რამილია ალიევა სირიაში ბავშვების მკვლელობაზე: ''ჩემი მშობლების სახლში ყურანი და ბიბლია ერთად დევს''
1 785 ნახვა
დაახლოებით ერთი თვეა, სოციალური ქსელის საშუალებით სისტემატურად ვრცელდება სირიაში გარდაცვლილი და დასახიჩრებული ბავშვების ფოტოები. იმან, რომ სირიაში ასურელ ქრისტიანებს კლავენ და ბავშვებს თავებს აჭრიან, საზოგადოება შოკში ჩააგდო და აქციაზეც კი გამოიყვანა.
უამრავმა ადამიანმა გამოთქვა ასურელი ბავშვების შვილად აყვანის სურვილი, თუმცა, როგორც შემდეგ გაირკვა, მედიაში ბევრი უზუსტობა გაიპარა. ამას გადაცემა ''2030''ის ჟურნალისტი რამილია ალიევაც ამბობს. მისი თქმით, კონფლიქტი ახალი არ არის და უკვე წლებია მიმდინარეობს, ბავშვების ფოტოებიც ძველია და თან რთულია, იქ პატარა ეთნიკური და რელიგიური კუთვნილებით გამოარჩიო. რამილია მიესალმება საზოგადოების გამოფხიზლებას სირიის კონფლიქტზე, თუმცა ამბობს, რომ ამან საქართველოში, სადაც სხვადასხვა ერი ცხოვრობს, გაუგებრობა და შუღლი არ უნდა გამოიწვიოს.
- საზოგადოებრივი აქტიურობა ძალიან კარგია, მაგრამ რაც შეეხება ასურელების თემას, პირველი საპროტესტო აქცია ამ თემაზე 8 მარტს ჩატარდა, საქართველოში მცხოვრები ასურელების და არასამთავრობო ორგანიზაციების წარმომადგენლების მონაწილეობით. აქციის ძირითადი მოთხოვნა იყო, სირიაში დამთავრდეს ბავშვების მკვლელობები. აქციაზე აღნიშნავდნენ, რომ იქ კვდებიან არა მხოლოდ ასურელი, არამედ ერაყელი, ქურთი ბავშვები. ჩემი პირადი აზრია, რომ ბავშვს რელიგია არ გააჩნია, მისი მკვლელობის მშვიდად მიღება არ შეიძლება და ამ მოვლენებზე მთელმა მსოფლიომ უნდა ამოიღოს ხმა, მაგრამ როდესაც მსგავს თემებს ვაშუქებთ, ძალიან ფრთხილად უნდა ვიყოთ. ეს აქცია მედიასივრცეში ძალიან ზერელედ გაშუქდა. აქამდე მსგავს თემებს საინფორმაციოები მხოლოდ უცხოურ ბლოკში აშუქებდნენ და ცოტა უცნაურია, ახლა რატომ დაიწყო ეს კამპანია. ერთერთ კვირას ''რუსთავი 2''-ზე გავიდა სიუჟეტი სირიაში მომხდარი ამბების შესახებ, რასაც პანკისიდან ახალგაზრდების წასვლა მიაბეს. ამის შემდეგ სოციალურ ქსელში აგორდა კამპანია და ყველამ დაიწყო ამ თემაზე წერა.
- რასაც თან სდევდა დახოცილი ბავშვების ფოტოების გაზიარება.
