან არც არანაირი გრძნობა არ მქონია მის მიმართ. მერე ისე შემომეპარა ეს ადამიანი, რომ ვერც მივხვდი. ეს ყველაფერი კი გაღვივდა იმ პერიოდში, როცა მე ''ერთი ერთში'' ვმონაწილეობდი. ჩვენი შეყვარებულობის პერიოდი რამდენიმე თვეს გაგრძელდა, მაგრამ ეს საკმარისი აღმოჩნდა იმისთვის, რომ მისი ცოლი გავმხდარიყავი, უბრალოდ გადავწყვიტეთ, ერთად გვეცხოვრა და ასეც მოვიქეცით. დღემდე არ მქონია ქორწილი და ამის საჭიროებას ვერ ვხედავ, ერთხელ მქონდა ქორწილი და ვნახე, რაც არის, კარგი იყო, მაგრამ... ეს არაფერი არაა. იმდენად დარწმუნებული ვიყავი, რომ ოთო მთელი ცხოვრება ჩემი მეუღლე იქნებოდა, მაშინვე დავიწყეთ ფიქრი, რომ გვინდოდა გვყოლოდა ჩვენი სიყვარულის ნაყოფი.
- პირადში პირველად არ გაგიმართლა, ამის შემდეგ არ გაგიჭირდა ურთიერთობის აწყობა?
- პირველმა გამოცდილებამ იმედგაცრუება მომიტანა და მერე აღარ ვიცოდი, ღირდა თუ არა ნდობა... ოთომდე ყველა ადამიანთან დისტანცია მქონდა, მამრობითი სქესის წარმომადგენლებისგან თავს შორს ვიჭერდი, ოთო კი თავად დამეცა თავზე, მე უბრალოდ დავიჭირე და ჩემი გახდა.
- როგორც ყველას, თქვენც თუ გაქვთ სადავო საკითხები?
- ბევრჯერ გვიკამათია ჯანსაღად, თავზე დალეწვებით არა, ისე, როგორც ნორმალურ ადამიანებს შეეფერებათ, მაგრამ ბოლოს კონსენსუსამდე მივდივართ. ვცდილობთ, ძალიან მეგობრული ურთიერთობა გვქონდეს და გამოგვდის კიდეც, ალბათ იმიტომ, რომ თავიდან მე-გობრობით დავიწყეთ ყველაფერი, მართლა კარგი მეგობრები ვიყავით, ყველანაირ საკითხზე ვსაუბრობდით.
- როცა კარგი მეგობარი სიყვარულში გამოგიტყდა, არ გაგიკვირდა?
- მე ვაგრძნობინე, რომ მის ჩემდამი დამოკიდებულებას ვხვდებოდი. ერთ დღეს ოთოში სხვანაირი გამოხედვა დავინახე და მივხვდი, სიტუაცია შეიცვალა, აღმოვაჩინე, რომ გაპრანჭვა დავიწყეთ და მერე უკვე ყველაფერი ცხადი გახდა.
- რამდენად მოსწონს ოთოს ელენე სცენაზე?
- ძალიან, ძალიან მოსწონს და ხელს მიწყობს, რომ რაღაც ახალი ვაკეთო, სცენაზე ვიდგე, ცდილობს, სტიმული მომცეს. ''ერთი ერთშის'' დროს ოთო და მისი მეგობარი მედგნენ გვერდით, მათ ძალიან დიდი წვლილი მიუძღვით ჩემს გამარჯვებაში. როცა ოთოს პირველად ლუდის ფესტივალზე დავუნახივარ, თავისივე თანამშრომლისთვის უთქვამს, ეს გოგო ჩემი ცოლი უნდა გახდესო. ჩვენი შეყვარებულობა რომ დაიწყო და მომიყვა ამ ამბავს, ისე დამახასიათა, იმდენი პოზიტივი დაუნახავს ჩემში, რომ მართლა ძალიან გამიხარდა. დღესაც კი სულ იმას მეუბნება, მოდუნების საშუალებას არ მოგცემო. ქმარი რომ ასეთ რაღაცას ამბობს, ეს ძალიან დიდი სტიმულია იმისთვის, საქმე კარგად აკეთო.
წყარო: reitingi.ge
