ოთარ ტატიშვილის შვილის ''X ფაქტორი'' - ''ჩემს შეყვარებულთან ბევრი რამ მივქარე…''
1 700 ნახვა
ამ ორშაბათის ''X ფაქტორის'' ერთ-ერთი მონაწილე ტელეწამყვან ოთარ ტატიშვილის ვაჟი შოთიკო ტატიშვილი იქნება. მანამდე ის რედაქციაში მოვიწვიეთ საკუთარ მუსიკალურ ნიჭზე სასაუბროდ. როგორც აღმოჩნდა, ის სულ სხვა პროფესიაზე ფიქრობს და სწავლობს კიდევაც შესაბამის ფაკულტეტზე, თუმცა მუსიკა ძალიან უყვარს და გარდა ამისა, უამრავი გატაცება აქვს.
- მამას რომ კარგი მუსიკალური გემოვნება აქვს, ეს ყველამ ვიცით. შენ სიმღერა როდის დაიწყე?
- სიმღერა, ვოკალზე სიარული 5 წლიდან დავიწყე. ბევრ კონკურსშიც მიმიღია მონაწილეობა. პატარა რომ ვიყავი, 2-3 წლის, მაგნიტოფონს შევიტანდი ოთახში და კლასიკურ მუსიკაზე ვდირიჟორობდი (იცინის). ჯაზის შეყვარებაში კი მამამ და ბიძამ შეიტანეს დიდი წვლილი, მასმენინებდნენ ''ქაუნთ ბეისის'', დიუკ ელინგტონს, ოსკარ პიტერსონს და ა.შ. არა მხოლოდ ბავშვებისთვის, არამედ მოზრდილებისთვისაც რთულად მოსასმენი მუსიკაა და, სამწუხაროდ, საქართველოში, ზოგადად, ჭირს ამგვარი მუსიკის აღქმა, მაგრამ კლასიკური მუსიკის სიყვარულმა გამიადვილა ჯაზის მიღება. დღეს კი ამ მუსიკალური მიმართულებით ვკაიფობ ყველაზე მეტად, თუმცა ყველა სტილს ვუსმენ.
ძალიან ვარ დაინტერესებული, ვეძებ ახალ ჯაზმუსიკოსებს, მომღერლებს, დრამერებსა და ზოგადად ინსტრუმენტალისტებს. ვცდილობ, ახლებისგან რაღაცები ვისწავლო, ძველები უკვე ძალიან ბევრჯერ მაქვს მოსმენილი. ერთ-ერთი ძალიან საინტერესო მომღერალი აღმოვაჩინე, ნიკი იანოვსკი, დღეს უკვე ცნობილია, მაგრამ ინტერნეტში მოვისმინე ალბათ 4 წლის წინ.
- შენს სიმღერას რომ დავუბრუნდეთ, საესტრადო შესრულებაზე როგორ აისახა ასეთი მრავალფეროვანი მუსიკალური გემოვნება?
- სადაც უნდა წახვიდე, სულ გიწევს სიმღერების შესრულება, რაც ნაკლებად გიყვარს. სუფრასთან კლასიკური ჯაზის შესრულება არავის ესიამოვნება და ყურსაც არ დაგიგდებენ, მაგრამ გიტარას რომ დავიკავებ ხელში და ქალაქურ სიმღერას ვასრულებ, იქაც განსხვავებულად შესრულებას ვცდილობ (იღიმის). ყველაფერს თავისი ადგილი, დრო და გარემო აქვს.
- ''X ფაქტორში'' მონაწილეობა რატომ გადაწყვიტე?
- ბაბუაჩემს, დედაჩემის მამას, სულ უნდოდა, კონკურსში მიმეღო მონაწილეობა. 12 წლის შემდეგ არსად აღარ გამოვჩენილვარ, ''ანა-ბანას'', ''საბავშვო მტრედისა'' და ''ევროვიზიის'' შემდეგ გარკვეული პაუზა მქონდა. ბაბუაჩემი ჩემთვის ყველაზე საყვარელი ადამიანია და ვცდილობ, მას ''გავუსწორო'' (იღიმის). ის 69 წლისაა. საკმაოდ ენერგიული, ყოველდღე ვარჯიშობს კუს ტბაზე, მეც ვცდილობ აყოლას, მაგრამ მიჭირს. სულ მთხოვდა ხოლმე, კარგად ისწავლე, გახდი და ''X ფაქტორში'' მიიღე მონაწილეობაო (იღიმის). ყველა თხოვნა შესრულებულია. პირველი გამოსვლის შემდეგ 11 კილო დავიკელი, სწორი კვებითა და ვარჯიშით. ასევე დაკავებული ვარ კრივით და ცურვით.