- თქვენ შეგიძლიათ ნახოთ, რომ ამ ფოტოების დიდი ნაწილი 2013 ან 2014 წელსაა გადაღებული. მათზე დაწერილი კომენტარები საინფორმაციო სააგენტოების და ზოგიერთი ტელევიზიის მხრიდან ქსენოფობიურია, რომ სირიაში კლავენ ქრისტიან ბავშვებს. როგორ ახდენდნენ ამ ბავშვების რელიგიური წარმომავლობის იდენტიფიცირებას? მაგალითად, ერთ-ერთ ფოტოზე გარდაცვლილი ბავშვები თეთრ ზეწარში არიან გახვეული, რაც მუსლიმანური ტრადიციის ნაწილია. ყველას უნდა, მისი სტატია ბევრმა წაიკითხოს და ამიტომ გვაქვს სათაურები, რომ სირიაში მუსლიმები ქრისტიან ბავშვებს კლავენ, მაგრამ ზაფხულში ტყეში შეიძლება ანთებული სიგარეტის გადაგდება? – ეს ხომ ხანძარს გამოიწვევს. დღეს გავიგეთ, რომ პანკისიდან ახალგაზრდები საბრძოლველად მიდიან სირიაში. ჩემი ვარაუდით, ამ თემის ახლა აგორება ვიღაცებს აწყობთ. მრავალეთნიკურ ქვეყნებში შუღლის გაღვივება ვიღაცისთვის ყოველთვის ხელსაყრელია. გაიხსენეთ ცოტა ხნის წინ ღორის თავის მიჭედების ინციდენტი. მთავარია, ჟურნალისტები არ გახდნენ ამ აგორებული კამპანიის ნაწილი.
ჩვენს ქვეყანაში ბევრი რელიგიური და ეთნიკური უმცირესობა ცხოვრობს. მათ ხომ ვერ გავაგდებთ, თანაცხოვრება უნდა ვისწავლოთ. არ აქვს მნიშვნელობა, ვინ არის ხელისუფლებაში და მინისტრს რა ჰქვია, სახელმწიფოებრივი მიდგომა უნდა იყოს ერთნაირი. თუ დღეს ქვეყანაში გვყავს ნახევარი მილიონი ადამიანი, რომელმაც ქართული ენა არ იცის, ჩვენი, სახელმწიფოსი და სახელმწიფოებრივი მიდგომის ბრალია. ვერ შევქმენით ნიადაგი, რომ ჩვენი საზოგადოების წევრები გახდნენ.
- ერთგვარი უფსკრულია გაჩენილი ხალხს შორის?
- მე სულ ბრძოლაში ვიყავი. მამა აზერბაიჯანელი მყავს, დედა – ქართველი. მთელი ბავშვობა მამას ნათესავები ცდილობენ დაამტკიცონ, რომ აზერბაიჯანელები უფრო კარგები არიან, დედას მხარე კი - პირიქით. ამ ბრძოლას ვუყურებდი და იმასაც, რაც დედამ და მამამ გადაიტანეს იმისთვის, რომ ერთად ყოფილიყვნენ. დედას პატივს ვცემ, რომ მამას ენა და ადათწესები ისწავლა. მამას პატივს ვცემ, რომ მიუხედავად ყველაფრისა, დედას გვერდით იყო. მამას ღმერთი ალაჰია, დედას ღმერთი – უფალი, მაგრამ ორივე ერთი ღმერთია და მათ შეძლეს ერთად ცხოვრება. ჩემი მშობლების სახლში ყურანი და ბიბლია ერთად დევს. მე და ჩემი ძმაც ასე გავიზარდეთ. რელიგია ჩემთვის ძალიან პირადია, სულის თავისუფლებაა და ის ენა, რომელზეც ღმერთს ესაუბრები და ეს უნდა აირჩიო. ბედნიერი ვარ, რომ მშობლებს ეს არ დაუძალებიათ ჩემთვის.
- ფოტოების თემას რომ დავუბრუნდეთ, ეს წამების კადრები იყო თუ მსხვერპლი აფეთქებებმა მოიტანა? მართლა ასე სასტიკად აწამებენ ბავშვებს სირიაში?
