ლინდსი ლოჰანი დააპატიმრეს
რთი თვეც არ გასულა ძვირფასეულობის დაკარგვასთან დაკავშირებული ინციდენტიდან, სადაც ლინდსი ლოჰანი ფიგურირებდა თავდაპირველად როგორც მოწმე, შემდეგ კი, როგორც ბრალდებული.
მაშინ ყველაფერი ჩაიფარცხა, ლინდსი გადარჩა, რადგან ძვირფასეულობის პატრონმა სასამართლოდან სარჩელი გამოიტანა. ამჯერად საქმე ბევრად სერიოზულადაა.
ლინდსი ცდილობდა, საკუთარი ჯიპი სასტუმროსთან გაეჩერებინა. სწორედ ამ დროს დაეჯახა ის 30 წლის მამაკაცს. დაზარალებული მუხლის მსუბუქი ტრავმით გამოძვრა, მაგრამ პოლიცია მაინც გამოიძახა.
ლინდსი კი თავისი შემთხვევითი მსხვერპლით არ დაინტერესებულა: ის და მისი თანამგზავრები მაშინვე სასტუმროსკენ გაემართნენ. სწორედ ამ უპასუხისმგებლობისთვის აგო პასუხი მსახიობმა: ლინდსი ნახევარ საათში, სასტუმროდან გამოსვლისას დააპატიმრეს.
მიუხედავად იმისა, რომ დანაშაული მძიმე არ არის, ლინდსის მაინც ცუდ სამსახურს გაუწევს. მსახიობმა კვლავ დაარღვია კანონი და სამართალდამცავების ყურადღება მიიქცია. მას დაეკისრება სოლიდური ჯარიმის გადახდა და მორიგი პორცია საზოგადოებრივი სამუშაოების შესრულება.
