ფეხმძიმე ქეთა თოფურიას მოდური რჩევები და პირადი ფოტოები

ქეთა თოფურია რომ ორსულადაა, ეს ახალი ამბავი აღარაა. თავად ქეთა არაფერს ამბობს, თუმცა მისმა მეგობრებმა, მათ შორის ჰეიდარ ალიევის მომღერალმა სიძემ ემინ აგალაროვმა, ეს ფაქტი დაადასტურეს.

ქეთა ბოლო დროს სცენაზე ძირითადად თავისუფალი კაბებით გამოდის, ჩვეულებრივ ცხოვრებაში კი ჯერ კიდევ მომდგარი სამოსი აცვია. თუმცა ''ინსტაგრამზე'' მის პირად ფოტოებს თუ გადავავლებთ თვალს, ზოგიერთ სელფი-ფოტოში ქეთას ორსულებისთვის დამახასიათებელ ჟესტს შენიშნავთ - ხელი მუცელზე უდევს.



ქეთა რუსეთში კვლავაც სტილის ერთ-ერთი დედოფალია და არა მარტო სათანადო ტიტულებით აღნიშნავენ ამას, არამედ რჩევებსაც ხშირად ეკითხებიან. ცოტა ხნის წინ ქეთას დაეკითხნენ, ამ კრიზისულ პერიოდში როგორ უნდა მოახერხოს ქალმა, დარჩეს მოდური და გემოვნებიანი და ეკონომიაც გააკეთოს.



''მთავარი განწყობაა,- ამბობს ქეთა,- მე ნებისმიერი სხვა გოგონასავით სამოსს განწყობის მიხედვით ვირჩევ. რაც შეეხება სტილთან დაკავშირებულ რჩევებს, აქ მთავარია, როგორ წარადგენ თავს. შეიძლება, ტომარა გადაიცვა, მაგრამ თუ მთლიანობაში შენი გარეგნობა გააზრებულია, სახე კი ღიმილიანი გაქვს, მაინც მაგრად გამოიყურები''.



რაც შეეხება კრიზისს, მომღერალს ამაზეც თავისი აზრი აქვს: ''სიამოვნებით ვიცვამ პოპულარული დიზაინერების სამოსს, მაგრამ ჩვეულებრივი მარკის სამოსიც ბევრი მაქვს. ეს ყოველდღიურ ცხოვრებაში ძალიან მოსახერხებელია. საბოლოო ჯამში, სულაც არ აქვს მნიშვნელობა, რომელი ნივთი რა ღირს. ცოტა ფანტაზია, სტილის განცდა და- შესანიშნავი ხარ!''