100 წლის მარათონელი

მსოფლიოში ყველაზე ხანდაზმული მარათონელი, 100 წლის ფაუჯა სინგხი, ლონდონში ცხოვრობს. ის გინესის რეკორდების წიგნში უკვე შევიდა. ფაუჯა 2012 წლის ბოლოს ედინბურგის მარათონში 42 კმ–ის გარბენას აპირებს. ასაკის მიუხედავად, ინდუსი ყოველდღე ვარჯიშობს და 16 კილომეტრიან დისტანციას თავისუფლად ფარავს.

სინგხი 89 წლის იყო, როცა მძლეოსნობით დაინტერესდა. დღემდე მას 7 მარათონში აქვს მონაწილეობა მიღებული.

ყველაზე ასაკოვანი მარათონელის თქმით, მისი დღეგრძელობა ჯანსაღმა კვებამ განაპირობა. მიუხედავად იმისა, რომ სინგხს მეუღლე და ვაჟი გარდაცვლილი ჰყავს, ცხოვრებას იმედის თვალით უყურებს და ქველმოქმედებასაც ხშირად ეწევა.