„ქრისტე აღსდგა! ჭეშმარიტად აღსდგა!“
2 151 ნახვა
ეს ქრისტიანული მისალმება მორწმუნეებისათვის ცვლის ჩვეულებრივ მისალმებას, აღდგომის დღესასწაულიდან მოკიდებული, ამაღლებამდე.
უფლის აღდგომით გამოწვეული სიხარულის გამომხატველი სიტყვები მრავალგზის გაისმის სააღდგომო მღვდელმსახურების დროს: “ცისკრის” შემდეგ მღვდელმსახურები ერთმანეთს ქრისტეს აღდგომას ულოცავენ საკურთხეველში. ტაძრის წინამძღვარი, დანარჩენი მღვდლები და დიაკვნები ერთმანეთს ეუბნებიან: „ქრისტე აღსდგა!“ და პასუხობენ: „ჭეშმარიტად აღსდგა!“
ასევე ესალმებიან ერთმანეთს ერისკაცებიც. შემდეგ ღვთისმსახურები გამოდიან საკურთხევლიდან, მორწმუნეთ ამბიონიდან ულოცავენ ქრისტეს ბრწყინვალე აღდგომას და სამგზის მიმართავენ მათ: „ქრისტე აღსდგა!“ მრევლი კი პასუხობს:„ჭეშმარიტად აღსდგა!“ ეს ტრადიცია ჯერ კიდევ მოციქულთა დროიდან იღებს სათავეს. ამ სიხარულის გამომხატველი სიტყვების წარმოთქმა დღემდე იმავე სიხარულს ბადებს მართლმადიდებელ მორწმუნეებში, როგორიც ჰქონდათ უფლის აღდგომის თვითმხილველთ. ნიშანდობლივია, რომ მსგავსი წეს–ჩვეულება სხვა ქრისტიანულ კონფესიებსაც გააჩნიათ, ოღონდ არა ღვთისმსახურების გარეშე.
მართლმადიდებელ ქრისტიანებში კი, ტრადიციის მიხედვით, ორი ქრისტიანის შეხვედრისას, აღდგომიდან ამაღლებამდე მისალმების პირველ ნაწილს ამბობს ასაკით (ან საეკლესიო იერარქიით) უმცროსი, ხოლო პასუხობს – უფროსი. საერო პირის შეხვედრისას საეკლესიოსთან, პირველი მიმართავს: „ქრისტე აღსდგა! მაკურთხე მამაო“, მეორე კი პასუხობს: „ჭეშმარიტად! ღმერთმა გაკურთხოს!“
არსებობს ამ მისალმების სხვადასხვა ენებზე გამოთქმის ჩანაწერის შედგენის ტრადიცია, როგორც ქრისტიანთა ენებისა და კულტურათა ერთობის ნიშანი.
უფლის აღდგომით გამოწვეული სიხარულის გამომხატველი სიტყვები მრავალგზის გაისმის სააღდგომო მღვდელმსახურების დროს: “ცისკრის” შემდეგ მღვდელმსახურები ერთმანეთს ქრისტეს აღდგომას ულოცავენ საკურთხეველში. ტაძრის წინამძღვარი, დანარჩენი მღვდლები და დიაკვნები ერთმანეთს ეუბნებიან: „ქრისტე აღსდგა!“ და პასუხობენ: „ჭეშმარიტად აღსდგა!“
ასევე ესალმებიან ერთმანეთს ერისკაცებიც. შემდეგ ღვთისმსახურები გამოდიან საკურთხევლიდან, მორწმუნეთ ამბიონიდან ულოცავენ ქრისტეს ბრწყინვალე აღდგომას და სამგზის მიმართავენ მათ: „ქრისტე აღსდგა!“ მრევლი კი პასუხობს:„ჭეშმარიტად აღსდგა!“ ეს ტრადიცია ჯერ კიდევ მოციქულთა დროიდან იღებს სათავეს. ამ სიხარულის გამომხატველი სიტყვების წარმოთქმა დღემდე იმავე სიხარულს ბადებს მართლმადიდებელ მორწმუნეებში, როგორიც ჰქონდათ უფლის აღდგომის თვითმხილველთ. ნიშანდობლივია, რომ მსგავსი წეს–ჩვეულება სხვა ქრისტიანულ კონფესიებსაც გააჩნიათ, ოღონდ არა ღვთისმსახურების გარეშე.
მართლმადიდებელ ქრისტიანებში კი, ტრადიციის მიხედვით, ორი ქრისტიანის შეხვედრისას, აღდგომიდან ამაღლებამდე მისალმების პირველ ნაწილს ამბობს ასაკით (ან საეკლესიო იერარქიით) უმცროსი, ხოლო პასუხობს – უფროსი. საერო პირის შეხვედრისას საეკლესიოსთან, პირველი მიმართავს: „ქრისტე აღსდგა! მაკურთხე მამაო“, მეორე კი პასუხობს: „ჭეშმარიტად! ღმერთმა გაკურთხოს!“
არსებობს ამ მისალმების სხვადასხვა ენებზე გამოთქმის ჩანაწერის შედგენის ტრადიცია, როგორც ქრისტიანთა ენებისა და კულტურათა ერთობის ნიშანი.