- შეიარაღებულ დაპირისპირებას ყოველთვის მოსდევს მსხვერპლი. მათი რიცხვი იმდენად დიდია, რომ გაერომ დათვლა შეაჩერა. უამრავი ადამიანი იღუპება აფეთქებების შედეგად. სირიაში ტერორისტებმა დახოცეს 15მდე ბიჭი იმიტომ, რომ ფეხბურთს თამაშობდნენ - რადგან გართობა არასწორად მიაჩნიათ. ჩვენს მეზობლად თურქეთში სუნიტები არიან და ვხედავთ, როგორ აქვთ ფეხბურთი განვითარებული. ტერორისტული ორგანიზაცია – ისლამური სახელმწიფოს იდეალები და პრინციპები არის არაადამიანური, არაჰუმანური და მათი ხერხები იმისთვის, რომ საზოგადოება შეაშინონ, ასეთი სასტიკია. მათთვის არ აქვს მნიშვნელობა შენს რელიგიას, თუ მათ იდეოლოგიას არ ეთანხმები, მტერი ხარ.
- რამილია, ცოტა ხნის წინ აქცია ჩატარდა და ქართველებმა გადაწყვიტეს, რომ ასურელი ბავშვები ეშვილებინათ. სად არიან ახლა ეს ბავშვები?
- მიმდინარე მოვლენების გამო სირიაში მცხოვრები ეთნიკური უმცირესობის წარმომადგენლები სხვადასხვა ქვეყანას სთხოვენ თავშესაფარს. ადგილზე მუშაობს გაერო და სხვადასხვა ორგანიზაცია და ვისაც უნდა ქვეყნის დატოვება, ამაში ხელს უწყობენ. თქვენ შეგიძლიათ ნახოთ, რომ სირიიდან დევნილების უმრავლესობამ უარი განაცხადა საქართველოში თავშესაფრის მიღებაზე, მაგრამ ძალიან მახარებს, რომ ქართველებს აქვთ ბავშვების აყვანის განწყობა. ოჯახში ბავშვის გაზრდა გარკვეულ მორალურ პასუხისმგებლობას ითხოვს და ეს მარტივი არ არის. ამ ბავშვებისთვისაც სერიოზული ტრავმაა, როდესაც სხვა ეთნიკურ გარემოში იზრდებოდნენ და უცებ ხვდებიან სხვა ქვეყანაში. ჩემი მთავარი მესიჯი იყო, რომ იმ ომში არ კვდებიან მხოლოდ ასურელი ბავშვები და თუ ჩვენ ვართ ერთი რელიგიის ბავშვების მიმართ ტოლერანტულები, რატომ არა ვართ მეორის მიმართ?
- ცხოვრობენ სადმე გასაშვილებელი ასურელი ბავშვები?
- საქართველოში უამრავი გასაშვილებელი ბავშვია... ასურელებმა ამ ეტაპზე თავად განაცხადეს საქართველოზე უარი, მაგრამ საერთაშორისო ორგანიზაციებით თუ ჩამოიყვანენ, მთავრობაც ჩაერევა გაშვილების პროცესის გამარტივებაში. ბავშვის აყვანასთან დაკავშირებითY სოციალურ ქსელში ვიდეო გავრცელდა – დაფიქრდი, სანამ აიყვან. რა თქმა უნდა, ბევრი უნდა ვიფიქროთ, რამდენად დიდ პასუხისმგებლობას ვიღებთ, ამ ბავშვების აყვანაზე რომ ვსაუბრობთ. კარგია, მაგრამ თუ არ გამოგვივიდა ასურელი ბავშვების აყვანა გეოგრაფიული მდებარეობიდან გამომდინარე ან სხვა ჩვენზე უკეთ განვითარებულმა ქვეყანამ აიღო ეს პასუხისმგებლობა საკუთარ თავზე და წვლილი ვერ შევიტანეთ, შეგვიძლია, იგივე ჩვენს ქვეყანაში გავაკეთოთ. უამრავი ბავშვია, რომლებსაც ზრუნვა და მშობლიური სახლი სჭირდებათ. კიდევ ვიტყვი, ძალიან კარგია, რომ ერთიანობა, სამოქალაქო პოზიციის გამოხატვა შეგვიძლია, მაგრამ ეს ყველაფერი გულწრფელი უნდა იყოს. ეს არ უნდა კეთდებოდეს იმისთვის, რომ სურათი გადავიღოთ და ''ფეისბუქზე'' დავდოთ, რა კარგი ადამიანი ვარო. შენ თუ არ ხარ ჰუმანური, კარგი ვერ იქნები. ბავშვები არ უნდა გაარჩიო.