- ვინ გიწყობს ხელს?
- დედა ყველანაირად მიწყობს ხელს. დედაჩემი, ეკატერინე არჩვაძე, პელე გოგოა. რაც კი ჩემსა და ჩემს ძმაში დევს, უმეტესობა დედაჩემის დამსახურებაა. ადრე რაღაცები მოხდა, მამა და დედა დაშორდნენ და დედამ თავისი ყველანაირი ენერგია და ძალა ჩვენში ჩადო. მამა უცხოეთში იყო, დედამ თავისი პირადი დაივიწყა, აღარ გათხოვილა და ჩვენ მოგვიძღვნა თავი.
ალბათ, ბანალურ ფრაზას ვიტყვი, მაგრამ დედაჩემი არის ჩემი ძმაკაცი. მას ყველაფერს ვუყვები, იქნება ეს პირადული თუ არაპირადული ამბები. თუნდაც სწავლასთან დაკავშირებით თუ მაქვს პრობლემა, არ ვმალავ და სწორ რჩევებს მაძლევს. რამდენჯერაც დედამ ჭკუა დამარიგა და არ დავუჯერე, იმდენჯერ მოვიტეხე კისერი (იცინის). ყველაზე მეტად ის მიხარია, რომ მე დედის მეგობრებთან ვახლობლობ და ასევეა დედა ჩემს ძმაკაცებთან.
- მამამ როგორ მიიღო შენი კონკურსზე გამოჩენა?
- მას სიურპრიზი გავუკეთე და ერთი დღით ადრე ვუთხარი, რომ ''X ფაქტორში'' გამოვდიოდი. სხვათა შორის, მამა და ბიძა კონკურსებზე გამოსვლას ყოველთვის ეწინააღმდეგებოდნენ. მეც გარკვეულწილად ვეთანხმები. კონკურსზე გამოსვლით თავს მხოლოდ დროის გარკვეულ მონაკვეთში გაიპიარებ, თუმცა შეგიძლია ხალხს თავი გააცნო. სხვათა შორის, ძალიან აზარტული და საინტერესო გამოდგა (იღიმის).
პირველ ტურზე მამა გამომყვა საგულშემატკივროდ. სცენაზე რომ გამოვედი, ანრი ჯოხაძემ მიცნო. მომიკითხა და ჟიურის სხვა წევრებმა იკითხეს, ვინ არისო. ანრიმ უპასუხა, ვისი შვილიც ვარ, მაგრამ მე არ მინდოდა ამის გამჟღავნება. ხომ იცით, მაინც დაიწყებენ ლაპარაკს, რადგან ოთარის შვილია, შემდეგ ტურში იმიტომ გადავიდაო. ოთარის შვილობა არ მაკომპლექსებს, მაგრამ უსიამოვნო ისაა, რომ რაც კი გამიკეთებია, ყველას ეგონა, რომ მამაჩემის სახელით ვაკეთებდი. ''იმედზე'' ''ახალ ხმაში'' რომ დავიწყე მუშაობა, ისე ამიყვანეს, სულაც არ იცოდნენ, რომ ოთარის შვილი ვიყავი. ერთ დღეს შემხვდა მამა და დაინტერესდა, რას ვაკეთებდი იქ. სანამ ჩემს უფროსთან არ შევიყვანე, ვერ დავუმტკიცე, რომ ნამდვილად იქ ვმუშაობდი (იცინის). 18 წლის ვარ, პატარ-პატარა კორპორატიულ საღამოებს ვაწყობ, ივენთებს ვგეგმავ. 15 წლიდან საღამოების წაყვანით დავიწყე, მერე ჩამითრია ამ ყველაფერმა.
- მამას ბევრი რამით ჰგავხარ.