წყარო: reitingi.ge
უამრავმა ადამიანმა გამოთქვა ასურელი ბავშვების შვილად აყვანის სურვილი, თუმცა, როგორც შემდეგ გაირკვა, მედიაში ბევრი უზუსტობა გაიპარა. ამას გადაცემა ''2030''ის ჟურნალისტი რამილია ალიევაც ამბობს. მისი თქმით, კონფლიქტი ახალი არ არის და უკვე წლებია მიმდინარეობს, ბავშვების ფოტოებიც ძველია და თან რთულია, იქ პატარა ეთნიკური და რელიგიური კუთვნილებით გამოარჩიო. რამილია მიესალმება საზოგადოების გამოფხიზლებას სირიის კონფლიქტზე, თუმცა ამბობს, რომ ამან საქართველოში, სადაც სხვადასხვა ერი ცხოვრობს, გაუგებრობა და შუღლი არ უნდა გამოიწვიოს.
- საზოგადოებრივი აქტიურობა ძალიან კარგია, მაგრამ რაც შეეხება ასურელების თემას, პირველი საპროტესტო აქცია ამ თემაზე 8 მარტს ჩატარდა, საქართველოში მცხოვრები ასურელების და არასამთავრობო ორგანიზაციების წარმომადგენლების მონაწილეობით. აქციის ძირითადი მოთხოვნა იყო, სირიაში დამთავრდეს ბავშვების მკვლელობები. აქციაზე აღნიშნავდნენ, რომ იქ კვდებიან არა მხოლოდ ასურელი, არამედ ერაყელი, ქურთი ბავშვები. ჩემი პირადი აზრია, რომ ბავშვს რელიგია არ გააჩნია, მისი მკვლელობის მშვიდად მიღება არ შეიძლება და ამ მოვლენებზე მთელმა მსოფლიომ უნდა ამოიღოს ხმა, მაგრამ როდესაც მსგავს თემებს ვაშუქებთ, ძალიან ფრთხილად უნდა ვიყოთ. ეს აქცია მედიასივრცეში ძალიან ზერელედ გაშუქდა. აქამდე მსგავს თემებს საინფორმაციოები მხოლოდ უცხოურ ბლოკში აშუქებდნენ და ცოტა უცნაურია, ახლა რატომ დაიწყო ეს კამპანია. ერთერთ კვირას ''რუსთავი 2''-ზე გავიდა სიუჟეტი სირიაში მომხდარი ამბების შესახებ, რასაც პანკისიდან ახალგაზრდების წასვლა მიაბეს. ამის შემდეგ სოციალურ ქსელში აგორდა კამპანია და ყველამ დაიწყო ამ თემაზე წერა.
- რასაც თან სდევდა დახოცილი ბავშვების ფოტოების გაზიარება.
- თქვენ შეგიძლიათ ნახოთ, რომ ამ ფოტოების დიდი ნაწილი 2013 ან 2014 წელსაა გადაღებული. მათზე დაწერილი კომენტარები საინფორმაციო სააგენტოების და ზოგიერთი ტელევიზიის მხრიდან ქსენოფობიურია, რომ სირიაში კლავენ ქრისტიან ბავშვებს. როგორ ახდენდნენ ამ ბავშვების რელიგიური წარმომავლობის იდენტიფიცირებას? მაგალითად, ერთ-ერთ ფოტოზე გარდაცვლილი ბავშვები თეთრ ზეწარში არიან გახვეული, რაც მუსლიმანური ტრადიციის ნაწილია. ყველას უნდა, მისი სტატია ბევრმა წაიკითხოს და ამიტომ გვაქვს სათაურები, რომ სირიაში მუსლიმები ქრისტიან ბავშვებს კლავენ, მაგრამ ზაფხულში ტყეში შეიძლება ანთებული სიგარეტის გადაგდება? – ეს ხომ ხანძარს გამოიწვევს. დღეს გავიგეთ, რომ პანკისიდან ახალგაზრდები საბრძოლველად მიდიან სირიაში. ჩემი ვარაუდით, ამ თემის ახლა აგორება ვიღაცებს აწყობთ. მრავალეთნიკურ ქვეყნებში შუღლის გაღვივება ვიღაცისთვის ყოველთვის ხელსაყრელია. გაიხსენეთ ცოტა ხნის წინ ღორის თავის მიჭედების ინციდენტი. მთავარია, ჟურნალისტები არ გახდნენ ამ აგორებული კამპანიის ნაწილი.
ჩვენს ქვეყანაში ბევრი რელიგიური და ეთნიკური უმცირესობა ცხოვრობს. მათ ხომ ვერ გავაგდებთ, თანაცხოვრება უნდა ვისწავლოთ. არ აქვს მნიშვნელობა, ვინ არის ხელისუფლებაში და მინისტრს რა ჰქვია, სახელმწიფოებრივი მიდგომა უნდა იყოს ერთნაირი. თუ დღეს ქვეყანაში გვყავს ნახევარი მილიონი ადამიანი, რომელმაც ქართული ენა არ იცის, ჩვენი, სახელმწიფოსი და სახელმწიფოებრივი მიდგომის ბრალია. ვერ შევქმენით ნიადაგი, რომ ჩვენი საზოგადოების წევრები გახდნენ.
- ერთგვარი უფსკრულია გაჩენილი ხალხს შორის?
- მე სულ ბრძოლაში ვიყავი. მამა აზერბაიჯანელი მყავს, დედა – ქართველი. მთელი ბავშვობა მამას ნათესავები ცდილობენ დაამტკიცონ, რომ აზერბაიჯანელები უფრო კარგები არიან, დედას მხარე კი - პირიქით. ამ ბრძოლას ვუყურებდი და იმასაც, რაც დედამ და მამამ გადაიტანეს იმისთვის, რომ ერთად ყოფილიყვნენ. დედას პატივს ვცემ, რომ მამას ენა და ადათწესები ისწავლა. მამას პატივს ვცემ, რომ მიუხედავად ყველაფრისა, დედას გვერდით იყო. მამას ღმერთი ალაჰია, დედას ღმერთი – უფალი, მაგრამ ორივე ერთი ღმერთია და მათ შეძლეს ერთად ცხოვრება. ჩემი მშობლების სახლში ყურანი და ბიბლია ერთად დევს. მე და ჩემი ძმაც ასე გავიზარდეთ. რელიგია ჩემთვის ძალიან პირადია, სულის თავისუფლებაა და ის ენა, რომელზეც ღმერთს ესაუბრები და ეს უნდა აირჩიო. ბედნიერი ვარ, რომ მშობლებს ეს არ დაუძალებიათ ჩემთვის.
- ფოტოების თემას რომ დავუბრუნდეთ, ეს წამების კადრები იყო თუ მსხვერპლი აფეთქებებმა მოიტანა? მართლა ასე სასტიკად აწამებენ ბავშვებს სირიაში?
- შეიარაღებულ დაპირისპირებას ყოველთვის მოსდევს მსხვერპლი. მათი რიცხვი იმდენად დიდია, რომ გაერომ დათვლა შეაჩერა. უამრავი ადამიანი იღუპება აფეთქებების შედეგად. სირიაში ტერორისტებმა დახოცეს 15მდე ბიჭი იმიტომ, რომ ფეხბურთს თამაშობდნენ - რადგან გართობა არასწორად მიაჩნიათ. ჩვენს მეზობლად თურქეთში სუნიტები არიან და ვხედავთ, როგორ აქვთ ფეხბურთი განვითარებული. ტერორისტული ორგანიზაცია – ისლამური სახელმწიფოს იდეალები და პრინციპები არის არაადამიანური, არაჰუმანური და მათი ხერხები იმისთვის, რომ საზოგადოება შეაშინონ, ასეთი სასტიკია. მათთვის არ აქვს მნიშვნელობა შენს რელიგიას, თუ მათ იდეოლოგიას არ ეთანხმები, მტერი ხარ.