- ვფიქრობ, მამას იუმორით ვგავარ, მაგრამ ჩემი მეგობრები მეუბნებიან და მეც ასე ვფიქრობ, რომ ბევრად ვჯობივარ იუმორით (იცინის). მამა ჯიუტია და მეც ასეთივე ვარ, რაღაცას რომ ვიტყვი, აუცილებლად უნდა გავაკეთო. დედას კი მიზანდასახულობით ვგავარ. სულ ცდილობს, დასახულ მიზანს მიაღწიოს. მაქვს ცუდი თვისებებიც, მაგალითად, სიზარმაცე, მაგრამ ამ ბოლო დროს მგონი, ამ თვისების დაძლევა გამომდის.
- ამ სიზარმაცის დაძლევის და გახდომის მიზეზი გოგონა ხომ არ არის?
- შეიძლება… (იღიმის). ვინაობას ვერ გეტყვით, მაგრამ საბავშვო ''ახალი ხმაში'' მონაწილეობდა და იქ გავიცანი, ორწელიწად-ნახევრის წინ. მანამდეც ვიცნობდი სოციალური ქსელით და გარეგნულად ძალიან მომეწონა. გაცნობისას მომხიბლა მისმა ბავშვურობამ. მერე გვქონდა ურთიერთობა, ერთად ვიყავით, მაგრამ ყველაფერი მე გავაფუჭე (იღიმის). არაერთხელ მომცა გამოსწორების შანსი, მაგრამ მაშინ თავში ძალიან მიქროდა, ალბათ, შეყავრეული უფრო პონტის გულისთვის მყავდა, მაგრამ მასთან გატარებულმა დრომ დიდი გრძნობა გამიჩინა და მინდა, რომ ის გაგრძელდეს. ეს ურთიერთობა ჯერ ვერ დავიბრუნე, თუმცა ადრე თუ გვიან, იმედი მაქვს, დავიბრუნებ და ამას ვცდილობ კიდეც. ჩემს შეყვარებულთან ბევრჯერ მივქარე. დღეს რადიკალურად სხვა ადამიანი ვარ, მაგრამ უჭირს იმის დაჯერება, რომ შევიცვალე…
- ''X ფაქტორში'' კიდევ ერთხელ დაინახავს შენს ნიჭიერებას.
- ისედაც იცის. ჩემთვის პოპულარობა პრიორიტეტი არასდროს ყოფილა, კარგი მუსიკის მოსმენა და შესრულება მინდოდა.
- ამ გამოჩენით რისი მიღწევა შეგიძლია?
- ყველაზე მეტად თავის მოწონება ანრისთვის მინდოდა, რადგან მანამდე ვიცნობდი. დარწმუნებული ვიყავი, რომ გარკვეულად სუბიექტური იქნებოდა, მაგრამ ამას თავი აარიდა, რადგან ვფიქრობ, ჩემმა გამოსვლამ ამისი შესაძლებლობა მისცა. ვფიქრობ, ამ კონკურსში მონაწილეობა ხალხის სიყვარულს მომცემს, გარკვეულწილად კი - კრიტიკასაც. ვისურვებდი ჯანსაღ კრიტიკას. ხალხი ვერ ითვალისწინებს, რომ როცა რაიმეს წერენ, ამას ჩვენ ვკითხულობთ და ძალიან გვტკივა გული, შეიძლება, ამის გამო გეგმებიც კი რადიკალურად შევცვალოთ. პირველი გამოსვლიდან ჩემი ერთ-ერთი სუსტი წერტილი წონა იქნება (იღიმის). იქნება მამის ფაქტორზე საუბარიც, რაშიც 100%-ით დარწმუნებული ვარ. მუსიკალურადაც იყო მცირე შეცდომები, მაგრამ ყველაზე დიდ მომღერლებსაც აქვთ ლაივის დროს შეცდომები. საკუთარ თავს თავადაც კრიტიკულად ვუდგები.
- სამომავლოდ რა გეგმები გაქვს?