- რამილია, ცოტა ხნის წინ აქცია ჩატარდა და ქართველებმა გადაწყვიტეს, რომ ასურელი ბავშვები ეშვილებინათ. სად არიან ახლა ეს ბავშვები?
- მიმდინარე მოვლენების გამო სირიაში მცხოვრები ეთნიკური უმცირესობის წარმომადგენლები სხვადასხვა ქვეყანას სთხოვენ თავშესაფარს. ადგილზე მუშაობს გაერო და სხვადასხვა ორგანიზაცია და ვისაც უნდა ქვეყნის დატოვება, ამაში ხელს უწყობენ. თქვენ შეგიძლიათ ნახოთ, რომ სირიიდან დევნილების უმრავლესობამ უარი განაცხადა საქართველოში თავშესაფრის მიღებაზე, მაგრამ ძალიან მახარებს, რომ ქართველებს აქვთ ბავშვების აყვანის განწყობა. ოჯახში ბავშვის გაზრდა გარკვეულ მორალურ პასუხისმგებლობას ითხოვს და ეს მარტივი არ არის. ამ ბავშვებისთვისაც სერიოზული ტრავმაა, როდესაც სხვა ეთნიკურ გარემოში იზრდებოდნენ და უცებ ხვდებიან სხვა ქვეყანაში. ჩემი მთავარი მესიჯი იყო, რომ იმ ომში არ კვდებიან მხოლოდ ასურელი ბავშვები და თუ ჩვენ ვართ ერთი რელიგიის ბავშვების მიმართ ტოლერანტულები, რატომ არა ვართ მეორის მიმართ?
- ცხოვრობენ სადმე გასაშვილებელი ასურელი ბავშვები?
- საქართველოში უამრავი გასაშვილებელი ბავშვია... ასურელებმა ამ ეტაპზე თავად განაცხადეს საქართველოზე უარი, მაგრამ საერთაშორისო ორგანიზაციებით თუ ჩამოიყვანენ, მთავრობაც ჩაერევა გაშვილების პროცესის გამარტივებაში. ბავშვის აყვანასთან დაკავშირებითY სოციალურ ქსელში ვიდეო გავრცელდა – დაფიქრდი, სანამ აიყვან. რა თქმა უნდა, ბევრი უნდა ვიფიქროთ, რამდენად დიდ პასუხისმგებლობას ვიღებთ, ამ ბავშვების აყვანაზე რომ ვსაუბრობთ. კარგია, მაგრამ თუ არ გამოგვივიდა ასურელი ბავშვების აყვანა გეოგრაფიული მდებარეობიდან გამომდინარე ან სხვა ჩვენზე უკეთ განვითარებულმა ქვეყანამ აიღო ეს პასუხისმგებლობა საკუთარ თავზე და წვლილი ვერ შევიტანეთ, შეგვიძლია, იგივე ჩვენს ქვეყანაში გავაკეთოთ. უამრავი ბავშვია, რომლებსაც ზრუნვა და მშობლიური სახლი სჭირდებათ. კიდევ ვიტყვი, ძალიან კარგია, რომ ერთიანობა, სამოქალაქო პოზიციის გამოხატვა შეგვიძლია, მაგრამ ეს ყველაფერი გულწრფელი უნდა იყოს. ეს არ უნდა კეთდებოდეს იმისთვის, რომ სურათი გადავიღოთ და ''ფეისბუქზე'' დავდოთ, რა კარგი ადამიანი ვარო. შენ თუ არ ხარ ჰუმანური, კარგი ვერ იქნები. ბავშვები არ უნდა გაარჩიო.
წყარო: reitingi.ge