- ზოგადად, ბიზნესადმინისტრირებაზე ვსწავლობ, სიმღერაც მიზიდავს, ბიზნესიც და ამ ორი სფეროს ერთმანეთთან დაკავშირებას ვცდილობ. სიმღერას აუცილებლად გავაგრძელებ. გერმანიაში ''სუპერსტარის'' კონკურსი მომწონს და ვაპირებ იქ გამგზავრებას და მონაწილეობას. ვუკრავ დრამზე ბენდში ''ფორსმაჟორი'', თემო საჯაიასთან ერთად. ცოტა ხანში გაგვიცნობთ, დიდი დარტყმისთვის ვემზადები.
წყარო: reitingi.ge
- მამას რომ კარგი მუსიკალური გემოვნება აქვს, ეს ყველამ ვიცით. შენ სიმღერა როდის დაიწყე?
- სიმღერა, ვოკალზე სიარული 5 წლიდან დავიწყე. ბევრ კონკურსშიც მიმიღია მონაწილეობა. პატარა რომ ვიყავი, 2-3 წლის, მაგნიტოფონს შევიტანდი ოთახში და კლასიკურ მუსიკაზე ვდირიჟორობდი (იცინის). ჯაზის შეყვარებაში კი მამამ და ბიძამ შეიტანეს დიდი წვლილი, მასმენინებდნენ ''ქაუნთ ბეისის'', დიუკ ელინგტონს, ოსკარ პიტერსონს და ა.შ. არა მხოლოდ ბავშვებისთვის, არამედ მოზრდილებისთვისაც რთულად მოსასმენი მუსიკაა და, სამწუხაროდ, საქართველოში, ზოგადად, ჭირს ამგვარი მუსიკის აღქმა, მაგრამ კლასიკური მუსიკის სიყვარულმა გამიადვილა ჯაზის მიღება. დღეს კი ამ მუსიკალური მიმართულებით ვკაიფობ ყველაზე მეტად, თუმცა ყველა სტილს ვუსმენ.
ძალიან ვარ დაინტერესებული, ვეძებ ახალ ჯაზმუსიკოსებს, მომღერლებს, დრამერებსა და ზოგადად ინსტრუმენტალისტებს. ვცდილობ, ახლებისგან რაღაცები ვისწავლო, ძველები უკვე ძალიან ბევრჯერ მაქვს მოსმენილი. ერთ-ერთი ძალიან საინტერესო მომღერალი აღმოვაჩინე, ნიკი იანოვსკი, დღეს უკვე ცნობილია, მაგრამ ინტერნეტში მოვისმინე ალბათ 4 წლის წინ.
- შენს სიმღერას რომ დავუბრუნდეთ, საესტრადო შესრულებაზე როგორ აისახა ასეთი მრავალფეროვანი მუსიკალური გემოვნება?
- სადაც უნდა წახვიდე, სულ გიწევს სიმღერების შესრულება, რაც ნაკლებად გიყვარს. სუფრასთან კლასიკური ჯაზის შესრულება არავის ესიამოვნება და ყურსაც არ დაგიგდებენ, მაგრამ გიტარას რომ დავიკავებ ხელში და ქალაქურ სიმღერას ვასრულებ, იქაც განსხვავებულად შესრულებას ვცდილობ (იღიმის). ყველაფერს თავისი ადგილი, დრო და გარემო აქვს.
- ''X ფაქტორში'' მონაწილეობა რატომ გადაწყვიტე?
- ბაბუაჩემს, დედაჩემის მამას, სულ უნდოდა, კონკურსში მიმეღო მონაწილეობა. 12 წლის შემდეგ არსად აღარ გამოვჩენილვარ, ''ანა-ბანას'', ''საბავშვო მტრედისა'' და ''ევროვიზიის'' შემდეგ გარკვეული პაუზა მქონდა. ბაბუაჩემი ჩემთვის ყველაზე საყვარელი ადამიანია და ვცდილობ, მას ''გავუსწორო'' (იღიმის). ის 69 წლისაა. საკმაოდ ენერგიული, ყოველდღე ვარჯიშობს კუს ტბაზე, მეც ვცდილობ აყოლას, მაგრამ მიჭირს. სულ მთხოვდა ხოლმე, კარგად ისწავლე, გახდი და ''X ფაქტორში'' მიიღე მონაწილეობაო (იღიმის). ყველა თხოვნა შესრულებულია. პირველი გამოსვლის შემდეგ 11 კილო დავიკელი, სწორი კვებითა და ვარჯიშით. ასევე დაკავებული ვარ კრივით და ცურვით.
- ვინ გიწყობს ხელს?
- დედა ყველანაირად მიწყობს ხელს. დედაჩემი, ეკატერინე არჩვაძე, პელე გოგოა. რაც კი ჩემსა და ჩემს ძმაში დევს, უმეტესობა დედაჩემის დამსახურებაა. ადრე რაღაცები მოხდა, მამა და დედა დაშორდნენ და დედამ თავისი ყველანაირი ენერგია და ძალა ჩვენში ჩადო. მამა უცხოეთში იყო, დედამ თავისი პირადი დაივიწყა, აღარ გათხოვილა და ჩვენ მოგვიძღვნა თავი.
ალბათ, ბანალურ ფრაზას ვიტყვი, მაგრამ დედაჩემი არის ჩემი ძმაკაცი. მას ყველაფერს ვუყვები, იქნება ეს პირადული თუ არაპირადული ამბები. თუნდაც სწავლასთან დაკავშირებით თუ მაქვს პრობლემა, არ ვმალავ და სწორ რჩევებს მაძლევს. რამდენჯერაც დედამ ჭკუა დამარიგა და არ დავუჯერე, იმდენჯერ მოვიტეხე კისერი (იცინის). ყველაზე მეტად ის მიხარია, რომ მე დედის მეგობრებთან ვახლობლობ და ასევეა დედა ჩემს ძმაკაცებთან.
- მამამ როგორ მიიღო შენი კონკურსზე გამოჩენა?
- მას სიურპრიზი გავუკეთე და ერთი დღით ადრე ვუთხარი, რომ ''X ფაქტორში'' გამოვდიოდი. სხვათა შორის, მამა და ბიძა კონკურსებზე გამოსვლას ყოველთვის ეწინააღმდეგებოდნენ. მეც გარკვეულწილად ვეთანხმები. კონკურსზე გამოსვლით თავს მხოლოდ დროის გარკვეულ მონაკვეთში გაიპიარებ, თუმცა შეგიძლია ხალხს თავი გააცნო. სხვათა შორის, ძალიან აზარტული და საინტერესო გამოდგა (იღიმის).
პირველ ტურზე მამა გამომყვა საგულშემატკივროდ. სცენაზე რომ გამოვედი, ანრი ჯოხაძემ მიცნო. მომიკითხა და ჟიურის სხვა წევრებმა იკითხეს, ვინ არისო. ანრიმ უპასუხა, ვისი შვილიც ვარ, მაგრამ მე არ მინდოდა ამის გამჟღავნება. ხომ იცით, მაინც დაიწყებენ ლაპარაკს, რადგან ოთარის შვილია, შემდეგ ტურში იმიტომ გადავიდაო. ოთარის შვილობა არ მაკომპლექსებს, მაგრამ უსიამოვნო ისაა, რომ რაც კი გამიკეთებია, ყველას ეგონა, რომ მამაჩემის სახელით ვაკეთებდი. ''იმედზე'' ''ახალ ხმაში'' რომ დავიწყე მუშაობა, ისე ამიყვანეს, სულაც არ იცოდნენ, რომ ოთარის შვილი ვიყავი. ერთ დღეს შემხვდა მამა და დაინტერესდა, რას ვაკეთებდი იქ. სანამ ჩემს უფროსთან არ შევიყვანე, ვერ დავუმტკიცე, რომ ნამდვილად იქ ვმუშაობდი (იცინის). 18 წლის ვარ, პატარ-პატარა კორპორატიულ საღამოებს ვაწყობ, ივენთებს ვგეგმავ. 15 წლიდან საღამოების წაყვანით დავიწყე, მერე ჩამითრია ამ ყველაფერმა.
- მამას ბევრი რამით ჰგავხარ.
- ვფიქრობ, მამას იუმორით ვგავარ, მაგრამ ჩემი მეგობრები მეუბნებიან და მეც ასე ვფიქრობ, რომ ბევრად ვჯობივარ იუმორით (იცინის). მამა ჯიუტია და მეც ასეთივე ვარ, რაღაცას რომ ვიტყვი, აუცილებლად უნდა გავაკეთო. დედას კი მიზანდასახულობით ვგავარ. სულ ცდილობს, დასახულ მიზანს მიაღწიოს. მაქვს ცუდი თვისებებიც, მაგალითად, სიზარმაცე, მაგრამ ამ ბოლო დროს მგონი, ამ თვისების დაძლევა გამომდის.
- ამ სიზარმაცის დაძლევის და გახდომის მიზეზი გოგონა ხომ არ არის?
- შეიძლება… (იღიმის). ვინაობას ვერ გეტყვით, მაგრამ საბავშვო ''ახალი ხმაში'' მონაწილეობდა და იქ გავიცანი, ორწელიწად-ნახევრის წინ. მანამდეც ვიცნობდი სოციალური ქსელით და გარეგნულად ძალიან მომეწონა. გაცნობისას მომხიბლა მისმა ბავშვურობამ. მერე გვქონდა ურთიერთობა, ერთად ვიყავით, მაგრამ ყველაფერი მე გავაფუჭე (იღიმის). არაერთხელ მომცა გამოსწორების შანსი, მაგრამ მაშინ თავში ძალიან მიქროდა, ალბათ, შეყავრეული უფრო პონტის გულისთვის მყავდა, მაგრამ მასთან გატარებულმა დრომ დიდი გრძნობა გამიჩინა და მინდა, რომ ის გაგრძელდეს. ეს ურთიერთობა ჯერ ვერ დავიბრუნე, თუმცა ადრე თუ გვიან, იმედი მაქვს, დავიბრუნებ და ამას ვცდილობ კიდეც. ჩემს შეყვარებულთან ბევრჯერ მივქარე. დღეს რადიკალურად სხვა ადამიანი ვარ, მაგრამ უჭირს იმის დაჯერება, რომ შევიცვალე…
- ''X ფაქტორში'' კიდევ ერთხელ დაინახავს შენს ნიჭიერებას.
- ისედაც იცის. ჩემთვის პოპულარობა პრიორიტეტი არასდროს ყოფილა, კარგი მუსიკის მოსმენა და შესრულება მინდოდა.
- ამ გამოჩენით რისი მიღწევა შეგიძლია?
- ყველაზე მეტად თავის მოწონება ანრისთვის მინდოდა, რადგან მანამდე ვიცნობდი. დარწმუნებული ვიყავი, რომ გარკვეულად სუბიექტური იქნებოდა, მაგრამ ამას თავი აარიდა, რადგან ვფიქრობ, ჩემმა გამოსვლამ ამისი შესაძლებლობა მისცა. ვფიქრობ, ამ კონკურსში მონაწილეობა ხალხის სიყვარულს მომცემს, გარკვეულწილად კი - კრიტიკასაც. ვისურვებდი ჯანსაღ კრიტიკას. ხალხი ვერ ითვალისწინებს, რომ როცა რაიმეს წერენ, ამას ჩვენ ვკითხულობთ და ძალიან გვტკივა გული, შეიძლება, ამის გამო გეგმებიც კი რადიკალურად შევცვალოთ. პირველი გამოსვლიდან ჩემი ერთ-ერთი სუსტი წერტილი წონა იქნება (იღიმის). იქნება მამის ფაქტორზე საუბარიც, რაშიც 100%-ით დარწმუნებული ვარ. მუსიკალურადაც იყო მცირე შეცდომები, მაგრამ ყველაზე დიდ მომღერლებსაც აქვთ ლაივის დროს შეცდომები. საკუთარ თავს თავადაც კრიტიკულად ვუდგები.
- სამომავლოდ რა გეგმები გაქვს?
- ზოგადად, ბიზნესადმინისტრირებაზე ვსწავლობ, სიმღერაც მიზიდავს, ბიზნესიც და ამ ორი სფეროს ერთმანეთთან დაკავშირებას ვცდილობ. სიმღერას აუცილებლად გავაგრძელებ. გერმანიაში ''სუპერსტარის'' კონკურსი მომწონს და ვაპირებ იქ გამგზავრებას და მონაწილეობას. ვუკრავ დრამზე ბენდში ''ფორსმაჟორი'', თემო საჯაიასთან ერთად. ცოტა ხანში გაგვიცნობთ, დიდი დარტყმისთვის ვემზადები.
წყარო: reitingi.ge
